Search
Subscribe
Home Blog Page 968

Akhriso: Doorka Dowladda Federaalku ay ka qaadatay Nabadeynta Gaalkacyo

SNTV
-
0
Akhriso: Doorka Dowladda Federaalku ay ka qaadatay Nabadeynta Gaalkacyo

Gaalkacyo (SNTV Sameeynta Ciidamo Isku dhaf ah oo ay yeelatay magaalada Gaalkacyo, dhisida madasha isdhex galka Dhalinyarada labada dhinac ee magaalada  waxa ay kamid ahayeen dadaaladii garwadeenka ay ka ahayd Jamhuuriyadda Fedraalka Soomaliya ee Gaalkacyo laga sameeyey, iyada oo la kaashanayo qaybaha kala duwan ee Bulshada oo isugu jira Dhalinyarada, Haweenka, Odayacasha dhaqana iyo Culimaa u diinka.

Ciidanka isku dhafka ah ee Dowladda Federaalka Soomaliyaa ayaa jooga bartamaha magaalada Gaalkacyo, iyaga oo xasilinaya amaanka magaalada, waxayna taasi suurta gal ay kadhigtay in magaalada si caadiya ay isaga kala goooshaan dadka iyo gadiidka intaba.

Dhalinyaraduna iyaga oo is dhexmaraya ayeey barnaamijo nabadeeyn ah waxa ay ka sameeyaan labada qaybood ee magaalada Gaalkacyo si lo xoojiyo Nabadda magaalada.

Waxaa dadka ku nool magaalada Gaalkacyo u muuqanaya dhibatooyinka iyo raadadkii ay reebeen   colaadihii horay u soo maray magaalada, kuwaas oo sababay in bulsho badan ay ku barakacaan, iyagoo taasi badalkeeda Dowladda ku amaanay kaalinta ay ka qaadatay Nabadda Gaalkacyo.

Gaashaanle Dhexe Maxamuud Cilmi Gulaafe oo katirsan taliska  qaybta Booliska gobolka Mudug ee Galmudug  ayaa SONNA u sheegay in ay joogsadeen dagaal beeleedyadii gudaha magaalada ka dhici jiray gadiidkii la kala dhici jirayna  Dowladda Soomaliya ayuu ku amaanay dadaalka ay u gashay nabadeynta Gaalkacyo, isaga oo sheegay in wada shaqeyn buuxda ay kadhaxayso.

Galkacyo wax colaad ah kama dhicin wixii kadanbeeyey  4/28/2017 dadaalkaasna waxaa ku mahadsan Dowladda Soomaliya iyo Bulshada rayidka gobolka oo si wadajir ah gacan uga geystay in magaalada la is dhexmaro nabadna ay noqoto, waxayna taasi waxbadan ka badashay nolosha Bulshada, gaar ahaan Waxbarashada, Ganacsiga iyo Caafimaadka oo si caadi ah kusoo laabtay Sida uu sheegayo Mahad Maxamuud sahal guddoomiye kuxigeeenka Golaha Sare ee Madasha Nabadda iyo isdhexgalka Gaalkacyo oo ay ku mideysanyihiin Dhalinyaro kala jooga labada qaybood ee magaaladu u qaybsantahay.

Maymuun Cali Nuur Gayfane guddoomiyaha Ururka Haweenka Gobolka Mudug ee Galmudug ayaa ii sheegtay in haweenka qaranka ay oo ay la kulantay ay uga fadhiyaan meelmarinta balanqaadyo ay u sameyeen sidii nabada Gaalkacyo loo xoojin lahaa.

Diblomaasiyiin Soomaali ah oo u kicitimay Sacuudiga si tababar diblomaasiyadeed ugu soo qaataan

SNTV
-
0
Diblomaasiyiin Soomaali ah oo u kicitimay Sacuudiga si tababar diblomaasiyadeed ugu soo qaataan

Muqdisho (SNTV)- Lix diblomaasi Soomaali ah oo ka tirsan Wasaaradda Arrimaha Dibadda iyo Iskaashiga Caalamiga ayaa u kicitimay Magaalada Riyaadh, si ay uga qeybgalaan tababar la xiriira qaanuunka diblomaasiyadda iyo qunsuliyadda oo socon doona muddo hal todobaad ah oo uu bixinayo Machadka Amiir Sacuud Alfeysal ee Daraasaadka Diblomaasiyadda.

Tababarkan ayaa ah kii labaad ee noociisa ah ee dalka aanu walaalaha nahay ee Boqortooyada Sacuudi Carabiya ku deeqo Jamhuuriyadda Federaalka Soomaaliya tan iyo sanadkii 2012.

Mashruuca kasoo kabashada Abaaraha oo lagu daah-furay Degmada Xudur

SNTV
-
0
Mashruuca kasoo kabashada Abaaraha oo lagu daah-furay Degmada Xudur

Xudur (SNTV) Mashruucaan oo loogu magac daray kasoo kabashada Abaaraha Bulshada ku dhaqan magaalada Xudur, waxa si wadajir ah uga soo qeyb galey Maamulka Degmada Xuddur, Guddiga loo igmaday mashruucaan shaqaalaha ACF iyo waxgaradka, waxana qabsoomidiisa iska kaashanaya Shaqadoon, hay’ada ACF iyo Bulshada reer Xuddur, waana mashruuc wax looga qabanayo biyo la’aanta ka jirta Degmada, oo saamayn ku yeelatay nolosha dadka iyo duuyadaba xilliga roobabka ay yar yihiin.

Ugu horeyn waxa faafaahin ka bixiyay hirgelinta mashruucaan wakiila Shaqodoon ee degmada Xuddur Ciise Aadan Nuur, wuxuna sheegey in Bulshada looga baahan yahay in kaalintooda ay qaataan.

Guddoomiyaha degmada Xuddur Maxamed Macalin oo daah-furey mashruuca ayaa Bulshada ugu baaqey in ay ka qeyb qaataan hormarada ka socda deegaanka, isagoo dhinaca kalena baaq u direy Jaaliyadaha ka soo jeeda gobolka Bakool.

Qeybihii kala duwanaa ee Bulshadii ka soo qeyb galey munaasabadaan loogu magac darey daah-furka ka soo kabashada Abaaraha ee degmada Xuddur ayaa aad u soo dhoweeyey balan qaadeyna in ay garab istaagayaan fulinta mashruucaan.

Intaa kadib Wasiirka Wasaaradda Arrimaha Gudaha KGS Maxamed Nuur Madoobe Nuunow iyo guddoomiyaha Degmada Xuddur Maxamed Macalin ayaa siwadir ah u dhagax dhigey Ceel-riigaan oo laga qodayo degmada Xuddur.

 

Mashruucaan ayaa hordhac u ah mashaariicyo kala duwan oo sadankaan horaantiisa laga fulin doono magaalada Xudur, hadii lagu guuleysto hergelinta mashruucaan lagu qodayo Ceel-riigaan, waxa yaraan doona dhibaatada biyo la’aaneed ee ka taagan xaafadaha iyo beeraha ku teedsan magaalada Xuddur waa hadii biyo gelin logu sameeyo.

Maxamed Xassan Cabdiraxmaan

Sarkaal qori  Dhashiika ah ku dilay  qof rayid ah  oo la xukumay

SNTV
-
0
Sarkaal qori  Dhashiika ah ku dilay  qof rayid ah  oo la xukumay

Muqdisho (SNTV)– Laba xidigle xoogga dalka  Maxamed Cabdullaahi Maxamed (Kumbud) ayaa loo  heysta in uu dil bareer ah u geystay Marxuum Dayax Iimaan Xasan  21-ka bishii sagaalaad 2018, dilkaasi oo ka dhacay aga-gaarka Seybiyaano  degmada Hodan ee Magaalada Muqdisho.

Ciidamada amniga ayaa soo qabtay Eedeysanaha, waxaana lagu  wareejiyay Hey’adaha Baarista.

Marxuum Dayax Iimaan Xasan ayaa ahaa wiil dhallinyara ah, waxa uu sidoo kale ahaa wade gaari raaxo isagoo sidoo kale soo dhameeyay heerka wax barashada koowaad  ee jaamacadda Plasma.

Iyadoo jimco ay tahay xilliyadii salaadda kadib ayuu sababsaday qorey Dhasiika ah uu gacantiisa ku riday sida uu sheegtay Laba xidigle xoogga dalka  Maxamed Cabdullaahi Maxamed (Kumbud).

Eeda Kumbud ayaa lagu soo wareejiyay xafiiska Xeer Ilaalinta Xilligaasi   waxa ayna  codsadeen Xafiiska in garsoorka ay ku hayaan xabsiga dhexe gar-suge ahaan.

Muddo baaristooda kadib  ayay codsadeen in la muddeeyo dhageysiga dacwadda ka dhanka ah Laba xidigle xoogga dalka  Maxamed Cabdullaahi Maxamed (Kumbud), waxa  ayna Maxkamadda aqbashay in la muddeeyo 10-ka Bishii 12-aad ee sanadkii tegay.

Sedax Cishe kadib ayay bilaabatay Maxkamadeynta Kumbud, waxaana dhageysiga dacwadda  u dhammaa  dhinacyada dacwadda la isku ballamiyay in markale dib la isugu soo noqdo.

Xafiiska Xeer Ilaalinta ayaa isla xilligaasi xooraansi dheeraad ah ugu jiray dhacdada sidii loogu dhameystiri lahaa dambi muujinada eedeysanaha, waxa ayna sidoo kale fadhigii  labaad la yimaadeen   oo aheyd laba todobaad kadib  cadeyma dheeri ah sida Sawirka Marxuumka, Warqadda Dhakhtarka  ku cadeeyay  dhimashada Marxuumka iyo markaatiyaal shan ah oo ay qaarkood wada saarnaayeen gaariga eedeysanaha la maxkamadeeyay ee Kumbud.

Dhamme Muumin Xuseen Cabdullaahi oo ah ku xigeenka Xeer Ilaaliyaha Ciidamada Qalabka Side ayaa fadhiga ka sheegay in eedeysanaha uu u adeegsaday  qori Dhashiika ah  meel ciriiri  badan ka jiro balse qoriga loogu tala galay furumaha dagaalka.

Laba xidigle xoogga dalka  Maxamed Cabdullaahi Maxamed (Kumbud) ayaa sheegay in u jeedkiisu ahaa sidii uu u furi lahaa waddada oo aheyd Baarta jaadka halka loo yaqaano xilligaasi oo ay saxmad ka jirtay balse lagu war geliyay in ay sabatay xabadii uu riday dhimashada Marxuum Dayax Iimaan Xasan.

Qareenada ayaa ku dooday in loo naxariisto sarkaalka loona fududeeyo  xukunka maadama uu goobta fal ka dhacay ay aheyd goob Saxmad ah.

Ugu dambeyn maanta ayaa go’aan laga gaaray, waxaana lagu xukumay eedeysane  Ex, Laba xidigle xoogga dalka  Maxamed Cabdullaahi Maxamed (Kumbud) dil toogasha ah oo ah  qisaastii Marxuum Dayax Iimaan Xasan, sida uu u sheegay dhammaan dhinacyada dacwadda Gaashaanle Sare Xasan Cali Nuur Shuute

Maxkamadda Ciidamada ayaa horay digniin uga dirtay in aan lagu xad gudbin muwaadiniinta isaga kala goosha magaalada, waxa ayna sheegtay in ciddii geysata dil ku tala gal ah aan looga waaban doonin sharciga.

Sarkaal xukunsanaha ah  ayaa heysta fursad  kale  uu uga qaadan karo rafcaan Xukunka Maxkmadda Darajada koowaad.

Daawo Barnaamijka Kulanka Todobaadka

SNTV
-
0
Daawo Barnaamijka Kulanka Todobaadka

Muqdisho (SNTV)- Barnaamijka Kulanka Todobaaka oo kamid ah  Barnaamijyaada Todobaalaha ah Ee ka baxa Telefeshinka Qaranka Soomaaliyeed iyo Radio Muqdisho Codka Jamhuuriyadda Soomaaliya, waxaa marti ku ahaa Guddoomiyaha Maxkamadda Darajada Koowaad Ee Ciidamada  Qalabka Side Gaashaanle  Sare Xasan Cali Nuur Shuute.

Tabiye:- Faysal Muuse

Ra’iisalwasaaraha Xukuumada Federaalka ah ee Soomaaliya oo Magacaabay Guddiga badbaadinta iyo soo Celinta Hantida Qaranka.

SNTV
-
0
Ra’iisalwasaaraha Xukuumada Federaalka ah ee Soomaaliya oo Magacaabay Guddiga badbaadinta iyo soo Celinta Hantida Qaranka.

Muqdisho January 10 (SNTV):- Raiisalwasaaraha Xukuumada Federaalka ah ee Soomaaliya Mudane Xasan Cali Kheyrre ayaa Magacaabay Guddiga badbaadinta iyo  Soo celinta hantida qaranka Soomaaliyeed,

Guddiga oo isugu jira  wasiiro ka tirsan Xukuumada Soomaaliya,Gudoomiyaha gobolka banaadir iyo hantidhowraha qaranka ayaa waajibaadkooda uu yahay tirakoobka hantida dawladda iyo soo celinta dhulka iyo gaadiidka sida sharci darrada ah dawladda uga maqan sida ku xusan wareegto ksoo baxday xafiiska Ra’iisalwsaaraha.

Halkan Ka Akhriso Magacyada Guddiga.

 

 

 

Kulan wada tashi ah oo lagu qabtay Magaalada Xuddur

SNTV
-
0
Kulan wada tashi ah oo lagu qabtay Magaalada Xuddur

Muqdisho January 10 (SNTV);-Waxaa Magaalada Xuddur ee Caasimadda Gobolka Bakool ka soconaya kulan wada tashi ah oo lagu dersayo baahiyaha halkaasi ka jira iyo ka baaraan-degga Mashaariicda horumarineed ee Sanadkan 2019-ka laga fulin doono degaannadaasi.

Kulankan oo Socon doono muddo Saddex Cisho ah, soona qaban-qaabisay wasaaradda arrimaha gudaha iyo dib u heshiisiinta maamulka Koofur Galbeed Soomaaliya ayaa  waxaa ka qeyb galaya 40 xubnood oo kala kala socota bulshada.

Kulankan oo ay ka qeyb galeen xubno ka kala socda Wasaaradaha Haweenka iyo xuquuqul Insaanka, arrimaha gudaha, Gaadiidka iyo Garoomada,mas’uuliyiin ka tirsan hay’adda TIS iyo maamulka Gobolka Bakool.

Guddoomiyaha Gobolka Bakool, Maxamed Cabdi Tool, oo halkaasi ka hadlay ayaa sheegay in kulankani uu ahmiyad weyn u leeyahay Bulshada degaanka, wuxuuna ka qeyb galayaasha kula dar-daarmay inay qoraal ka sameeyaan baahiyaha guud ee ka jira Degmada Xuddur.

Wasiirka wasaaradda arrimaha gudaha iyo dib u heshiisiinta Dowlad Goboleedka Koofur Galbeed Soomaaliya, Maxamed-nuur  Madoobe Nuunnoow, ayaa sheegay in kulankan wadatashiga ahi uu fursad u yahay Dadka halkaasi ku dhaqan, isla maraana mudan in laga faa’iideysto.

Wasiirka Gaashaandhigga oo kormeer ku tagay Isbitaalka Martiini

SNTV
-
0
Wasiirka Gaashaandhigga oo kormeer ku tagay Isbitaalka Martiini

Muqdisho January 10 (SNTV);-Wasiirka Gaashaandhigga Soomaaliya, Xasan Cali Maxamed, ayaa kormeer howleed ku tagey Isbitaalka Martiini ee Magaalada Muqdisho, halkaas oo ay ku jiraan qaar ka mid ah dhaawacyada Ciidanka xoogga Dalka iyo bukaanno kale.

Wasiirka oo ay kormeerkiisa ku wehliyeen wasiiru Dowlaha Gaashaan-dhigga, Maxamed Cali Xagaa, Xildhibaanno ka tirsan Golaha Shacabka iyo qaar ka mid ah mas’uuliyiinta hay’adda IDA oo Labadii Sana ee ugu dambeysay Gacanta ku haysa Isbitaalka Martiini, ayaa soo gaalaa-bixiyay qeybo badan oo ka mid ah Isbitalka.

Agaasimaha guud ee Isbitaalka Martiini, Dr; Cabdi Ibraahim Jiiya, ayaa sheegay bogaadiyay Kormeerka uu wasiirka ugu yimid iyo sida ay Isha ugu hayso Wasaaradda difaaca, wuxuuna tilmamay in ay si weyn ugu how-galeen la tacaalidda bukaanka halkaasi jiifa oo isugu jira Rag, Dumar iyo Carruur.

Sahra Cumar Maalin, oo ka tirsan guddiga xuquuqul Aadanaha ee Golaha Shacabka Soomaaliyeed ayaa sheegtay inay soo dhoweynayaan dedaallada ay Hay’adda IDA ku bixisay tayaynta Isbitaalkan oo ay ku jiraan qaar ka mid ah Askartii ku soo dhaawacantay difaaca Qaranka, waxanay sheegtay in ay ku qasban tahay la socoshada xaaladda ay ku sugan yihiin bukaannada kala duwan.

Wasiirka Difaaca  Soomaaliya, Xasan Cali Maxamed, ayaa hay’adda IDA ugu mahad celiyay howsha quruxda badan ee halkaasi ka qabatay, taas oo ay idmatay wasaaradda Difaaca Soomaaliya, wuxuuna intaa raaciyay in ay ka faa’iideysteen Bulshada qaybaheeda kala duwan gaar ahaan Ciidamada Qalabka sida.

Wuxuu sheegay in ay aad ugu faraxsan yihiin, ka wasaarad ahaanna ay Gacan ka geysan doonaan dayac-tirka iyo dhammaystirka baahiyaha halkaasi ka jira , wuxuuna howl-wadeennada IDA iyo mas’uuliyiinta Isbitaalkuba ku boorriyay in ay dedaalladooda sii laba laabaan.

Shirka Todobaadlaha ah ee Maamulka Gobolka Banaadir oo looga dooday Qorshaha 2019ka

SNTV
-
0
Shirka Todobaadlaha ah ee Maamulka Gobolka Banaadir oo looga dooday Qorshaha 2019ka

Muqdisho January 10 (SNTV);-Duqa Muqdisho ahna Guddoomiyaha Gobolka Banaadir Mudane Cabdiraxmaan Cumar Cusmaan (Eng. Yarisow) ayaa guddoomiyey shirka todobaadlaha ah ee Maamulka Gobolka Banaadir oo ku qabsoomay Degmada Yaaqshiid.

Guddoomiyaha ayaa ka warbixiyey qorshaha Maamulka Gobolka Banaadir ee ku aaddan daadejinta maamulka iyo xoojinta wada shaqeynta degmooyinka. Eng.Yarisow ayaa sheegay in Maamulka Gobolka Banaadir uu joogtayn doono ku qabsoomidda shirka todobaad laha ah degmooyinka Gobolka, si loo kormeero hannaankooda shaqo, loolana socdo tabashooyinka iyo baahiyaha ka jira.

Shirka Todobaadlaha ah ee Maamulka Gobolka Banaadir ayaa lagu ansixiyey miisaaniyadda sanadkan 2019ka, iyadoona dib loo eegay miisaaniyaddii sannadkii hore oo la xaqiijiyey in ay ka badnayd tii 2017ka.

Masuuliyiinta heer Gobol iyo heer Degmo ayaa isla qaatay muhiimadda ay leedahay in lagu jaan gooyo miisaaniyadda sanadkan 2019ka arrimaha bulshada iyo daadejinta adeegyada asaasiga ah, maadama ay xowli ku socoto dib u kabashada Caasimadda.

Sidoo kale, Guddoomiyeyaasha 17ka degmo ee Gobolka Banaadir ayaa soo bandhigay guulaha laga gaaray barnaamijyada darisaynta iyo Olalaha Isxilqaan ee dib loogu dhisayo xarumaha danta guud.

Wasiirka Amniga Xukuumada Federaalka Soomaalia oo Furay Shir looga hadlayo ka Hor-tagga Qaraxyada gacan ku sameyska ah

SNTV
-
0
Wasiirka Amniga Xukuumada Federaalka Soomaalia oo Furay Shir looga hadlayo ka Hor-tagga Qaraxyada gacan ku sameyska ah

Wasiirka Amniga Gudaha Xukuumadda Federaalka Soomaaliya Mudane Maxamed Abuukar Ducaalle ayaa maanta magaaladda Muqdisho ka furay Shir wada-tashi ah oo ku saabsan ka Hortagga Qaraxyada gacan ku sameyska ah.

Shirkan ayaa  ka qeyb galay Qaar kamid ah Saraakiisha Amniga, Masuuliyiin ka socday Wasaaradda Amniga gudaha XFS iyo marti sharaf kale.

Wasiirka Amniga Gudaha Xukuumadda Federaalka Soomaaliya Mudane Maxamed Abuukar Ducaalle oo kulankaasi ka hadlay ayaa sheegay in loo baahan yahay in la iska kaashado ka hortagga Qaraxyada Kooxda Alshabaab ay ku xasuuqaan dadka Shacabka ah, isaggoo isaggoo xusay in la dejin doono qorshe cad oo looga hortagayo Waxyaabaha Qarxa.

Sidoo kale Wasiirka Amniga Gudaha XFS ayaa Shacabka Soomaaliyeed ugu baaqay in Ciidamada ammaanka ay kala shaqeeyaan ka hortagga Waxyaabaha qarxa, islamarkaana looga baahan yahay in  ay ku war geliyaan Ciidanka haddii ay arkaan dad ku howlan falal amniga lid ku ah.

1...967968969...1,570Page 968 of 1,570

© 2023 Telefishinka Qaranka Soomaaliyeed