Search
Subscribe
Home Blog Page 1167

sii hayaha wasiirka warfaafinta xukumada soomaliya oo garoowe shir warbaahinta madaxa banaan ka qeyb galaayo

SNTV
-
0
sii hayaha wasiirka warfaafinta xukumada soomaliya oo garoowe shir warbaahinta madaxa banaan ka qeyb galaayo

Wafdigaan, ayaa  waxaa qeyb ka ahaa Xildhibaano ,Bahda warfaafinta Soomaaliyeed sida wasaaradaha warfaafinta Maamul Gobaleedyada dalka ,Madaxda warbaahinta dowlada iyo ururada saxaafadda ee Madaxa Banaan, uuna Horkacayay siihayaha wasiirka warfaafinta  Dhaqanka iyo Dalxiiska Dowladda Federaalka ah ee Soomaaliya Mudane C/raxmaan Iidaan Yoonis, waxaana ku soo Dhoweeyayay Garoonka diyaaradaha ee Kanoco Madaxda wasaaradda warfaafinta Puntland ,wasiiro iyo xunba Kala duwan,  waxayna Garoowe kaga qayb gali Doona shirkii labaad ee bahda warfaafinat Soomaaliyeed oo Garoowe ka furmi Doona .

Mudane C/Xirsi Cali Qarjab wasiirka warfaafinta is gaarsiinta Hidaha iyo dhaqanka  Dowlad goboleedka Puntland, ayaa ku soo dhoweeyay Madaxdaani kala duwan Puntland, xusayna in uu Garoowe ka furmi doono shir u Muhiim ah bahda warfaafinta iyo Bulshada Soomaaliyeed.

Sii hayaha wasiirka warfaafinta Dhaqanka iyo Dalxiiska Dowlada Federalka ah ee Soomaaliya ahna wasiir ku xigeenka wasaraadaasi Mudane C/rixmmaan Iidaan Yoonis, ayaa ka Mahad celiyay Soo dhowaynta Garoowe loogu sameeyey,  siina raaciyay in uu Garoowe ka furmi Doono shirkii Labaad ee ay yeelan Doonaan Bahda Warfaafinta Soomaaliyeed, kaasi oo daba socda shir sanad ka hor la qabtay.

Shirkaan ayaa lagu wadaa in uu socdo Muddo afar barri ah, kaasi oo ay yeelan doonaan Madaxda ka qayb galaysa shirkaani Doodo ,wada tashiyo iyo kulama gaar gaar ah oo loogaga arinsanayo Horumarinta iyo iskaashiga wasaarada warfaafinta Dowlada Federalka ah ee Soomaaliya iyo wasaaradaha warfaafinta ee Maamul gobaleedyada dalka iyo horumarinta warbaahinta dalka.

Madaxweynaha Soomaliya oo mudane jawaari ugu mahadceliyay go’aanka geesinimada ah ee uu qaatay

SNTV
-
0
Madaxweynaha Soomaliya oo mudane jawaari ugu mahadceliyay go’aanka geesinimada ah ee uu qaatay

Madaxweynaha Jamhuuriyadda Federaalka Soomaaliya Mudane Maxamed C/llaahi Farmaajo iyo Guddoomiyaha Golaha Shacabka Baarlamaanka ee xilka ka siidagaya Maxamed Sheekh Cusmaan Jawaari ayaa  shir jaraa’id ku qabtay goor dhow madaxtooyada Soomaaliya.

Maxamed Sheekh Cismaan Jawaari ayaa sheegay inuu xilka ka degi doono maalinta berri, si uu amaanada dib ugu celiyo xubnaha Golaha Shacabka ee horay u soo doortay, isagoo si rasmi ah u cadeeyay inuu iscasilay.

“waxaan rabaa hor iyo horaan inaan mahad gaara u jeediyo Shacabka Soomaaliyeed, kana raali galiyo maalmahaan murugtii iyo walwal maalmahaan nasoo maray oo adkeysiga ay u yeesheen waxaana ku wargalinayaa inay arintaasi dhamaatay, waxaan aad u tixgaliyay talooyinkii badnaa ee iga soo gaarayay sidaas ayaana go’aan ugu gaaray in aan xil heyntii golaha shacabka Berito oo Arbaco ah inaan xilkaasi iyo amaanadaasi aan ku celiyo golaha shacabka oo ii dhiibtay”.

Madaxweynaha JF Soomaaliya Mudane Maxamed C/llaahi Farmaajo ayaa uga mahad celiyay go’aanka uu qaatay Mudane Maxamed Sheekh Cismaan Jawaari, isagoo sheegay inuu dalka wax badan u soo qabtay muddo 50-sano ah uu usoo dadaalayay.

“waxaan rabaa inaan u mahad celiyo Mudane Maxamed Sheekh Cismaan Jawaari oo dalkaan wax badan usoo qabtay mudo 50-sano uu shaqeynayay, Mudane waa oday Soomaaliyeed waa khabiir dhanka Sharciga ah, go’aanka uu qaatay waa mid sharci wax shuruud ah oo ku xiran ma jiraan, waxaan ku dhiiri galinayaa inuu halkaasi kasii wado dadaalada uu ku bixiyay Dowladnimada Soomaaliyeed”.

Madaxweyne Farmaajo ayaa Xukuumadda Soomaaaliya iyo Baarlamaanka usoo jeediyay inay laba jibaaraan dadaalka ay wadaan maadaama ay horyaalaan howlo culus.

“Xukuumadda waxaan farayaa inay dadaalka laba jibaarto maadaama ay horyaalaan howlo culus oo ay ka mid yihiin sugida amniga iyo horumarinta dhaqaalaha dalka, Baarlamaanka waxaan usoo jeedinayaa inay dardargaliyaan Hindise sharciyeedyada oo xukuumada ay usoo gudbisay oo ahmiyad weyn u leh dalka, waxaan kaloo aan ugu baaqayaa Baarlamaanka inay kor joogto ku sameeyaan Xukuumadda iyo laamaha amaanka, waxaan shacabka Soomaaliyeed ugu baaqayaa inay la shaqeeyaan hay’addaha amaanka’’ayuu yiri Madaxweyne Farmaajo.

Cutubyo ka tirsan Ciidanka xoogga dalka oo tababar logu soo xiray Magaallada Muqdisho

SNTV
-
0
Cutubyo ka tirsan Ciidanka xoogga dalka oo tababar logu soo xiray Magaallada Muqdisho

Cutubyo ka tirsan ciidanka xoogga dalka oo Muddo Seddex Bilood ah Tababar Ciidan ku qaatay Dugsiga Tababarka ee Turki Som ayaa maanta waxaa Tababarka usoo xeray Taliyaha Ciidanka Xoogga Dalka S/gaas C/wali xuseen Jaamac (Gorod)

Munaasabad Ballaaran oo ciidamadaan tababarka loogu soo xerayay ayaa waxaa ka qeyb galay Taliyaha ciidanka xoogga dalka, Safiirka Dowlada Turkiga u jooga Soomaaliya, wakiilka qaramada Midoobay ee Soomaaliya, Saraakiil ka Tirsan ciidanka Xoogga Dalka iyo Tababarayaal Turki ah.

Taliyaha ciidanka xoogga dalka Soomaaliya S/gaas C/Wali Jaamac Xuseen Gorod, ayaa Baaq u diray Dowladaha taageera Soomaaliya, isaggoona ugu baaqay in ay ka qeyb qaataan dhismaha Ciidamada xoogga dalka.

General C/weli Jaamac Xuseen(Gorod), ayaa waxa uu sidoo kale sheegay in ciidamadaan maanta uu u dhammaaday tababarka ay u tababaran yihiin dhanka dhulka, isla markaasine ay dowladda Turkiga u dhameestirtay qalabka ay ku howlgali lahayeen.

Muddo seddex bilood ah ayay ciidamadaani tababar ku qaateen Xarunta Dugsiga Tababarka Turki Som, waana Dufcadii labaad ee ka qalin jabisa Xarunta Dugsiga Turki Som.

Ciidanka Xoogga Dalka oo howlgal ballaaran ka bilaabay G/Shabeelada Dhexe

SNTV
-
0
Ciidanka Xoogga Dalka oo howlgal ballaaran ka bilaabay G/Shabeelada Dhexe

Howlgal ballaaran oo ka dhan ah Maleeshiyada Alshabaab ayaa ka bilwoday deegaanno ka tirsan Gobolka Shabeelada Dhexe,iyadoo waqtiyadii ugu dambeeyey Ciidamo ka tirsan Xooga Dalka iyo kuwa AMISOM ay fariisimo military ka sameystay deegaanno dhowr ah oo u dhaxeeya magaalooyinka Balcad iyo Jowhar ee Gobolkaasi.

Goobaha ay ciidamadaasi saldhigyada ka sameysteen waxaa kamid ah deegaanada Gololey iyo Haanshiikh oo kamid ah goobaha ay ku dhuumaalaysanayeen Maleeshiyada Alshabaab,Sida uu soo sheegayo wariyaha warbaahinta Qaranka ee Jowhar Abuukar Maxamed Bacaadle oo la xiriiray qar kamid ah saraakiisha Xooga Dalka oo howlgalkaasi hogaaminaysa.

Saraakiisha ayaa ujeedka ay ciidamadaasi fariisinka uga sameysteen halkaasi ku sheegay in ay tahay ka hortaga dhibaatooyinka Alshabaab ay ka geystaan waddooyinka inta lagu guda jiro safarka,kuwaasi oo shacabka ku dhibaateeya qaraxyada dhulka lagu aaso iyo weeraro gaadmo ah.

Muddooyinkii ugu dambeeyey waxaa soconayay qorshayaal iyo dadaallo ku aadan sidii loo sifeyn lahaa waddooyinka ay ku sugan yihiin argagixisada Alshabaab.

Howlgaladani military ayaa waxbadan ku soo kordhin kara sidii looga hortagi laha qataraha Maleeshiyaadka Alshabaab ay u soo maleegaan dadka Shacabka ah,waxaana arintani ku timid kulamo wadatashiyo ah oo horey u dhexmaray maamulka Hirshabeele,saraakiisha Ciidanka Xoogga Dalka iyo kuwa AMISOM.

Dowladda Soomaaliya oo ku dhawaaqday guddi iskaashi iyo wadashaqeyn ka dhexeey doonaa hey’adaha Q.M

SNTV
-
0
Dowladda Soomaaliya oo ku dhawaaqday guddi iskaashi iyo wadashaqeyn ka dhexeey doonaa hey’adaha Q.M

Xukuumadda Jamhuuriyadda Federaalka Soomaaliya ayaa ku dhawaaqday dhismaha guddiga xiriirka ee dalka martida loo yahay, kaasi oo u idman la shaqeynta iyo inuu iskaashi toos ah la sameeyo guddi kale oo Qaramada Midoobey oo dib laga faafin doono si loo horumariyo istiraatiijiyadaha suuragalka ay tahay inay u gogol xaarto raadraacidda fulinta qorshayaasha horumar ee lagu xoojinayo maqaamka Soomaaliya iyo waxa shacabkeedu hantiyay.

Xukuumadda Federaalka Soomaaliya waxa ay leedahay barnaamijyo horumarineed oo muujinaya muuqaalka dhaqaale, siyaasad iyo bulsho oo ka qeyb ah istiraatiijiyad ee hirgeliya hab dhamaystiran oo wax ku ool ah ee koritaanka joogtada ah, taas oo wadada u xaareysa, xoojinaysana xiriirka Soomaaliya kala dhexeeya dalalka kala duwan ee adduunka.
Guddiga xiriirka ee dalka martida loo yahay ayaa waxa uu ka kooban yahay sidatan:
1- Wasaaradda Arrimaha Dibadda iyo Iskaashiga Caalamiga (Martigeliye)
2- Wasaaradda Maaliyadda
3- Wasaaradda Qorsheynta, Maalgashiga iyo Horumarinta Dhaqaallaha
4- Wasaaradda Ganacsiga iyo Warshadaha
5- Wasaaradda Amniga Gudaha
6- Wasaaradda Shaqada iyo Arrimaha Bulshada
7- Wasaaradda Arrimaha Bani’aadannimada iyo Maareynta Masiibooyinka
8- Xafiiska Ra’iisul wasaaraha – Wasiiru dowle
9- Hoggaanka Socdaalka Iyo Jinsiyadaha – Heer Agaasime Guud
10- Maamulka Gobolka Banaadir – Duqa Magaalada/ heer kuxigeen
11- Xafiiska Madaxweynaha – heer lataliye

Agaasimaha Guud ee Wasaaradda Warfaafinta oo kulan la qaatay Safiirka Shiinaha ee Soomaaliya

SNTV
-
0
Agaasimaha Guud ee Wasaaradda Warfaafinta oo kulan la qaatay Safiirka Shiinaha ee Soomaaliya

Mas’uulin ka tirsan Wasaaradda Warfaafinta oo uu Hogaaminayo Agaasimaha Guud ee Wasaaradda Mudane Cabdiraxmaan Yuusuf Sheekh Al-Cadaala ayaa maanta xarunta Safaaradda Shiinaha ee Muqdisho kula kulmay Safiirka Shiinaha ee Soomaaliya Ambassador Qin Jian.

Kulanka oo ay dhanka Wasaaradda ku wehliyeen Agaasimaha Guud, Agaasimaha Maamulka Nasir Xasan Xuseen, Latilayaha Wasaaradda Cabdiraxmaan Maxamed Aadan Koronto iyo Agaasimaha Qorshaynta Cabdiraxmaan Axmed Xuseen halka Safiirka Shiinaha uu wehliyay Madaxa qaybta Siyaasadda iyo Warfaafinta Mr Yu Hanaan.

Labada dhinac ayaa ka wadahadlay sidii kor loogu qaadi lahaa xiriirka labada dal ee dhinacyada Warfaafinta, Dhaqanka iyo Dalxiiska, iyadoo la isla qaatay in labada dal ay sameeyaan is dhexgal dhanka Saxaafadda ah, taas oo dhawaan la hirgelindoono, waxaana lagu bilaabi doono in saxafiyiin Soomaaliyeed oo ka socda qaybaha Warfaafinta ay Wasaaraddu u dirto dalka Shiinaha si ay waxbadan uga soo ogaadaan sida uu Dalkaasi ushaqeeyo, iyadoo ay safarkaas fududaynayso Safaaradda Shiinaha ee Soomaaliya.

Agaasimaha Guud ee Wasaaradda Warfaafinta, Dhaqanka iyo Dalxiiska ee Xukuumadda Soomaaliya Mudane Cabdiraxmaan Yuusuf Sheekh Al-Cadaala ayaa uga mahadceliyay Safiirka sida ay u garabtaaganyihiin Soomaaliya gaar ahaan dhanka Saxaafadda , Dhaqanka iyo Dalxiiska, isagoo xusay in taageeradoodu aanay ahayn mid cusub oo waqti dheer uusoo jiray.

Ugu danbayntii labada dhinac ayaa isku raacay in la xoojiyo sidii labada bulsho loogu kala warqaadi lahaa, iyadoo labarayo fursadaha ka jira labada Dal, sida dhaqaalaha, Waxbarashada, Dhaqanka, Ganacsiga, Dalxiiska iyo Arrimaha la midka ah.

Shirka Madasha Horumarinta Galmudug oo ka furmay Magaalada Dhuusamareeb ee Caasimada Galmudug

SNTV
-
0
Shirka Madasha Horumarinta Galmudug oo ka furmay Magaalada Dhuusamareeb ee Caasimada Galmudug

Madashan Wadatashiga Horumarinta Galmudug ayaa waxaa ka soo Qeybgalay Ganacsato aad u fara badan kuwaasoo danaynaya Maal Gashiyada Deegaanada Galmudug.

Waxaa Halkaasi ugu horayn ka hadlay Gudoomiyaha Rugta Ganacsiga iyo Warshadaha Galmudug Maxamed C/lahi Cabdi waxa uuna sheegay in shirkani uu yahay Mid lagu Farxo Ganacsataduna ay gaari karaan Heerar ay ku maalgashadaan Deegaanadooda.

Dhinaca kale waxaa isna Halkaasi ka hadlay Gudoomiyaha Rugta Ganacsiga Gobolka Galgaduud Yaasiin Sh Maxamed waxa uuna tibaaxay inay Muhiim tahay Horumarinta iyo kor uqaadista Kaabayaasha Dhaqaalaha Galmudug.

Ugu dambayn Madaxwaynaha Dowlad Gobaleedka Galmudug Axmed Ducaale Gelle Xaaf  ayaa Ganacsatada u sheegay inay Horumariyaan Deegaankooda waxa uuna xusay in la siin doono Dhulal ay dhistaan isla markaana ka samaystaan Goobo Ganacsi.

Shirkan ayaa inta uu socanayo waxaa looga hadli doonaa arimo ay ka mid yihiin Horumarinta Kaabayaasha Dhaqaalaha Galmudug iyo Ganacsatadu ay taageeraan Maamulka.

Duqa Muqdisho oo Ankara kula kulmay Mas’uuliyiin dowlada turki

SNTV
-
0
Duqa Muqdisho oo Ankara kula kulmay Mas’uuliyiin dowlada turki

Guddoomiyaha Gobolka Benaadir, ahna Duqa Muqdisho Mudane Cabdiraxmaan Cumar Cismaan (Eng.Yarisow) iyo wafdi uu hoggaaminayo oo booqasho rasmi ah ku jooga magaalada Ankara ee Caasimadda Dalka Turkiga, ayaa kulamo la qaatay Xoghayaha guud ee dawladaha Hoose ee Turkiga iyo masuuliyiin kale.

Mudane Yarisow oo weheliyo Guddoomiye ku xigeenka Marwo Basma Caamir Ahmed, safiirka Soomaaliya u fadhiya Turkiga Danjire Jaamac Abdullahi Ceydiid iyo mas’uuliyiin kale ayaa kulan gaar ah la yeeshay Xoghayaha guud ee Dawladaha Hoose Turkiga, Mudane Hayrettin Gungor, waxaana ay ka wada hadleen xoojinta iskaashiga ka dhaxeeya labada dhinac iyo sidii ay gacan uga geysan lahaayeen horumarinta magaalada Muqdisho.

Sidoo kale, Guddoomiye Yarisow ayaa la kulmay madax ka tirsan Hay’adda bisha Cas ee Turkiga iyo waaxda dhismaha jidadka u qaabilsan magaalada Ankara oo dhammaantood ay isla soo qaadeen horumarinta Muqdisho.

Guddoomiyaha oo wafdigiisa ay ka mid yihiin xubno ka tirsan Maamulka, Ganacsato iyo howl-wadeennada Gobolka Benaadir, ayaa inta uu joogo Turkiga waxa uu xoogga saari doonaa, sidii ganacsatada dalkaas ay u maalgashan lahaayeen Gobolka Benaadir, xoojinta xiriirka Muqdisho ay la leedahay magaalooyinka dalkaas, dar dar gelinta arrimaha iskaashiga,tababarrada, tayeynta shaqaalaha Gobolka Benaadir iyo isdhaafsiga khibradaha maamul ee labada dhinac.

Ra’iisul Wasaare ku xigeenka dalka oo kormeer ku tagay Isbitaalka Erdogan ee Ex Digfeer kulane la qaatay madaxda isbitaalka iyo bukaanada ku jira

SNTV
-
0
Ra’iisul Wasaare ku xigeenka dalka oo kormeer ku tagay Isbitaalka Erdogan ee Ex Digfeer kulane la qaatay madaxda isbitaalka iyo bukaanada ku jira

Mudane Mahdi Maxamed Guuleed Ra”iisul Wasaare ku-xigeenka dalka ayaa ujeedada kormeerkiisa waxa ay ahayd u kuurgalida Xaalada caafimaad ee dadka ku jira Isbitaalka iyo qaabka wax loogu qabanayo..

Maamulaha Isbitaalka iyo Dhaqaatiirta oo isugu jira Soomaali iyo Turki ayuu warbaxin ka dhageystay Ra’iisul Wasaare Mahdi Maxamed Guuleed, waxaana ay sheegeen Maamulka Isbitaalka in si wanaagsan loogu adeego Muwaadiniinta Soomaaliyeed ee adeegyada caafimaad u yimaada.

Intaasi ka dib ayuu Mudane Mahdi Maxamed Guuled Khadar wuxuu wareystay xaalada bukaanada ku jira Isbtaalka sida ay tahay iyo qaabka loogu adeego, wuxuuna u rajeeyay caafimaad deg deg ah inuu ilaah siiyo dhaawacyada ku jira Isbitaalka.

Booqashada Ra’iisul wasaare ku xigeenka dalka uu maanta ku tagay Isbitaalka Digfeer waxa ay qeyb ka tahay kor joogteynta iyo hubinta  adeegyada bulshada Soomaaliyeed in si wanaagsan u gaaro.

 

Maxkamada sare ee CQ oo ku raacday xukunkii dilka ahaa ee horay Maxkamada darajada 1-aad ugu xukuntay Ex-G/Sare C/naasir Xoosh Maxamed

SNTV
-
0
Maxkamada sare ee CQ oo ku raacday xukunkii dilka ahaa ee horay Maxkamada darajada 1-aad ugu xukuntay Ex-G/Sare C/naasir Xoosh Maxamed

Maxkamada sare ee Ciidamada Qalabka sida ayaa maanta ku raacday xukunkii dilka ahaa ee horay Maxkamada darajada koowaad ee Ciidamada Qalabka sida ay ugu xukuntay danbiile gacan ku dhiigle Ex-Gaashaanle sare Xoogga dalka C/naasir Xoosh Maxamed ka dib markii lagu helay dilka Alle ha u naxariistee Marxuum Ex-Generaal Siciid Aadan Yuusuf (Mariino) oo ka tirsanaa Ciidamada Badda Soomaaliya.

Guddoomiyaha Maxkamada sare ee Ciidamada Qalabka sida Sareeye Guuto Liibaan Cali Yarow ayaa warbaahinta u akhriyay Xukunka.

“ Maxkamada sare ee Ciidamada Qalabka sida markii ay aragtay racfaanka Gaashaanle sare Xoogga dalka C/naasir Xoosh Maxamed oo ahaa taliyihii raxanta doomaha ciidamada Badda Xoogga dalka Soomaaliya,markii ay aragtay Xukunka Maxkamada darajada koowaad ciidamada Xoogga dalka ee soo baxay 20/2/2018-ka,oo ay ku xukuntay Gaashaanle sare Xoogga dalka Gaashaanle sare C/naasir Xoosh Maxamed dil toogasho ah.”

Wuxuuna Guddoomiyaha Maxkamada sare ee Ciidamada Qalabka sida Sareeye Guuto Liibaan Cali Yarow sheegay in markii la dhageystay doodii dhinacyada xeer ilaalinta ciidamada Qalabka sida iyo qareenkii difaacayay rafcaanlaha Ex-Gaashaanle sare C/naasir Xoosh Maxamed inuu yahay danbiile galay danbigii lagu soo oogay,isagoona hadalkiisa intaasi raaciyay in Maxkamada sare ee Ciidamada Qalabka sida ay ku raacday Xukunkii Maxkamada Darajada koowaad ee Ciidamada Qalabka sida horay ugu xukuntay danbiile C/naasir Xoosh Maxamed oo ahaa xukun dil ah oo loogu qisaasayo dilkii uu u geystay Alle ha u naxariistee Marxuum Ex-Generaal Siciid Aadan Yuusuf (Mariino).

C/naasir Xoosh Jabriil oo 54-sano jir ah oo ka warbixiyay garsoorka Maxkamada Ciidamada Qalabka sida ayaa qirtay in Xabad ka dhacday Bastoolad uu watay madaxa ka haleeshay Marxuum Ex-Generaal Siciid Aadan Yuusuf (Mariino),sidaasina u geeriyooday.

1...1,1661,1671,168...1,552Page 1,167 of 1,552

© 2023 Telefishinka Qaranka Soomaaliyeed