Wasiirka Arrimaha Dibadda iyo Iskaashiga Caalamiga , Mudane Danjire Axmed Ciise Cawad, heshiis is-afgarad la saxiixaday Akadeemiyadda Folke Bernadotte Academy (FBA) iyadoo ay goob-joog ka ahaayeen Safiirka Sweden ee Jamhuuriyadda Federaalka Soomaaliya, Mudane Staffan Tillander, diblomaasiyiin Soomaali iyo Sweden.
Agaasimaha guud ee FBA Mudane Sven-Eric Söder ayaa sheegay in heshiiskan sare loogu qaadayo wada shaqeynta, xiriirka u dhexeeya labada dal ee saaxiibada ah.
Heshiiskan ayaa waxa uu ka qeyb ka yahay sidii loo xoojin lahaa iskaashiga dhinacyada kala duwan ee labada dal, kaasi oo ka tarjumaya sidii hore loogu dhaqaajin laha xiriirka iyo iskaashiga laba dhinac ee Soomaaliyaa iyo Sweden .
Heshiiska ayaa qeexayaa in Akadeemiyadda loo yaqaan Folke Bernadotte Academy (FBA) ay ku qabato dalka Soomaaliya tababarro iyo barnaamijyo cilmi-baaris , iyadoo ka wakiil ah Wasaaradda Arrimaha Dibadda Sweden, waxaana tababarada laa siin doona shaqaalaha kala duwan ee hey’adaha dowladda Soomaaliyaa.
