Muqdisho, May 20, 2018––Ra’iisul Wasaare Ku-xigeenka xukuumadda Federaalka Soomaaliya, Mudane Mahdi Maxamed Guuleed (Khadar), ayaa maanta shir-gudoomiyay kulan ay Muqdisho ku yeesheen Guddiga Qaran ee Gurmadka Fatahaadaha iyo Beesha caalamka kaas oo looga hadlay sidii loo dar-dar gelin lahaa howlaha gurmadka ee lagu badbaadinayo dadka ay saameeyeen fatahaaduhu.

Kulanka waxaa goob joog ka ahaa wasiirka arimaha gudaha oo xubin ka ah guddiga qaran ee gurmadka fatahaadaha, xubna ka socda Qaramada midoobay, safiirka Ingiriiska ee Soomaaliya, isku dubba Ridaha gargaarka Soomaaliya, ururada Caalamiga ah ee aan dowliga aheyn iyo masuuliyiin ka socota maamul Gobaleedyada.

“Saaka waxaa noo qabsoomay shir heer sare ah oo ay isugu yimaadeen Guddiga Qaran ee Gurmadka Fatahaadaha, bulshada rayidka ah iyo Beesha caalamka. Waxaa looga hadlay sidii loo sii wadi halaa howlaha ay guddigu hayaan. Guul ayuu kusoo dhamaaday”, ayuu yiri Ra’iisul wasaare kuxigeenku.

Shirka oo lagu soo bandhigay dhibaatooyinka ay fatahaaduhu geesteen iyo deegaannada ugu daran ee ay waxyeeleeyeen ayaa intii uu socday waxaa leesta gartay in ay muhiim tahay in la sameeyo qorsha looga hor tegayo soo noqnoqshada dhibaatooyinka nuucaan oo kale ah

Johannesburg(SNTV);– Deeqdaan raashinka ah ee la siinayay dadka danyarta ah oo isugu jiray Soomaali iyo ajaanib  kale oo muslimiin ah ayaa waxaa bixineysay safaarada Soomaaliya ay ku leedahay dalka Koonfur Africa waxaana loogu talagalay inay u kaashadaan afurka iyo suxuurta inta lagu guda jiro Bisha Barakeysan ee Ramadaan.

Barnaamijkaan lagu caawinayo dadka danyarta ah ee bixineyso Safaarada Soomaaliya ay ku leedahay dalka Koonfur Afrika,ayaa waxaa goob joog ka ahaa Safiirka Soomaaliya u fadhiya dalka Koonfur Africa Danjire Jamaal Maxamed Barrow iyo Madaxa Amuuraha diinta iyo awqaafta Sheikh Shariif Xamsa, waxaana deeqdaan ka faa’iideystay ku dhawaad shan boqol oo ruux oo ka mid ah dadka danyarta ah ee ku nool magaalada Johannesburg iyo Nawaaxigeeda.

Madaxa Majmaca Culimada Soomaaliyeed ee Dalkaan Koonfur Africa Sheikh Cabdi Xakiim Ismaaciil ayaa safaarada kaga mahad celiyay gargaarkaan lagu caawinayo dadka danyarta ah ee u baahan caawinaada gaarka ah.

Sheikh Shariif Xamsa oo ah madaxa Amuuraha diinta iyo awqaafta ee Safaarada Soomaaliya ku leedahay Dalkaan Koonfur Afrika ayaa ugu baaqay bulshada Soomaaliyeed in ay is caawiyaan maadaama lagu jiro bil barakeysan.

Safiirka Dowlada Soomaaliya u fadhiya dalkaan Koonfur Afrika danjire Jamaal Maxamed Barrow ayaa sheegay in inta lagu guda jiro bisha Barakeysan ee Ramadaan.

Muqdisho-(SNTV)-Wasiirka arrimaha dibedda Soomaaliya  Axmed Ciise Cawad ayaa sheegay inuusan jirin wada xaajood ay Kenya kala yeelatay Dowladda Soomaaliya dacwadda Badda ee horay loo geeyey Maxkamadda caalamigaah ee Hegue.

Amb; Cawad ayaa xaqiijiyey inaanu jirin wax wada hadal rasmi ah oo Kenya iyo Soomaaliya ay ka yeesheen in waddo aan Maxkamadda Hegue ahayn lagu xalliyo khilaafka Soohdinta Badda ee Labada Dal ka dhexeeya.

“Kiiska dacwadda Badda ee inaga dhexeeya Kenya, waxa uu inoo joogaa
maxkamadda caalamiga ah ee Hegue, waxaan idiin xaqiijinayaa inaanu
jirin wax intaas ka baddalan oo Kenya na dhex maray, ingoo ixtiraamayna darisnimada naga dhaxaysa” ayuu yiri Mudane Cawad.

Hadalka wasiirka arrimaha dibedda Soomaaliya ayaa jawaab u ah wasiirka arrimaha dibadda Kenya Monica Juma, oo todobaadkan sheegtay inay jiraan wadahal ay madaxda Soomaaliya kala yeesheen arrimaha muranka Badda.

Muqdisho(SNTV):–Ra’iisul wasaare ku-xigeenka Xukuumadda Federaalka Soomaaliya Mudane Mahdi Maxamed Guuleed ayaa goor-dhow Dalka dib ugu soo laabtay kadib markii uu ka soo qeyb-galay shirkii Wadamada Islaamka ee looga hadlay Arrimaha Falastiin kaa soo ka dhacay Dalka Turkiga.

Mudane Mahdi Maxamed Guuleed iyo wafdigii uu hogaaminayay ee halkaasi ugu qaybgalay shirka wadamada Islaamka ayaa kulan la qaatay intii halkaasi ay joogeen madax ka tirsan dowladda Turkiga.

Ra’iisul Wasaare ku-xugeenka Mudane Mahdi ayaa ka lulmay dhigiisa dalka Turkiga, waxaana ay ka wada hadleen heshiisyada dhinacyada ganacsiga iyo iskaashiga horumarinta kaabayaasha, Islamarkaana loo fulin lahaa heshiisyo dhawr iyo toban gaaraya oo la xiriira dhinaca horumarka.

Sidoo kale kulanka labada Mas’uul ayaa looga hadlay sidii ganacsatada Soomaaliyeed ay uga faa’iidaysan lahaayeen Suuqyada Turkiga, si badeecooyinkooda ay u gaarsiiyaan suuqyada Yurub.

Muqdisho(SNTV):–Wasiirka Waxbarashada Soomaaliya ayaa sheegay in la baajiyey Imtixaannaadkii Shahaadiga ee shalay ka bilowdey dalka  sababa la xiriira Roobab xooggan oo ka da’aya caasimadda gobollada dalka qaarkood.

C/raxmaan Daahir Cusmaan Wasiirka Waxbarashada Soomaaliya ayaa yiri “Roobab aad u xooggan baa ka bilowdey magaalada Muqdisho xalay iyo saakana ka da’aya kuwaas oo saameeyey dhammaan dhaq-dhaqaaqii magaalada, sidaa darteedna suurogal ma ahan in la sii wado Imtixaannaadkii Shahaadiga ee dalka ka bilowdey, balse dib ayeey u billaaban doonaan haddii ay xaaladda Roobabka yaraadaan”.

Roobabkaan ayaa lagu soo warramayaa in ay ka da’ayaan Dhulka Soomaalida oo dhan iyo waddamada darista  qaar sida Jabuuti Kenya iyo Itoobiya, waana sababa isbaddelka Cimilada ku aaddan.

Duufaanno ku dhufta Xeebaha Soomaaliya ayaa laga digayey maalmahan oo dhan, welina waxaa taagan walaaca laga qabo arrintaas.