Qaar ka mid ah ardayda Soomaalioyeed ee wax ku barta dalka |Hindiya ayaa ka qeybgalay kulan la xiriiray sidii loo heli lahaa xaalad ay ku wada shaqeeyan ardayda dalkaasi ku yeeshay magaalada Heydarabaad ee koonfurta dalkaasi.

Kulankan oo ay so qabanqaabiyeen maamulka midowga ardayda Qaranka ,waxaa ka qeybgalay qaar ka mid ah ardayda kala duwan ee wax ka barata halkaasi.

Kulankan oo  la xiriiray kala warqaadasho  iyo is dhexgalka bulshada waxaa ka hadlay Guddoomiyaha midowga ardayda qaranka soomaaliyeed ee dalka india yaxye sheikh khaliif.

Guddoomiyaha ayaa ardayda u sharaxay waxyaabaha ay xaqa u leyihiin islamarkana ay tahay in ay helan madama ay waxa ku baranayaan dal aan ahayn dalkooda hooyo.

Cabduqadir oo ka mid ah waxgaradka ku nool magalada haydrabad ayaa aradayda ku dhiiragliyay in ay ka dhabeyaan waxbarashadooda madama waqti ku bixiyeen dhinaca waxbarashada.

Ugu dambeeyn waxa halkaasi ka hadlay qaar ka mid ah ardayda kuwaasi oo u mahadceliyay midowga ardayda qaranka soomaaliyeed ,iyagoo ka warbixiyeen qaabka ay ardayda wax u bartaan.

Howlgal qorsheeysan oo ay qaadeen  ciidanka daraawiishta jubbaland  ayaa lagu dilay maleehsiyaad ka tirsan kooxda Alshabaab oo si dhuumaaleysi ah ku jooga halkaasi.

Howlgalku waxa ay ciidanka ka sameeyeen deegaanka Yaaq Bishaaro oo dhaca duleedka galbeed ee magaalada Kismaayo

Afhayeenka Hey’adaha Amniga Jubbaland  Cabdinuur Mooge ayaa Warbaahinta Qaranka un xaqiijiayya in howlgalkaan afar ka mid ah maleeshiyada Al-shabaab sidoo kale waxaa gacanta lagusoo dhigay afar qori oo ay wateen.

Howlgalkaan ayaa ujeedkiisu ahaa la dagaalanka Maleeshiyaadka kooxda Alshabaab iyo hortaga dhagarta ay bulshada u maleegayaan.

Warbixin  ka timid guddiga kormeerka cunaqabateynta  Qaramada Midoobay ayaa sheegaya in kooxda Xuutiyiinta ee ka dagaalama dalka Yemen aysan wax lug ah ku laheyn ama aysan fulin weeraradii gantaalada ee bishii Setembar lagu qaaday goobaha shiidaalka ee dalka Sacuudi Carabiya.

Khuburada madaxa bannaan ee golaha Ammaanka ee Qaramada Midoobay ay u xilsaareen kormeeridda cunaqabateynta saaran dalka Yemen ayaa sheegay in inkasta oo Xuutiyiintu ay sheegteen weerarada dhinaca gantaalada ee lagu qaadat goobaha saliidda dalka Sacuudiga,haddana Kooxdaasi aysan fulin gantaaladii 14-kii September ee sanadkii  2019 ku dhacay Abqaiq iyo Khurais .

Natiijooyinka ka soo baxay kormeerayaasha UN-ka ayaa  ku soo beegmeen xilli ay xiisado ka jiraan gobolka, ka dib kolkii Mareykanku uu dilay sarkaal sare oo ka tirsan Iiraan ,laguna magacaabo Qassem Soleimani oo ku sugnaa Ciraaq.

Baarayaasha Qaramada Midoobey ayaa sheegay in gantaalada lagu weeraray goobaha saliida Sacuudiga aysan ka imaan dhulalka ay gacanta ku hayaan Xuutiyiihnta Yemen balse ay fulliyeen diyaaradaha Darooniska.

Odayaasha dhaqanka  Galmudug ayaa  bilaabaya soo xulista  Xildhibaanadda ka mid noqonaya Baarlamanka Labaad ee Dowlad Goboleedka Galmudug, kaddib markii tababar  ku saabsan qaabka soo xulista Xildhibaanadda gelinkii dambe ee shalay loogu soo gabagabeeyay magaalada Dhuusamareeb.

Maxamed-deeq Cabdi Maxamed oo ah Wariyaha nooga soo warama Dhuusamareeb ayaa soo sheegaya in odayaashan la xareeyay islamarkaana laga sugayo in ay soo gudbiyaan liiska Xildhibaanadda cusub ee ka mid noqonaya Baarlamanka labaad ee Galmudug.

Gudoomiyaha guddiga Farsamada ee maamul u sameynta Galmudug ayaa  ku booriyay odayaasha in ay ku soo xulaan Xildhibaanadda aqoontooda, isagoo intaasi ku daray in la abaalmarindoono sadexda beelood ee ugu horeysa soo xulista Xildhibaano Aqoonyahano ah.

Marka laga reebo Ahlusunna oo soo gudbisay Xildhibaannadeeda waxaa odayaashan looga fadhiyaa in ay soo xulaan Xildhibaanadda kale, iyagoo ku jaangooynaya habka awoodqeybsiga beelaha dega Galmudug.

Ciidamada Amniga oo xalay Howlgallo Ka Wada Magaalada Muqdisho Ayaa Qarxiyay Miinooyin Dhulka Lagu Aasay.

Ciidamada sida gaarka ah u tababaran ee Gaashaan oo xalay howlgal qorsheysan ka sameeyay xaafado ka tirsan dagmooyinka Warta Nabadda  iyo Howl wadaag ee Gobalka Banaadir ayaa qarxiyay laba Miino oo kuwa dhulka la galiya ah.

Afhayeenka Wasaaradda Warfaafinta Soomaaliya Ismaaciil Mukhtaar Cumar ayaa Xaqiijiyay in Miinooyinka ay qarxiyeen ciidamada Gaashaan ayna ku aasnaayeen dhulka, waxayna kooxaha argagixisadu doonayeen in ay ku laayaan shacabka Soomaaliyeed.

Xaafadda Baar Ubax oo ah halka ay ciidamadu ku qarxiyeen miinooyinka ayaa ciidamadu ka fuliyeen howlgal lagu bartilmaameedsanayay rag la tuhunsayahay oo ka tirsan kooxda Al Shabaab.

ciidamada Amniga ee dowladda Soomaaliya ayaa had iyo jeer u taagan ka hortagga dhagarta ay cadawga umadda Soomaaliyeed maalin kasta u soo maleegaan kooxda Xagjirka Al Shabaab oo baneystay daadinta dhiigga shacabka Soomaaliyeed ee Muslimiinta ah.

Taliyaha Qeybta 60aad ciidanka xooga dalka Soomaaliya Generaal Maxamed Shekh Abdulaahi Xiirow ayaa tababar u soo xiray Cutubyo katirsan ciidanka xooga dalka oo mudo 2bil ah tababar uga socday Dugsiga Tawabarka Ciidanka Dowlada Ingiriiska ay kuleedahay Baydhabo ,

waxaana tababarkan Mudada uu Socday bixinayay Sarakiil katirsan dowlada Ingiriiska.Waxaana lagu wadaa Ciidankan inay Qeyb ka noqdaan Howlgalada lagu Xaqiijinayo Amniga Dalka Gaar ahaan Gobolada Koonfur galbeed oo Haatan Wadooyinkooda ay go.doomiyeen Maleshiyada Alshabaab

xiritaanka tababarkan ayaa waxaa sidoo kale  ka qeyb galay Wasiirka Amniga, Warfaafinta, Tamarta,iyo Biyaha Sarakiisha Ciidanka Booliska Mileteriga iyo Marti Sharaf kale

Cutubyadan Maanta Tawabarka loso Xirayey ayaa soo Bandhigay Habka loo Fuliyo Howlgalada iyo Sida laisaga Difaaco Weerarada Gaadmada ah ee ay so Qadayaan Cadowga 

Guddoomiyaha gobolka Banaadir ahna duqa magaalada Muqdisho mudane Cumar Maxamud Maxamed (Cumar Filish) iyo guddoomiyaha gudiga madaxa banaan ee doorashooyinka qaranka Xaliima Ismaaciil Ibraahim (Xaliima Yareey) oo kawada hadlay u diyaar garowga arrimaha doorashooyinka soo socda.

Kulankooda ayaa ka dhacay xarunta gudiga doorashooyinka madaxa banaan ku leeyihiin taas oo ku taal Madaxtooyada qaranka.

 wixii Faahfaahin oo dhameystiran goordhow insha allah

Ciidanka Xoogga dalka ayaa sanadkii aan soo dhaafnay ee 2019 kordhiyey howgalada lagu beegsanayo Maleeshiyaadka Al Shabaab ee goobaha ay kaga sugan yihiin gobolada dalka.

Howgalo isbajoog ah ayaa todobaadkan gudahiisa ka dhacay qeybo kamid ah gobolada Jubooyinka, Shabeellaha Hoose iyo Shabeelaha Dhexe.

Tiro badan Argagaxisada ah ayaa ladilay sidoo kale waxaa laburburiyey xarumo ay ku gaban jireen.

Guulaha  ciidanka xoogga ay ka gareen ayaa ah si daynta dad maxabiis ah oo gacanta ugu jiray  Al-shabaab,  intii ay ku guda jireen howlgalka ka dhanka argagaxisada.

Al-shabaab ayaa wax ay wajahayaan weerarro kaga imaanaya ciidanka xoogga dalka iyo kuwa tageerada caalamka ee  Africom.

Howlgalka Midowga Afrika ee Soomaaliya, AMISOM, Midowga Yurub iyo QM ayaa sheegay in ay billaabeen tababar gaar ah oo la siinayo 300 askari oo Booliis ah kuwaasi oo kamid noqonaya kuwa booliiska Daraawiishta ee dowladda Federaalka Soomaaliya, oo ah cutub loo tababaray xirfado gaar ah oo ku aadan suggidda amniga dalka.

Augustine Magnus Kailie, Oo ah Taliyaha Booliiska Amisom ayaa sheegay in tababarkan uu yahay mid muhiim u ah wax ka bedelka muuqaalka Xoogaga Ciidamada Booliiska ee Soomaaliya (SPF) in ay yeeshaan awood ay ku illaalin karaan amniga dadka Soomaaliyeed.

Bayaan ayaa ku sheegay bayaan ay soo saartay Amisom lagu sheegay “Marka aan caawinayno, inaan dhigno awoodda waa inaad u istaagtaa diyaarna u noqotaa si aad u aragto sida wanaagsan oo wax looga bedeli karo waayo aragnimadii hore lana taageero waxaad kuusoo baxaya oo aad helaysaa sida kuwa Daraawiishta gaarka ah oo kale, si aad u difaacdo dadka Soomaaliyeed,”

Tababarka ayaa waxaa fulinaya barnaamijka wadajirka booliiska ee Amisom, Midowga Yurub iyo QM.

Barnaamijka wadajirka ah ee ciidamada booliiska oo ah mid soo socday muddo shan sano ah ayaa lagu taageerayay si loo sii kordhiyo awoodda muuqaal ee joogista iyo tan la xisaabtanka hirgelinta habka cusub ee boliiseeynta ee Ciidamada booliiska ee Soomaaliya ee dowladda Federaalka iyo gobollada xubnaha ka ah ee maamul gobolleedyada.

Cabdi Xassan Maxamed, oo ah taliye ka tirsan saraakiisha ciidamada Booliiska Soomaaliyeed ayaa sheegay in ay dowladda ku dhaqaaqday sidii ay kusoo nooleyn lahayd Qeybta Gaarka ah ee Ciidamada Booliiska Daraawiishta iyadoo loo qorayo askar baaxad leh lana siinayo tababar cusub inta lagu gudo jiro sanadkan 2020.

“Dhammaadka tababarkan, ciidamada gaarka ah ee booliiska waxaa kamid ah kuwa Haramcadka, Daraawiishta iyo kuwa Birmad-ka ayaa waxa ay noqon doonaan kuwa si buuxda loo qalabeeyo iyadoo awoodoodana laysu geyn doono  waxaana ay matali doonaan xoogga ugu muhiimsan oo illaalin kara xarumaha dadweynaha”, sidaasi waxaa sheegay Cabdi Xasan Maxamed oo hadalkan jeediyay xilligii furitaanka xafladdan oo ka dhacday magaalada Muqdisho.

Dhammaadka tababarka, Qeybta Ciidamada booliiska ayaa lagu biirin doonaa xoogga ciidamada booliiska waxaana loo daadgureyn doonaa dhammaan maamul gobolleedyada xubinta ka ah dowladda Federaalka Soomaaliya.