Search
Subscribe
Home Blog Page 1211

Madaxweyne ku-xiggeenka Puntland oo kulan la qaatay Wafdigii ka socday Golaha Aqalka sare

SNTV
-
0
Madaxweyne ku-xiggeenka Puntland oo kulan la qaatay Wafdigii ka socday Golaha Aqalka sare

Garowe (SNTV)– Madaxweyne ku-xggeenka dawlad goboleedka Puntland mudane C/xakiin Cabdullaahi Cumar oo maanta Qado sharaf u sameeyey  Xubnaha ka socda Golaha Aqalka sare ee ku sugan magaaladda Garowe, ayaa xubnahaasi kala sheekeystay Xaaladda dalka iyo shaqadii ay u tageen halkaasi sida ay u socoto.

Madaxweyne ku-xiggeenka Puntland ayaa sheegay in uu soo dhaweynayo xubnaha Golaha Aqalka sare ka socda ee magaaladda Garowe u tagay xal u helida kala aragti duwanaanshiyaha siyaasadeed ee u dhexeeya dowladda Soomaaliya iyo maamul goboleedyada.

Mudane C/xakiin Cameey Madaxweyne ku-xiggeenka Dawlad goboleedka Puntland ee Soomaaliya ayaa Xubnaha Golaha Aqalka sare ka socday ku booriyey inaysan ka daalin howsha ay bilaabeen ee ah dhamistirka xalinta is afgaran waaga jira.

“Xubnihiina  Golaha Aqalka Sare ee BFS  ee gaaray dowlad goboleedyada haka daalina in aad howshan Dhamaystirtaan meelaha qaar adeeg waad kala kulmaysaan balse muujiya dhabar adeeg si waxa jira aad u Xalisaan” ayuu yiri Madaxweyne ku-xiggeenka Puntland

Xubnaha Ka socday Golaha Aqalka Sare ayaa bilaabay Diyaarinta Qoraalka Xog Uruurinta Kulamadii Kala duwnaa ee ay La yeesheen Madaxda Puntland iyo qeybaha kala gedisan ee bulshadda.

Shir looga hadlayay tayo dhowrka kalluunka Soomaaliya laga dhoofiyo oo Muqdisho ka dhacay

SNTV
-
0
Shir looga hadlayay tayo dhowrka kalluunka Soomaaliya laga dhoofiyo oo Muqdisho ka dhacay

Muqdisho (SNTV)- Shirkan oo looga hadlayay tayada qeyraadka badda sida Kalluunka,loona iibgeeyo caalamka ayaa lagu qabtay magaalada Muqdisho,kaasi oo ay ka qeybgaleen masuuliyiin ka tirsan dowladda Soomaaliya,shirkadah kalluunka ee dalka iyo madaxda shirkadda SGS oo ah shirkadda caalamiga ah ee bixisa shahaadooyinka sahlaya in kaluunka o tayaysan loogu iibgeyn karto caalamka intiisa kale iyo madaxda barnaamijka Gee loo ah isku xirka arrimahani.

Abdi Cali Gabeyre oo ah guddoomiyaha rugta ganacsiga Soomaaliyeed oo kahadlay kulankaasi oo la isku dhafasaday afkaar ku aadan tayada kaluunka Soomaaliya ayaa faah faahiyay ahmiyadda ay arrintaasi leedahay.

“Waan u mahadcelinayna dadkii ka soo shaqeeyey qorshahan oo ah mid aad u muhiimsan,waxayna naga caawinayaan Geel iyo SGS dhinacyada Beeraha,xoolaha Khyaraadka badda,hadda waxyaabah ugu sahlan Soomaaliya waa ka ganacsiga Kalluunka,marka waa muhiim tayo dhowrka kaluunka si loogu iibgeeyo wadamada caalamka maadaama aqoonsi ahaan aad baahi loogu qabay”. Ayuu yiri Gabeyre.

Alberto stockel oo ah mas’uul sare oo ka socday shirkadda Caalamiga SGS oo bixisa aqoonsiga tayo dhowrka kaluunka ayaa dhankiisa ka hadlay hadafka ay ka leeyihiin shirkan,waxaa uu sheegay in ay diyaar u yihiin in Soomaaliya ay ka caawiyaan tayo dhowrka khyaraadka badda gaar ahaan kalluunka ayna qaabilsan yihiin tayo dhowrka,waxaana uu xusay in ay ka howlgalaan in kabadan 100 dal oo caalamka ka mid ah.

Wasiiru dowlaha Kalluumeysiga iyo Khayraadka Badda Xukuumadda Soomaaliya C/llaahi Abshirow oo furay shirkaasi ayaa sheegay in dowladda Soomaaliya ay ka shaqeynayso sidii wax soo saarka dalka loo horumarin lahaa.

Mudane C/llaahi Abshirow ayaa sidoo kale ku tilmaamay barnaamijka lagu xaqiijinayo tayo dhowrka kalluunka Soomaaliya,taasi oo sahlaysa in si fudud kalluunka Soomaaliya loogu iib geeyo caalamka,ayna qeyb ka tahay horumarka dhaqaale ee dalka.

 

12 Alshabaab ah oo Saakow lagu dilay iyo Xasan Yacquub oo dhaawac halis ah qaba

SNTV
-
0
12 Alshabaab ah oo Saakow lagu dilay iyo Xasan Yacquub oo dhaawac halis ah qaba

Horjoogeyaal ka tisan maleeshiyada  Alshabaab oo lagu laayay duqeyn ka dhacday Saakow

In ka badan 12 ka mid ah maleeshiyaadka Alshabaab ayaa lagu dilay duqeyn ka dhacaday degmada Saakow ee gobolka Jubbada dhexe, halkaas oo ay gacanta ku hayso kooxda argagixisada ah ee Alshabaab.

Duqeynta dhinaca cirka ah waxaa lala beegsaday goob ay ku shirsanaayeen horjoogeyaal ka tirsan maleeshiyada Alshabaab oo gaarayay 37.

Wasiir ku xigeenka Wasaaradda Warfaafinta,Dhaqanka iyo Dalxiiska Adan Isak Cali ayaa xaqiijiyay in duqeyntan ay ku dhinteen 12 ka mid ah saraakiishii Alshabaab ee ku shirsanaa goobta.

Waxa uu intaas ku daray in dadka duqeynta lagu dilay ay ku jiraan 2 ka tirsan horjoogeyaasha sar sare ee maleeshiyada Alshabaab, halka kuwa dhaawacmayna uu ka mid yahay  Xasan Yacquub oo ka mid ah horjoogeyaasha kooxda.

Xasan Yacquub waxaa soo gaaray dhaawac halis ah, waxa uuna u dhexeeyaa nolol iyo geeri.

Dowladda Soomaaliya oo garab ka heleysa saaxiibbadeeda caalamka ayaa dar dar gelisay duqeymaha iyo weerarrada ay argagixisada Alshabaab kula beegsaneyso goobaha ay dalka kaga sugan yihiin.

Malaayihiin caruurta reer Yemen ah oo wajahaya macluul daran

SNTV
-
0
Malaayihiin caruurta reer Yemen ah oo wajahaya macluul daran

Muqdisho September 19 (SNTV):-War ay soo saartay Hay’adda Qaramada Midoobay u qaabilsan samafalka Caruurta ee Save The Children ayaa lagu sheegay in hal milyan oo ka mid ah carruurta dalka Yaman ay halis ugu jiraan macaluul, xilli qoysas badan oo reer Yaman ah ay la daalaa dhacayaan sidii ay u heli lahayeen cunnooyinka daruuriga ahi iyo sidoo kale sidii ay carruurtooda xanuunsan ku gaarsiin lahaayeen xarumaha caafimaadka.

Waxaa hay’addu ay sheegtay in Tiradani ay ka dhigeyso carruurta reer Yaman ee halista ugu jirta macaluusha 5.2 milyan oo canug,waxaana taasi loo sababaynayaa dagaalada sokeeye ee ka taagan wadankaasi Yemen.

Sidoo kale Save The Children waxaa ay intaasi ku dartay in boqolaal kun oo carruur ah ay haatan wajahayaan halis, xilli colaad hor leh ay ka soo cusboonaatay magaalada Xudeyda.

Goor sii horeysay ayaa Qaramada Midoobey waxaa ay horey uga digtay in dalkaasi Yaman ay ka dhacdo jaagadii ugu xumeyd taariikhda, waa haddii bey tiri aan la helin keyd cunto, shidaal iyo sidoo kale gargaarka kale ee bani’aadanimo.

Dagaalada sokeeya ee ka socda Xudeyda iyo qeybo kale oo dalkaasi kamid ah ayaa halis gelinaysa dekadda kaliya ee badeecadaha iyo gargaarka ay uga soo degaan 80% dadka dalka Yaman, taa oo qarka u saaran in ay xirmato haddii colaadda ay halkaasi ka sii socota, arrintaa soo sidoo kale halis gelineysa in sicirka cunnada iyo shidaalka uu cirka isku sii shareero.

Waxaana Magaalada Xudeyda oo ay ku taal dekadda ugu weyn dalkaasi Yaman ay tahay in  mid ka mid ah 25-kii cannug ee da’dooda ka yar tahay shan sano waxa uu wajahayaa nafaqadarro ba’an.

Qiima dhaca ku yimid lacagta dalkaasi Yaman iyo burburka dhaqaale ee dalkaasi uu wajahayo ayaa qoysas badan halis u gelinaya gaajo iyo dhibaatooyin caafimaad, sida lagu sheegay warbixinta hay’adda the Save The Children.

Sida ay hadda Save the Chilrden ay shegaty Tan iyo sandkii 2015, waxaa 68% sara kacay qiimaha la kala siista cunnooyinka daruuriga ahi, iyadoo meelaha qaarna qiimaha cunnada uu laba jibaarmayo maalinba maalinta ka dambeysa.

Madaxweyne Waare oo sheegay in laga Heshiiyay Tabashooyinkii Hirshabeelle u qabtay Dowlada Dhexe

SNTV
-
0
Madaxweyne Waare oo sheegay in laga Heshiiyay Tabashooyinkii Hirshabeelle u qabtay Dowlada Dhexe

Muqdisho September 19 (SNTV):-Madaxweynaha Dowlad Gobaleedka Hirshabeelle Maxamed Cabdi Waare ayaa sheegay in laga heshiiyay Tabashooyinkii gaarka ahaa ee Hirshabeelle ay u qabtay Dowlada Federaalka, sidaa darteedna ay wada shaqeyn la yeelan doonaan Dowlada dhexe.

Madaxweyne Waare ayaa Dowlada Federaalka ugu baaqay inay ka mira dhaliso wada hadalada xalka loogu raadinayo Tabashooyinka ay qabaan Maamulada hoostaga Dowlada dhexe.

“Dowlada waa inay ka mira dhaliso wada hadalada socda, dhibaatooyinka aan sheeganana ay wax nagala qabtaan, hadii arrimaha jiro ay xaliyaan Maamulada kalena waxay dhihi doonaan Wada hadalka faa’iido ayaa ku jirta”.ayuu yiri Madaxweynaha Hirshabeelle.

Maamulka Hirshabeelle ayuu sheegay Madaxweynaha inuu ka gacan geysan doono isu soo dhaweynta Dowlada Federaalka iyo Dowlad Gobaleedyada si loosoo afjaro isfaham waaga taagan.

Kulan wadatashi ah oo ku saabsan siyaasadda arrimaha bulshada oo Muqdisho ka dhacay

SNTV
-
0
Kulan wadatashi ah oo ku saabsan siyaasadda arrimaha bulshada oo Muqdisho ka dhacay

Muqdisho September 19 (SNTV):-kulan   looga hadlayay Wadatashiga Siyaasada ilaalinta Bulshada ayaa lagu qabtay magaaladda Muqdisho, waxaana   ka qeyb galay wakiilo matalayey Wadamada deeq bixiyaasha muslimka  ah, Hay’adaha gaarka loo leeyahay, Ganacsatada Soomaaliyeed iyo ururada Bulshada rayidka.

Waxaa barnaamijkaan iska kaashanayay wasaaradaha Shaqada iyo arrimaha bulshada, Gargaarka iyo Wasaaradda Qorsheynta dowladda Soomaaliya, waxaana  su’aalo la iska weydiinayey habka loo wajahayo  sida dadka danyarta ah ee u nugul dhibaatoyinka looga samata bixin lahaa, looguna sameeyn lahaa maalgelin iyo shaqo abuur.

Mudane Maxamned Yuusuf Ibraahim ku-simaha Safiirka Dowlada Suudan u fadhiyo Soomaaliya ayaa sheegay in dadka danyarta la garab istaago, maadaama lagu guda jira bisha Seko, loogana faa’iideysto kheyrka ku jira.

“Waxaan habboon in dadka dan yarta ah loo gargaaro loogana faa’iideysto inta lagu guda jira bisha Seko, islmarkaana muuhimad gaar ah ay tahay in la caawiyo dadka u nugul dhibaatooyinka” Ayuu yiri Danjire Maxamned Yuusuf Ibraahim.

Wasiirka Wasaaradda Gargaarka iyo Maareynta Musiibooyinka ee Xukuumadda Federaalka Soomaaliya Xamsa  Saciid Xamsa ayaa xusay in Wasaaradda ay ka sheqeyso gargaarka iyo horumarinta dadka barkacayaasha ah, siyaasadda illaalinta bulshadana ay muhiim u tahay dadka barkacayaasha ah.

Saalax Axmed Jaamac Wasiirka Shaqada iyo Arrimaha bulshada XFS ayaa xusay in dadka Soomaaliyeed ee ku nool qurbaha ay qeyb weyn ku leeyihiin dhaqaalaha soo gala dalka, waxaana lagu qiyaasayaa lacagaha ay usoo diraan Eheladooda ku nool gudaha Dalka ku dhawaad Labo Milyan oo Dollar iyo lacago kabadan.

Sidoo kale intii uu kulanka socday Ganacsatada Soomaaliyeed ayaa lagu ammaanay shaqooyinka iyo fursadaha ay u abuureen qeybaha kala duwan ee Bulshadooda.

Hay’adaha gar gaarka ee ka howl galo gudaha Dalka ayaa la aaminsanyahay in sanad walba Soomaaliya ay ku bixiyaan lacago farabadan, hase ahaate meelihii loogu talagalay siddii loogu talo galay aan wax loogu qaban, waxaana mas’uuliyiinta Dowladda Soomaaliya ay balan qaadeen in ay ka go’antahay ogaanshaha iyo la socodka ilaalinta siyaasadda Bulshada danta yar.

Wasiirka Gaashaandhiga XFS oo Kormeeray Xarunta Tababarada General Gordan ee Muqdisho

SNTV
-
0
Wasiirka Gaashaandhiga XFS oo Kormeeray Xarunta Tababarada General Gordan ee Muqdisho

Muqdisho (SNTV)- Wasiirka Wasaaradda Gaashaandhigga Xukuumadda Federaalka Soomaaliya Xasan Cali Maxamed oo ay wehliso Agaasimaha Madaxtooyada Soomaaliya Marwo Aamina Siciid ayaa Kormeer ku Tagay Xarunta Tababarada General Gordan ee Muqdisho Taas oo Hore Gacanta ay ugu heysay Dowladda Imaaraadka Carabta Balse ay la Wareegtay Dowladda Somaliya.

Wasiirka ayaa Warbixin ka dhageystay Taliska Guutada 14 Octoobar Ee Degan Xaruntaas.

Wasiirka Gaashaandhigga Xukuumadda Soomaaliya ayaa Saraakiisha u sheegay in Dowlada Federaalka ay ku dadaaleyso sidii ciidammada u heli lahaayeen Tababaro iyo Qalab Casri ah, liyadoo ku guuleysatay inay daboosho howlihii Imaaraadka ka waday xaruntaasi, waana balanqaad uu hore u sameeyay Madaxweynaha Soomaaliya Mudane Maxamed Cabdulaahi Farmaajo.

Dhanka kale Marwa Aamina Siciid ayaa Xustay in Madaxtooyadu ay kala Shaqeyn doonto Taliska Xaruntaas Bilicda iyo qalabeynta Xarunta.

Ciidammada 14-ka Octoobar ayaa deegaano dhowr ah oo ka tirsan Gobalka Shabeellaha Hoose waxay kala wareegeen Argagaxisada Al shabaab, iyagoo burburiyay Saldhigyo ay kasoo abaabuli jireen Maleeshiyada Al shabaab Weeraro ay ku dhibaateeyaan Shacabka.

Wafuudii Aqalka sare oo kulamo kaladuwan la yeeshey madaxda iyo bulshada maamul goboleedyada

SNTV
-
0
Wafuudii Aqalka sare oo kulamo kaladuwan la yeeshey madaxda iyo bulshada maamul goboleedyada

Muqdisho (SNTV)- Golaha aqalka sare ee Baarlamaanka Federaalka Soomaaliya ayaa dadaal xoogan ugu jira sidii loo xalin lahaa khilaafka siyaasadeed ee u dhexeeya dowladda Soomaaliya iyo dowlada Goboleedyada,iyadoo wafuud kaladuwan oo goluhu dirayna ay kulamo kaladuwan la yeesheen madaxda maamulada iyo qeybaha kaladuwan ee bulshada.

Wafdiga Golaha Aqalka Sare ee Xalinta Qilaafaadka u dhaxeeyo Dowlad Goboleedyada Iyo Dowladda Federaalka Soomaalya Ayaa kulan Layeeshay Bulshada Rayidka ,Aqoonyahano, Culumaa’udiin,Haweenka Iyo Dhalinyarada Jaamacadaha Xarunta Dowlad Goboleedka Puntland Ee Garoowe,kuwaasi ay la wadaagayeen isdhaafsiga aragtida ku aadan talaabooyinka dhanka horumarka ah loo qaadayo.

Sidoo kale  Magaalada kismaayo waxaa ku kulmay wafdigii ka socday Golaha Aqalka Sare iyo Madaxda Maamulka Jubbaland iyo Saraakiisha Ciidamada iyagoo kala hadlay Xaaladda xiligan jirta.

Kulamadan ayaa mas’uuliyiintu waxaa ay xoogga ku saarayaan sidii loo soo afjari lahaa kala aragti duwanaanshiyaha siyaasadeed ee u dhexeeya dowladda Soomaaliya iyo maamul goboleedyada,Senator Ilyees Cali Xasan oo kamid ah wafuudda Kismaayo oo lahadlay Wakaaladda SONNA ayaa rajo wanaagsan ka muujiyay in guulo ay ka soo hooyaan dadaalkooda.

Isla wafuud kale oo ka socota oo ku sugan magaalada Baydhabo ayaa iyana kulamo la yeeshey madaxda Koonfur Galbeed,iyagoo kala hadlay sidii xal waara looga gaari lahaa arrimaha haatana taagan.

Magaalada dhuusa-mareeb waxaa sidoo kale shalay gaaray Wafdi kale waxaana la filayaa in maanta ay kulumo gooni gooni ah la qaataan Madaxda ku sugan magaalada.

Xubnaha Aqalke Sare oo gudanaya waajibkiisa Qaran ee Dastuurka KMG ah ee Dalka ayaa wafuud u kala diray Dowlada Goboleedyada xubinta ah Dowladda Federaalka Soomaaliya,waxaana rajo wanaagsan laga muujinayaa in guulo laga soo hooyo kulamadaasi siyaasadeed.

Duqa Muqdisho oo Bulshada Soomaaliyeed ugu baaqay in la garab istaago Caruurta Agoonta ah

SNTV
-
0
Duqa Muqdisho oo Bulshada Soomaaliyeed ugu baaqay in la garab istaago Caruurta Agoonta ah

Muqdisho (SNTV):-Duqa Muqdisho ahna Guddoomiyaha Gobolka Banaadir Mudane Cabdiraxmaan Cumar Cusmaan (Eng.Yarisow) oo booqday Xarunta Agoonta Booliska Soomaaliyeed ayaa ugu baaqay shacabka Soomaaliyeed in la garab istaago Agoonta.

Eng. Yarisow ayaa mid mid u gacan qaaday dhammaan caruurta agoonta ah ee ku nool xarunta, waxuna ka waraystay xaalkoodu sida uu yahay iyo waxbarashada ay helaan heerka ay tahay.

Guddoomiyaha ayaa xusay in agoontu ay u baahanyihiin taageero iyo garab istaag, isla markaana uu Maamulka Gobolka Banaadir mar walba diyaar u yahay sidii ay caruurta ku nool Caasimadda, gaar ahaan kuwa agoonta ah u heli lahaayeen daryeel wanaagsan.

“Mamulka Gobolka Banaadir waxuu mar walba u taagan yahay gacan siinta bulshada Caasimadda, gaar ahaan waxaan xil gaar ah iska saaraynaa agoonta oo xiligan u baahan daryeel, gaar ahaan Waxbarasho iyo bar-baarin wanaagsan”.

Guddoomiyaha Gobolka Banaadir oo waqti la qaatay caruurta agoonta ayaa kormeeray qaybaha ay ka kooban tahay xarunta xanaanaynta caruurta, waxana kormeerka ku weheliyey Taliyaha Ciidanka Booliska S/G Bashiir Cabdi Maxamed, Taliyaha Ciidanka Asluubta S/Guud Bashiir Maxamed Jaamac Taliye ku xigeenka Booliska Sarreeye Guuto u xiray Zakiya Xuseen Axmed, Guddoomiye ku-xigeenka Arrimaha Bulshada Marwo Basmo Caamir Axmed, saraakiil iyo masuuliyiin ka tirsan Maamulka Gobolka Banaadir.

Wafdi ka socda Golaha Aqalka sare oo maanta gaaray magaaladda Dhuusamareeb

SNTV
-
0
Wafdi ka socda Golaha Aqalka sare oo maanta gaaray magaaladda Dhuusamareeb

Dhuusamareeb (SNTV)- Wafdi ka socda Golaha Aqalka Sare ayaa Maanta  gaaray Maagaladda Dhuusamareeb ee Caasimada Galmudug, si ay uga shaqeeyaan xal waara iyo isfaham ka dhex dhasha Dowladda Federaalka iyo Dowlad Goboleedyada, waxaana hoggaaminayey oo Guddoomiye u ahaa Sanatar Cabdi Xassan Cawaale Qaad-diid.

Garoonka Diyaaradaha Ugaas Nuur ee Magaalada Dhusamareb ayaa waxaa ku soo dhoweeyey Masuuliiin ka tirsan Galmudug Sida Xildhibaano iyo Wasiiro, waxaana loo gudbiyey Gudaha Magaaladda iyadoo la filayo ina kulamo ay la qaataan Madaxda Galmudug.

Wafdigaan oo ka kooban Sagaal Xubnood ayaa waxay  kala yihiin :-

1)      Cabdi Xassan Cawaale (Qayb-diid)

2)      Jawaahir Axmed Cilmi

3)      Yuusuf Geelle Ugaas

4)      Deeqo Xassan Xuseen

5)      Mustaf Maxamed Qodax

6)      Maxamed Amiin Sheikh Cusmaan

7)      Cabdisalaan Xaaji Maxamuud Dheere

8)      Abuukar Axxmed Xaashi

9)      Cabdiwaaxid Cilmi Goon-jeex

Golaha Aqalka Sare oo gudanaya waajibkiisa dastuuriga ah ayaa u istaagay siddii loo heli lahaa isfaham iyo wada shaqeyn dhab ah.

1...1,2101,2111,212...1,735Page 1,211 of 1,735

© 2023 Telefishinka Qaranka Soomaaliyeed