Muqdisho (SNTV):-Ra’iisul Wasaaraha Xukumadda federaalka Soomaaliya ayaa xalay kormeer ku sameeyey Waddooyinka oo uu maamulka Gobolka Banaadir  ka wado Howlaha Nadafadeed, wuxuuna qaybo ka mid ah meelihii uu booqday kula soo qaatay kulamo xog wareysi ah  Qaar ka mid ah Bulshada Caasimadda, si uu u qiimeeyo isla markaana indhahiisa ugu arko  sida ay u socdaan howlaha dardar galinta bilicda iyo nadaafada Caasimadda.

Ra’iisul Wasaaraha xukumadda Federaalka Soomaaliya mudane Xasan Cali khayre  kormeerkaan uu ku tagey qaar ka mid ah degmooyinka gobolka baandir ayaa yimid ka dib markii maamulka gobolka Banaadir uu tubta arrimaha bulshadda ku soo bandhigeen   in ay socdaan  howlo lagu  xoojinayo   nadaafadda iyo bilicda caasimadda oo dowladda Soomaaliya ahmiyad weyn siinayso  si loo helo Caasimad  bilic iyo amni leh.

Wasiirku xigeenka wasaaadda Warfaafinta Dhaqanka iyo Dalxiiska ee xukumadda, Aadan Isaaq Cali oo warbaahinta Qaranka la hadlay ayaa  xusay in dowladda  muhiimada weyn siinayso  Bilicda caasimada isla markaana maamulka Gobolka banaadir uu hada bilaabey howl ballaran oo lagu suurta galinayo.

Ra’iisul wasaaraha xukumadda Federaalka Soomaaliya Mudane Xasan Cali kheyre oo kormeerkiisa ku guda jira ayaa  kulamo is xogwareysi iyo kala warqaadasho ah waxa uu  la qaatay dadkii ku caweynayey  waddooyinka maagaladda , kuwaasi oo isugujira dhalinyaro,ganacsato iyo dadka degan.

Dadkiii uu kula kulmay waddooyinka ayaa Ra’iisul Wasaaraha xukumadda Federalka Soomaaliya waydiinayey Su’aalo ka turjumayey  dowladnimada iyo dal jaceylka,islamarkaana ku bogaadiyey in mar kasta ay noqdaan kuwa u taagan ilaalinta dowladnimada. Tani waxay dhalinyarada Soomaaliyeed u  horseedaysaa in ay helaan mustaqbal wanaagsan oo ay kula tartamaan dadka asaagooda ah.

Muqdisho, (SNTV):-Kulanka saaka ka dhacay xafiiska Wasiirka Maaliyadda iyo Qorsheynta dalka Koonfurta Suudaan Salvatore Garang ayaa waxaa yeeshay Wasiirka iyo Safiirka Jamhuuriyadda Soomaaliya u fadhiya dalkaas Danjire Xuseen Xaaji Axmed oo ay wehliyaan Guddiga ganacsatada Soomaaliyeed ee Jubba iyo la taliyaha ganacsiga ee safaarada, waxaana kulanka diiradda lagu saaray arrimo dhowr ah sida xoojinta xiriirka iskaashi ee labada dal.

Kulankaas waxaa lagu gorfeeyay sidii lacagaha qalaad loogu fududeyn lahaa ganacsatada Soomaaliyeed ee dalkaas ku ganacsata iyo dhibaatooyinka Soomaalida ka haysta isticmaalka bankiyada dalkaas oo waqti soo jiitameysay, iyadoo kulanku uu qayb ka ahaa kulamo badan oo xal loogu raadinayo dhibaatooyinka ganacsatada Soomaaliyeed ee Jubba ku nool oo mas’uuliyiinta safaaraddu ay la yeelanayeen Madaxda wadanka Koonfurta Suudaan

Danjire Xuseen Xaaji Axmed ayaa Wasiirka ka dalbaday in loo fududeeyo ganacsatada adeegyada ay u baahan yihiin ee la xiriira ganacsigooda, isla markaana dowladdu xaliso culeysyada ay la kulmaan, waxaana guddiga ganacsatada  ay gudbiyeen dhankooda cabashada waxaana Wasiirku Maaliyadda balan qaaday in si dhaqso ah ay dowladu uga jawaabeyso cadsiga kaga yimid safiirka iyo Guddiga ganacsatada Soomaaliyeed.

Danjiraha Jamhuuriyadda Soomaaliya u fadhiya Koonfurta Suudaan ayaa horay kulan uu xal ugu raadinayo arrimahaan, waxaa uu la qaatay mas’uuliyiin ay ka mid yihiin Guddoomiyaha Baarlamaanka dalkaas, Wasiirka Arrimaha dibadda, Ganacsiga, arrimaha gudaha iyo kuwa kale.

Muqdisho (SNTV):-Ra’iisul Wasaaraha xukuumadda federaalka Soomaaliya, mudane Xasan Cali Khayre ayaa casho sharaf  hoygiisa ugu sameeyay wafdiga ka socda golaha amniga iyo nabadgelyada Midawga Afrika oo maalmahaan booqasho rasmi ah ku joogay Soomaaliya.

Mudane Xasan Cali Khayre ayaa xubnaha wafdiga ee casho sharafta u sameeyay uga mahadceliyay booqasahda maalamaha qaadatay ee ay ku joogaan dalka.

Safiirka Djbouti u fadhiya dalka Ethiopia, Mohamed Idriss Farah, ahna guddoomiyaha xilligaan ee golaha amniga iyo nabadgelyada Midawga Afrika oo hoggaaminaya xubnaha wadfiga ayaa ra’iisul wasaaaraha uga mahadceliyay casho sharafta iyo soo dhawaynta ballaaran ee loo dalka loogu sameeyay.

Wafdiga oo ka Ra’iisul wasaare Xassan Cali Khayre ayaa midawga Afrika ugu baaqay in beesha caalamka ay ku dhiirri geliyaan in Soomaaliya lagu taageero ka guul gaaridda hadafyada waawayn ee dalka u horseedaya nabad iyo Barwaaqo.

Wafdiga ka socda golaha amniga iyo nabadgelyada Midawga Afrika oo Soomaaliya ku joogay booqasho rasmi ah oo sedax maalin qaadanaysa ayaa intii ay joogeen waxa ay kulan la qaateen ra’iisul wasaare Xassan Cali Khayre oo ay ka wada hadleen xaaladaha amniga dalka, siyaasadda iyo dardar-gelinta qorsha mas’uuliyadda amniga ay kula wareegayaan ciidanka xoogga dalka Soomaaliya.

Talaado November 27, 2018 Muqdisho (SNTV) Wasiir kuxigeenka Wasaarada Waxbarashada Hiddaha iyo Tacliinta sare XFS, Feysal Cumar Guuleed ayaa sheegay in wasaaraddu ay dhamaystirtay manhajka oo ay ku guuleysteen in ay ku guuleystaan ​​dugsiyada afaraad ilaa afaraad.

“Manhajka aan ardayda u qaybin waa fasalka koobaad ilaa afaraad, ilaa fasalka 12-aad, hadda waa la rajeynayaa inay ku guuleystaan ​​fasalka 8aad ee fasalka 8aad, manhajka wanaagsan ayuu ku socdaa cid kasta oo aqoon yahan ahna Wasaaradda waxbarashada ee Soomaaliya ayaa sheegtay

Faysal Cumar Guuleed ayaa tilmaamay in Wasaaradda Waxbarashada ay dadaal ugu jirto sidii loo horumarin lahaa waxbarashada dalka iyo sida ardayda Soomaaliyeed ay u heli lahaayeen waxbarasho dhammaystiran.

“Ka mid ahaanshaha waxaa ka mid ah in ardayda Soomaaliyeed ay waxbarashadooda ku helayaan lacag la’aan,” ayuu yiri Feysal Cumar.

Wasiirka Waxbarashada ee Soomaaliya Feysal Cumar Guuleed ayaa sheegay in cabashooyinka dhowaan laga soo qaatay ardaydii Soomaaliyeed ee loo direy dalka Ethiopia, la xaliyay isla markana ay bilaabeen waxbarashadooda.

“Wasaaradda Waxbarashada waxa ay hirgelisay deeq waxbarasho oo ay ka heleen dawladda Itoobiya oo ay ku biireen ardayda tiradoodu gaareyso 223 arday oo ka mid ah ardayda dugsiyada hoose iyo ardayda oo ka faa’iideystey baasakaarka iyo kuwa ka faa’iideystey mastarka labadaba. Munaasabadan ayaa waxaa ka soo qaybgalay wasiir ku xigeenka wasaarada arimaha dibada ee dalka Ethiopia Mudane Maxamed Cismaan Jawaari iyo wafti uu hogaaminayo wasiirka arimaha dibada ee dalka Ethiopia. Qoraalkan iyo xukuumadda itoobiya waxay ku guuleysteen in ay xalliyaan ardayda ay dib u bilaabeen waxbarashada “sidaasi waxaa yiri Feysal Cumar Guuleed,Wasiir Ku-xigeenka Wasaaradda Waxbarashada Soomaaliya.