Dowladda Federaalka ah ee Soomaaliya Bukaanaddii Maanta ay ka qaaday Magaaladda Muqdisho ee ku wajahnaa Dalka Suudaan, ayaa hadda ka degay Magaaladda Khartoum ee Xarunta dalkaasi, halkaas oo ay kusoo dhoweeyeen Masuuliyiin Safaaradda Soomaaliyeed ee Suudaan iyo Jaaliyadda Dalkaasi ku nool.

Madaxweynaha Dowladda Sudan, Cumar Albashiir, ayaa kahadlay qaraxii Zoobe ee Dadka badan ay ku dhinteen, isagoo sheegay in Bukaanadda Wadaankaasi gaaray oo gaaraya 23 Qof ay Dowladdiisa u balan qaadeyso in addeeg Caafimaad ay siin doonto, islamarkaana Suudaan ay diyaar u tahay Caawinaada iyo Garab istaaga Soomaaliya, ayna la qeyb saneyso Dhibaatada.

Cumar Albashiir, Madaxweynaha Wadanka Suudaan, ayaa Amray Wasaaradda Caafimaadka ee Wadankaasi in il gaar ah lagu hayo bukaanada Soomaalida ah, loona fidiyo Gargaar caafimaad oo tayo leh, waxaana uu intaas ku daray in xil gaar ah la iska saaro.

Wararka naga soo gaaraya Magaaladda Nairobi ee Xaruna Dalka Kenya, ayaa sheegay in magaaladaasi ay gaartay diyaaraddii waday Bukaanadda Soomaaliyeed ee ku dhaawacmay Qaraxii ka dhacay KM5, kuwaasi oo maanta ka dhooftay Magaaladda Muqdisho.

Waxaa garoonka diyaaradaha ee Magaaladda Nairobi kusoo dhoweeyey Bukaanada Soomaaliyeed, Masuuliyiin ay ugu Horreeyso Wasiirka arrimaha Dibadda Kenya, Marwo Aamina Jawaahir Maxamed, Madaxda Safaaradda Soomaaliyeed ee Kenya iyo masuuliyiin kale.

Wasiirka arrimaha Dibadda kenya oo Warbaahinta la hadashay soo dhoweynta ka dib, ayaa sheegtay in addeeg caafimaad oo heer sare ah loo fidin doonno Bukaanadda Soomaaliyeed ee ku dhaawacmay Qaraxii Zoobe ka dhacay, waxaana ay sheegtay in ay garab taagan yihiin Dowladda Soomaaliya, ayna kala shaqeynayaan arrimaha nabad gelyada iyo la dagaalanka Argagixisada Alshabaab.

Akhristayaasheenna sharafta leh waxaan halkaan idiinkugu soo gudbineynaa Warbixin muuqaal ah oo ka hadleysa baaxada qasaaraha qaraxii 14kii bishan ka dhacay isgoyska Zoobe ee magaalada Muqdisho ayadoo warbixinta oo muuqaallo kala duwan ah aad kaga daalacan doontaan qeybaha ay dadku sida aadka ah ugu geeriyoodeen.

 

Warbixintan Waxaa diyaariyey Agaasimaha SNTV Liibaan Cabdi Cali

Nairobi (SONNA) Wararka naga soo gaaraya Magaaladda Nairobi ee Xaruna Dalka Kenya, ayaa sheegay in magaaladaasi ay gaartay diyaaraddii waday Bukaanadda Soomaaliyeed ee ku dhaawacmay Qaraxii ka dhacay KM5, kuwaasi oo maanta ka dhooftay Magaaladda Muqdisho.

 
Waxaa garoonka diyaaradaha ee Magaaladda Nairobi kusoo dhoweeyey Bukaanada Soomaaliyeed, Masuuliyiin ay ugu Horreeyso Wasiirka arrimaha Dibadda Kenya, Marwo Aamina Jawaahir Maxamed, Madaxda Safaaradda Soomaaliyeed ee Kenya iyo masuuliyiin kale.

 
Wasiirka arrimaha Dibadda kenya oo Warbaahinta la hadashay soo dhoweynta ka dib, ayaa sheegtay in addeeg caafimaad oo heer sare ah loo fidin doonno Bukaanadda Soomaaliyeed ee ku dhaawacmay Qaraxii Zoobe ka dhacay, waxaana ay sheegtay in ay garab taagan yihiin Dowladda Soomaaliya, ayna kala shaqeynayaan arrimaha Nabad gelyada iyo la dagaalanka Argagixisada Alshabaab.

Muqdisho (SONNA) Dowladda Federaalka ah ee Soomaaliya Bukaanaddii Maanta ay ka qaaday Magaaladda Muqdisho ee ku wajahnaa Dalka Suudaan, ayaa hadda ka degay Magaaladda Khartoum ee Xarunta dalkaasi, halkaas oo ay kusoo dhoweeyeen Masuuliyiin Safaaradda Soomaaliyeed ee Suudaan iyo Jaaliyadda Dalkaasi ku nool.

 
Madaxweynaha Dowladda Sudan, Cumar Albashiir, ayaa kahadlay qaraxii Zoobe ee Dadka badan ay ku dhinteen, isagoo sheegay in Bukaanadda Wadaankaasi gaaray oo gaaraya 23 Qof ay Dowladdiisa u balan qaadeyso in addeeg Caafimaad ay siin doonto, islamarkaana Suudaan ay diyaar u tahay Caawinaada iyo Garab istaaga Soomaaliya, ayna la qeyb saneyso Dhibaatada.

 
Cumar Albashiir, Madaxweynaha Wadanka Suudaan, ayaa Amray Wasaaradda Caafimaadka ee Wadankaasi in il gaar ah lagu hayo bukaanada Soomaalida ah, loona fidiyo Gargaar caafimaad oo tayo leh, waxaana uu intaas ku daray in xil gaar ah la iska saaro.

Muqdisho (SONNA) Wasiirka Waxbarashadda Xukuumadda Federaalka ah ee Soomaaliya, Mudane C/raxmaan Cismaan Maxamed, oo la hadlay Warbaahinta Dowladda, ayaa Ummadda Soomaaliyeed iyo Hay’addaha gargaarka ee Caalamiga ah ugu baaqay in ay ka qeyb qaataan Ololaha gurmadka ah ee lagu caawinayo dadka soomaaliyeed ee ku waxyeeloobay Qaraxii Kooxda Argagixisada Alshabaab ay geeysteen KM5 ee Magaaladda Muqdisho.

Wasiirka oo booqday Xarunta Gurmad Qaran, ayaa u mahad celiyey Qaar kamid ah wadamada caalamka oo Soomaaliya u muujiyey garab istaag dhab ah, si gaar ah waxa uu u xusay Wadamada Turkey, Jabuuti, Canada, France, Qatar, Mareykanka iyo Kenya oo uu sheegay in Gargaarka Soomaaliya loo fidinayo ay ka qaateen door aad muhiim u ah.

 
“Waxaan Ummadda Soomaaliyeed ugu baaqayaa in ay u midoobaan siddii ay isaga xoreyn lahaayeen Kooxda Argagixisada ah ee Alshabaab, waxay caado ka dhigteen in ay daadiyaan dhiigga shacabka Soomaaliyeed, waa in aan gacmaha is qabsanaa oo aan garab istaagtaa Dowladda Federaalka ah ee Soomaaliya, Xasuuqii KM 5 ka dhacay waxa uu tusaale uu yahay Arxan darrada Nabad diidka Alshabaab” ayuu yiri Wasiirka C/raxmaan

 
Madaxda Dowladda Federaalka ah ee Soomaaliya ayaa u kala harin caawinta iyo ka warheynta Dadka dhibaneyaasha ah ee dhaawacyada ay ka soo gaareen Qaraxii KM5 sabtidii lasoo dhaafay ka dhacay, kaasi oo galaaftay Nolosha dad ku dhow 300 oo qof.

Muqdisho (SONNA) Guddiga Guramadka Qaranka, ayaa Shir jaraa’id oo ay hadda ku qabteyn Xarunta Gurmadka Qaranka ayaa waxay kaga hadleyn Howsha gargaarka meesha ay mareyso iyo Baahiyaha kala duwan ee ay qabaan Bukaanaddii Qaraxii Zoobe ku waxyeeloobay.
Qaar kamid ah Xubnaha Guddiga Gurmadka qaranka oo Warbaahinta Dowladda la hadlay, ayaa sheegay in ay jiraan  Baahiyo badan, loona baahan yahay Gurmad deg deg ah, maadaama ay jiraan dad dhaawacyo culus qaba oo caawinaad deg deg ah u baahan.

Guddiga, ayaa balan qaaday in aysan dhici doonin la masuq maasuqo Lacagta  loo soo diro ee gurmadka ah, waxaana ay sheegeyn in Ummadda Soomaaliyeed aysan Cabsi kaqabin arintaasi, iyaggoo tilmaamay in Guddiga uu wado Howshiisa, islamarkaan ay dhalinyaro ay u xilsaareen tira koobka saxda ah ee Qasaaraha qaraxa uu geeystay, dhalinyaradaasna ay tagi doonaan goobo badan.

Muqdisho (SONNA)  Kulan ay isugu yimaadeen Xiriirka guud ee Shaqaalaha Dowladda, ayaa lagu soo bandhigay tirada shaqaalaha Dowladda ee ku geeriyooday kuna dhaawacmay masiibadii ka dhacday Magaaladda Muqdisho iyo kaaalinta ay ka qaateen Xiriirka Guud ee Shaqaalaha Dowladda.

Kulanka ayaa lagu sheegay in Shaqaalaha Dowadda ee ku dhintay Qaraxii Zoobe uu yahay  Lix qof, halka ay ku dhaawacmeen 20 qof sida ay sheegeen Xiriirka guud ee Shaqaalaha Dowladda Soomaaliya.

Xoghayaha Xiriirka Goboladda Maamul goboleedyada ee Xiriirka guud ee Shaqaalaha Dowladda Maxamed Macallin Iimaan, ayaa waxaa uu tilmaamay kaalintii ay ka qaateen gurmadkii loo fidinayey dadkii waxyeelada ay soo gaartay dhacdadii KM5.

 
Guddoomiye Ku xiggeenka Xiriirka guud ee Shaqaalaha Dowladda Nuur Axmed Diiriye oo ka hadlay kulanka, ayaa tacsi u diray dhamaan Shacabka Soomaaliyedd, isagoo ku dhaawacyada culus uu soo gaaray Alle uga baryey in Caafimaad deg deg ah uu siiyo.

 
Guddoomiyaha Xiriirka guud ee Shaqaalaha Dowladda C/risaaq Macaallin Cilmi, ayaa waxaa uu faahfaahin ka bixiyey kaalintii ay ka qaateen gurmadka loo fidinaayey Shacabkii ku waxyeeloobay Musiibaddii ka dhacay Zoobe.

Muqdisho (SONNA) Qaar kamid ah Xildhibaanadda Golaha Shacabka Jamhuuriyadda Federaalka ah ee Soomaaliya, ayaa Maanat booqday Qaar kamid ah Isbitaalada ay ku jiraan Bukaanaddii dhowaan kusoo dhaawacmay Qaraxii Kooxda Argagixisada ah ee Alshabaab ay ka geeysteen Isgooyska Zoobe ee Gobolka Banaadir.

XIldhibaanadda oo kala ah Xil Farxiyo Xasan Axmed, Xil Xiisa Xasan Aadan, Xildhibaan Maryan Axmed Haaruun iyo Xildhibaan Xabiibo Axmed Haaruun, ayaa  booqday Isbitaalada Madina, Digfeer, Daarulshifa iyo kuwa kale, iyaggoo Bukaanadii Isbitaaladaasi ku jiray Gaarsiiyey Deeq lacageed oo ay iska soo arruuriyeen dhexdooda.

 
Waxaa sii kordhaya Deeqaha kala duwan ee la gaarsiinayo Dadkii ku dhaawacmay Qaraxii aadka u cusluu ee Kooxda Argagixisada ah ee Alshabaab ay ka geeysteen Isgooyska Zoobe ee Magaaladda Muqdisho, qaraxaas oo ay ku dhinteen dad ku dhow 300 oo qof.

Muqdisho (SONNA) Marwada kowaad ee Dalka Marwo Saynab Cadbi Macalin, ayaa qaar ka mid ah Isbitaalada Magaalada Muqdisho ku booqatay dhawacyadii ka dhashay Qaraxii 14-ki bishan ka dhacay Caasimadda, kaasi oo ay ku waxyeeloobeen Dad aad u fara badan oo ku dhow 300 oo qof.

Marwo Zaynab Cabdi Macalin oo ay wehliso Agaasime ku xiggeenka Madaxtooyadda Qaranka Aamina Saciid Cali, ayaa waqti la qaadatay dhaawacyada ku jira isbitaalada Madiina iyo Erdugan Ex Digfeer, halkaas oo ay gaarsiisay Deeq isugu jirta Timir iyo Biyo.

Marwada Koowaad ee Dalka oo ay ka muuqatay Darreen ah sida ay uga xanuusatay dhibaatada Kooxda Argagixisada ah ee Al-shabaab ay u geeysteen Dadka Rayidka ah ee aan waxba galabsan ayaa u rajeeysay Muwaadiniinta dhaawaca uu soo gaaray in Alle u Boggsiiyo, iyadoo Shacabka Soomaaliyeed ugu baaqday inay Midnimo muujiyaan, si ay argagaxisada looga guuleysto.