Search
Subscribe
Home Blog Page 1596

Dowladda Soomaaliya oo caddeysay mowqifkeeda ku aaddan khilaafka dalalka khaliijka ka taagan

SNTV
-
0

Tr. June 07, 2017

Muqdisho – Soomaaliya

War Saxaafadeed (Faafin Degdeg ah)

Dowladda Federaalka ee Soomaaliya waxa ay ka xun tahay, kana walaacsan tahay khilaafka Diblomaasiyadeed ee soo kala dhex galay Dowladaha Carabta ee walaalaha ah.

Waxey Dowladda Federaalka ee Soomaaliya ku baaqeysaa in khilaafka lagu dhammeeyo wadahadal iyo is faham, iyada oo la adeegsanayo Ururka Jaamacadda Carabta iyo Ururka Iskaashiga Islaamka.

Dowladda Federaalka ee Soomaaliya oo xubin ka ah Ururka Jaamcadda Carabta iyo Ururka Iskaashiga Islaamku waxey diyaar u tahay in ay gacan ka geysato sidii xal loogu heli lahaa khilaafkan Diblomaasiyadeed ee soo kala dhex galay waddamada walaalaha ah.

 

howl-gallo adag oo ka socda waddooyinka caasimadda Muqdisho

SNTV
-
0

Ciidamada Xasilinta Amniga Caasimada Muqdisho ayaa maanta howl gallo baaritaan nooc cusub ah ka wada waddooyinka magaalada Muqdisho.

Ciidamadan oo saaka bilaabay in ay ka howl-galaan isgoysyada waddooyinka ayaa baaritaan ku sameynaya gaadiidka iyo dadka saaran.

Waddooyinka ay howl-galada ka socdaan ayaa waxaa ka mid ah wadada Maka Al-Mukarama, iyo wadooyinka kale.

Gaadiidka ayaa meelaha qaar safaf ugu jiray baaritaannada socda.

Dadka saaran gaadiidka ayaa la weydiinayaa su’aalo, sida xaafada ay degan yihiin, shaqadooda iyo aqoonsigooda.

Qorshaha xasillin caasimadda, waxa uu dhaqangalay biloga bisha barakeysan ee Ramadaan, waxaana si adag u socda dedaallo ay wadaan hey’adaha amniga oo adeegsanaya ciidammo si gaar ah loogu diyaariyey magaalada Muqdisho nabaddeeda in ay ka shaqeeyaan, isla markaana ay tallaabo adah ka wadaan cid walba oo qal-qal ku ah amniga caasimadda.

 

 

R/Wasaare Xasan Cali Kheyre oo la dar-daarmay Ardayda Jaamacadaha Dalka.

SNTV
-
0

Muqdisho, 07 June 2017….Ra’iisul Wasaaraha Xukuumadda Federaalka ah ee Soomaaliya Mudane Xasan Cali Kheyre, ayaa boqolaal ardey oo isaga kala yimid Jaamacadaha dalka, kula hadlay Jaamacadda Ummadda Soomaaliyeed, wuxuna kula dar-daarmay in wadajir loogu istaago sidii looga shaqeyn lahaa Soomaaliya mar kale cagaheeda isu taagtay oo ka tilmaaman dalalka kale ee Caalamka.

Ra’iisul Wasaaraha sheegay in dib-u-howlgelinta Jaamacadda Umaddu ay tahay astaan qaran, isla markaana ay Xukuumaddu xooga saari doonto sidii loo dhisi lahaa guud ahaan xarumaha ay leedahay Jaamacaddu, gaar ahaan xarunta weyn ee Gaheyr.

“Dalkaan waxaa horumarin kara dadkiisa, dadkeenuna waxaa horumari kara tacliinta, sidaa darteed muhiimadeenu waa inaan sare marinaa tacliinta, waana mid ka mid tahay ajendayaasha ugu horreeya ee horumarinta dalka” ayuu yiri R.Wasaare Xasan Cali Kheyre oo intaas raaciyey .

” Ma jirto maanta maalin aan uga baahi badanahay kobcinta iyo tayeynta nidaamkeena waxbarasho. Taacliinta sare kaalin weyn ayey kaga jirtaa horumarka iyo xasilinta dalka, dhalinyarada maanta hortayda fadhida waa mustaqbalkii bari iyo hoggaamiyeyaashii ina badeli lahaa”.

Mudane Xasan Cali Kheyre ayaa ku dheeraaday halgankii gobonimo doonka iyo doorkii shariifka ahaa ee dhalinyarada Soomaaliyeed ay ka qaateen, gaar ahaan SYL iyo sidii uu ku yimid bilowgii feker-kaasi . Wuxuna hoosta ka xariiqay sida ay muhiim u tahay in jiilka cusub laga helo dhalinyaro leh feker lamid ah kii 13-kii SYL.

Jaamacadda Ummadda ayaa kaalin sare kaga jirtay soo saaridda aqoonyahano iyo xirfadlayaal ka hor inta aanay burburin dowladdii dhexe ee Soomaaliya.

Kulanka ayaa waxaa sidoo kale ka hadlay Wasiirka Waxbarashada, hidaha iyo tacliinta sare, Guddoomiyaha Gobolka Benadir iyo Guddoomiyaha Jaamacadda Ummada oo dhamaantood tilmaamay ahmiyada kulankani u leeyahay dhalinyarada waxbaratay.

—-DHAMMAAD—-

Madaxweynaha Maamul Goboleedka Galmudug oo ku wajahan Magaalada Gaalkacyo.

SNTV
-
0

Madaxweynaha maamul Goboleedka Galmudug Mudane Axmed Ducaale Geelle Xaaf ayaa la filayaa in uu maanta gaaro Magaaladda Gaalkacyo ee Xarunta Gobolka Mudug.

Magaalada Gaalkacyo ayaa waxaa kasocdo dhaqdhaqaaq xoogan oo lagu soo dhaweynaayo Madaxweynaha maamulka Galmudug Axmed Ducaale Geelle Xaaf iyo Wafdiga uu hogaaminaayo.

Mudane Xaaf ayaa kulamo la qaadan doono madaxda Gobolka Mudug iyo tan Magaaladda Gaalkacyo ugu magacaaban Maaamul goboleedka Galmudug asagoo sidoo kale kulamo la qaadan doono qeybaha kala duwan ee bulshadda ku dhaqan Magaaladda Gaalkacyo.

Safarka Xaaf ee Magaaladda Gaalkacyo ayaa noqonayo safarkiisii kowaad ee uu Magaaladda Ku yimaado tan iyo markii loo doortay Xilka Madaxweyanaha Galmudug.

Madaxweyne Farmaajo oo kulamo la qaatay Madaxda Maamulka Jubbaland

SNTV
-
0

Madaxweynaha Dowladda Federaalka ah ee Soomaaliya Mudane Maxamed C/llahi Farmaajo ayaa Kulamo kala duwan la qaatay qeybaha kala duwan ee madaxda Maamul Goboleedka Jubbaland.

Kulanka ayaa waxa looga hadlay arimaha amaanka gaar ahaan xureynta degmooyinka weli gacanta ugu jiro kooxda nabad diidka ah ee Al-shabaab iyo sida ugu fudud ee looga xoreyn karo deegaanadda ay gacanta ku hayaan kooxda Al-shabaab.

sidoo kale kulanka ayaa diirada lagu saaray siddii loo xoojin lahaa wada shaqeyntaha Hay’addaha Dowladda kuwa Federaalka ah iyo kuwa Maamul Goboleedka Jubballand , waxayna Dowladda Soomaaliya balanqaaday in ay si buuxdo u garab taaganaato maamul Goboleedyadda.

Dhanka kale Madaxweyane Maxamed C/llahi farmaajo ayaa xalay kormeeray guud ahaan jawiga Magaalada Kismaayo asagoo dhax galay bulshadda ku dhaqan Magaalada Kismaayo isla markaana la sheekeystaty dhalinyaro ku fiidsanaayey mid ka mid ah Maqaayadaha Magaalada Kismaayo si uu wax badan uga ogaado dareenka Shacabka ku dhaqan magaaladda Kismaayo.

Taliska Ciidamada Taraafikada Soomaaliyeed oo Amaro kasoo saaray kala gadashada Gawaarida

SNTV
-
0

Taliyaha Ciidamadda Taraafikadda Soomaaliyeed Cali Xirsi Barre (Cali Gaab) ayaa ka hadlay habka saxda ah ee laga doonayo dadka kala iibsanaayo  Baabuurta.

Taliyaha ayaa sheegay in ay muhiim tahay in qofka gaariga iibsanaayo in uu ku dadaalo in buuga gaariga lagu qoro magaciisa si loo ogaado in uu gaariga leeyahay.

Taliyaha oo ka hadlayey howlgal ay kula dagaalayeen in gawaaridda lagu baakimo Hareeraha Wadadda Maka-almukarmaha ayaa yiri “gaarigii aan soo qabano ee aan kasoo qaadno goobaha baakinka loo diiday ee wadada hareeraheed ah qofka sheeganayo waxaa laga doonayaa in uu la yimaado buug uu ku cadeynayo lahaanshihiisa waxaana qasab ah in uu Magaciisa ku qornaado ” .

Dadka kala gadanaayo Gawaarida ayaa laga dhursugayaa in ay dhaqan geliyaan amarkan kasoo baxay Taliska Taraafikadda Soomaaliyeed si ay uga badbaadaan culeyso badan oo soo wajihi karo.

Garoowe oo u gudubtay wareegga labaad ee tartan cilmiyeedka

SNTV
-
0

Habeenka Tobnaad ee tartan cilmiyeedka Warbaahinta Qaranka ee uu taabagelinayo maamulka gobolka Benaadir, waxaa ku tartamay degmooyinka Hiliwaa oo ka tirsan gobolka Benaadir iyo Garoowe oo ka tirsan gobolka Nugaal.

Tartanka oo aad u xiiso badnaa, waxaa qeybta hore labada degmo la weydiiyey min afar su’aal, halkaas ayaana lagu haliyey qeybtaas, waxaana kaddib la soo gudbiyey warbixinnadii joogtada ahaa ee ka hadlayey Taariikhda labada degmo ay leeyihiin.

Natiijada degmada Hiliwaa

Degmada Hiliwaa ee gobolka Benaadir, waxaa la weydiiyey toddoba su’aal toddobadana ma aysan ka jawaabin, hal su’aal ayeey si ka faa’ideysi ah uga jawaabbeen, sdiaas ayeey ku heleen laba dhibcood (2 dhibcood)

Natiijada Garoowe

Degmada Garoowe ee xarunta gobolka Nugaal, waxaa iyana la weydiiyey toddoba su’aal, waxa ay si sax ah uga jawaabbeen laba ka mid ah su’aallahaas, shan waa ay iska qaldeen, saddex su’aal si ka faa’ideysi ah ayeey uga jawaabbeen, waxa ay heleen toban dhibcood degmada Garoowe (10 dhibcood), Garoowe ayaana u gudubtay wareegga labaad ee tartan cilmiyeedka warbaahinta Qaranka.

Habeen dambe, waxaa foodda is dari doona degmooyinka kala ah Deyniile iyo Shibis oo ka wada tirsan gobolka Benaadir.

 

 

 

 

Ra’iisul Wasaaraha oo u kuur galey howlaha shaqo ee Dekedda Muqdisho.

SNTV
-
0

Muqdisho, 06 June 2017…Ra’iisul Wasaaraha XFD Soomaaliya Mudane Xasan Cali Kheyre ayaa maanta kormeer shaqo ku tagey Dekedda Muqdisho, waxaana ku soo dhaweeyey Wasiirka Dekadaha iyo Gaadiidka Badda Marwo Maryan Aweys, Maareeyaha Dekada Muqdisho iyo dhammaan shaqaalaha ka howlgala, wuxuna mid mid u booqdey xafiisyada ay ku howl-galaan shaqaalaha dekedda.

Ra’iisul Wasaaraha ayaa maamulka dekadda kala hadlay sidii loo dar-dargelin lahaa shaqada, loona horumarin lahaa dekedda Muqdisho, sidoo kalena waxuu la sheekeestey Ganacsatada alaabta kala soo dageysey dekadda, isagoona ka wareystey sida loola dhaqmo marka ay usoo degayaan badeecooyinka. Waxuu maamulka dekadda ugu baaqey iney ilaaliyaa xariirka Ganacsatada, loona fududeeyo sidii ay ganacsigooda hab nidaam ah u mari lahaa.

“Waa iney helaan Ganacsatada Soomaaliyeed qadarin gooniya si loo dareensiiyo iney dalkan iyagu leeyihiin, taasina waxaa keeni karta iyadoo loo fududeeyo Ganacsigooda”ayuu yiri R/W Xasan Cali Kheyre.

Ra’iisul Wasaaraha ayaa kormaarkani u noqonayaa markii Shanaad ee uu booqdo Dekadda. Waxuuna maamulka iyo shaqaalaha kula dardaarmey iney nidaam caddaalad ah ugu shaqeeyaan bulshada Soomaaliyeed, isla markaana ay iska ilaaliyaan wax walba oo keeni kara musuq-maasuq.

—-DHAMMAAD—-
6Z0A7947
6Z0A7957
6Z0A7881
6Z0A7894
6Z0A7908
6Z0A7970
6Z0A7883
6Z0A7947

Madaxweyne Farmaajo oo komeerray taliska 43-aad xoogga dalka ee Kismaayo

SNTV
-
0

Madaxweynaha Jamhuuriyadda Soomaaliya Maxamed Cabdullaahi Farmaajo ayaa gaaray magaalada Kismaayo, isaga oo u kuur galaya xaaladaha amni iyo nololeed ee dadka ku nool deegaannada Jubaland.

Madaxweyne Farmaajo oo si diirran loogu so dhaweeyay garoonka diyaaaradaha ee magaalada Kismaayo ayaa uga sii gudbay Jaamacadda Kismaayo oo xarun u ah Taliska 43aad ee Ciidanka Xoogga Dalka iyo xarunta ciidamada Daraawiishta Jubaland.

Wafdiga uu Madaxweynaha hoggaaminayay oo isugu jira wasiirro ka tirsan dowladda Federaalka, xildhibaannada labada Aqal ku matala Jubaland iyo Taliyaha Ciidanka Xoogga Dalka ayaa caawa ku hoyan doona magaalada Kismaayo.

Nin ka tirsan Daacish oo Puntland ku isku dhiibay

SNTV
-
0

Cabdullaahi Maxamed Saciid oo ka tirsan Kooxda Daacish ee ku dhuumaaleysaneysa deegaanno ka tirsan Puntland, ayaa isu dhiibay ciidammada Puntland.

Taliyaha ururka 1-aad ee Guutada Horseed Axmed Maxamuud Yuusuf ayaa Idaacadda VOA u sheegay in ninkaan uu isaga qirtay in uu ka tirsan yahay kooxda argagixsada ah ee Daacish, waxa uu intaa ku daray in weli ay ku hayaan baaritaanno ku aaddan sababta ka dambeysay isa soo dhiibitaankiisa.

“Wareysi faah-faahsan weli lamma yeelan, waxaa socda dedaallo badan oo la xiriira in rag kale ay isa soo dhiibi doonaan, horey ayaan ugu baaqnay in malleeshiyaadka dhuumaaleysanaya ay isaga baxaan kooxda Daacish, Cabdullaahi Maxamed Saciid markii aan gacanta ku dhignay waxa uu ahaa qof xanuunsan, xaaladdiisa hadda annaga ayaa la tacaalnay, waxaana u mari doonaa wax sharciga uu qabo, haddii la cafinayo ama la xukummayo hey’adaha caddaaladda ayaa go’aamin doona” ayuu yiri Sargaalkaas ciidanka Puntland ka tirsan.

Taliyaha ururka 1-aad ayaa sheegay in aysan jirin muddooyinkaan dagaallo toos ah oo ay la galeen kooxdaasi deegaannada Buuraleyda ah ku dhuumaaleysanaya, hasa yeeshee waxa uu xusay in ay soo gabagabeyn doonaan dhowaan kooxahaasi argagixsada ah.

1...1,5951,5961,597...1,657Page 1,596 of 1,657

© 2023 Telefishinka Qaranka Soomaaliyeed