Gudoomiyaha gobolka Banaadir oo dhagax dhigay xarunta dabdamiska Degmada Hodon

0
252

Gudoomiyaha gobolka Benaadir ahna duqa Magaalada Muqdisho mudane Cabdiraxmaan Cumar Cusmaan ( Eng: Yariisow) ayaa dhagax dhigay xarunta  dabdamiska iyo gurmadka Deg deg ah oo laga hirgaliyay degmada Hodan gaar ahaan Waaxda Xaawo Taako xaruntaasi oo loogu adeegi doono degmooyinka xiga qeybta waliyoo cade sida Hodan’ Waabari, Howl Wadaag iyo Xamar Jajab’

Dhagax dhiga kadib ayaa Gudoomiyaha Degmada Hodan ee gobolka Benaadir Maxamed Axmed Cantoobe waxa uu la hadlay warfidiyeenada.

Degmada Hodan oo noqoneysa degmadii ugu horeysay ee mash ruucan laga fuliyay ayaa Gudoomiyaha gobolka Benaadir ahna duqa Magaalada Muqdisho mudane Cabdiraxmaan Cumar Cusmaan ( Eng: Yariisow) waxa uu sheegay in dhamaan qeybaha degmooyinka laga hirgalin doono.

Dhanka kale Duqa Magaalada Muqdisho Guddoomiye kuxigeenka Maamulka iyo maaliyadda iyo Gudoomiyaha degmada Hodan ayaa kormeeray dhismaha wadada iskuxirta Isgoosyada Dabka iyo Bakaaraha oo meel wanaagsan mareysa dhisamaha laami saarida ah ee wadadani oo in muda ah bur bursaneed islamarkaana ay marideeda dhibaatooyin kale ku qabeen bulshada iyo gaadiidka.

Gudoomiyaha gobolka Benaadir ahna duqa Magaalada Muqdisho mudane Cabdiraxmaan Cumar Cusmaan ( Eng: Yariisow) ayaa kormeerka kadib waxa uu ugu baaqay bulshada Soomaaliyeed in ay kaalin ka qaatan dib-udhiska Caasimada iyo soo celinta bilicda Magaalada.