Search
Subscribe
Home Blog Page 1085

 Haweeney Al-shabaaabnimo loo xukumay.

SNTV
-
0
 Haweeney Al-shabaaabnimo loo xukumay.

Muqdisho (SNTV)– Basra Maxamed Cali Warsame  ayaa 21/05, ee sanadkan   ciidamada amniga ka soo qabteen xaafadda Suuqa-xoolaha ee degmada Hilwaa, waxayna xilligaas ciidamada maniga helaan xog  sheegaysa  in haweeneyda ay u aheyd keyd haayaha hubka sida  Bistooladaha iyo Bam-booyinka maleeshiyada amniyaadka ee kooxda arga-gixisada ah ee Alshabaab.

Xafiiska Xeer Ilaalinta ayaa loo soo gudbiyay eed ka dhan ah eedeysanaha,   wixii xilligaas ka dambeeyay ayay xafiiska Xeer ilaalinta isku howleen  jiritanka eedda ka dhanka ah eedeysanaha, 15/07 ee sanadkan ayay soo gaba-gabeeyeen baaristooda,  waxaana ay weydiisteen garsoorayaasha  Maxkamadda Ciidamada Qalabka Sida in la muddeeyo dhageysiga  waqti qaadista eedda ka dhanka ah eedeysane Basra Maxamed Cali Warsame.

28/07 ee sanadkan ayay ogolaatay Maxkamadda Ciidamada Qalabka Sida in loo fariisto eedda ka dhanka ah eedeysane Basra Maxamed Cali Warsame, waxaana ay dhageysteen  garsoorayaasha eedda ka dhanka ah Basra, waxaa sidoo kale fursad loo siiyay Qareenada difaacayay eedeysanaha in iyana soo bandhigeen sharciyada ay ku diidanaayeen eedda ka dhanka ah Basra Maxamed Cali Warsame.

Gaashaanle Dhaxe Xasan Cabdiraxmaan Aadan (Wabiyow)  oo kamid ah garsoorayaasha Maxkamadda Ciidamada ayaa xilligaas u sheegay dhinacyada dacwadda in dib la isugu soo noqon doono oo ay jirto fadhiya  kale xilligaas oo laga dalbaday xafiiska xeer ilaalinta in ay soo dhameystiraan cadeymaha eedeysanaha.

04/ bishan aynu  ku jirno ayaa markale la isugu soo noqday fadhiga Maxkmadda, wax yaabaha dheeraadka oo ay xafiiska xeer ilaalinta  soo bandhigeen waxaa kamid ah In eedeysanaha ninkeeda oo lagu magacaabi jiray Liibaan Maxamed Cabdikariin (Liibaan Jaraaye) uu ahaa Alshabaab, sanad iyo bar ka horna uu ugu  dhintay qarax uu waday degmada Hilwaa, waxaa sidoo kale ay soo bandhigeen cadeymo kale oo muujinayo in wixii xilligaas ka dambeeyay nin lagu magacaabo khaalid uu ku qanciyay shaqada ay u heeysay kooxda Alshabaab.

Ugu dambeyn garsoorayaasha ayaa go’aan ku gaaray iyagoo eegaya qiraalka eedeysanaha, ka war-celinta jawaabaha ay ku cadeysay garsooraka hortiisa, dhageysiga markaatiyaal uu kamid yahay baaraha kiiska in Maxkamadda Ciidamada Basra Maxamed Cali  Warsame  ay ku xukuntay Shan-sano oo xabsi Ciidan ah, sida uu u sheegay dhamman ka qeyb galayaasha Gaashaanle Dhaxe Xasan Cabdiraxmaan Aadan (Wabiyow)  oo kamid ah garsoorayaasha Maxkamadda Darajada kooweed ee Ciidamada Qalabka Sida.

Qalalaase iyo rabshado ka dhacay magaalada jigjiga

SNTV
-
0
Qalalaase iyo rabshado ka dhacay magaalada jigjiga

Muqdisho 4ta AUgust 2018 (SNTV);-bannaanbaxyo rabshado wato iyo xaalad kacsanaan ayaa lagasoo sheegayaa magaalada jigjiga ee xarunta dowlad deegaanka somalida ee Ehiopia.

rabshada ayaa la sheegay inay ka bilowdeen kadib markii ciidamada ka tirsan dowlada federaalka Ethiopia  ay tageen magaaladaas arintaas shacabka ay ka dhiiidhiyeen.

dad badan oo kamid ah shacabka kudhaqan jigjiga ayaa isugusoo baxay waddooyinka Waxaana  waddooyinka lagu gubay taayaro, iyadoo la arkayey  qiic iyo uuro cirka isku shareeray,

Goob joogayaan ku sugan halkaas oo warbaahinta qaranka la hadlay ayaa sheegay inay arkayeen bililiqo loogeysto goobo badan oo ganacsi oo halkaas kuyaalla.

ciidamada magaalada tagay ayaa la sheegay inay la wareegeen goobo badan oo muhiim ah sida xarunta parlamaanka, qaar kamid ah wasaaradaha looga arimo magaalada iyo xarunta TVga dowlada.

Madaxweyne Cabdi Maxamuud Cumar ayaa ka soo muuqday ESTv isagoo u tacsiyaynaya dadkii ku waxyeeloobay rabshidihii maanta ka dhacay Jigjiga.

Madaxweynaha warkiisu aad u koobnaa ayaa dadka kula dardaarmay inay dhowraan hantida iyo amniga.

warar aan la xaqiijin baa sheegaya inay gudaha magaalada isaga baxeen ciidamadii milatariga ahaa ee saaka soo galay, lakiin wali waxay fadhiyaan hareeraha magaalada.

majirto illaa iyo hadda khasaare rasmi ah oo kadhashay rabshadihi maanta ka dhacay magaalada jigjiga hase yeeshee wararka waxay sheegeen in boqolaal dad ah ay kudhaawacmeen.

 

indhashareerka oo laga mamnuucay Denmark

SNTV
-
0
indhashareerka oo laga mamnuucay Denmark

Sabti 4ta August 2018 (SNTV):-Haween Muslimad ah oo 28 jir ah ayaa noqotay haweeneydii ugu horeysay oo lagu qaado sharcigii dowladda Denmark ee ay ka soo saartay Indha-shareerka.

Falkan ayaa ka dhacay goob lgau dukaameysto oo ku taalla magaalada Horsholm oo 25km ka xigta Dhaka waqooyiga magaalada Copenhagen ee xarunta dalka Denmark.

Booliska ayaa sheegay in looga yeeray xarunta laga dukaameysto kadib markii shaqaalaha meheradda ganacsi ay isku dhaceen haweeneyda sidatay Niqaamka oo diiday inay iska furto indhashareerka, waxana markii ay goobta soo gaareen boolisku ay baareen kaamirooyinka dadka lagula socdo ay arkeen haweeneyda oo loo sheegaya in iska bixiso indha shareerka, hadii ay diidana la dacweyn doono.

Haweeyneyda ayaa lagu ganaaxay lacag gaareeysa ilaa 1,000 kroner fine (Kun Koron Fine oo ah lacagta dalka Denmark) taasi oo u dhiganta 155 doolarka Mareykanka ah.

Sharcigan cusub ayaa la dhaqan galiyay Arbacadii aynu soo dhaafnay kadib markii baarlamaanka Denmark uu meel mariyay sharcigan bilowgii sanadkan 2018-ka, oo ah in qofkasta oo dadweynaha dhexdooda ku xirta maro wajiga qarinaysa la ganaaxi doono.

Arrintan ayaa keentay dibad baxyo rabshada wato oo ay dhigayaan shacabka dalka Denmark, kuwaasi oo ku tilmaamay inay tahay talaabo sharciga ka baxsan oo lagula dhaqmayo dad gaar ah.

Dibad baxayaa ayaa sidoo kale dhaleeceyn u soo jeediyey urururada xuquuqda aadanaha u dooda.

Hay’adda xuquuda aadanaha u doodda ee Human Rights Watch ayaa dhacdadaan ugu dambeeysay ku tilmaamtay in tahay midab takoor.

Guddoomiyaha Golaha Shacabka oo kulan la qaatay Guddiga Xeer Hoosaadka ee Golahaas

SNTV
-
0
Guddoomiyaha Golaha Shacabka oo kulan la qaatay Guddiga Xeer Hoosaadka ee Golahaas

Sabti 4ta August (SNTV):- Guddoomiyaha Golaha Shacabka Jamhuuriyadda Federaalka ah ee Soomaaliya  Mudane Maxamed Mursal Sheekh Cabdiraxmaan, ayaa kulan la qaatay Guddiga xeer hoosaadka ee Golaha Shacabka, waxaana kulanka looga hadlay wax ka bedelka xeer hoosaadka golaha shacabka.

Guddiga ayaa guddoomiyaha golaha Shacabka uga warbixiyay arrimaha la xiriira wax ka bedelka xeer hoosaadka uu goluhu kushaqeeyo, iyagoo si gaar ah uga hadlay qodobada u baahan in wax ka bedel lagu sameeyo.

Cabdi kariin Xaaji Cabdi Buux oo ah Xoghayaha guud ee Golaha Shacabka ayaa sheegay in Maadaama xeer hoosaadka uu Goluhu ku shaqeeyo muhiimad uu yahay guddoonka iyo gudiguba ay xooga saari doonaan sidii wax Ka bedelkiisa looga shaqeyn lahaa.

 

 

 

Jaamacadaha gobalka Benaadir iyo Maamulka Gobalka oo wada shaqeynayo

SNTV
-
0
Jaamacadaha gobalka Benaadir iyo Maamulka Gobalka oo wada shaqeynayo

Muqdisho (SNTV)- Maamulka Gobolka Banaadir ayaa maanta kulan la qaatay Jamacadaha Ka Howl Gala Gobolka Banaadir Kulankaan ayaa waxaa shir Gudoominayay Gudoomiyaha Gobolka Banaadir ahna Duqa Caasimadda Muqdisho Mudane Cabdi Raxmaan Cumar Cusmaan(Enj Yariisow)

kulankaan ayaa waxaa looga hadlay Sida ay iskula shaqeyn karaan Jaamacadaha iyo Maamulka Gobolka Banaadir,

Jamaacadaha dalka gaar ahaan kuwa gobalka Benaadir ayaa kaalin weyn ka soo qaatay wax barashada dalka, waxa ayna dadaal u galeen sidii ay kaalintooda  u gabi laheyn bur-burkii dalka kaddib.

Dowladda Soomaaliya ayaa dhawaan ku amaantay dadaalkooda, waxa ayna si wada jir ah u qaateen wixii xilligaan ka dambeeya sidii wax barashada loo horumarin lahaa.

 

Alshabaab oo la baxsaday gabar caruur ah

SNTV
-
0
Alshabaab oo la baxsaday gabar caruur ah

Nairobi-(SNTV)-Malleeshiyaadka Al-Shabaab ayaa dabayaaqadii Todobaadkan ku Af-duubtay degaanka Xarboole ee Gobolka Gedo Gabar Lix  Sana jir ah,sida ay Arbacadii daabacday Jariiradda The Star ee kasoo baxda Dalka Kenya.

Xubno Qoyska ka mid ah oo aad ugu caraysan falkan  ayaa sheegay in xagjiriinta ay Guriga yimaaddeen ayna dalbadeen Gabadha, taasoo ahayd Dadka jirkoodu yahay Albinism.

Aabbaha dhalay Gabadha oo lagu magacaabo C/casiis Weli ayaa sheegay inay Malleeshiyadu u yimmaaddeen Saq dhexe, iyagoo dalbaday in la tuso halka ay Inanta yari jiifto, waxanay ku tuureen Gaadhi ay wateen.

“Afduubayaashu waxay Guriga soo galeen Saq dhexe Habeennimo, waxayna dalbanayeen in la tuso halka ay Gabadhu jiifatay, waxay ka soo qaateen sariirteeda oo waxay ku dhex rideen Gaari,” ayuu yiri Aabaheed Cabdicasiis Weli.

Weli ayaa tirada Ragga usoo dhacay tiradooda ku sheegay Shan, kuwaasoo dhammaantood ku hadlayay Af-Soomaali, isagoo intaa raaciyay ineysan wax xatooyo ah ama baarasho kale u geysan Guriga marka laga reebo Gabadha yar ee ay qaateen.

Inta badan Af-duubyadii ay horay u geysan jireen Al-Shabaab ayaa ku salaysnaa Wiilal Dhallin-yaro ah oo ay ku qasbaan in ay ku biiraan xagjiriinta una dagaallamaan, iyagoo mararka qaarkood qafaasha Gabdhaha da’da yar iyo Haweenka si ay ugu shaqaystaan, balse falkan ayaa ah mid ku cusub Dhegaha Bulshada Soomaaliyeed.

Sheekh Mustafa Cali, oo ka mid ah Culimada degaanka ay dhibaatadan ka dhacday ayaa sheegay in tani ay ahayd markii ugu horreeysay ee ay arkaan Af-duub loo geysto Ilmo yar.

In kastoo ay tani tahay dhacdo ku cusub Soomaaliya , haddana waxaa jira dilal iyo ugaarsi ka dhan ah Dadka midabka Cas ee Albinism-ka loo yaqaanno qaybo ka mida ah Bariga Afrika, waxaana Dalka Tanzania ka dhaca Kiisas badan aarintani la xiriira.

Ugaarsiga iyo dilka Dadka Midabka Cas ee Albinism-ka loo yaqaan ayaa ah qurraafaad laga soo min guuriyay Dad cawaan ah, kuwaas oo aaminsan in Hilibka Dadkaasi lagu helo dhaqaala badan ama lagu helo nasiib badan.

Culimada Soomaaliyeed ayaa marar badan ka hadlay dhaqanada xun xun ee Maleeshiyaadka Argagixisada Al-Shabaab ay ku dhibaateeyaan Dadka Muslimiinta ah iyagoo adeegsanaya Magaca Diinta Islaamka.

Sidoo kale Culumada Al-Azhar Al-shariif ee Dalka Masar, oo ah Xarunta Diimeed ka ugu caansan Caalamka Islaamka ayaa dhowaan soo saartay fatwo iftiimineysa sida argagixisada Al-shabaab ay u baal marsanyihiin Diinta Islaamka, kuwaas oo caadeystay daadinta Dhiigga Muslimiinta iyo ku been abuurashada Diinteenna suubban.

Mareykanka oo ka fuliyay Soomaaliya weerar xagga cirka ah

SNTV
-
0
Mareykanka oo ka fuliyay Soomaaliya weerar xagga cirka ah

Muqdisho (SNTV)- War saxaafadeed ay  soo saareen Taliska ciidanka Maraykanka ee Afrika (AFRICOM) ayaa lagu sheegay in 2-dii bishan 4-qof oo ka tirsanaa Maleeshiyaadka Al-shabaab ay ku dileen meel 74-KM waqooyiga galbeed ka xigta magaalada Muqdisho.

Qoraalka ayaa lagu sheegay in ayadoo la kaashanayo Xukuumadda Federaalka ee Soomaaliya ay ciidanka Maraykanku qaadeen weerarkaas oo ay ku bartilmaameydsadeen fariisin maleeshiyada Argagixisada ah ee Al Shabaab ay ku lahaayeen gobalka Shabeellaha Hoose.

Wuxuu war saxaafadeedku intaa ku daray in aysan jirin cid rayid ah oo wax ku noqotay.

Sanadihii dambe waxaa sii xoogeystay weerarada lagu hayo horjoogayaasha Maleeshiyaadka Al-shabaab, kuwaas oo ay fulinayaan ciidanka dowladda Federaalka ah iyo saaxiibada caalamka ee taageera Soomaaliya.

Aas-aaskii Puntland oo xalay loo dabaal degay

SNTV
-
0
Aas-aaskii Puntland oo xalay loo dabaal degay

Garowe(SNTV):–Ra’isul wasaaraha xukuummadda federaalka Soomaaliya mudane Xasan Cali Khayre oo xalay ka qayb galay munaasabadda xuska 20-sano guurada dawlad gobaleedka Puntland oo lagu qabtay magaalada Garowe ayaa Shacabka iyo madaxda Puntland ku ammaanay dawlad jacayl, midnimo, horumar dhaqaale, ilbaxnimo, cirib tirka burcad badeedda iyo la dagaalanka Daacish iyo Shabaab.

“Aniga oo ku hadlaya magaca madaxweynaha, magaceyga, magaca xukuummadda, dhamaan magaca dawladda federaalka iyo magaca ummadda Soomaaliyeed oo ay ku jiraan kuwa halkaan fadhiya, Soomaaliyeed waxa aan idin leeyahay hambalyo 20-sano guurada kasoo wareegtay aasaaska Puntland”, ayuu yiri Ra’iisul Wasaar Xasan Cali Khayre.

“Waxa aan u mahadcelinayaa madaxweynaha Puntland iyo madaxweyne ku-xigeenkiisa oo halkaan lagu soo bandhigay shaqada ay qabteen. Waxaa kale oo aan u mahadcelinayaa madaweynayaashii kaa horeeyay oo gacan ka gaysatay dhismaha qarannimada aan halkaan u fadhinno. Waxa aan u mahadcelinayaa cid walba oo wax ka aasaastay qayb kamid ah sharafta Soomaaliyeed oo ah dhismaha Puntland”, ayuu yiri Ra’iisul Wasaare Khayre.

Ra’isu Wasaare Xasan Cali Khayre ayaa sheegay in uu Puntland ku arkay hey’ado dawladeed oo dhismay 20-kii sano ee lasoo dhaafay, xasilooni amni iyo mid siyaasadeed iyo in madaxweyne walba oo loo doortay in uu hogaamiyo Puntland uu xilligiisii ku dhamaystay si nabad ah taas oo ay ka muuqato bisayl dawladnimo oo ay tahay Soomaalida inteeda kale in ay ka barato.

“Puntland waxa aan kula kulmay maskax caafimaad qabta, maskax wayn oo hiigsi leh, bisayl dawladnimo oo ku dayasho mudan, dad Soomaaliyeed oo fahmay in dalka la wada leeyahay gartayna in la wada dhisto, reja cusub oo ah jaceylka ay dawladnimada u qabaan shacanka reer Puntland”, ayuu yiri Ra’iisul Wasaaha XFS.

Ra’isul Wasaaraha ayaa khudbadiisa ku ammaanay dawrka odayaasha dhaqanku ay ku leeyihiin jiritaanka iyo horumarka Puntland waxa uuna kula dardaarmay in Soomaaliya inteeda kale baraan dhaqankaas wanaagsan.

Ra’isul Wasaare Khaye ayaa adkeeyay in ay muhiim tahay in loo istaago Soomaalinimada, si loo helana ay tahay in laga wada shaqeeyo nabadda, midnimada, dhismaha dawlad Soomaaliyeed oo xoog leh, in dhalinyasrada lagu jiheeyo wax soo saarka, Caruurta waxbarasho lagula dadaalo, dhalinyarada loo diyaariyo hogaamiyayaasha mustaqbalka iyo in la horumariyo caafimaadka dalka si wada lahaanshaha dalka loo xoojiyo.

Ra’isul Wasaare Khayre ayaa u ballan qaaday Puntland in dawladda Federaalka Soomaaliya ay ku garab taagantahay dagaalka ay kula jirto kooxaha naba-diidka ah ee Daacish iyo Shabaab si amaanka iyo xasiloonida loo sii adkeeyo.

Ololaha Isxilqaan oo Jimcihii labaad ka socda Muqdisho.

SNTV
-
0
Ololaha Isxilqaan oo Jimcihii labaad ka socda Muqdisho.

Muqdisho(SNTV):–Olalaha Isxilqaan ee 26-kii Luuliyo uu ku dhawaaqay Madaxweyne Farmaajo ayaa Jimcihii labaad oo xiriir ah ka socda magaaladda Muqdisho, waxaana saakay degmooyinka qaar ee Gobolka Banadir isugu soo baxay boqollaad dadweyne ah oo fulinaya codsigii Madaxweynaha ee ahaa in saacadaha todobaadkii labo saac iyo bar ka mid ah dadka Soomaaliyeed ay qabtaan shaqo Isxilqaan ah oo dalka dib loogu dhisayo.

Dadka saaka isu soo baxay ayaa ka shaqeynayay bilicda magaalada, iyaga oo hawl nadaafadeed ka qabtay waddooyinka muhiim ka ah ee Muqdisho, qaar ka mid ah dadkaas oo la hadlay SONNA ayaa sheegay in ay ku faraxsan yihiin in ay dalkooda dib u dhiskiisa iyo hormarkiisa ay waqtigooda galiyaan.

Maamulka iyo shaqaalaha Madaxtooyada qaranka ayaa ka mid ah ahaa dadka saaka ka qeyb galay Ololaha Isxilqaan ee ka dhacay degmada Warta-nabadda, Aamino Siciid Cali Agaasime kuxigeenka Madaxtooyada oo SONNA la hadashay ayaa sheegtay in maamulka iyo shaqaalaha Madaxtooyadu ay todobaadkii labaad ka qeyb qaadanayaan Ololaha Isxilqaan.

“Shaqaale iyo maamulba innaga oo fullineyna soo jeedintii Madaxweynaha ayaan u taagannahay todobaadkii labaad in ay ka qeyb qaadanno Isxilqaan, waxaana ku boorinayaa qof walba oo muwaadin ah in uu kaalintiisa muujiyo oo aan u midowno sidii dalkeena aan u hormari lahayn” ayay tiri Aamina Siciid Cali Agaasime Kuxigeenka Maamulka ee Madaxtooyada.

Madaxweynaha Jamhuuriyadda Federaalka Soomaaliya Mudane Maxamed Cabdullaahi Farmaajo ayaa dhammaadkii bishii Luuliyo ka codsaday Shacabka Soomaaliyeed in ay muujiyaan isku xirnaan oo ay u istaagaan dib u dhiska dalka, waxa uuna ku dhawaaqay Ololaha Isxilqaan oo la doonayo in dib loogu dhiso goobaha danta guud, laguna hormariyo wadanka.

Madaxda Galmudug oo Kulan ku aadan muhiimada golayaasha deegaanka uqabatay dadka reer caabudwaaq

SNTV
-
0
Madaxda Galmudug oo Kulan ku aadan muhiimada golayaasha deegaanka uqabatay dadka reer caabudwaaq

Jimce 3 Bisha August (SNTV):-Wasiirka Wasaaradda Arrimaha Gudaha iyo Dowladaha Hoose ee Dawlad Goboleedka Galmudug Maxamed Xayir Nuur oo ay wehliyaan Xildhibaanno ka tirsan Baarlamaanka Galmudug ayaa kulan isugu jiray wacyigelin iyo diyaar garowga dhismaha Goloaha Deegaanka ku qabtay Degmada Caabudwaaq.

Guddoomiyaha Degmada Caabudwaaq oo daahfuray kulanka ayaa sheegay dhismaha golaha deegaanka uu muhiim u yahay in la helo maamul ka yimaada shacabka degmada, waxaana uu ku soo dhaweyay Ugaas Axmed Barre Cali (Taakooy)

Xubno ka kala socday xaafadaha kaladuwan ee Degmada, Aqoonyahano iyo golaha guurtida ayaa qayb ka ahaa kulanka looga tashanayay dhismaha golaha deegaanka, waxaana su’aalo ku aadan habka dhismaha golaha deegaanka  lagu waydiiyay mas’uuliyiinta ka socotay Wasaarada arrimaha gudaha ee Galmudug.

La tilayaha Wasaaradda Arrimaha Gudaha ee arimaha dowlada hoose Yasiin Cabdi Jaamac ayaa jawaabay su’aalaha ay qabeen ka qayb galayaasha kulanka.

Wasiirka Arimaha Gudaha iyo Dowladaha Hoose ee Galmudug Maxamed Xayir Nuur oo soo gunaanaday kulanka ayaa sheegay in dhismaha golaha deegaanka ay ka horeyso wacyi gelinta iyo fahamsiita bulshada muhiimadda uu golaha deegaanka u leeyahay shacabka.

1...1,0841,0851,086...1,568Page 1,085 of 1,568

© 2023 Telefishinka Qaranka Soomaaliyeed