Ciidamada Amniga ayaa gacanta ku dhigay Dhagar qabe ka tirsanaa kooxaha Argagixisada oo bangacmeed caawa ku tuuray Saldhiga Degmada Xamar Weyne.
Ma jirto cid waxyeello kasoo gaartay Bam Gacmeedka caawa lagu tuuray Saldhiga Degmada Xamar Weyne.
Ciidamada amaanka oo kaashanayo shacabka ku dhaqan gobolka Banaadir ayaa dadaal xoogan ugu jiro sidii loo sugi lahaa amniga Magaalada Muqdisho.
Ciidanka itoobiya ayaa sheegay in ay hub ka heleen kaniisad ku taala deegaanka Wajerat ee gobalka Tigray halkaas oo la sheegay in ciidanka TPLF ay saldhig ahaan u adeegsanayeen.
Sida ay sheegtay wakaalada wararka itoobiya waxaa ciidanka arintan ku wargaliyay dadka deegaanka oo dhibaaday in kaniisada saldhig laga duulo laga dhigo.
Saraakiisha ciidanka itoobiya ayaa sheegay in kaniisada ay TPLF u ahayd bar ka ridaan madaafiicda iyo gantaalada gaar ahaan gataala dhulka ee BM.
Ra’iisul Wasaaraha Xukuumadda Federaalka Soomaaliya Mudane Maxamed Xuseen Rooble oo kulan degdeg ah isugu yeeray laamaha amniga ayaa ka dhageystay warbixin la xiriirta amniga dalka, gaar ahaan falkii argagixisadu ay xalay ku gumaadeen dhalinyaro Soomaaliyeed oo waxba galabsan.
Ra’iisul Wasaaraha ayaa ku adkeeyey laamaha ammaanka in ay waajib ku tahay ilaalinta nafta iyo maalka bulshada, iyagoona sii xoojinaya dadaallada ay ku sugayaan amniga caasimadda.
“Waxaa laga sugayaa Hay’adaha Amniga in ay sii dardar geliyaan dadaallada lagaga hortagayo falalkan xasuuqa ah ee cadowgu ay soo maleegayaan. Argagixisadu waa sii tabar darreynaysaa maalinba maalinta ka danbeysa kaddib markii ciidamadeenna geesiyaasha ah ay si mugleh uga shaqeeyeen amniga xilli aan furnay jidadkii magaalada.”
Ra’iisul Wasaare Rooble oo ka dhegaystay Wasiiradda Amniga iyo Taliska Ciidanka Xoogga dalka warbixinno la xiriira amniga iyo howgallada lagu xoojinayo, isagoo faray in la sii dardargeliyo si aysan cadowgu ug afaa’iideysan.
Masuuliyiinta ayaa la wadaagay Ra’iisul Wasaaraha Gurmadka Caafimaad ee loo fidideyey dhaawacyadii qaraxii naf-hallignimada ahaa iyo dadaalkii ballaarnaa ee lagu bixiyay sidii loogu heli lahaa gargaar caafimaad oo dhammeystiran.
Ra’iisul Wasaare Maxamed Xuseen Rooble ayaa Alle uga baryey in uu caafimaad degdeg ah siiyo dhammaan dadkii ku dhaawacmay falkan wuxuushnimada ah ee ay geysteen argagixisadu, isaga oo sidoo kalena janno iyo naxariis ugu duceeyey dhallinyaradii Soomaaliyeed ee ku shahiiday, ehelkoodana uga tacsiyeeyey.
—DHAMMAAD—-
Wasaaradda Caafimaadka Galmudug ayaa maanta kala wareegtay hey’adda IRC, qalab iyo daawooyin caafimaad oo loogu talagaley xarunta la tacaalka xanuunka Covid-19 ee Gobolka Galgaduud waxaana deeqdani katimid deeq bixiyaasha xafiiska arrimaha dibadda ee dowlada Jarmalka (GFFO)
Wasiirka Caafimaadka ee dowlad goboleedka Galmudug Cabdiwali Cabdulaahi Jaamac ayaa qalabkaan caafimaad ka gudoomey Madaxa hey’adda IRC ee Galmudug Cabdijamaal Xasan Magan, isagoo xusey in kaalmadani noqon doonto mid wax badan ka tarta howsha culus ee wasaaraddu kawado xarumaha Gobolka iyo dadaalka ay ugu jiraan ka hortaga iyo xakameynta xanuunka Covid-19.
Howlgalkan qorsheeysan ayaa ciidanka xoogga dalka Soomaaliyeed waxey ka fuliyeen deegaanka geel-gub ee degmada Cadalle ee gobolka shabeelaha dhexe.
Howlgalkaan ayaa yimid Ka dib markii ciidanka xoogga dalka Soomaliyeed ay ka war heleen dhagarta ay maleegayeen kooxda Al-Shabaab,iyadoo ciidanka ay howlgalka ku dileen 8-ka tirsan maleeshiyaadka Al-shabaab iyadoona qaar kale nolosha lagu qabtay..
Howlgalkan qorsheysan ayaa ciidanka xoogga dalka soomaaliyeed waxey ka fuliyeen deegaanka geel-gub ee degmada Cadalle ee gobolka shabeelaha dhexe.
Taliyaha ciidanka xooga dalka somaaliyeed Generaal Odowaa Yuusuf Raage oo hadlay warbaahinta codka ciidanka ayaa sheegay in ay ciidanka gacanta ku soo dhageen maleyshiyaad ka tirsan Al-shabaab iyo hubkii ay ku dhibaateyn jireen shacabka Soomaaliyeed
Taliyaha Ciidanka Xoogga dalka Generaal Odowaa ayaa intaas ku daray in Ciidanka wali ay sii baacsanayaan maleeyshiyaadka Al-shabaab ee ku jabay dagaalka ciidanka xoogga ay ku qaadeen fariisamaha ay ku lahaayeen degaanka (Geel-gub).
Maalmahii u dambeeyay ciidanka xoogga dalka Soomaliyeed ayaa howlgalo ka dhan ah kooxda Al-Shabaab waxey ka wadeen gobolada dalka soomaaliya.
Wasaaradda arimaha dibadda ee dalka Turkiga ee aan walaalaha nahay ayaa si adag maanta u cambaaraysay weerarkii argagixiso ee sababay dhimashada iyo dhaawaca dadka rayidka ah ee ka dhacay caasimadda Soomaaliya ee Muqdishu,
Warkaasi ayaa intaasi raaciyay Dowladda iyo shacbiga Turkiga waxay aad uga tiiraanyoodeen dhacdadaasi arxanla’aanta ah ee lagu laayay dadkaasi oo ku sugnaa maqaayadda Gelato Divino.
Wasaaradda arimaha dibadda ee Turkiga Warkaasi ka soo baxay ayaa lagu yiri “waxaan Cambaaraynaynaa falkaasi argagixiso ee horonimada ah, waxaanan tacsi u diraynaa shacbiga Soomaaliyeed ee aan walaalaha nahay iyo dowladooda” waxay dhanka kale wasaaraddu Raxmadda Alle u rajaysay dadkii ku dhintay, kuwa ku dhaawacmay in Alle siiyo caafimaad buuxa oo dag dag ah.
Agaasimaha Guud Ee Wasaaradda Qorsheynta, Maal-gashiga iyo Horumarinta Dhaqaalaha XFS Mudane Cabdulqaadir Maxamed Aadan oo dar-dar-galinaya shaqooyinka horyaalla Waasaaradda ayaa kulan la qaatay Agaasime Waaxeedyada Wasaaradda, Madax qeybtyada iyo Kooxda farsamo yaqaanada (Technical Staff).
Kulanka waxaa warbix looga dhageystay Agaasimo waaxayada Wasaarada iyo howlaha u qabsoomay Todobaadkii la soo dhaafay, xilli lagu gudo jiro dar-dar-galin howlaha horu-tabinta u leh Wasaaradda.
Waxaana Sidoo kale Agaasimaha uu Carab baabay in ay jirto Fulinta Sanada 2021, iyo Qorsho Howleedka Wasaaradaha Dowlada, Qiimeynta iyo Kormeerka waxyaabaha u qabsoomay.
Ugu dambeyn, Agaasimaha Guud ayaa madaxda qeybaha kale kula dardaarmay in shaqooyinka la sii xoojiyo, si natiijo wax ku’oolka ah ee hiigsaga dalka Hormarinta guud loo gaarsiiyo.
Waxaa Maanta Magaalada Muqdisho lagu qabtay Manaasabad uu Xilka kula wareegayay Wasiirka Cusub ee Wasaarada Arimaha Dibadda taasi oo ka dhacday Xarunta Wasaarada Arimaha Dibada.
Munaasabaadaan ayaa waxaa ka soo qeyb galay Wasiiro ka tirsan Xukuumada Fadraalka ah Wasiiro hore Xildhibaano iyo Safiiro.
ugu horeyn ayaa waxaa halkaasi ka Hadlay Gudoomiyaha Gudiga Arimaha dibada ee Baarlamaanka fadraalka ah ee Soomaaliya Xildhibaan Biixi Cige.
Wasiirkii hore ee Wasaarada Arimaha Dibada Danjire Axmed Ciise Cawad ayaa sheegay in Wasiirka ay ku soo dhaweynayaan Masuuliyada Cusub ee loo igmaday.
Wasiiraka Cusub ee Wasaarada arimaha Dibada mudane Maxamed Abdirisak Maxamuud abuubakar ayaa sheegay inuu sii amba qaadayo shaqada Wasaarda Hogaankeeda uu qabtay.
Wasiirka Wasaaradda Qorsheynta, Maal-gashiga iyo Horumarinta Dhaqaalaha Dawlada Fedaraalka Soomaaliya Mudane Jamaal Xassan ayaa ku qaabilay xafiiskiisa Xubna ka socda Golaha Dhaqaalaha Qaranka JFS.
Wasiirka iyo Khuburada golaha Dhaqaalaha Qaranka Waxaa ay ka wada hadleen sidii Golaha iyo Wasaaradu isaga Kaashaadan dar-dar gelinta horumarinta dhaqaalaha, sida ugu fiican ee looga faa’iideysan lahaa talooyinka ku salaysan cilmi-baarista ay soo jeediyeen Golaha Dhaqaalaha Qaranka ay ka mid yihiin Daarasado laga samayeeyey saamaynta uu ku yeeshay Xanunka COVID-19 dhaqaalaha dalka iyo sidii looga soo kaban lahaa.
Deegaanka xero dhagaaxleey oo ka tirsan Degmada Hobyo islamarkaana ah deegaanada ugu horeeyay dhanka tabcashada beeraha ayaa waxaa beeraleyda halkaasi ku nool iyo maamulka deegaanku ay cabasho xoogan ka muujiyeen saameeyn uu wax soo saarka beerahooda ku yeeshay ayax korankaro kaas oo xaaluf ba’an ku haya dalagyadii ay beerteen.
Qaar ka mida beeraleyda oo la hadlay warbaahinta Qaranka ayaa ka warbixiyay dhibaatooyinka ayaxa ama koran koradu ay u geysteen dalagyadii ay tabcadeen iyagoo dhanka kalana codsaday in laga caawiyo sidii ayaxa ama koran korada looga hortagi lahaa.
Beeralayda ayaa sheegtay in Dalagyadii ay beerteen xilligan qeybo ka mid ah Saameeyeen oo ay ka cabsi qabaan in saameyntu ay intaasi ka balaarato waxayna intaasi ku dareen hadii aan hada wax laga qaban ay qasaaro intaasi ka badan ay soo gaari doono.
