Muqdisho September 19 (SNTV):-War ay soo saartay Hay’adda Qaramada Midoobay u qaabilsan samafalka Caruurta ee Save The Children ayaa lagu sheegay in hal milyan oo ka mid ah carruurta dalka Yaman ay halis ugu jiraan macaluul, xilli qoysas badan oo reer Yaman ah ay la daalaa dhacayaan sidii ay u heli lahayeen cunnooyinka daruuriga ahi iyo sidoo kale sidii ay carruurtooda xanuunsan ku gaarsiin lahaayeen xarumaha caafimaadka.

Waxaa hay’addu ay sheegtay in Tiradani ay ka dhigeyso carruurta reer Yaman ee halista ugu jirta macaluusha 5.2 milyan oo canug,waxaana taasi loo sababaynayaa dagaalada sokeeye ee ka taagan wadankaasi Yemen.

Sidoo kale Save The Children waxaa ay intaasi ku dartay in boqolaal kun oo carruur ah ay haatan wajahayaan halis, xilli colaad hor leh ay ka soo cusboonaatay magaalada Xudeyda.

Goor sii horeysay ayaa Qaramada Midoobey waxaa ay horey uga digtay in dalkaasi Yaman ay ka dhacdo jaagadii ugu xumeyd taariikhda, waa haddii bey tiri aan la helin keyd cunto, shidaal iyo sidoo kale gargaarka kale ee bani’aadanimo.

Dagaalada sokeeya ee ka socda Xudeyda iyo qeybo kale oo dalkaasi kamid ah ayaa halis gelinaysa dekadda kaliya ee badeecadaha iyo gargaarka ay uga soo degaan 80% dadka dalka Yaman, taa oo qarka u saaran in ay xirmato haddii colaadda ay halkaasi ka sii socota, arrintaa soo sidoo kale halis gelineysa in sicirka cunnada iyo shidaalka uu cirka isku sii shareero.

Waxaana Magaalada Xudeyda oo ay ku taal dekadda ugu weyn dalkaasi Yaman ay tahay in  mid ka mid ah 25-kii cannug ee da’dooda ka yar tahay shan sano waxa uu wajahayaa nafaqadarro ba’an.

Qiima dhaca ku yimid lacagta dalkaasi Yaman iyo burburka dhaqaale ee dalkaasi uu wajahayo ayaa qoysas badan halis u gelinaya gaajo iyo dhibaatooyin caafimaad, sida lagu sheegay warbixinta hay’adda the Save The Children.

Sida ay hadda Save the Chilrden ay shegaty Tan iyo sandkii 2015, waxaa 68% sara kacay qiimaha la kala siista cunnooyinka daruuriga ahi, iyadoo meelaha qaarna qiimaha cunnada uu laba jibaarmayo maalinba maalinta ka dambeysa.

Muqdisho September 18 (SNTV):-Sida uu qoray wargeyska Daily News, ee ka soo baxa Turkiga, waxa dowladda Ciraaq ay go’aansatay in ay ciidamo ilaaliyo u dirtay xuduudda Turkiga, si ay uga hortagaan falalka amni darro ee ka dhaca halkaas, sidaas waxaa laga soo xigtay saraakiil ka tirsan xafiiska ra’iisal wasaaraha.

Ra’iisal wasaaraha Ciraaq Xeydar Al-Bagdaadi ayaa shir guddoominayey kulanka golaha amniga qaranka ee dalkaas oo Isniintii shalay ka dhacay caasimadda Baghdad, waxaana looga hadlay guud ahaan amniga dalka iyo xuduudaha.

War-saxaafadeed ka soo baxay xafiiska ra’iisal wasaaraha Ciraaq ayaa lagu sheegay in shirka golaha amniga qaranka looga hadlay sidii ciidamo loogu daadgureen lahaa xuduudda Ciraaq.

“Wasiirka arrimaha dibadda Ciraaq ayaa qaadi doona tallaabo ku saabsan sidii ciidamo loogu daadgureen lahaa xuduudaha”ayaa lagu yiri war-saxaafadeedka ka soo baxay xafiiska ra’iisal wasaaraha.

Dhowrkii bilood ee la soo dhaafay Turkiga ayaa kordhiyey weerarrarada cirka ee ka dhanka kooxda PKK.

Diyaaradaha Turkiga ayaa weerarra kooxda PKK, oo ka howlgala waqooyiga bari ee dalka Ciraaq gaar ahaan buuraha Qandiil.