Muqdisho(SONNA) Madaxweynaha Jamhuuriyadda Federaalka Soomaaliya Mudane Maxamed Cabdullaahi Maxamed Farmaajo ayaa martiqaad u diray Madaxda Dowlad Goboleedyada xubnaha ka ah Dowladda Federaalka Soomaaliya si ay uga soo qeybgalayaan shir wadatashi ah oo ka dhacaya magaalada Muqdisho 28ka Oktoobar, 2017.

Shirkaas ayaa looga arrinsan doonaa hawlo muhiim ah oo horyaalla qaranka, ayna ugu horreyso sidii musiibadii Qaran ee ka dhacday magaalada Muqdisho 14kii bisha Oktoobar 2017 loogu beddali lahaa midnimo Qaran. Qodobada kale ee diirada lagu saari doono shirkaan waxaa kamid ah sidii loo xoojin ahaa wadashaqeynta Dowladda Federaalka iyo Dowlad Goboleedyada xubnaha ka ah.

Sidoo kale, waxaa shirkaas looga wada hadli doona arrimo muhiim u ah hanaanka dowladnimada Soomaaliya oo ku jirta marxalad soo kabasho ah. Qodobadaan ayaa ah kuwa fulintooda iyo hirgalintoodu ay u baahan tahay wadajir iyo wadashaqeyn, waxaana ka mid ah dardargelinta nabadeynta dalka, horumarinta hannaanka federaalaynta, dib u eegista dastuurka, habka qeybsiga kheyraadka dalka iyo geeddi socodka doorashada 2020.

Muqdisho, 21 Oktoobar 2017; Madaxweynaha Jamhuuriyadda Mudane Maxamed Cabullaahi Farmaajo ayaa gaaray xarunta tababarka ciidamada ee Jasiira, halkaas oo cutubyo ka tirsan Ciidanka Xoogga Dalka ay ka wadaan diyaar garow iyo ambabax ku aaddan dagaal ka dhan ah argagixisada Al-shabaab.

Madaxweynaha ayaa dul istaagay abaabulka ay ku jiraan ciidamadu waxa uuna kula dardaarmay in ay laba laabaan dadaalka ay wadaan si ay u ciil tiraan umadda Soomaaliyeed ee la gumaaday, gaar ahaan qoysaskii lagu dhibaateeyey qaraxii Soobe.

“Waxa ay ogaandoonaan in shacabka Soomaaliyeed ay leeyihiin geesiyaal si deg deg ah uga jawaab celiya dhibaata kasta oo lagu sameeyo dadkooda. Waxaan tusinaynaa in aan diyaar u nahay in aan u hurayno nafteenna iyo maalkeena badbaadinta dadkeenna iyo dalkeenna.”
Saraakiisha iyo ciidanka ayaa Madaxweynaha u xaqiijiyey sida ay uga go’antahay in ay soo afjaraan khatarta argagixisada Alshabaab ay ku hayaan shacabka Soomaaliyeed iyagoona ugu baaqay dhammaan shacabka in ay garab ku siiyaan dagaalkan.
“Bilihii ugu dambeeyey waxaa aan u diyaar garoobaynay maanta oo kale, waana la joogaa. Mudane Madaxweyne, Ciidanka Xoogga Dalku waxa ay sugaayaan oo kaliya waa amarkaaga iyo in aad na tiraahdo ku dhaqaaqa cadowga.” Ayuu yiri mid ka mid ah saraakiisha xarunta.

Madaxweyne Maxamed Cabdullaahi Farmaajo waxa uu ku bogaadiyey Saraakiisha Ciidanka Xoogga abaabulka dhammaystiran ee muddada kooban ay ku sameeyeen tan iyo markii uu ku dhawaaqay dagaalka lagaga sifaynaayo dalka kooxda argagixisada ah ee Al-shabaab.

-DHAMMAAD-

Johannesburg(SONNA)-Kulankaan oo ahaa mid casho ah ayaa qaar ka mid ah odoyaasha dhaqanka iyo ganacsatada Soomaalida ee ku nool magaalada Johannesburg waxaa ay hotelka nuura kula qaateen xeer ilaaliyaha guud ee qaranka Axmed Cali Daahir oo howlo shaqo todobaadkaan u joogay dalka Koofur Africa.

Kulanka oo ay soo agaasintay safaarada Soomaaliya ay ku leedahay dalka South Africa ayaa ujeedkiisa  ahaa in waxgaradka jaaliyada Soomaalida ee magaalada Johannesburg iyo xogyaha guud  ay is waydaarsadaan xogta xaalada dalkii hooyo ee Soomaaliya iyo tan dalka South Africa oo ay marti ku yihiin.

Gudoomiyaha odoyaasha dhaqanka Soomaalida South Africa Suldaan Qooqaani iyo sido kale Nabadoon C/laahi Fiidow Xabeeb oo ku hadlayay magaca jaaliyada Soomaalida South Africa ayaa warbixin ka siiyay mudane Axmed Daahir Cali xaalada Soomaalida South Africa.

Safiirka Dowlada Soomaaliya u fadhiya dalka South Africa Abaasadoor Jamaal Maxamed Barrow oo kulanka ka hadlay ayaa ku amaanay Sooomaaida South Africa in ay yihiin dad jacel midnimada iyo dowlad wanaaga.
xeer ilaaliyaha guud ee qaranka Axmed Cali daahir ayaa sheegay in socdaalkiisa dalka Koofur Africa uu ahaa mid looga hadlayay arimo ay ku jiraan sidii ay ku heli lahaayeen Soomaalida ku nool South Africa xaquuq buuxda isla markaana loo yareyn lahaa dhibaatooyinka Loo geysto.

SONNA-C/laahi Maxamuud Amiin.C/laahi Qorshe.
Johannesburg-South Africa

Jowhar(SONNA)-Madaxweynaha Dowlad Goboleedka Soomaaliyeed ee Hirshabelle Dr Maxamed Cabdi Waare ayaa maanta Xafiiskiisa ku qaabilay saraakiil ka tirsan Ciidanka Nabad Ilaalinta ee  Midowga Africa AMISOM  Iyagoo ka wada hadlay xoojinta wada shaqeynta iyo xaqiijinta amniga guud.

Madaxweyne Waare ayaa waxaa kulanka Saraakiisha Amisom uu la qaatay ku wehelinayay Madaxweyne Ku Xigeenka Dowlad Goboleedka Mudane Cali Guudlaawe Xuseen, waxaana kulanka la isku dhaafsaday sidii ay u wada shaqeyn lahaayeen Ciidamada Dowlad Goboleedka Hirshabelle ka howlgala iyo kuwa Amisom iyo in si dhab ah uga qeyb qaataan sugida amniga guud ahaan deeganada Hirshabelle gaar ahaan Xafladda Caleema Saarka Madaxweynaha Hirshabelle Dr Maxamed Cabdi Waare oo maalinta Isniinta lagu wado in ay ka dhacdo magaalada Jowhar ee Xarunta Dowlad Goboleedka.

Taliyaha Sectar 5 ee Ciidanka Nabad Ilaalinta Midowga Africa ee AMISOM Gen Voctor oo saraakiishaasi hogaaminayay ayaa balan qaaday in si dhow ay u wada shaqeynayaan saraakiisha Ciidamada Qalabka Sida ee ka howgala gobolka ayna sii xoojin doonaan xaqiijinta amniga, sidoo kalena ay qorsheynayaan in ay ka shaqeeyaan dib u dhiska wadooyinka iyo fulinta mashaariicyo horumarineed oo uu midowga Africa fulinayo.

Madaxweynaha Dowlad Goboleedka Hirshabelle  Maxamed Cabdi Waare ayaa Amisom ugu mahadceliyay sida har iyo habeen ay ugu soo jeedaan sugida amniga, waxaana uu ku ammaanay doorkooda la xiriira garab istaaga Soomaaliya, waxaana uu si qoto dheer saraakiisha uu kaga warbixiyay sida mudnaanta koowaad uu u siinayo amniga iyo sida lagama maarmaanka ay u  tahay in la iska kaashado howlaha horyaala ciidamada si gaar ah waxaa uu carabka ugu adkeeyay sidii loo xaqiijin lahaa amniga inta lagu gud jiro xafladda caleema saarka oo dhaceysa 23 bishan oo maalin uun ay ka harsantahay.

Sidoo kale Madaxweynaha Dowlad Goboleedka Hirshabelle Dr Maxamed Cabdi Waare ayaa mudada uu joogo xafiiska sidaan oo kale kulama Muqdisho kula soo qaatay Saraakiisha ugu sareysa Ciidamada Midowga Africa Amisom, iyo kuwa Soomaalida oo uu kala hadlayay arrimaha Amniga deegaanada Hirshabelle iyo sida muqadas ay u tahay in cadowga laga dulqaado bulshada ku dhibaateysan Deegannada Hirshabelle  oo ay go’doomiyeen  Al Shabaab.

Gaalkacyo(SONNA)_Deeqdaan oo isugu jirtay bacaha roobka iyo lacag ayaa waxaa mas’uuliyiin ka tirsan kuwa Maamulka Gobalka Mudug iyo Degmada Galkacyo ay gaarsiiyeen qaar ka mida qoysaska abaaraha ku xoola beelay ee ku sugan xeryaha barakacayaasha Gaalkacyo.

Duqa Degmada Gaalkacyo Xirsi Yuusuf Barre ayaa Warbaahinta Qaranka u sheegayin deeqdan ay tahay mid ay ku soo tabaruceen dhallinyaro Soomaaliyeed oo ku nool magaalada Brigham ee dalka Ingiriiska, kuwaasi oo la xanuunsaday dhibaatada heysta dadka Soomaaliyeed.

Guddoomiye ku-xigeenka Arrimaha Amniga iyo Siyaasadda Maamulka Gobalka Mudug Cabdi Xuseen oo isna ka hadlay goobta deeqda lagu bixinayay ayaa ugu baaqay guud ahaan bulshada Soomaaliyeed ee ku nool dalka iyo dibadiisa in loo wada istaago ugurmashada bushada Soomaaliyeed ee ay haystaan dhibaatooyinka kala duwan.

Dhinaca kale magaalada Gaalkacyo ee xarunta gobalka Mudug ayaa waxaa ka socanaya arruurinta gurmad looga qeyb qaadanayo caawinta walaalaheena Soomaaliyeed ee ay waxyeeladu ka soo gaartay weerarkii 14kii bishan ay koooxda naf iyo nolal diidka Ummadda ee Al-Shabaab ka geysteen isgoyska Zoope ee magaalada Muqdisho ee caasimada Dalkeena.

Agaasimaha Wakaaladda Wararka Qaranka Soomaaliyeed ee  SONNA C/llaahi Sheekh C/raxmaan Haybe iyo  Ibraahim Maxamuud Axmed Azhari oo katirsan howlwadeenada Wakaaladda SONNA ayaa booqday faraca xarunta Wakaaladda Sacuudiga ay ku  leedahay Magaaladda Jeddah

Ujeedka booqashada ayaa ahayd sidii madaxda SONNA ay ugu kuur gali laheyd sida ay u shaqeeyaan qeybaha kala duwan ee Wakaaladda Sacuudiga faraceeda Jeddah

Agaasimaha SONNA C/llaahi Sheekh C/raxmaan Haybe iyo wefdiga la socday ayaa kormeeray qeybaha kala duwan ee Wakaaladda Sacuudiga faraceeda Jeddah, sida xafiiska wararka lagu tifaftiro iyo xafiisyada sawirrada iyo muuqaalada.

Wefdiga SONNA waxaa halkaasi kusoo dhaweeyey agaasimaha Xafiiska Jeddah ee wakaaladda Wararka Sacuudiga mudane Suldhaan Cabdalla Alxaarithi iyo Maxamed Alawaji oo ah Madaxa tafaftirka xarunta Wakaaladda ee Jeddah.

Agaasimaha SONNA C/llaahi Sheekh C/raxmaan Haybe ayaa  kala hadlay madaxda uu la kulmay sidii labada wakaaladood ay u sameyn lahaayeen iskaashi dhanka Wararka , sawirada iyo muuqaalada iyo inay kala helaan labada wakaaladood tababaro kala duwan.

Agaasimaha xarunta Wakaaladda Sacuudiga ay ku leedahay Magaalada Jeddah ayaa dhankiisa aad usoo dhaweeyay inay labada wakaaladood ay iska kaashadaan dhanka Wararka,  sawirada, filimada, iyo tababarada.

Muqdisho(SONNA):–Magaalada Sochi Russia waxaa ka soconaya munaasabado la xiriira maalinta dhiira galinta Dhalinyarada iyo ardayda taasi oo ay ka qeyb galayaan dhalinyaro ka socda dalalka caalamka oo Soomaaliya ay kamid tahay.

Madaxweynaha dalka Ruushka Valadamir Putin ayaa daah furay munaasabadda oo ay ka qeyb galayaan ilaa iyo 185 wadan oo caalamka ah, wadamadaasi oo Soomaaliya ay qeyb ka tahay.

Munaasabaddan ayaa loogu talo galay in ay socoto muddo 10-maalin ah, iyada oo maalin walba looga hadlo mowduuc gaar ah oo la xiriira dhiira galinta dhalinyarada dunida.

Markii ugu horeysay ayaa waxaa ka qeyb galay dhalinyaro Soomaaliya mataleysa oo halkaasi kusoo bandhigay caqabadaha heysta dhalinyarada Soomaaliyeed iyo sida xiligan ay muhiim u tahay in la dhiira galiyo.

C/kariin Siciid Yuusuf (Sujaac) oo kamid ah dhalinyaro Soomaaliyeed oo bandhigaasi ka qeyb galay ayaa sheegay in Soomaaliya maanta ay halkaasi kusoo bandhigtay Bandhig wanaagsan oo ka turjumaya dhaqanka Soomaaliyeed iyo farshaxano muujinaya ahmiyadda dhaqanka Soomaalida.

Inkabadan 120-kun oo ajaanib ah ayaa ka qeyb galaya Bandhigaasi waxaana ahmiyad gaar ah la siinayaa dhiira galinta iyo sare u qaadista dhalinyarada caalamka, iyada oo la filayo in lasoo gaba gabeeyo 23-ka bishaan.

Madaxweynaha Dowlad Goboleedka Soomaaliyeed ee Hirshabelle Dr Maxamed Cabdi Waare ayaa maanta Xafiiskiisa ku qaabilay saraakiil ka tirsan Ciidanka Nabad Ilaalinta ee  Midowga Africa AMISOM  Iyagoo ka wada hadlay xoojinta wada shaqeynta iyo xaqiijinta amniga guud.

Madaxweyne Waare ayaa waxaa kulanka Saraakiisha Amisom uu la qaatay ku wehelinayay Madaxweyne Ku Xigeenka Dowlad Goboleedka Mudane Cali Guudlaawe Xuseen, waxaana kulanka la isku dhaafsaday sidii ay u wada shaqeyn lahaayeen Ciidamada Dowlad Goboleedka Hirshabelle ka howlgala iyo kuwa Amisom iyo in si dhab ah uga qeyb qaataan sugida amniga guud ahaan deeganada Hirshabelle gaar ahaan Xafladda Caleema Saarka Madaxweynaha Hirshabelle Dr Maxamed Cabdi Waare oo maalinta Isniinta lagu wado in ay ka dhacdo magaalada Jowhar ee Xarunta Dowlad Goboleedka.

Taliyaha Sectar 5 ee Ciidanka Nabad Ilaalinta Midowga Africa ee AMISOM Gen Voctor oo saraakiishaasi hogaaminayay ayaa balan qaaday in si dhow ay u wada shaqeynayaan saraakiisha Ciidamada Qalabka Sida ee ka howgala gobolka ayna sii xoojin doonaan xaqiijinta amniga, sidoo kalena ay qorsheynayaan in ay ka shaqeeyaan dib u dhiska wadooyinka iyo fulinta mashaariicyo horumarineed oo uu midowga Africa fulinayo.

Madaxweynaha Dowlad Goboleedka Hirshabelle  Maxamed Cabdi Waare ayaa Amisom ugu mahadceliyay sida har iyo habeen ay ugu soo jeedaan sugida amniga, waxaana uu ku ammaanay doorkooda la xiriira garab istaaga Soomaaliya, waxaana uu si qoto dheer saraakiisha uu kaga warbixiyay sida mudnaanta koowaad uu u siinayo amniga iyo sida lagama maarmaanka ay u  tahay in la iska kaashado howlaha horyaala ciidamada si gaar ah waxaa uu carabka ugu adkeeyay sidii loo xaqiijin lahaa amniga inta lagu gud jiro xafladda caleema saarka oo dhaceysa 23 bishan oo maalin uun ay ka harsantahay.

Sidoo kale Madaxweynaha Dowlad Goboleedka Hirshabelle Dr Maxamed Cabdi Waare ayaa mudada uu joogo xafiiska sidaan oo kale kulama Muqdisho kula soo qaatay Saraakiisha ugu sareysa Ciidamada Midowga Africa Amisom, iyo kuwa Soomaalida oo uu kala hadlayay arrimaha Amniga deegaanada Hirshabelle iyo sida muqadas ay u tahay in cadowga laga dulqaado bulshada ku dhibaateysan Deegannada Hirshabelle  oo ay go’doomiyeen  Al Shabaab.

Muqdisho(SONNA) Waxaa saaka dib u bilowday isu socodka dadka iyo Gadiidka ee Isgoyska Zoobe ee magaalada Muqdisho oo muhiim u ah gaadiidka isaga kala goosha Muqdisho iyo Afgooye iyo degmooyinka dhaca dhanka Koonfureed ee Muqdisho,  halkaasi oo 14-kii bishan ka dhacday musiibo Qaran oo ay ku nafwaayeen in kabadan  saddex boqol halka tiro intaa ka badan ay ku dhaawacmeen.

Waxaa socda howlo isugu jira dib u dhis iyo dayactir oo lagu sameynayo wadada laamiga ah  iyo hareeraha dhismayaashii ku bur buray qaraxa, waxaana saaka la arkayay boqolaal qof iyo gaadiid isticmaalayay Jidkaasi.

Shucuurta dadka waddada isticmalayay ayaa ka duwaanayd sidii hore,iyadoo dadku ay shegeen in dhibaato walibo oo ay kooxda Nabad diidka ay ka geestaan goobaha ay ku badanyihiin shacabka ay u midboobi doonaan sidii meel looga so wada jeesan lahaa dhagarta ay ku hayaan shacabka.

Dadweynaha ayaa si aad ah uu soo dhaweeyay in markale waddada ugu saxmadda badan ee Soobe dib uu sonoqotay isla maarkana uu dib u furmo shaqadi halkas ka socota