Muqdisho (SNTV), Wiilashaan oo naafo ka ah Aragga oo deeq waxbarasho ka helay mid ka mid ah iskuulada waxbarasho ee loogu talagalay dadka Aragga la’a ee ku yaala magaalada Durban ee dalka Koonfur Africa ayaa Xalay saqdii dhaxe waxaa ay soo gaareen magaalada Johannesburg.

Qaar ka mid ah dhalinyarada Soomaalida ee ku nool magaalada Johannesburg,madaxda Jaaliyada iyo waliba Masuuliyiin ka socday safaarada Soomaaliya ay ku leedahay dalka Koonfur Afrika ayaa garoonka diyaaradaha ee magaalada johannesburg kusoo dhaweeyay dhalinyaradaani.

Abiikar Xuseen Bashiir oo ka mid ah maamulka iskuulka dadka aragga la’a ee Al Basiir oo ku yaala magaalada Muqdisho ee caasimada dalka Soomaaliya oo warbaahinta qaranka kula hadlay  gudaha garoonka diyaarada ah ayaa sheegay in dhalinyaradaan ay fursado waxbarasho ay ka haleen dugsiga Al-Nuur ee ku yaala magaalada Durban, arrintaasna ay gacan ay ka siisay wasaarada waxbarashada Soomaaliya.

Maxamed Cabdulaahi Axmed, Maxamed Muktaar  iyo Cabaas Maxamed oo ah dhalinyarada fursadaan waxbarasho ka helay dalkaan Koonfur Afrika oo warbaahinta qaranka ay dareenkooda wax ka weydiisay ayaa sheegay in ay aad ugu faraxsan yihiin isla markaana ay rajeynayaan in heer ay ka gaaraan waxbarashada si bulshada la mid ah ay wax ugu qabtaan

Waa ardaydii ugu horeysay ee deeq waxbarasho ku yimaadda gudaha dalkaan Koonfur Afrika waxaana la filayaa in ay yimaadaan bilaha soo socda arday kale oo heer jamacadeed ah kuwaasi deeq waxbarasho ku helay sida uu warbaahinta qaranka u sheegay Cabdi Xalane Xirsi u qaabilsanaha safaarada dhanka waxbarashada.

Dawladaha Soomaaliya iyo Sudan ayaa sare u qaadaya iskaashiga dhinaca waxbarashada ah ee ka dhexeeya, waxaana maanta Muqdisho soo gaaray wafdi ka socda wasaaradda waxbarashada Sudan.

Wafdiga ka socday wasaaradda waxbarshada iyo tacliinta sare ee dalka Sudan waxaa hogaaminayay agaasimaha guud ee wasaaradaas Dr Daariq Maxamed Nuur, waxaana garoonka diyaaradaha Muqdisho ku soo dhaweeyey mas’uuliyiinta wasaaradda waxbarashada Soomaaliya.

Ujeedada socdaalka wafdiga ayaa ah qiimaynta heshiisyada horumarinta waxbarashada ee Sudan iyo Soomaaliya ay hore u gaareen sida ay u dhaqan galeen iyo xoojinta calaaqaadka dhinaca waxbarashada ah eek a dhexeeya labada wadan, sida uu sheegay agaasimaha guud ee wasaaradda waxbarashada dawladda Soomaaliya Mudane Xasan Maxamed Cali

Xaruntaan wasaaradda waxbrashada hidaha iyo tacliint sare ay lahyd ayaa waxaa degnaan jiray masuuliyiinta ugu sarraysa wasaaradda waxbarshada, waxaana muddo ka badan 25-sano daganaa dad shacab ah, waxaana ay ku talaa xaafadda Taleex ee degmada Hodan Gobolka Banaaadir.

Maamulka degmada Hodan ayaa ku guuleystay in ka saaraan dadkii degeenaa halkaasi  iyadoo maanta uu gudoomiyaha degmadaas Maxanmed Axmed Cantoobo uu ku wareejiyay wasaaraadda waxbarshada dalka.

Shacabkii degeenadaa  ayaa uga baxay si sharuud la’aan ah, waxaana arrintaasi ka mahad celiyay wasiirka waxbarshada hidaha iyo tacliinta sare mudane C/raxmaan Daahir Cismaan.

Dowlaada Soomaaliya iyo Maamulka Gobolka Banaadir ayaa ku howlan in ay dib usoo celiyaan xarumahii danta Guud, kuwaas oo lagu qaban jiray adeegayada ay u baahan yihiin bulshada qeybaheeda kala duwan.