Garowe(SONNA) Magaalada garoowe ayaa waxaa maanta ka furmaya kulanka 40-aad ee kalfadhiga Baarlamaanka Puntland kaasi oo ay ka qeybgalayaan guddoomiyaasha labada Aqal ee baarlamaanka Federaalka Jamhuuriyadda Soomaaliya.

Qaban qaabo ku aadan qabsoomidda kulankaasi ayaa ka soconaysa howlka shirarka Baarlamaanka Dowlad Goboleedka Puntland ee magaalada Garoowe,iyadoo siweyn loo adkeeyey ammaanka magaaladaasi.

Guddoomiyaha Golaha Shacabka  ahna ku simaha madaxweynaha Jamhuuriyadda Soomaaliya Mudane Maxamed Sheekh Cusmaan Jaawri  iyo Guddoomiyaha Aqalka Sare Cabdi Xaashi C/llaahi oo ay wehliyaan xildhibaano katirsan labada Gole ee baarlamaanka Federaalka Soomaaliya ayaa ka qeybgalaya furitaanka kalfadhigan.

Wafdigan ayaaa shalay markii ay gareen magaalada Garoowe waxaa ay la kulmeen soo dhaweyn diiran ay oo ay u sameeyeen madaxda maamulka Puntland iyo qeybaha kaladuwan ee bulshada.

Faah faahinta goor dhow kala soco SONNA

Shirkan  oo ay isugu yimaadaan Maxkamdaha Sare ee Wadamada ku jira  jamacda carabta oo sanadkii mar laqabto ayaa waxaa sanadkaan lagu qabtay Dalka muritaaniya Caasimadiisa Nwaakshood.

Soomaaliya waxaa  uga qayb galay shirkaasi mas’uuliyiin ka socotay hay’adaha Garsoorka Dalka waxaana kamid ahaa Garsoore Sheek Aabukar Cusmaan Daahir oo ah Garsoore Ka tirsan Makamadda Sare, Guddomiyaha Maxkamdda Racfaanka Gobalka Banaadir Ustaad Saalix Sheek Ibraahim Dhiblaawe.

Waxyaabaha ugu muhiimsan oo shirkaasi looga hadlayay ayaa waxaa kamid ahaa xoojinta wadashaqeynta Hay’adaha Garsoorka ee Dalalka Ku bohoobay Jaamacadda Carabta oo Soomaaliya ay kujirto.

Shirka waxaa uu socday muddo labo maalin ah 23-24/10/2017 kaasi oo laga soo saarey gebeba gebadiisa qodobo mihiim ah oo quseeeya xiriirka iskaashiga iyo wadshaqeynta hay’adahaasi Garsoorka.

Wefdigii Soomaaliya uga qeybgalay ayaa sheegay in waxyaabihii shirkaasi ka soo baxay ay ahmiyad weyn u leeyihiin Dalka Soomaaliya.

Dalka Kenya waxaa kataagan jahwareer siyaasadeed,iyadoo Maxkamadda ugu sarreysa dalkaasina lagu wado inay maanta go’aan ka soo saarto in ay qabsoomi karto iyo in kale doorashada madaxtinnimada ee ku celiska ah ee loo ballansan yahay in dalkaasi ay ka qabsoonto  Khamiista beri ah.

Hogaamiyaha mucaaradka Kenya Raila Odinga ayaa isaga baxay tartanka, isagoo dhaliilay qaabka uu guddigu u abbaaray qabanqaabada doorashada ku celiska ah.

Waxaa lafilayaa in Maxkamaddu ay ka jawaabto dalab degdeg ah oo loo soo gudbiyay taasi oo ku aadan muranka ka taagan habsmi u socodka hanaanka doorashooyinka oo ay curyaaminayaa xarig jiitan siyaasadeen.

Uhuru Kenyatta Madaxweynaha waqtigiisa dhamaaday ee dalkaasi Kenya ayaa  ku adkeystay in doorashada ay qabsoonto Khamiista,taasi oo ilaa iyo hadda aan la xaqiijin Karin,waxaana dhici kartaa dib u dhac hor leh maadaama maxakamaddu ay sheegayso in ay ka jawaabayso soo jeedino deg deg ah oo soo gaaray.

Hay’adaha Caalamiga ah ee u dood xuqqul insaanka oo kiiskan geeyay maxkamadda ayaa sheegay in aysan Kenya diyaar u ahayn doorasho waxayna rajeynayaan in maxkamaddu ay joojiso doorashadan oo ay ku dhawaaqi doonto in doorasho hor leh la qabto.

Dhanka kale Isbaheysigiisa NASA ayaa ku dhawaad maalin kasta dalka ka dhigayay muddaaharaad ay uga soo horjeedaan guddiga doorashada,waxaana Booliska lagu eedeeyay inay isticmaaleen awoodo dheeraad ah ,Tobannaan qof ayaa ilaa iyo hadda ku dhimatay muddaarahaadyadaasi.

Isbuucii la soo dhaafay xubin sare oo ka tirsan guddiga doorashooyinka ayaa is casishay iyadoo sheegtay inaysan diyaar u ahayn waxay ugu yeertay ‘qeyb ka noqoshada’ doorasho aan si hufan loo qaban doonin. Waxay u carartay New York iyadoo sheegtay inay u baqday nafsadeeda.

Magaalada Garoowe ayaa waxaa maanta ka furmaya kulanka 40-aad ee kalfadhiga Baarlamaanka Puntland kaasi oo ay ka qeybgalayaan Guddoomiyaasha labada Aqal ee baarlamaanka Federaalka Jamhuuriyadda Soomaaliya.

Qaban qaabo ku aadan qabsoomidda kulankaasi ayaa ka soconaysa howlka shirarka Baarlamaanka Dowlad Goboleedka Puntland ee magaalada Garoowe,iyadoo siweyn loo adkeeyey ammaanka magaaladaasi.

Guddoomiyaha Golaha Shacabka  ahna ku simaha madaxweynaha Jamhuuriyadda Soomaaliya Mudane Maxamed Sheekh Cusmaan Jaawri  iyo Guddoomiyaha Aqalka Sare Cabdi Xaashi C/llaahi oo ay wehliyaan xildhibaano katirsan labada Gole ee baarlamaanka Federaalka Soomaaliya ayaa ka qeybgalaya furitaanka kalfadhigan.

Wafdigan ayaaa shalay markii ay gareen magaalada Garoowe waxaa ay la kulmeen soo dhaweyn diiran ay oo ay u sameeyeen madaxda maamulka Puntland iyo qeybaha kaladuwan ee bulshada.

Sida aan wararka ku heleyno Magaalada Boosaaso dab xoogan ayaa ka kacay kaalin shidaal oo ku taalla halka loo yaqaano Afar Irdoodka.

Wararka ayaa waxa ay intaa ku darayaan in Fuustooyin Shidaal ah ay sameynayaan qaraxyo waxaana bulshada ku dhaqan Magaalada Boosaaaso soo wajahay cabsi ku aadan in uu Dabka sii faafo

Lama garanaayo waxa dhaliyey dabkaan Waxaana Goobta gaaray oo ku mashquulsan Baabuurta dabdamiska ah iyadoo ay howl gurmad xoogan ah ay wadaan Dhamaan Madaxda iyo Masuuliyiinta Magaalada Boosaaso iyo Kuwa Dowladda Goboleedka Puntland.

Wixii warar ah ee kusoo kordho kala soco Wararkeena danbe Insha Allah.

Ma yara Murugada iyo xanuunka uu reebay qaraxii xooganaa ee 14-kii bishan ka dhacay Isgooska Soobe ee magaalada Muqdisho, waxaa qaraxaasi noloshooda ku waayay dad ku dhaw 400-qof oon qaarkood la helin hilbahooda.

Qaraxan ayaa xanuun badan ku reebay qoysas badan oo Soomaaliyeed, marka laga soo tago xanuunka iyo murugada uu reebay qaraxan ayaa hadana ahaa mid dadkii uu dhibku kasoo gaaray xanuunka uu u kala duwanaa.

Allah u naxariistee Cabdilaahi Maxamuud Siyaad (Yariisow) waxa uu kamid ahaa dadkii faraha badnaa ee ku dhintay qaraxii Soobe, aabahan waxa uu ahaa nin ka xoogsan jiray dalaalnimo gaar ahaan waxa uu dalaal ka ahaa Geella lagu iibiyo Afgooye.

Cabdulaahi Yariisow ayaa dhimashadiisa aheyd mid aad u xanuun badan, waxaa xusid mudan in xitaa aan la helin hilbihiisa iyadoona ugu dambeyn eheladiisa markii ay meel walbo ka waayeen iska quustay una xisaabiyay geeri.

Naxtinta geeridiisa reebtay Marxuunkan ma aheyn mid aad u yar, waxa uuna ifka kaga tagay 30-Caruur ah uu dhalay una badan kuwa aad u yar yar oon qaangaarin iyo Waliba 4-xaas oo labo kamid ah Xaamilo yihiin halka mid kalana ay wali Umul ku jirto.

Waxaana maanta ku booqday 27-kamid ah caruurtii uu ka dhintay C.Laahi Yariisow Xaafada Raadeelka ee Degmada Dayniile, waxaa sidoo kale halkaasi ku sugnaa afar kamid ah xaasiiskii uu ka geeriyooday iyo waliba kuwa ay kala tageen oo iyana caruur kala duwan u hayay.

Caruurta qaarkood aan la hadlay murugu badan ayaa wajiyooda ka muuqatay, qaarkood wayba ku adkeyn in ay hadlaan ilmo ayaana indhahooda ka socotay, waxaana caruurta qaarkood iyaga uu hadalku dhibayay sheegeen in ay dareemayaan xanuun badan kadib geeridii aabahood oo noloshooda gacanta ku hayay.

Ma jirin wax hanti ah uu ka dhintay Allaha u Naxariistee C/Laahi Yariisow, waxa uuna subax kasta u kalihi jiray sidii dabkooda uusan u dami laheyn 30-ka caruurta ah uu dhalay iyo hooyooyinkooda, caruurta ayaana isugu jira kuwa iskuulo dhigta iyo kuwa dugsiga Quraanka dhigta.

Caruurta Aabahan Soomaaliyeed ka dhintay hada qaarkood iskuulkii iyo Dugsigii wey isaga hareen, waayo ma heestaan cid damaanad qaaday oo ka bixineysa lacagta laga rabo, waxa ayna maanta dareemayaan xanuunka agoonimadu leedahay aysan horey u aqoon.

Maxamed Maxmuud Siyaad (Dhagaweyne) oo la dhashay Marxuunka geeriyooday ayaa ii sheegay in ay dareemayaan murugo aad u badan oo ka dhalatay geerida walaalkis, waxa uu sheegay in Walaalkii uu gacanta ku hayay nafaqeynta 30-caruur ah uu dhalay iyo sideed hooyo uu afar kamid ah qabay kuwa kalana kala tageen.

Waxa uu ugu baaqay Dowlada Soomaaliya iyo guud ahaan Umada Soomaaliyeed in ay garab siiyaan caruurtan agoonta ah uu ka dhintay Aabihii u xamaali jiray, waxa uuna tilmaamay in walaalkiis culees badan hayay balse maanta qadartii eebe ku timid kuna samrayaan.

Qaraxii Soobe ayaa indhaha ka riday qoysas badan oo Soomaaliyeed, waxa uuna qaraxan ahaa kii ugu xanuunka badnaa ee ka dhaca Soomaaliya ee galafta nolosha boqolaal qof oo masakaiin ah, qaraxan ayaana ahaa mid si weyn looga dareemay meelo badan .

Hadaba Cidii dooneysa ilmaha agoonta ah u gar gaaraan hakala xariiraan

Maxamed Maxamuud Siyaad (Dhagaweyne)

Tell 252615507901

Ama Nadiifo Daahir Iidow

Tell: 252615980134

W/Q Wariyaha Arimaha Bulshada Gacal Ayman

Shabeelada Dhexe(SONNA) Waxaan halkan idinku soo gudbineynaa warbixin gaar ah oo aan kaga hadleyno  saameynta  Colaadda iyo abaarta ay ku yeelatay  dadka degan deegaanka Koogaar, gaar ahaan dadka  barakacayaasha ah ee ka soo barakacay  deeegaanka  Koogaar  oo ka tirsan Degmada Cadale  ee Gobolka Shabeelaha Dhexe  oo Dagaal beeleed ku dhex maray laba beelood oo walaala ah, taasi oo heshiis horudhac ah laga gaaray, waxaana  ka  muuqday  dadka iyo   duunyada  dhibaatooyin  ka dhashay dhinacyada  abaarta iyo  colaadda, iyadoo  dhulka uu yahay  mid aad  u kulul  oo aan wax roob ah  ka  di’in  seddexdii sano ee la soo dhaafay.

Balse waxaa soconaya dadaalo loogu gurmanayo dadkaasi iyadoo boqolaal qoys ay ka faa’idaysteen deeq gar gaar ah oo isugu jirta nuucyada kaladuwan ee quutul daruuriga taasi oo loogu talagalay in lagu kaabo nolosha dadkaasi

Dadka ku nool deegaannada hoos taga  Degmada Cadale ayaa waxa ay la daala dhacayaan abaarta saameysay noloshooda” maadaama ay ku xoolo beeleen waxaana  dadka degan deegaanka  Koogaar ka muuqato daruufo adag oo xagga nolosha ah.

Dadka ku nool deegaannada iyo tuulooyinka hoos taga Degmada Cadale ayaa  waxa ay  noloshooda ku tiirsantahay Xoolaha, Beeraha  iyo kalluunka.

Qaar ka mid ah dadkii ka  faa,iideystay deeqdaasi raashiinka ayaa ka  mahad celiyay  deeqda la soo gaarsiiyay  waxeyna  ugu baaqeen dowladda dhexe soomaaliya iyo maamulka  hir shabeele  in ay soo eegaan xaalada ddakaasi ay ku noolyihiin

Nabadoon Maxamed Xuseen  Howl laawe  iyo Nuur Ciyow Geesey oo ka  mid ah odayaasha deegaanka  ayaa ka hadlay  xaalada nololeed ee dadka barakacayaasha  ah.

Gudoomiye ku xigeenka  arrimaha Siyaasadda iyo Amniga  ee degmada  Cadalle ee  Gobolka  shabeelaha dhexe  Xuseen Muxyadiin Cabdulle  ayaa ka warbixiyay baahiya ay qabaan dadka barakacayaasha  iyo waxyaabaha ay soo gaarsiiyeen  cod

dadkan lu nool deegaano hoos taga degmada cadalle  ayaa waxaa saameyn xoogan ku yeeshay  abaarta  iyo colaada  ka taagan Gobolka  waxaadna ka  dareemeysaa  deegaanadaasi biyo la ,aan iyo  Caafimaad daro haysata dadka deegaanka

Waxaa halkaas dhawaan Safar shaqo ku tagay  Wariye Muuse Cismaan Abtow oo ka tirsan Warbaahinta Qaranka Soomaaliya Warbixintaana ka diyaariyay.

Muqdisho(SONNA) Wasiirka Arrimaha gudaha, Federaalka iyo dib u heshiisiinta Xukuumadda Soomaaliya Mudane Cabdi Faarax Saciid (Juxa) ayaa maanta furay   Wajiga  sadaxaad  iskaashi  wadajirka ah ee baahinta awooda dowladda  shanta sano ee soo aadan 2018-2022 ee JPLG waxaana uu Wasiirku  sheegay in Baahinta Awooda dowladda ay muhiim u tahay  howlaha horyaala Dowladda Federaalka Soomaaliya.

WAxaa shirkani ka qeybgalaya Wasiirada arrimaha gudaha  dowlad goboleedyada iyo hey’adaha taageera Dowladda Soomaaliya,kuwaasi oo kaalin ka qaadanay afududaynta howlahaasi.

Madoobe Nuunoow Maxamed  Wasiirka Arrimaha gudahaa ee maamulka koofur Galbeed oo ku hadlayaya magaca dowlad goboleedyada ayaa sheegay in talada maraysa waqtigan in laga soo bilaaba dadweynaha oo ah meeshii loo baahnaa, wasaaradda arimaha gudaha ee Soomaaliya ayuuna ku amaanay doorka wanaagsan ay ka qaadanayso daadajinta awooda dowladda.

Sodoo kale waxaa halkaasi kahadlay Xoghayaha Guud ee Maamulka gobolkaa Banaadir Subeyda Maxamed Mukhtaar waxayna xustay in Muhiim ay tahay in la cadeeyo doorka Gobolka Banaadir ugu Aadan Barnaamijkan looga tala galay in lagu wajaho  baahinta awooda dowladda ee 5 ta sano ee soo aadan .

Mudane Cabdi Faarax Siciid Juxa Wasiirka arrimaha gudaha Dowladda Federaalak Soomaaliya oo furay shirkaasi ayaa ku amaanay dowlad goboleedyada Koofur Galbeed iyo Jubbaland u  dhaqaaqidooda dhismaha dowladaha Hoose, isaga oo ku dhiira galiyay inay dardar galiyaan sameynta sharciga dowladaha hoose dowlad goboleedyada Hirshabeele iyo Galmudug.

Wasiirka ayaa soo jeediyay in muhiimad la siiyo Gobolka Banaadir, Beesha Caalamka ayuuna ka codsaday inay kordhiyaan dhaqaalaha ay ugu tala galeen daadajinta awooda dowliga ah taasi oo qeyb ka ah horumarinta hanaanka Federaalka.

Qeybo kamid ah deegaanada Gobolada Dalka waxaa ka bilowday nidaamka dhismaha Dowladaha Hoose,iyadoo Gobolka Bokool uu kamid yahay meelaha ay dadaaladaasi ka soconayaan