Search
Subscribe
Home Blog Page 1582

Madaxweynaha Puntland oo Qasriga Madaxtooyada Garoowe ku Qaabilay Wasiirka Arrimaha Gudaha DSF

SNTV
-
0

Madaxweynaha  Puntland Dr. Cabdiweli Maxamed Cali Gaas ayaa maanta qasriga Madaxtooyada Garoowe ku qaabilay Wasiirka Wasaarada Arrimaha Guddaha DFS iyo dib u heshiisiinta Dawladda Soomaaliya Mudane. Cabdi faarax Saciid Juxa, kaas oo saaka subax nimadii ka soo kici timay magaalada Gaalkacayo.

Kahor kulanka ayaa waxaa duleedka magaalada Garoowe kusoo dhoweeyey Wasiirka iyo weftigiisa masuuliyiin ka tirsan goloyaasha dawladda Puntland, maamulka gobolka Nugaal kan degmada Garoowe, saraakiil ka tirsan Madaxtooyada Puntland, isimo, waxgarad, aqoon yahano iyo qaar kamida bulshada rayidka ah ee magaalada Garoowe.

Soo dhoweyn kadib Wasiirka Wasaarada Arrimaha Guddaha DFS Mudane. Cabdi faarax Saciid Juxa iyo Wasiirka Wasaarada Arrimaha Guddaha  Puntland Axmed Cilmi Cismaan Karaash ayaa siwada jira ula hadlay bulsha magaalada Garoowe, waxaana ay  si isku mida uga hadleen muhiimada ay leedahay kawada shaqaynta amniga iyo is dhexgalka bulshadda Soomaliyeed.

Wasiirka Wasaarada Arrimaha Guddaha Puntland Mudane. Axmed Karaash ayaa sheegay in shacabka Puntland markasta diyaar u yihiin is dhexgalka shacabka soomaaliyeed iyo sidii laysaga kaashanlahaa sugida amaanka Dalka, waxaana uu sidoo kale xushay in dawladda Puntland diyaar u tahay kawada shaqaynta waxkasta oo masiir u ah horumarka dalka iyo shacabka Soomaaliyeed.

Wasiirka Wasaarada Arrimaha Guddaha DFS iyo dib u heshiisiinta Dawladda Soomaaliya Mudane. Cabdi faarax Saciid Juxa oo shacabka magaalada Garoowe uga mahad celiyey soo dhoweynta diiran ee ay ku qabileen maanta  isaga iyo weftigiisa ayaa kubooriyey shacabka Puntland inay iska kaashadaan nabada iyo xasiloonida ay Puntland  ku caanbaxday, isla markaana ay markasta diyaar u ahaadaan sidii ay cadawgooda meel uga soo wada jeesan lahaayeen.

 

PRESIDENT FARMAAJO’S SPEECH AT THE REFUGEE SOLIDARITY SUMMIT, KAMPALA-UGANDA

SNTV
-
0

Excellences and Distinguished delegates

Let me start by thanking H.E Yoweri Museveni, President of the Republic of Uganda for hosting the Uganda Solidarity Summit for Refugees.

I would also like to thank H.E Antonio Guteres, the United Nations Secretary General for co-hosting this summit and his commitments to the wellbeing of refugees everywhere.

Earlier today I met with successful Somali businessmen and businesswomen in Kampala who told me the freedoms and liberties that Somali refugees enjoy in Uganda. The freedom to engage in business, own property and develop themselves as well as contribute to the economy of this great nation

This once again proves that Somalis are resilient and entrepreneurial by nature. It is not a common occurrence to see refugees in a camp work so tirelessly and develop themselves to the point of becoming successful businessmen and businesswomen and contribute to the economy of the host nation

It also proves that our brothers in Uganda are both welcoming and hospitable. If Uganda had not granted our refuges the freedom of movement, right to own land, right to seek employment and to establish businesses, access to public services including Education and Health, and ease to get all the necessary permits and other documents, the Somali businessmen and businesswomen I met today and many others from across Africa would not have had the opportunity to develop themselves.

But not only that, Uganda is, as we all know, one of the troop contributing countries that form part of the Amisom peacekeeping force. Ugandan troops make daily sacrifices for the safety and security of our people. We are immensely indebted to Uganda for the unconditional support

Ladies and Gentlemen:

Uganda hosts over one million refugees, among them close to fifty thousand Somalis

We acknowledge that hosting one million refugees while ensuring hosting communities are hospitable and friendly is not easy. However, Uganda is living up to its international obligations, even with the ongoing influx of more refugees
We must also acknowledge that it will be difficult for Uganda to continue its progressive refugee policies with the absence of a robust support from the international community.

We therefore urge the international community to support Uganda’s efforts to meet the immediate humanitarian needs of refugees and long-term needs of both refugees and communities hosting them.

Uganda’s progressive refugee laws provide a perfect example that where the opportunity to integrate is provided, refugees can potentially make a turnaround in life. Somali refugees have proved to the world that they have the skills to become economically self-reliant.

I ask refugee-hosting countries to grant access to the same social services that their people enjoy, and give refugees the chance to develop themselves.

Ladies and Gentlemen:

Somalia is, and has been making progress. Today Somalis everywhere have huge expectations from my administration, I intend to fulfill the pledges I made to the Somali people that we will overcome the enormous challenges we are facing and restore Somalia’s glory, I am convinced that Somalis have what it takes to make that happen.

Thank you.

Madaxweyne Farmaajo oo ugu baaqay dalalka martigeliya qaxootiga in ay siiyaan adeegyo lamid ah kuwa ay dadkooda helaan

SNTV
-
0

Madaxweynaha Jamhuriyadda Federaalka Soomaaliya Mudane Maxamed Cabdullaahi Farmaajo, oo kamid ah madaxda ka qeybgalaysa Shirka Isgarab-taagga Uganda ee Qaxootiga, ayaa ku baaqay in qaxootiga Soomaaliyeed la siiyo fursado ay uga shaqeysan karaan dalalka ay martida u yihiin si ay noloshooda u hormariyaan.

Madaxweynaha ayaa tusaale usoo qaatay sharciyada horumarsan ee ay dowladda Uganda u dejisay qaxootiga, kaas oo siiyay qaxootiga Soomaaliyeed fursado ay kula falgeli karaan dadka ay martida u yihiin.

Madaxweynaha oo khudbad ka jeedinayay shirka labada malamood ka socda Kampala ayaa yiri “Waxaan maanta la kulmay ganacsato Soomaaliyeed oo deggan magaalada Kampala, kuwaas oo ii sheegay, in ay haystaan xornimo ay ku ganacsadaan, guryo ku iibsadaan, ugana qeyb qaataan horumarka dhaqaale waddankan. Taasi waxay mar kale caddeyn u tahay in Soomaalidu ay yihiin dad leh adkeysi iyo hal abuur ganacsi.”

Madaxweynaha ayaa sheegay in horumarka ay ku tallaabsadeen ganacsatada Soomaaliyeed ee ku nool dalkan ay muujineyso soo dhaweynta iyo martigelinta wanaagsan ee ay kala kulmeen dadka reer Uganda.

“Waxaan ugu baaqayaa dalalka martigeliya qaxootiga in ay siiyaan fursado lamid ah kuwa ay dadkooda siiyaan, ayna u ogolaadaan qaxootiga in ay is hormariyaan.” Ayuu yiri Madaxweynaha.

Uganda ayaa haatan martigelisa qaxootiga ugu badan qaaradda Afrika oo tiro ahaan ku dhaw hal milyan. Qaxootiga Soomaaliyeed ee xeryaha dalkan ku jira ayaa iyagana lagu qiyaasaa in ay ku dhawyihiin 50 kun, kuwaas oo intooda badan ku nool xeryo qaxooti oo ku yaalla Galbeedka dalkan.

Wafdiga Madaxweynaha waxaa kamid ah xildhibaanno ka tirsan Aqalka Sare iyo Golaha Shacabka oo shalay booqday xerada qaxootiga ee Nakivale, si ay ugu kuur galaan nolosha qaxootiga Soomaaliyeed ee ku jira xeradaas.

DHAMMAAD

Wasiirka Boostada & Isgaarsiinta oo soo dhoweeyay ansixinta Hindise-sharciyeedka Xeerka Isgaarsiinta Qaranka

SNTV
-
0

(Jimce, 23 June 2017) Wasiirka Boostada, Isgaarsiinta & Teknoolojiyada ayaa si weyn u soo dhoweeyay go’aankii ay Golaha Wasiirradu shalay ku ansixiyeen Hindise-sharciyeedka Xeerka Isgaarsiinta Qaranka oo ay soo diyaarisey Wasaaradda Boostada, Isgaarsiinta & Teknoolojiyada.

Xeerkan oo soo jiitamayay sanado badan ayaa la dardargeliyay bilihii la soo dhaafay si loogu guuleysto horumarinta iyo xeer-nidaaminta Isgaarsiinta dalka, isla markaana loo daryeelo xuquuqda isticmaalayaasha adeegyadan iyo shirkadaha isgaarsiinta dalka.

Wasaaradda Boostada, Isgaarsiinta & Teknoolojiyada ayaa bilihii la soo dhaafay qabanqaabisay wada-tashi balaaran oo looga arrinsanayay xeerkan, iyadoo kulamadaas ay ka qeybgaleen qeybaha kala duwan ee bulshada, Guddiga Isgaarsiinta iyo Warfaafinta ee Golaha Shacabka, dawlad-goboleedyada, shirkadaha adeegga isgaarsiinta iyo internet-ka iyo bahda waxbarashada.

Wasiirka Boostada, Isgaarsiinta iyo Teknoolojiyada, Mudane Eng Cabdi Cashuur Xasan, ayaa sheegay in ansixinta sharcigan uu ka mid ahaa waxyaabaha mudnaanta koowaad u leh hoggaanka cusub ee Wasaaradda. “Arrinta ugu muhiimsan ee si degdeg ah loogu baahan yahay waa in sharci iyo nidaam loo helo isgaarsiinta Soomaaliya oo horumar weyn sameysay. Marka sharcigan uu ansixiyo Baarlamaanka, wuxuu shirkadaha u furi doonaa fursado badan, wuxuuna noo sahlayaa inaan shirkadaheena ku difaaci karno dalka gudahiisa iyo heer caalamiba”.

Hindise-sharciyeedkan ayaa ka mid noqon doona kuwa ugu horreeya ee la horgeeyo marka la furo Golaha Shacabka uu dib u furmo bisha Luulyo ee soo socota.

Maxkamadda ciidanka Qalabka Sida oo Dignin u jeedisay ilaalada baabuurta saaran

SNTV
-
0

Maxkamadda Darada Koobaad ee ciidammada Qalabka sida ayaa Digniin u jeedisay Ilaalada saaran Baabuurta Waddooyinka caasimadda Mara kuwaas oo ay cabashooyin adag ka soo gudbiyeen Shacabka.

Guddoomiyaha Maxkamadda Ciidammada Qalabka Sida ee Darajada Koobaad waxa uu marti ku ahaa barnaamijka kulan Toddobaad ee SNTV.

Xasan Cali Nuur (Shuute) G/sare Guddoomiyaha Maxkamadda ciidamad Qalabka Sida ee Darajada Koobaad, waxa uu sheegay in eedeysanayaasha maxkamadda la horkeenno ay dowladdu u qabato Qareenno sharci ah, si uu u helo caddaalad go’aanka maxkamadda ka hor.

Guddoomiyaha maxkamadda ciidammada G/sare Xasan Cali Nuur (Shuute), ayaa digniin culus u jeediyey ilaalada saaran gaadiidka dushiisa ee ay sida daran uga cabdaan dadweynaha waddooyinka caasimadda isticmaala, “Baabuurkii ilaaladiisa muwaadin wadada maraya u dhibaateeya Maxaad iiga horreysaa ama iiga dambeysaa dambi iyo ciqaab culus ayaa ka dhallaneysa waana uga digeynaa cid walba oo falkaasi ku kacda” ayuu yiri G/sare Xasan Cali Nuur (Shuute)

Maxkamadaha Madaniga iyo kuwa ciidanka waxaa u dhaxeeya  Farqi ku aaddan dadajinta dacwadaha eedeysaneyaasha, sida uu qabo xeerka maxkamadda ciidaka Qalabka Sida, sida loo wajaho arrimahaas ayuu sharraxayaa guddoomiyaha maxkamadda.

Doodda ku aaddan go’aannada xukunnada dilka ah ee ay maxkamadda gaarto ayuu guddoomiyaha maxkamadda ku tilmaamay in si cad oo daah furan loogu soo bandhigo dadweynaha Soomaaliyeed habka  Caddaalad ku saleynta dacwadaha noocaasi ah.

Maxkamadda ciidanka Qalabka Sida ee Darajada Koobaad toddoobaadkaan waxa ay gaartay go’aanno ay ka mid ahaayeen xukunka raggii ka dambeeyey dilka Wadaad caan ahaa oo ka dhacay Masjidka ku yaalla magaalada Baydhaba ee xarunta gobolka Baay iyo  Dilka wasiirki Howlaha Guud ee Soomaaliya Marxuum Cabaasi Siraaji.

tartamayaasha Shibis oo ku guuleystay Kaalinta saddexaad ee tartan cilmiyeedka

SNTV
-
0

Tartan cilmiyeedka bisha Ramadaan oo galay sanadkii lixaad oo ay qabaneyso Warbaahinta Qaranka, isla markaana si toos ah looga daawanayo Telefishinka Qaranka, lagana dhageysto Idaacadda Radio Muqdisho ayaa waxaa caawa kulankii todobo iyo labaatanaad oo ah kaalinta saddexaad ku tartamay tartameyaasha Degmooyinka Shibis VS Kaaraan oo ka wada tirsan Gobolka Benaadir, waxaana barnaamijka sanadkii afaraad oo xiriir ah taabagelineya Maamulka Gobolka Benaadir.

 Tartameyaasha labada degmo ee Shibis VS Kaaraan ayaa muujiyey tartan aad u adag, isla markaana ahaa mid xiiso gaar ah xambaarsan, iyagoo soo bandhigay aqoon, waxaana sida sharciga qabo marka labada degmo la weydiiyo min afar su’aal la guda galay isbarashada degmooyinka iyo waxyaabaha ay degmo kasta caan ku tahay oo maqal iyo muuqaalba leh.

Shibis

Tartameyaasha Degmada Shibis ee gobolka Benaadir waxaa la weydiiyey todobo Su’aal, waxa ay ka jawaabeen labo su’aal, iyagoo iska qalday shan su’al, mana jirin wax ka faa’iideysi ah oo ay heleen, sidaa darteed wadarta guud ee dhibcaha tartameyaasha Degmada Shibis ay heleen waxay noqoneysaa afar (4) dhibcood.

Kaaraan

Tartamayaasha Degmada Kaaraan gobolka Benaadir waxaa dhankooda la weydiiyay todobo su’aal, waxa ay ka jawaabeen hal su’aal, iyagoo iska qalday lix su’aal, mana jirin wax ka faa’iideysi ah oo ay heleen tartamayaasha Kaaraan, sidaasi darteed wadarta guud ee dhibcaha ay heleen tartameyaasha Degmada Kaaraan waxay noqotay labo (2) dhibcood.

Tartamayaasha Degmada Shibis ee Gobolka Benaadir ayaa ku guuleystay kaalinta saddexaad ee tartanka.

Habeen dambe haddii uu Alle idmo waxaa kulanka ugu dambeeyay ku tartami doono tartamayaasha Warta Nabadda iyo Dhahar oo ka kala tirsan Gobollada Benaadir iyo Sanaag.

Guddiyada Joogtada ee Barlamaanka oo ka hadlay xilliga uu furmayo kalfadhiga Golaha

SNTV
-
0

Kulankan Guddiyada joogtada ah ee Barlamaanka Federaalka Soomaaliya ay maanta ku yeesheen xarunta Villa Hargeysa ee magaalada Muqdisho ayaa waxa ay uga hadleen dhowr arrimood oo ay ka mid yihiin, arimaha amniga, Miisaaniyadda Dalka ee marka uu kal fadhiga Barlamaanka furmo la ansixin doono iyo qodobo kale.

Kulanka oo uu shir guddoominayay ku-simaha Guddoomiyaha Golaha shacabka ahna Gudoomiye ku xigeenka labaad ee golaha Shacabka Mahad Cabdalla Cawad ayaa waxaa geba gebadiisa Warbaahinta Qaranka la hadlay Xoghayaha Barlamaanka C/kariin Xaaji Cabdi (Buux) in shirka looga hadlay qorshayasha

Sidoo kale Xoghayaha Barlamaanka ayaa  sheegay in kal fadhiga labaad ee Barlamaanka uu furmi doono sideedda bisha July ee soo socota.

 

Shirka Golaha Wasiirada oo lagu ansixiyey Sharciyada Isgaarsiita iyo La Dagaallanka Musuqmaasuqa

SNTV
-
0

Muqdisho, 22 June 2017 —-Golaha Wasiirada ee Xukuumada Federaalka Soomaaliya ayaa maanta yeeshay kulankoodii caadiga ahaa oo uu shir-guddoominayey Ra’iisal Wasaaraha Xukuumada Mudane Xasan Cali Khayre. Arrimaha diirada lagu saaray shirkan waxaa ka mid ahaa ansixinta Shuruucda Isgaarsiinta iyo La-Dagaalanka Argagaxisada iyo arrimo kale.

Ra’iisul Wasaaraha oo furay shirka ayaa sheegay in Xukuumadu ay ahmiyad gaar ah siineyso sidii dalka u yeelan lahaa shuruucda muhiimka u ah dowlad wanaaga.

Golaha Wasiirada ayaa ugu horeyn si kulul u cambaareeyey Qaraxyadii argagaxisada ay ku bartilmaameysanayeen shacabka, ee kii maanta wadada Makka Al-Mukarama iyo tii xarunta degmada Wadajir. Golaha ayaa shacabkii ku geeriyooday EEBBE uga baryey inuu Jannadii Fardowza ka waraabiyo, inta dhaawaca ahna EEBBE u sahlo dhaawacooda. Golaha ayaa Dowlada Sucuudiga uga mahadceliyey dhaawacii dalka Sacuudiga loo qaaday.

Wasiirka Boostada, Isgaarsiinta & Teknoloojiyada ayaa Golaha Wasiirada warbixin ka siiyey Hindise Sahrciyeedka Isgaarsiinta, doorarka uu soo maray iyo muhiimada uu dalka u leeyahay. Wasiirka ayaa sheegay in wadatashi dheer oo lala sameeyey shirkadaha Isgaarsiinta, Wasiirada Dowlad Goboleedyada iyo qeybaha ay khuseyso in la soo diyaariyey Xeerka Isgaarsiinta oo faa’iido weyn u leh shirkadaha isgaarsiinta, shacabka isticmaala adeegyada isgaarsiinta iyo shacabka guud bacdamaa dowladdu heleyso dakhli ka soo gala canshuurta isgaarsiinta. Dood dheer ka dib ayey Golaha Wasiirada si wadar-oggol ah ku ansixiyeen Hindise Sharciyeedka Isgaarsiinta oo dhowaan loo gudbin doono Golaha Shacabka.

Wasaaradda Garsoorka ayaa golaha Wasiirada horkeentay Hindise Sharciyeedka La Dagaalanka Musuqmaasuqa oo muhiim u ah dowlad wanaaga, isla xisaabtanka iyo kordhinta dakhliga dowlada. Dood dheer ka dib ayey Golaha Wasiiradu si wadar-oggol ah ku ansixiyeen Sharcigan oo dhowaan la horgeyn doono Baarlamaanka.

Ugu danbeyntii Ra’iisul Wasaaraha ayaa sheegay in maanta ay tahay maalin taariikhi ah oo sharciyo muhiim u ah dalka la ansixiyey, lana rajeynayo in shuruucda harsan dhowaan la horkeeni doono golaha wasiirada. Ra’iisul Wasaarahaa ayaa wasiirada ku booriyey inay soo dedejiyaan Hindise Sharciyeedyada ay ku howlan yihiin si Xukuumada ay u gudato waajibaadka loo igmaday, dalkana loo gaarsiiyo doorashooyin hal cod iyo hal qof ah.

—-DHAMMAAD—-

Safaaradda Jabuuti oo gabdhaha agoonta Boondheere u qeybisay dhar ay ku ciidaan

SNTV
-
0

Safaaradda Jaabuuti ayaa maanta dhar ay ku ciidaan u qeybisay gabdhaha agoonta ah ee ku jira xarunta agoonta gabdhaha Boondheere ee Muqdisho

Qunsulka safaaradda Jamhuuriyadda Jabuuti ee  Muqdisho ayaa xarunta xannaanada agoonta Gabdhaha Boondheere  gaarsiiyay dhar ay ku ciidaan gabdhahaasi, si ay farxadda ula qeybsadaan caruurta Soomaaliyeed.

Guddoomiyaha degmada Boodheere ee gobolka Banaadir Seynab Yuusuf Wehliye ayaa sheegtay in dowladda Jabuuti walaalnimada ka sokow ay tahay maciin garab u ah shacabka Soomaaliyeed, iyadoo mahad ballaaran u jeedisay shacabka iyo madaxda dowladda Jabuuti.

Qunsulka  safaardda Jabuuti ee Soomaliya ahna ku simaha xilka safiirka mudane  Sahal Cabdi Yuusuf oo deeqda dharka ah u qeybiyay gabdhaha agoonta ah ayaa tilmaamay in dharkan ay safaaraddu ugu talagashay in ay ku ciidaan boqollaalka gabdhaha ah ee ku jira xaruntaasi.

Waa sanadkii labaad oo safaaradda Jabuuti ay gabdhahaasi agoonta ah u qeybineyso dhar ay ku ciidaan, iyadoo dowladda Jabuuti dib u dhis ballaaran ku sameysay xaruntaasi.

Gabdhaha agoonta ah ayaa xaruntaasi ka hela waxbarasho,  xannaano iyo daryeel dheeraad ah, maamulaha xaruntaasi marwo Nuurto Maxamed Caddoow oo iyadu aas aastay xaruntaasi soona gaarsiisay heerka ay maanta joogto

 

Wasiirka Dhallinyarada Soomaaliya oo ka tacsiyadeysay geerida Wasiirka Dhallinyarada ee Jubbaland

SNTV
-
0

Wasiirka Dhallinyarada iyo cayaaraha ee Xukuumadda Soomaaliya ayaa ka tacsiyadeysay geerida Wasiirka Dhallinyarda  ee Jubbaland Sheekh Maxamed Yuusuf Aw Libaax,  oo maanta ku dhaawacmay qaraxii lala eegtay saldhigga Degmada Waaberi, kaasi oo caawa fiidkii u geeriyooday dhaawaca ka soo gaaray qaraxaasi

Wasiir Khadiijo Maxamed Diiriye ayaa ehelada, asaxaabta iyo guud ahaan Umadda Soomaaliyeed uga tacsiyadeysa geerida Marxuum Sheekh Maxamed Yuusuf Aw Libaax, oo caawa ku dhintay Isbitaalka Racep Yayip Erdogan ee degmada Hodan, waxaana ay Alle uga bariday in uu ka waraabiyo Janadii fordowso ahayd.

Qaraxa maanta ka dhacay Saldhigga degmada Waaberi ayaa ahaa mid loo adeegsaday gaari laga soo buuxiyay waxyaabaha qarxa, kaasi oo ay ku dhiteen ku dhawaad 10 ruux halka ay u dhaawacmeen tiro kale.

 

Qaraxa ayaa saameeyay dhismayaasha ka ag dhow Saldhiga ee ku yaallay Wadada Maka Al-Mukarama.

 

1...1,5811,5821,583...1,657Page 1,582 of 1,657

© 2023 Telefishinka Qaranka Soomaaliyeed