Search
Subscribe
Home Blog Page 967

Wasiirka Kalluumeysiga iyo Khayraadka Badda XFS oo faah faahiyay shirkado ay shatiyo siiyeen

SNTV
-
0
Wasiirka Kalluumeysiga iyo Khayraadka Badda XFS oo faah faahiyay shirkado ay shatiyo siiyeen

Muqdisho (SNTV) Mudane Cabdullahi Bidhaan Warsame Wasiirka Wasaaradda Kalluumaysiga & Khayraadka Badda Xukuumadda Soomaaliya oo Xafiiska  Saxaafadda Kula hadlayay ayaa ka warbixiyay dhawaan Shirkado ay shati siisay Wasaaraddu .

Shir jaraaid uu maanta ku qabtay Muqdisho ayuu kaga hadlayay dadaalka wasaaradd aay ugu jirtohorumarinta howlaha horyaala.

“Wasaaradda Kalluumaysiga iyo Khayraadka Badda ee Dowladda federalka Soomaaliya waxay si daah furan u bixisay wajigii koowaad ee bixinta shatiga Kalluumaysiga iyadoona lagu bilaabay 31 Shirkadood oo laga leeyahay Dalkaas Shiinaha kuwaas oo baahi wayn u qaba Kalluunka nooca loo yaqaan Tuna-ha oo badena ku badan”. Ayuu yiri Wasiirka.

Wasiirka ayaa sidoo kale sheegay in Wasaaraddu ay qorshaynayso inay u raadinayso khayraadka Kalluunkeena Maalgelin iyo suuq-gayn Wadamada deriska nala ah iyo dalal kale oo caalamka kamid ah. .

Mudane Cabdullahi Bidhaan Warsame Wasiir Kalluumeysiga iyo Khayraadka Badda Soomaaliya ayaa intaas ku daray in aysan Waxba ka Jirin hadalada dadku Isla dhexmarayaan ee sheegaya in Wasaaraddu ay shatiyo siisay Maraakiibta wax Xaalufiya,kuwaasi oo  lidi ku ah Sharciga Kalluumaysiga ee Baarlamaanka meel mariyay .

Taliyaha Ciidanka Xoogga dalka oo ka hadlay dagaalka ka dhanka ah argagaxisada Al-Shabaab

SNTV
-
0
Taliyaha Ciidanka Xoogga dalka oo ka hadlay dagaalka ka dhanka ah argagaxisada Al-Shabaab

Muqdisho (SNTV):- Taliyaha Ciidanka Xoogga Dalka Soomaaliya S/gaas Daahir Aadan Cilmi Indhaqarshe ayaa  Shir Jaraaid oo uu  ku qabtay Magaalada Muqdisho wuxuu kaga hadlay arrimo badan oo ay ka mid yihiin dagaalka ka dhan ah Nabad diidka Al-Shabaab

General Daahir Aadan Cilmi Indha-Qarshe ayaa sheegay in Ciidanka Xoogga Dalka Soomaaliyeed uu marnaba  ku xad gudbi doonin Sharciga u dagsan dalka.

Taliyaha Ciidanka Xoogga Dalka ayaa tilmaamay in maleyshiyaadka ka tirsan Nabad diidka Al-Shabaab ee lagu qabto dagaal ama howlgal ay horgeyn doonaan Sharciga.

S/gaas Daahir Aadan Cilmi Indha-Qarshe ayaa ugu dambeynti beeniyay Hadal ay si qaldan u turjumeen warbaahinta, kaasi oo ahaa in la dili doono raga ka tirsan Al-Shabaab ee lagu qabto Howlgalada

Ugu Dambeynti, Taliyaha Ciidanka Xoogga Dalka Soomaaliya ayaa wuxuu xusay in ujeedada Ciidanka Xoogga Dalka uu yahay in ay si adag ula dagalamaan maleyshiyada Al-Shabaab, Balse aysan ka tagi doonin sharciga iyo kala dambeynta u dagsan dalka.

Magacyada Horjoogayaal ajaanib ah oo lagu khaarijiyay Shabellada Hoose oo la shaaciyay

SNTV
-
0
Magacyada Horjoogayaal ajaanib ah oo lagu khaarijiyay Shabellada Hoose oo la shaaciyay

Shabellada Hoose (SNTV) Ciidamada kumaandooska Soomaaliya ee Danab oo taageero ka helayo Ciidamo Mareykan ah ayaa Howlgalo qorsheysan ka Fuliyay degaano ka tirsan Gobolka Shabellada Hoose.

Ciidamada Danab iyo Ciidamada Mareykanka ayaa Howlgalka ka fuliyay degaanada Baladul Amiin iyo Hanti wadaag oo ka mid ah degaanada hoostaga degmada Janaale ee G/Shabellada Hoose.

Saraakiil ka tirsan Kumaandooska Soomaaliya oo la hadlay Idaacada Ciidamada qalabka Sida ayaa sheegay in Howlgalada si wadajir ah looga fuliyay Saldhigyo Nabadiidka Al-shabaab ay ku lahayeen degaanada Baladul Amiin iyo Hanti wadaag oo ka wada tirsan G/Shabellada Hoose.

Saraakiisha Danab ayaa tilmaamay in Saldhigyada laga fuliyay Howlgalka lagu bartilmaameysaday Xubno sare oo ka tirsan Nabadiidka Al-shabaab.

Ku dhawaad 85 Maleyshiyaad iyo horjogayaal isugu jira Soomaali iyo Ajaanib ayaa lagu dilay howlgaladii ugu dambeeyey oo ay ciidamadu ka fuliyeen deegaano kaladuwan oo maleeshiayada Alshabaab saldhigyo ku lahaayeen.

Saraakiisha Kumaandooska Soomaaliya waxa ay Idaacadda Ciidamada qalabka Sida u sheegeen Magacyada Horjogayaasha lagu dilay weerarka iyo Dalalka ay u dhasheen.

Horjogayaasha lagu dilay weerarka Howlgalka ayaa Magacyadooda lagu kala sheegay Abuu Xamsa Bin Shaam kasoo jeeda dalka Masar kaasi oo Nabadiidka u qaabilsanaa Tababarada Maleyshiyada, Aweys Abu Xamza Almifsali oo  heesta dhalashada dalka Tanzania , Abuu Bilaal Zubeyr ayaa heesta Dhalashada Mauritania  ayaa Hore u ahaa ku xigeenka Ibraahim Afgaan, Aadan Abuu musiyaan kasoo jeeda dalka Suuriya iyo Feysal Bin hayaan kasoo jeeda dalka Yaman.

Saraakiisha Danab ayaa ugu dambeynti sheegay in goobta weerarka laga fuliyay ay eheed Saldhigyo lagu tababaro Maleyshiyaad ka mid noqonaya Kooxda Al-shabaab

R/wasaare Khayre oo soo geba gebeeyey la xisaabtanka Golaha wasiirada

SNTV
-
0
R/wasaare Khayre oo soo geba gebeeyey la xisaabtanka Golaha wasiirada

Muqdisho (SNTV) Ra’iisul Wasaaraha Xukuumadda Federaalka Soomaaliya, mudane Xasan Cali Khayre, ayaa soo gebegebeyay isla-xisaabtanka golaha wasiirrada oo si joogta ah u socday muda shan maalin ah

Ra’iisul wasaaraha ayaa wasiirrada kula xisaabtamayay shaqooyinkii ay ka qabteen hal-beegyada qorshohoodu ahaa in lagu guulayso sannadkii tegay ee 2018, waxaa kale oo wasiirradu ay saxiixeen halbeegyooda ay doonayaan in ay fuliyaan sannadka 2019.

Wasiiru dawlaha xafiiska Ra’iisul wasaaraha Soomaaliya, Cabdullaahi Xaamud, ayaa sheegay in si guul ah uu kusoo dhamaaday isla xisaabtana oo ra’iisul wasaaruhu ku xaqiijinayay wax-qabadka 26-ka wasaaradood ee xukuumaddu ka koobantahay iyo Bangiga dhexe, laguna jaangoynayay wax-qabadka sannadka bilaawga ah.

Ra’iisul wasaare Xasan Cali Khayre ayaa si joogta ah ula xisaabtama wasiirrada si looga guul gaaro qorshayaasha qaran ee horay loogu ballamay in lagu fuliyo waqti leesla ogyahay, looguna gudbo qorshayaasha kale ee muhiimka u ah horumarinta hannaanka dawlanimo iyo himilooyinka ay leeyihiin dadka Soomaaliyeed.

Faah faahin ka soo baxaysa Soomaali dhawaan lagu xiray Tanzania

SNTV
-
0
Faah faahin ka soo baxaysa Soomaali dhawaan lagu xiray Tanzania

Tanzania (SNTV) Sida ay qortay Jariiradda (The East Africa) waxaa dalka Tanzania ka soconaya howlgal ballaaran oo lagu baadi goobayo dadka ajaanibta ah oo sida sharci darada ah ku galay dalkaasi,ka dib amaray ka soo baxay dowladda Dalkaasi.

Kangi Lugola oo isagu ah wasiirka arrimaha dibadda ee Dalkaasi Tanzania ayaa soo saaray amar uu siinayo laamaha socdaalka iyo amniga oo ah in ay gur guri uga baalaaran dadka soo galootiga ah ee dalkaasi,si looga hortago.

Meelaha ugu badan oo dowladdu ay sheegtay in dadkaasi  inta badan ay ku dhuuntaan waxaa kamid ah Goballadda Kagera iyo Kigoma kuwaasi oo xad dhow la wadaaga dalalka Rwanda,Burundi Uganda iyo Kongadda Dimuqraadiga,xili dalkaasi ay ku soo food leeyihiin doorashooyinkii hoose ee deegaanada.

Howlgal ay dhawaan sameeyeen ciidamada ammaanka iyo ilaalada xuduudaha dalkaasi ayaa waxaa ay ku qabteen 11 muwaadiniin Soomaali ah,kuwaasi oo dowladdu ay sheegtay in ay kamid yihiin dad sharci daro ku galay dalkaasi,iyagoo waqtigaasi ku sii jeeday deegaan lagu magacabo

Muwaadiniin ka soo jeeda wadamo ay kamid yihiin Soomaaliya,Itoobiya,Kenya,Congo,Nigeria iyo Rwanda,waxaana dowladdu ay sheegaysaa in sharciga la marsiin doono qofkasta.

Wasiirka Maaliyadda XFS oo si rasmi ah u daah-furay isticmaalka Miisaaniyadda Dalka ee 2019

SNTV
-
0
Wasiirka Maaliyadda XFS oo si rasmi ah u daah-furay isticmaalka Miisaaniyadda Dalka ee 2019

Muqdisho (SNTV) Isticmaalka Miisaaniyadda Dowladda Federaalka Soomaaliya ee sanadka 2019 ayaa maanta si rasmi ah u furmay ka dib munaasabada ballaaran oo ka dhacday magaalada Muqdisho,taasi oo ay ka qeyb galeen mas’uuliyiin kaladuwan.

Waxaa munaasabadda ka qeybgalay Wasiirka Maaliyadda  Xukuumadda Federaalka Soomaaliya Mudane C/raxmaan Ducaale Beyle oo  maanta si rasmi ah u Daah-furay isticmaalka Miisaaniyadda Dalka ee Sanadkan 2019,madaxda wasaaradaha iyo hay’adaha kaladuwan ee dowladda Soomaaliya iyo Hanti dhowraha guud ee Qaranka.

Wasiirka Maaliyadda Xukuumadda Soomaaliya iyo Hanti Dhowraha guud ee Qaranka ayaa sheegay in miisaaniyaddii dalka ee 2018 si wanaagsna loo isticmaalay,iyagoona raja wanaagsan ka muujiyay in midda 2019 si lamid ah iyo si ka sii hagaagsan loo isticmaalo.

Dadaalka ay wadda wasaaradda Maaliyaddda Dalka marka laga soot ago horumarinta dhaqaalaha dalka waxaa sidoo kale kamid ah,qorshe Soomaaliya deymaha looga cafinayo,iyo sidii dalka lacago cusub loogu soo daabici lahaa.

Dhawaan ayay ahayd markii Baarlamaanka Soomaaliya uu ansixiyay miisaaniyadda dalka ee sanadka 2019,iyadoo maanta wixii ka dambeeyey si toos ah loo isticmaali doono

Taliyaha Ciidanka Xoogga Dalka oo Garoonka Diyaaraha Muqdisho Ka sagootiyay Saraakiil Dalka Dibadiisa Tababar loogu qaaday

SNTV
-
0
Taliyaha Ciidanka Xoogga Dalka oo Garoonka Diyaaraha Muqdisho Ka sagootiyay Saraakiil Dalka Dibadiisa Tababar loogu qaaday

Muqdisho (SNTV) Taliyaha Ciidanka Xoogga Dalka Soomaaliya S/gaas Daahir Aadan Cilmi Indhaqarshe ayaa Garoonka Diyaaradaha ee Magaalada Muqdisho ka Sagootiyay Saraakiil iyo Saraakiil Xigeeno Tababar kusoo qaadanayo Dalka Dibadiisa.

Saraakiishaan iyo Askartaan ayaa in Mudo ah tababaro kala duwan ku qaatay Gudaha Magaalada Muqdisho

S/gaas Daahir Aadan Cilmi Indhaqarshe Taliyaha.Ciidanka Xoogga Dalka oo warbaahinta kula Hadlay Gudaha Garoonka Diyaaraha ee Magaalada Muqdisho ayaa Sheegay Saraakiishaan.iyo Askartaan ay soo qaadanayaan Tababar qaas ah

Taliyaha Ciidanka Xoogga Dalka S/gaas Daahir Aadan Cilmi Indhaqarshe  ayaa u mahadceliyay Dowladaha  Soomaaliya ka taageera dhanka Tababarada Ciidamada Soomaaliya.

Akhriso: Doorka Dowladda Federaalku ay ka qaadatay Nabadeynta Gaalkacyo

SNTV
-
0
Akhriso: Doorka Dowladda Federaalku ay ka qaadatay Nabadeynta Gaalkacyo

Gaalkacyo (SNTV Sameeynta Ciidamo Isku dhaf ah oo ay yeelatay magaalada Gaalkacyo, dhisida madasha isdhex galka Dhalinyarada labada dhinac ee magaalada  waxa ay kamid ahayeen dadaaladii garwadeenka ay ka ahayd Jamhuuriyadda Fedraalka Soomaliya ee Gaalkacyo laga sameeyey, iyada oo la kaashanayo qaybaha kala duwan ee Bulshada oo isugu jira Dhalinyarada, Haweenka, Odayacasha dhaqana iyo Culimaa u diinka.

Ciidanka isku dhafka ah ee Dowladda Federaalka Soomaliyaa ayaa jooga bartamaha magaalada Gaalkacyo, iyaga oo xasilinaya amaanka magaalada, waxayna taasi suurta gal ay kadhigtay in magaalada si caadiya ay isaga kala goooshaan dadka iyo gadiidka intaba.

Dhalinyaraduna iyaga oo is dhexmaraya ayeey barnaamijo nabadeeyn ah waxa ay ka sameeyaan labada qaybood ee magaalada Gaalkacyo si lo xoojiyo Nabadda magaalada.

Waxaa dadka ku nool magaalada Gaalkacyo u muuqanaya dhibatooyinka iyo raadadkii ay reebeen   colaadihii horay u soo maray magaalada, kuwaas oo sababay in bulsho badan ay ku barakacaan, iyagoo taasi badalkeeda Dowladda ku amaanay kaalinta ay ka qaadatay Nabadda Gaalkacyo.

Gaashaanle Dhexe Maxamuud Cilmi Gulaafe oo katirsan taliska  qaybta Booliska gobolka Mudug ee Galmudug  ayaa SONNA u sheegay in ay joogsadeen dagaal beeleedyadii gudaha magaalada ka dhici jiray gadiidkii la kala dhici jirayna  Dowladda Soomaliya ayuu ku amaanay dadaalka ay u gashay nabadeynta Gaalkacyo, isaga oo sheegay in wada shaqeyn buuxda ay kadhaxayso.

Galkacyo wax colaad ah kama dhicin wixii kadanbeeyey  4/28/2017 dadaalkaasna waxaa ku mahadsan Dowladda Soomaliya iyo Bulshada rayidka gobolka oo si wadajir ah gacan uga geystay in magaalada la is dhexmaro nabadna ay noqoto, waxayna taasi waxbadan ka badashay nolosha Bulshada, gaar ahaan Waxbarashada, Ganacsiga iyo Caafimaadka oo si caadi ah kusoo laabtay Sida uu sheegayo Mahad Maxamuud sahal guddoomiye kuxigeeenka Golaha Sare ee Madasha Nabadda iyo isdhexgalka Gaalkacyo oo ay ku mideysanyihiin Dhalinyaro kala jooga labada qaybood ee magaaladu u qaybsantahay.

Maymuun Cali Nuur Gayfane guddoomiyaha Ururka Haweenka Gobolka Mudug ee Galmudug ayaa ii sheegtay in haweenka qaranka ay oo ay la kulantay ay uga fadhiyaan meelmarinta balanqaadyo ay u sameyeen sidii nabada Gaalkacyo loo xoojin lahaa.

Diblomaasiyiin Soomaali ah oo u kicitimay Sacuudiga si tababar diblomaasiyadeed ugu soo qaataan

SNTV
-
0
Diblomaasiyiin Soomaali ah oo u kicitimay Sacuudiga si tababar diblomaasiyadeed ugu soo qaataan

Muqdisho (SNTV)- Lix diblomaasi Soomaali ah oo ka tirsan Wasaaradda Arrimaha Dibadda iyo Iskaashiga Caalamiga ayaa u kicitimay Magaalada Riyaadh, si ay uga qeybgalaan tababar la xiriira qaanuunka diblomaasiyadda iyo qunsuliyadda oo socon doona muddo hal todobaad ah oo uu bixinayo Machadka Amiir Sacuud Alfeysal ee Daraasaadka Diblomaasiyadda.

Tababarkan ayaa ah kii labaad ee noociisa ah ee dalka aanu walaalaha nahay ee Boqortooyada Sacuudi Carabiya ku deeqo Jamhuuriyadda Federaalka Soomaaliya tan iyo sanadkii 2012.

Mashruuca kasoo kabashada Abaaraha oo lagu daah-furay Degmada Xudur

SNTV
-
0
Mashruuca kasoo kabashada Abaaraha oo lagu daah-furay Degmada Xudur

Xudur (SNTV) Mashruucaan oo loogu magac daray kasoo kabashada Abaaraha Bulshada ku dhaqan magaalada Xudur, waxa si wadajir ah uga soo qeyb galey Maamulka Degmada Xuddur, Guddiga loo igmaday mashruucaan shaqaalaha ACF iyo waxgaradka, waxana qabsoomidiisa iska kaashanaya Shaqadoon, hay’ada ACF iyo Bulshada reer Xuddur, waana mashruuc wax looga qabanayo biyo la’aanta ka jirta Degmada, oo saamayn ku yeelatay nolosha dadka iyo duuyadaba xilliga roobabka ay yar yihiin.

Ugu horeyn waxa faafaahin ka bixiyay hirgelinta mashruucaan wakiila Shaqodoon ee degmada Xuddur Ciise Aadan Nuur, wuxuna sheegey in Bulshada looga baahan yahay in kaalintooda ay qaataan.

Guddoomiyaha degmada Xuddur Maxamed Macalin oo daah-furey mashruuca ayaa Bulshada ugu baaqey in ay ka qeyb qaataan hormarada ka socda deegaanka, isagoo dhinaca kalena baaq u direy Jaaliyadaha ka soo jeeda gobolka Bakool.

Qeybihii kala duwanaa ee Bulshadii ka soo qeyb galey munaasabadaan loogu magac darey daah-furka ka soo kabashada Abaaraha ee degmada Xuddur ayaa aad u soo dhoweeyey balan qaadeyna in ay garab istaagayaan fulinta mashruucaan.

Intaa kadib Wasiirka Wasaaradda Arrimaha Gudaha KGS Maxamed Nuur Madoobe Nuunow iyo guddoomiyaha Degmada Xuddur Maxamed Macalin ayaa siwadir ah u dhagax dhigey Ceel-riigaan oo laga qodayo degmada Xuddur.

 

Mashruucaan ayaa hordhac u ah mashaariicyo kala duwan oo sadankaan horaantiisa laga fulin doono magaalada Xudur, hadii lagu guuleysto hergelinta mashruucaan lagu qodayo Ceel-riigaan, waxa yaraan doona dhibaatada biyo la’aaneed ee ka taagan xaafadaha iyo beeraha ku teedsan magaalada Xuddur waa hadii biyo gelin logu sameeyo.

Maxamed Xassan Cabdiraxmaan

1...966967968...1,570Page 967 of 1,570

© 2023 Telefishinka Qaranka Soomaaliyeed