Search
Subscribe
Home Blog Page 1211

Garoonka weyn US Banka Stadium ee Magaalada Minneapolis oo markii ugu horreysay Muslimiintu ku dukadaan Salaadda Ciidul-adxaa.

SNTV
-
0
Garoonka weyn US Banka Stadium ee Magaalada Minneapolis oo markii ugu horreysay Muslimiintu ku dukadaan Salaadda Ciidul-adxaa.

Minneopolis (SNTV)–Garoonka weyn US Banka Stadium  ee dhaca bartamaha magaalada Minneapolis ee Gobolka Minnesota oo ay Somalidu u badan tahay ayaa taariikhda Markii ugu horraysay Muslimiinta Ku nool Gobolka Gudaha garoonka ku oogay Salaadd Ciidul Adxa.

Muslimiinta Gobolka Minnesota ee soo xaadiray oo koox koox u galiyey Gudaha garoonka ayaa lagu qiyaasay 25 kun,iyagoo dhammaan wajiyadooda laga dareemayey farxad iyo rayn rayn.

Qaar ka mid ah Culumada Masaajidada Gobolka Minnesota ayaa wakhti badan galiyey in ay kulmiyaan inta badan Muslimiinta Gobolka Minnesota,isla markaas-na hal goob lagu wada tukado ,iyagoo sheegay in ay dirayaan fariin ku socota kuwa ku bahoobay Muslim nacaybka.

Xoghaya Safaaradda Soomaaliya ku leedahay Magaalada Washington Mudane Cabdirahmaan Bashiir ayaa soo gaarsiiyey dhabmbaal  Salaan ah uu ka  siday Madaxda Soomaaliyeed,wuxuuna ugu baaqay Soomaalda gobolkaan in ay gacmaha isma qabsadaan.

Xildhibaanadda Aqalka Wakiilada ee Gobolka Minnesota ee dalkan Mareykanka Ilhaan Cumar iyo Gudoomiyaha Degmada lixaad ee Magaalada Minneapolis  Mudane Cabdi Warsame oo la hadlay warbaahinta qaranka,ayaa ku tilmaamay in ay meel kuwada tukadaan dadka Muslimiinta ah gaar ahaan Soomaalida  guul u soo hoyatay.

Wariyaha Warbaahinta Qaranka uga soo warama Minnesota ee Dalka Maraykanka Cabdixakiim Cabdi Ismaciil ayaa sheegay in goobtaasi lagu oogay Salaadda Ciidul-adxaa ay aheyd mid ay ka muuqatay rayrayn iyo farxad aan la soo koobi karin waayo waxay aheyd markii ugu horreysay ay Muslimiinta Magaalada ku nool ku wada dukadaan hal meel, taasoo muujineysa isku duubnaanta Muslimiinta.

Mareykanka oo xubno sare ka dilay Al-shabaab

SNTV
-
0
Mareykanka oo xubno sare ka dilay Al-shabaab

Taliska ciidammada Mareykanka ee AFRICOM ayaa sheegay in ay dileen laba xubnood oo muhiim u ahaa Al-shababaab kaddib duqeyn ay diyaaradaha Mareykanka fuliyeen gobolka Jubbada Hoose.

War laga soo saaray taliska ciidanka Mareykanka Africa ee AFRICOM ayaa lagu sheegay in weerar la qorsheeyey ay fuliyeen diyaaradaha aan duuliyaha lahayn ee Mareykanka meel 44km duleedka bari ka xigta magaalada Kismaayo ee xarunta gobolka Jubbada Hoose.

“Weerarka waxa uu bartilmaameedsanayey laga horjeegeyaal sare ka ahaa Kooxda argagixisada ah ee Al-shabaab, waxaan ku guuleysannahay in labadaa xubnood ay dhintaan, isla markaana la waxyeelleeyo malleeshiyaad badan oo ku sugnaa goobta ay duqeynta ka dhacdey” ayaa lagu yiri warka ka soo baxay taliska AFRICOM.

AFRICOM ma sheegin magacyada labada  horjooge ee ay ka dileen Al-shabaab,  ciidammada Mareykanka iyo kuwa Soomaaliya ayaa wadajir isaga kaashada weerarrada gaarka ah ee lagu dilo horjoogeyaasha sare ee Argagixsada Al-shabaab.

Dhammaadkii Bishii June  ciidammada Amniga Soomaaliya ayaa ku guuleystay in ay  dilaan horjoogeyaal halka kuwa kalena ay dhaawac culus gaarsiiyeen, kaddib markii ay qaadeen howlgal loogu magac daray Howlgalka Haddiyadda Xorriyadda.

 

 

 

Madaxweyne Farmaajo oo ka qeyb galay janaasada askari ku shahiiday howlgallada ciidanka ee ka socda Shabeelada Hoose

SNTV
-
0
Madaxweyne Farmaajo oo ka qeyb galay janaasada askari ku shahiiday howlgallada ciidanka ee ka socda Shabeelada Hoose

Muqdisho (SNTV)- Madaxweynaha Jamhuuriyadda Federaalka Soomaaliya Mudane Maxamed Cabdullaahi Farmaajo ayaa ka qeyb galay janaasada Alle ha u naxariistee Cabdullaahi Macalin Ibraahim.

Marxuumka ayaa ka tirsanaa Guutada 14-ka Oktoobar ee Ciidanka Xoogga Dalka, waxa uuna ku shahiiday howlgal ciidanku ay ka fuliyeen degaanno ka tirsan degmada Marka ee Gobolka Shabeelada Hoose.

Madaxweynaha ayaa Alle uga baryey shahiidkan in uu abaalkiisa ka yeelo jannada, qoyskiisa, iyo Dowladda Soomaaliyeedna uu samir iyo iimaan ka siiyo.

Madaxweyne Farmaajo ayaa ku booqday hooygooda magaalada Muqdisho, waalidiinta uu ka tagay Alle ha u naxariistee shahiid Cabdullaahi Macalin Ibraahim.

Madaxweyne Waare oo la dukaday bulshada Jowhar

SNTV
-
0
Madaxweyne Waare oo la dukaday bulshada Jowhar

Jowhar(SNTV):–Madaxweynaha Dowladda Goboleedka Hirshabelle Mudane Maxamed Cabdi Waare ayaa saaka subaxnimadii  La tukaday salaada ciidul Adxaa shacabka ku dhaqan caasimada Dawladda Hirshabelle ee Magaalada Jowhar.

Salaada Ciida ayaa lagu dukaday Masaajidka Carabta Xaafadda Horseed Ee Magaalada Jowhar, waxaana Madaxweynaha ku wehlinayay Gudashada Waajibaadka Salaada  Madaxweyne kuxigeenka Hirshabelle Mudane Cali Cabdullaahi Xuseen Guudlaawe, Guddomiyaha Baarlamaanka Hirshabelle Sheekh Cismaan Barre iyo kuxigeenkiisa, masuuliyiin ka tirsan goloyaasha dawladda Hirshabelle saraakiisha ciidamada, saraakiil ka tirsan Madaxtooyada, nabadoono, waxgarad, siyaasiyiin, aqoon yahano, Culumo iyo shacab weynaha Magaalada Caasimada Ah Ee Jowhar.

Madaxweynaha Hirshabelle Mudane Maxamed Cabdi Waare  ayaa Salaada Kaddib Hadal kooban uu jeediyay Ugu hanbalyeeyay ummada Soomaaliyeed iyo shacabka reer Hirshabelle meelkastay joogaan munaasibada ciidul adxaa darteed, waxaana uu madaxweynihu sheegay in Hirshabelle ka jirto nabad gelyo loona baahanyahay in la iska kaashado xoojinta Dowladnimada, waxaana uu ku dheeraaday ka sheekeynta ficilada guracan ee kooxda Dhagarta badan ee Al Shabaab.

“ Waxaan rabaa in aan hambalyada ciida u diro shacab weynaha Soomaaliyeed gaar ahaan shacabka reer Hirshabelle farxad iyo wanaag ku ciida, waxaan Iyana si gaar ah ugu mahadnaqayaa ciidamada qalabka sida ee qaar ay dhufaysyada ugu jiraan in ay naga difaaacaan cadowga shar wadayaasha Al shabaab i, si gaar ah Ayaan ugu mahadcelinayaa si gaar ah ayaan ugu hambalyeynayaa iyaga xaasaskooda iyo caruurtooda.

Mudane Maxamed Cabdi Waare oo sii hadlay ayaa hambalyo u diray Ciidamada Jibuuti ee Hiil Walaal kuwaa oo naftooda u huraya Umadda Soomaaliyeed islamarkaana ka howlgala Deegaannada Hirshabelle, waxaana uu ka sheekeeyay doorka walaalitinimada Leh ee Walaalaha Jibuuti hambalyo Reer Jibuuti Hambalyo Ciidamada Hiil Walaal Ayuu Hadalkiisa ku soo gaba gabeeyay Madaxweyne Waare.

Madaxweynaha oo farxadda ciidda la qaybsaday cutubyo ka tirsan Ciidanka Xoogga Dalka

SNTV
-
0
Madaxweynaha oo farxadda ciidda la qaybsaday cutubyo ka tirsan Ciidanka Xoogga Dalka

Muqdisho, August 21, 2018: Madaxweynaha Jamhuuriyadda Federaalka Soomaaliya Mudane Maxamed Cabdullaahi Farmaajo ayaa maanta farxadda munaasabadda ciidda la qaatay Guutada 14ka Oktoobar ee Ciidanka Xoogga Dalka Soomaaliyeed, isaga oo salaadda ciidda kula tukaday Dugisga Tabobarka ee Janaraal Goordan.

Salaaddii ciidda keddib, Madaxweynuhu waxa uu u kuurgalay xaaladda dugsiga, isaga oo kormeeray hawlaha tabobarka ciidamada ee ka socda, halkaas oo uu warbixinno kaga dhagaystay saraakiisha tabobarka iyo maamulka dugsiga.

Madaxweyne Farmaajo ayaa inta uu ku sugnaa Janaraal Goordan waxa uu sidoo kale ka qayb galay xaflad lagu dhiirrigelinayo Ciidanka Xoogga Dalka ee ku sugan halkaas. Xafladda waxa ka soo qayb galay cutubyo ka tirsan Guutada 14-ka Oktoobar, Taliyeyaal, Taliye Xigeenno iyo saraakiil ka tirsan Ciidanka Xoogga Dalka Soomaaliyeed.

Munaasabaddu intii ay socotay waxa goobta lagu soo bandhigay suugaan iyo ruwaayado lagu dhiirrigelinayo Ciidanka Xoogga Dalka oo ay soo bandhigtay kooxda Horseed ee CXDS.

Gebogabadii waxaa goobta ka hadlay Ku-simaha Taliyaha Ciidanka Xoogga Dalka Janaraal Cabduwali Jaamac Gorod oo Madaxweynaha uga warxbiyey dadaallada lagu horumarinayo dhismaha Ciidanka Xoogga Dalka Soomaaliyeed.

Madaxweynuhu waxa uu ciidanka ugu hambalyeeyey munaasabadda Ciidul Adxaa, isaga oo si faahfaahsan uga hadlay muhiimadda uu ciidanku u leeyahay dib u soo noolaynta dawladnimada Soomaaliya.

Madaxweynuhu waxa uu xusay in kooxaha argagaxisada ahi ay yihiin shisheeye ku soo duulay Soomaaliya oo u taagan gumeynta iyo gumaysiga shacabka Soomaaliyeed, iyaga oo ugu soo gabbanaya diinta Islaamka.

Dhanka kale, Madaxweyne Maxamed Cabdullaahi Farmaajo ayaa ka qayb galay salaadda janaasada ee askari ka tirsanaa Guutada 14ka Oktoobar oo ku shahiiday hawlgalladii ay Ciidamada Xoogga Dalka kaga sifeeyeen kooxaha argagixisada ah deegaanno hoos yimaada Degmada Marka ee Gobolka Shabeellaha Hoose.

DHAMMAAD

Duqa Muqdisho oo ku baaqay in munaasabadda ciidda farxadda la deeqsiiyo dadka danyarta ah

SNTV
-
0
Duqa Muqdisho oo ku baaqay in munaasabadda ciidda farxadda la deeqsiiyo dadka danyarta ah

Muqdisho(SNTV): – Duqa Muqdisho, ahna Guddoomiyaha Gobolka Banaadir Mudane Cabdiraxmaan Cumar Cismaan (Eng. Yarisow) oo hambalyo ku aaddan munaasabadda Ciiddul Carafa u diray shacabka Soomaaliyeed ayaa xusay muhiimadda ay leedahay in ay istaakuleyaan bulshada Gobolka, si maalmaha Ciidda Carafa looga farxiyo dadka danyarta ah ee ku nool Gobolka Banaadir.

Eng.Yarisow ayaa tilmaamay in barakacayaal gaaraya 500,000 oo qof ay ku suganyihiin xerayaha barakacayaasha ee ku yaalla caasimadda, qoysaskaasna aysan awoodin farxad gelinta ubadkooda, sidaas darteedna ay muhiim tahay in la garab istaago.

“Diinta Islaamku muhiimadda gaar ah ayey siisay taakuleynta dadka danyarta ah, gaar ahaan maalmaha ciidaha, sidaas darteed waa in aynu dhammaanteen ka shaqeynaa sidii aan u farxad gelin lahayn dadkeenna danyarta ah.”

Sidoo kale, Guddoomiye Yarisow waxa uu ugu baaqay bulshada Gobolka Banaadir in ay dardar geliyaan la shaqeynta laamaha ammaanka, si loo ilaaliyo habsami u socodka howlgallada joogtada ah ee ciidamadu ay ku xaqiijinayaan amniga Gobolka.

R/wasaaraha XFS oo Saaka Salaadda Ciidda kula tukaday kumannaan Qof Masjidka Isbahaysiga.

SNTV
-
0
R/wasaaraha XFS oo Saaka Salaadda Ciidda kula tukaday kumannaan Qof Masjidka Isbahaysiga.

Muqdisho(SNTV):–Ra’iisul Wasaaraha Xukuumadda Federaalka Soomaaliya Mudane Xasan Cali Khayre ayaa saaka Salaadda Ciidda kula tukaday kumannaan qof Masjidka Isbahaysiga ee Magaalada Muqdisho.

Mudane Xasan Cali Khayre ayaa ku boorriyay shacabka Soomaaliyeed in ay muujiyaan midnimo, isu damqasho iyo is garab qabasho.

Ra’iisul wasaaraha xukuummadda federaalka Soomaaliya mudane Xasan Cali Khayre ayaa ummadda Soomaaliyeed ugu hambalyeeyay munaasabadda Ciid ul-Adxa, una rajeeyay in ay sannadkaan sannadkiisa ku gaaraan nabad iyo barwaaqo.

Ciidanka Amniga oo xiray nin ka been sheegay NISA

SNTV
-
0
Ciidanka Amniga oo xiray nin ka been sheegay NISA

Ciidammada Amniga ayaa soo xiray nin sameystay warqado been abuur ah, kaas oo sheegtay in hay’adda Sirdoonka iyo Nabad sugidda Qaranku u magacowday Jubaland.

Hay’adda NISA ayaa arrintan ku sheegtay war la soo dhigay barteeda twitter.

Saraakiil ka tirsan hay’adda NISA ayaa Warbaahinta Qaranka u sheegay in ninkan xabsiga la dhigay, lana baarayo sababaha ku riixay in uu sameysto warqado been abuur ah oo uu ku sheeganayo in hay’adda NISA u magacowday Jubaland.

 

Maamulka G/Banaadir oo Qalabka Naafada u qeybiyey qaar ka mid ah Dadka Naafada ah

SNTV
-
0
Maamulka G/Banaadir oo Qalabka Naafada u qeybiyey qaar ka mid ah Dadka Naafada ah

Muqdisho (SNTV)- Maamulka Gobolka Banaadir ayaa u qeybiyey gawaarida dadka naafada ah, qaar ka mid ah naafada ku nool Gobolka.

Duqa Muqdisho ahna Guddoomiyaha Gobolka Banaadir Mudane Cabdirixmaan Cumar Cusmaan (Eng.Yarisow) ayaa sheegay in tallaabadani ay qeyb ka tahay qorsheyaasha maalmaha Ciidul Adxaaga ee Maamulka Gobolka Banaadir uu kaga qeyb qaadanayo farxad gelinta dadka danyarta ah.

“Dadkeenna naafada ah waxa ay mudan yihiin daryeel joogta ah, cidda ay ka sugayaanna Alle ka sakow waa inaga, sidaas darteed waxaan ugu baaqayaa dhammaan shacabka, gaar ahaan ganacasatada Gobolka Banaadir in ay kaalintooda ka qaataan sidii wax loogu qaban lahaa.”

Guddoomiye Kuxigeenka Arrimaha Bulshada Gobolka Banaadir Marwo Basmo Caamir Axmed ayaa sheegtay in dadkan tiradoodu ay gaarayso boqol qof, lagana soo xulay dhammaan 17-ka degmo ee Gobolka Banaadir.

Sidoo kale, dadkan waxaa qeyb ka ahaa qaar ka mid ah naafada Barakacayaasha ku dhaqan Gobolka.

Maamulka Gobolka Banaadir ayaa maalmaha Ciidda fulinaya barnaamijyo ciidsiin ah oo loo sameynayo dadka danyarta ah, gaar ahaan barakacayaasha iyo dadka naafada ah.

 

Ra’iisul wasaare Kheyre oo soo gaba gabeeyey La xisaabtanka Sanadlaha ah ee Wasiirada+Sawirro

SNTV
-
0
Ra’iisul wasaare Kheyre oo soo gaba gabeeyey La xisaabtanka Sanadlaha ah ee Wasiirada+Sawirro

Muqdisho (SNTV)- Ra’iisul wasaaraha Xukuummadda Federaalka Soomaaliya Mudane Xasan Cali Khayre ayaa maanta soo gaba gabeeyey wajiga 2aad ee Barnaamijka uu kula xisaabtamayey xubnaha Golaha Wasiiradda  ee sannadlaha ah si loo qiimeeyo hawlaha Wasaaradaha uga hir-galay qorshayaashii u degsanaa ee ay ahayd in ay fuliyaan.

Wasiiradda maanta Ra’iisul wasare khayre uu shaqsi shaqsiga ula xisabtamay ayaa kala ah, Wasiirka Dhalinyaradda iyo Ciyaaraha , wasiirka  shaqada iyo Arrimaha bulshadda, wasiirka  xanaanada xoolaha , wasiirka Boostadad iyo isgaarsiinta , wasiirka Amniga iyo wasiirka  Ganacsiga iyo warshadaha , isagoo  wasiir kasta  oo kamid ah lasoo hor-dhigay qorshayaashii lagu ballamay in uu fuliyo, iyada oo wasiirrada ku cusub xukuummadda uu Ra’iisul Wasaaruhu kala hadlay diyaarinta qorsha hawleedkooda.

Wasiirrada ayaa Ra’iisul Wasaaraha usoo bandhigaey waxyaabaha u qabsoomay iyo qorsha hawleedkooda oo qoran si isla xisaabtanka sannadka xiga loogu qiimeeyo wixii uga qabsooma.

Wasiiru dowlaha Xafiiska Ra’iisul Wasaraha xukumada federaalka Soomaaliya Cabdullahi Xaamud ayaa Warbaahinta Qaranka u sheegay in isla xisaabtanku uusan ku ekayn kaliya Wasiiradda balse cid kasta lala xisaabtami doono oo dowladda mas’uuliyada u haysa.

Ra’iisul wasaaraha ayaa sannadkii hore sidaan oo kale mid mid ula fariistay wasiirrada si ay isula ogaadaan qorsha hawleedka wasaarad waliba si loogu korjoogteeyo, waxa uuna isla-xisaabtankaani qayb ka yahay howlaha kor-joogtaynta iyo dabagalka lagula socdo shaqooyinka wasaaradaha si looga mira dhaliyo qorshaha xukuummadda ee ku salaysan isla xisaabtan, hufnaan iyo daah-furnaan.

1...1,2101,2111,212...1,712Page 1,211 of 1,712

© 2023 Telefishinka Qaranka Soomaaliyeed