Gelinkii dambe ee maanta ayaa damb xoogan waxaa uu qabsaday qeybo kamid ah suuq Bacaad oo ku yaala degmada Yaaqshiid ee gobolka Banaadir isla markaana ah suuqa labaad ee ugu weyn magaalada Muqdisho.

Dabka ayaa la sheegay in uu wax yeelo u geystay ilaa Lix dukaan oo ku yiiley suuqaas, iyadoo sababta dabka dhalisayna maamulka degmada ay ku sheegeen cilad koronto.

Ilaa iyo hadda laga soo sheegin wax khasaare nafeed oo dabkaas uu geystay marka laga soo tago hantida uu baabi’iyay dabkaas.

Gaadiidka dab-damiska ee dowladda Hoose ee Muqdisho ayaa gaaray suuqa dabka uu ka kacay ayagoo ugu dambeyna ku guuleystay in ay bakhtiyaan  dabka.

Sidan oo kale, waxaa horey dab xoogan u qabsaday qeybo kamid ah suuqa bakaaraha ee magaalada Muqdisho kaas oo hanti badan oo dad Soomaaliyeed ay halkaas ku lahaayeen digaan digaha ka dhigay.

Wasiirka cusub ee Wasaaradda Kalluumeysiga iyo Kheyraadka Badda Dr Cabdiraxmaan Maxamed Cabdi Xaashi ayaa maanta xilka Wasaaradda si rasmi ah ugala wareegay Wasiirkii hore ee Wasaaraddaasi Mudane Maxamed Cumar Caymooy, iyadoo munaasabadda xil wareejinta uu ka qeyb galay Ra’iisul wasaare ku-xigeenka dalka, Wasiiro ka tirsan Xukuumadda Soomaaliya, Xeer ilaaliyaha guud ee Qaranka iyo mas’uuliyiin kale.

Wasiirkii hore Kuluumeysiga iyo Khayraadka Badda Maxamed Cumar Caymooy ayaa tilmaamay in waxyaabo badan ay u qabsoomeen mudadii uu xilka hayay, waxaana uu ka codsaday shaqaalaha Wasaaradda inay la shaqeeyaan Wasiirka cusub.

Wasiirka cusub ee Wasaaradda Kalluumeysiga iyo Kheyraadka Badda Dr Cabdiraxmaan Maxamed Cabdi Xaashi ayaa tilmaamay in  ay sii wadi doonan waxii u qabsoomay Wasaaradda isla markaana dadaal uu ku baxin doono sidii dhallinyarada Somaaliyeed shaqo abuur  loogu sameyn lahaa.

Ra’iisul Wasaare Ku-xigeenka Xukuumadda Soomaaliya Mudane Mahdi Maxamed Guuled ayaa ku amaanay mas’uulayiintii hore ee Wasaaradda waxyaabaha u qabsoomay, waxaana uu kula dar daarmay  inay sii labo jibaaraan howlaha horyaalla.

Wasiirka Cusub ee Wasaaradda Boostada, Isgaarsinta iyo Teknoloojiyadda Eng. Cabdi  Canshuur Xasan ayaa maanta xilka kala wareegay Wasiirkii hore ee Wasaaradaasi Maxamed Jaamac Mursal, iyadoo munaasabaddii xil wareejinta uu ka qeyb galay Ra’iisul Wasaare kuxigeenka Dalka, Xeer ilaaliyaha guud ee Qaranka, Wasiiro ka tirsan Xukuumadda iyo howlwadeenada Wasaaradda.

Wasiirkii hore ee Wasaaradda Boostada oo xafladda ka hadlay ayaa sheegay in muddadii uu Wasaaradda joogay ay wax badan u qabsoomeen, isla markaana ay jiraan waxyaabo kale oo u baahan in la sii dar dargeliyo, isagoo u mahadceliyay intii la soo shaqeysay.

Wasiirka Cusub ee Wasaaradda Boostada, Isgaarsinta iyo Teknoloojiyadda Eng. Cabdi  Canshuur Xasan ayaa xusay in uu howsha halkeedii ka sii wadi doono, isla markaana uu ka codsaday howlwadeenada Wasaaradda inay si hufan ula shaqeeyaan.

Wasiirkii hore ee Wasaaradda arrimaha Gudaha Xildhibaan C/raxmaan Maxamed Xuseen Odowaa Ayaa Maanta Xilka Ku wareejiyey  Wasiirka Cusub ee Wasaarada Arrimaha Gudaha Federalka iyo Dib u heshiisiinta Mudane Cabdi Siciid Faarax Juxa ,waxana munaasabada xil wareejinta ka Qayb galey  R/wasaare Ku xigeenka Dalka Mudane Mahdi  Maxamed Guuleed, Xeer ilaaliyaha guud ee  Qaranka iyo Gar yaqaanka Guud ee Qaranka.

Ugu horeyn waxaa goobta ka hadley Wasiirkii hore Wasaaradda Arrimaha Gudaha iyo Federalka Mudane Xildhibaan C/raxmaan Maxaqmed Xuseen Odowaa waxaana  uu sheegay In intii uu xilka hayey Wasaaradiisa ay ku guuleysatey arrimo badan oo ugu horeyso Dhismaha Maamul Gobaleedyada dalka.

Cabdii Faarax Siciid Juxa Wasiirka Cusub ee Wasaarada Arimaha Gudaha Federalka iyo Dib U heshiisiinta oo halkaasi ka hadley ayaa waxaa uu uga mahad celiyey Wasiirkii hore in uu meel fiican uu soo gaariisey Wasaaradd,a isagoo  intaa ku daray in Horumarka Wasaaradda io waxyaabaha ay ku talaabsatay uu dhankiisa Ka sii wadi doono.

Mahdi Maxamed Guuleed R/ wasaare Ku xigeenka Dalka oo goobta ka hadley ayaa uga mahadceliyey Wasiirkii Hore Wasaaradda Arrimaha Gudaha wax qabadkii Wasaaradaasi uu gaarsiiyey iyo sidii ay uga soo shaqeeyeen Dhismihii qaar ka mid ah maamul Gobolleedyada Dalka.

Dhanka kale Wasiiraka Cusub Wasaaradda arrimaha Gudah,  Federalka iyo Dib u heshiisiinta Mudane Cabdi Faarax Siciid Juxa ayaa waxaa uu kormeer ku tagey xaruntii hore ee Wasaaradda Arrimaha Gudaha oo ku taala Degmada Boondheere, isagoo sheegay in Wasaaradiisa ay ka shaqeyn doonto sidii Xaruntaasi dib u dhis loogu sameyn lahaa, waxaana uu ka codsadey bulshada Soomaaliyeed iyo Maamulka Gobalka Banaadir in ay gacan ku siiyaan Dhismaha Xaruntii hore ee Wasaaradda.

Muqdisho, April 1, 2017——Ra’iisal Wasaaraha Xukuumada Federaalka Soomaaliya Mudane Xasan Cali Kheyre ayaa saaka ka qeybgalay munaasabad uu xilka kula wareegayay Wasiirka cusub ee Wasaaradda Maaliyadda mudane Dr. Cabdiraxmaan Ducaale Beyle, kaasoo xilka kala wareegay Wasiirkii hore ee Wasaarada Mudane Maxamed Aadan Fargeeti.

Ra’iisal Wasaaraha ayaa munaasabadan ka hadlay ayaa u mahadceliyay madaxdii hore ee Wasaaradda Maaliyadda, wuxuuna ammaanay dadaalkoodii iyo heeka ay soo gaarsiiyeen Wasaaradda Maaliyadda oo suurtageliyay in dhismaheedii ay dib ugu shaqo bilowdo burburkii kadib.

Sidoo kale, Ra’iisal Wasaaraha ayaa dardaaran adag u jeediyay Wasiirka cusub Dr. Beyle iyo kuxigeenadiisa, waxa uuna kula dardaarmay inay ka fogaadaan nooc kasta oo musuq maasuq la xiriira, isaga oo xusay in nidaam cusub oo isla xisaabtan uu bilowday, loona baahan yahay in laga dhabeeyo.

“Waxaa la idinku aaminay canshuurtii shacabka, waxaan idiinkaga digayaa inaad ku fogaataan musuq maasuq nooc kasta oo uu yahay, shaqaalaha Wasaaraddana waxaan ka codsanayaa inay ku garabsiiyaan madaxda cusub sidii ay u dhaqangelin lahaayeen nidaamkan cusub ee isla xisaabtanka dhabta ah” ayuu yiri Ra’iisal Wasaare Kheyre.

“Ma aqbali doono aniga iyo Madaxweynahaba in la qiymaameeyo shillin ay leeyihiin shacabka Soomaaliyeed, waana ku jihaadeynaa, qof kasta oo naga mid ahna waa inuu ku jihaado sidii loo cirib tiri lahaa musuq maasuqa dalkan la haray” ayuu si adag u yiri mar kale.

“Meel uu musuq ka jiro Amni kama jiro, meel uu musuq ka jiro horumar kama jiro, waxaana la idiinkaga baahan yahay in hogaanka Wasaaraddu uu Astaan u noqdo aaminaad iyo illaalinta hantida shacabka”.

Ra’iisal Wasaaraha ayaa carabka ku adkeeyey in la illaaliyo ammaanada shacabka, si buu yiri loo helo kalsoonida shacabka iyo beesha caalamkaba.

“Waa ceeb inaan bixin weyno Mushaaraadka ciidamadeena iyo shaqaalaheena, waana in qof kasta oo shaqaale dowladeed ah uu helaa xaquuqdiisa, qof kasta oo dowladda u shaqeeyana waa in dowladdu ka heshaa wax qabad, howlkarnimo iyo daacadnimo, si dalku horumar ugu talaabsado” ayuu yiri ugu dambeyn Ra’iisal Wasaare Kheyre oo ka hadlayay munaasabada xil wareejinta Wasaaradda Maaliyadda.

—-DHAMMAAD—-

Wafdi uu hor kacayo Guddoomiyaha Maxkamadda Sare ee Dalka Mudane Ibraahiim Iidle Saleebaan ayaa gaaray Caasimada dalka Suudaan ee Khartuum.

Wafdigan Garoonka Caalamiga ee Khartuum kusoo dhaweeyay Guddoomiyaha Gollaha Sare ee Garsoorka Suudaan ahna Guddoomiyaha Maxkamada Sare ee Suudaan Diktoor Xaydar Dafacallah, iyadoo dhanka kalena ay soo dhaweeyeen diblomaasiyiin ka tirsan Safaaradda Soomaaliyeed ee Suudaan.

Guddoomiyaha Maxkamada Sare ee Dalka ayaa wareysi uu siiyay Warbaahinta Qaranka ku  sheegay in Suudaan ay u yimaadeen isagga iyo wafdigiisaba  ka qayb galka shirka Madaxda Maxkamaddaha Sare ee dalalka Africa.

“Wafdiga waxa uu ka koobanyahay aniga iyo howlwadeeno garsoorayaal ah, ujeedka safarkeena waxa uu yahay in aan ka qeyb galno shir balaaran oo Garsoorka Afrika loogu qabanayo magaalada Khartuum mudada u dhexeysa labada ilaa iyo afarta bisha afaraad, kaasi oo ay is weydaarsanayaan Maxkadaha sare ee Afrika, oo diirada lagu saari doono dhanka qibradda” ayuu yiri Guddoomiyaha Maxkamadda Sare ee dalka.

Shirka Madaxda Maxkamadaha  Africa ayaa lagu wadaa in maalinta Berri ah uu ka furmo Caasimada dalka Suudaan ee Khartoum, iyadoo diirada lagu saari doonno Garsoorka Africa.

Maxamed Cabdiqaadir Axmed.

Deeqdan oo ka kooban raashinka nuucyadiisa kala duwa iyo dhar oo ay iska soo uruuriyeen ardayda macalimiinta iyo maamulka Dugsiga Benaadir Zone ayaa waxaa ka faa;’iideystay in ka badan boqol qoys oo ka soo barakacay deegaanno hoostaga Gobolka Baay, kuwaasi oo daadsanaa inta u dhexeyso Afgooye iyo Muqdisho.

Axmednuur Dhaaleey oo ah Guddoomiye ku-xigeenka Mu’sasada Benaadir Zone ayaa sheegay in kaalmadan ay tahay mid ay iska soo dhex aruuriyeen ardayda iyo maamulka, ayna u adkeysan waayeen dhibta iyo diifta ka muuqata qoysaskan.

“Deeqdan aad u jeedaan waa kaalmo ay iska soo uruuriyeen ardayda, macaliminta iyo Maamulka Mu’asasada Banaadir Zone, kaddib marki ay soo sameeyeen qiimeyn ku aadan u kuurugelidda xaaladaha Nololeed ee heysato qoysaska ka soo barakacay gobollada dalka” ayuu yiri Axmednuur Dhaaleey.

Qaar ka mid ah dadkii ka faa;iideysta deeqdan oo u mahadceliyay intii soo gaarsiiyay ayaa sheegay inay ka soo barakaceen baadiyaha magaalooyinka Baydhabo iyo Buur Hakaba oo ka wada tirsan gobolka Baay.

Ustaad Cabdalla oo ka mid ah macalimiinta Dugsiga Benaadir Zone ayaa sheegay in kaamamka ay ku noolyihiin qoysaska barakacayaasha ay ka hirgelin doonaan xarumo waxbarasho oo lacag la’aan ah, maadaama aysan awoodin inay soo aadaan xarumaha waxbarasho ee sida gaarka ah loo leeyahay.

Talaabadan ay sameeyeen ardayda, macalimiinta iyo maamulka Benaadir Zone ayaa ah mid ku dayasho mudan, kadib markii ay u dulqadan waayeen dhibaatada heysata qoysaska ay abaartu saameysay eek u soo baracakay duleedyada Muqdisho.

Afar ruux ayaa ku dhaawacatay oo ah ilaada Hay’dda horumarinta Barnaamijyada ee Qaramada Midoobay oo marka magaceeda la soo gaabiya looyaqaano  UNDP kadib qarax lagu soo xiray gaari u shaqeynayay hey’adaasi, kaasi oo ku qarxay garaash ay leedahay hey’adda.

Qarax kadib oo Howlgallo ay sameeyeen hay’adda Nabad Sugidda iyo Sirdoonka Qaranka ayaa waxaa lagu soo qabtay sagaal qof kuwaasi oo looga shakisanyahay qaraxaasi gaariga lagu soo xiray kuwaasi oo laga qasoo qabtay garaasha saaka gaarigaasi uu soo maray sida ay hey’adha amnigu sheegeen

Ciidamada Hay’adda Nabad sugidda iyo Sirdoonka Qaranka ayaa la wareegay garaashka gaariga qarxay uu saaka soo maray iyo garaashka kale ee ay hay’adda UNDP leedahay,  halkaasi oo ay ka wadaan baaritaanno dheeraad ah

Ciidamada ammaanka Qaranka ayaa weli kuraad jooga dad kale oo iyagu lagu tuhmayo inay ka dambeeyeen qaraxa, waxaana ay ha’adaha amniga ay ku howlanyihiin sidii gacanta loogu soo dhigi lahaa dadka kale ee falkaasi lala xiriirinayo.