Muqdisho(SONNA)ย Guddoomiyaha Golaha Shacabka Maxamed Sh/Cismaan Jawaari ayaa maanta shir-gudoomiyay kulan ay Guddiga joogtada ah ee Golaha shacabka ku yeesheen Magaalada Muqdisho, kaasi oo looga hadlay goโaanki xukuumadda shalay ay ka qaadatay Qalabi dhagax, waxaana gudigu isku raacay in ajandaha ugu horreeya ee kulanka baarlamanka laga dhigo arrinta ku saabsan goโaanka xukuumadda Soomaaliya.
C/kariin Xaaji Cabdi Buux oo ah xoghayaha guud ee golaha shacabka oo kulankaasi kaddib warbaahinta la hadlay ayaa sheegay in kulanka guddiga joogtaha ee Goloha Shacabka looga hadlay goโaankii Xukuumadda iyo arrimo kale, wuxuuna tilmaamay in guddigu goโaamiyay in ajandaha ugu horeeya ee kulanka golaha shacabka ee sabtida uu noqdo goโaanka xukuumadda.
โWaxaa looga hadlay arrimo dhowr ah, waxaase ugu muhiimsanaa goโaankii ka soo baxay golaha wasiirrada Lixdii Septembar, wuxuuna goโaankaasi noqonayaa ajandaha ugu horreeya ee kulanka baarlamanka ee sabtidaโ ayuu yiri xogahaya guud ee Baarlamanka mudane Buux
Kulanka oo ahaa kii 11-aad ee sidoo kale lagu sheegay in uu jiri doono Axdi ku saabsan Maxaabiista Soomaaliyeed ee ku xiran dalka India, kaaso oo laga sugayo Xukuumadda, iyadoo marka la keeno golaha shacabka uu ka shaqeyndoono sharcina loo bedeli doono.
