Jowhar(SONNA) Kulan hal maalin socday loogana hadlaayay siddii loo dabooli lahaa baahiyaha kala duwan ee ka jra maamulka Hirshabeelle ayaa lagu qabtay magaalada Jowhar ee xarunta Maamulkaasi.

Kulanka ayaa waxaa soo qaban qaabiyay Wasaaradda Qorsheynta Dowlad Goboleedka Hirshabeelle iyadoo ay goob joog ka ahaayeen mas’uuliyiin ka tirsan Wasaaradda Qorsheynta Qaranka ee Dowladda Federaalka,Hay’ado ka socday Qaramada Midoobay,Mas’uuliyiin ka kal socday Hirshabeelle,Shabeellaha dhexe,kan degmada Jowhar iyo Bulshada Qeybaheeda kala duwan ee Hirshabeelle.

Ugu horeyn,waxaana kulanka ka hadlay Guddoomiyaha Gobolka Shabeellaha dhexe Mudane Axmed Meyre Makaraan oo u mahad celiyay Hay’adaha iyo mas’uuliyiinta kala duwan ee kulanka ka soo qeyb galay.

Wuxuuna Axmed Meyre Makaraan kula dardaarmay ka soo qeyb galayaasha iney faa’dada ay helaan ku celiyaan shacabka ay ka soo tageen si ay uga faa’ideystaan.

Sidoo kale,Waxaa,isna halkaasi ka hadlay sii hayaha xilka wasaarada Qorsheynta Hirshabeelle,Maxamed Cabdi C/laahi,isagoo faah faahiyay muhiimada kulanka.

Waa kulankii ugu horeeyay oo ay soo qabanqaabisay Wasaaradda Qorsheynta ee Hirshabeelle ee looga hadlayo sidii loo dabooli lahaa baahiyaha ka jira Dowladda Goboleedka Hirshabeelle.                                                                  

Odayaasha 135-ta Oday ee soo xulay Xildhibaanada Golaha Shacabka Soomaaliya oo ah Duubabka Qaranka Soomaaliyeed intooda ku sugan Gobolka Banaadir oo ka kulmay xaalada amni ee dalka Soomaaliya ayaa war ay soo saareen waxay ku sheegeen muhiimadda ay leedahay xasilinta amniga dalka gaar ahaan Caasimada Soomaaliya ee Muqdisho.

Odayaasha dhaqanka ayaa si gaar ah u soo qaatay dhacdooyinkii xanuunka lahaa ee 14-ka iyo 28-ka bishii la soo dhaafay ee October ka dhacay magaalada Muqdisho oo dad badan oo qiimo u lahaa Qaranka Soomaaliyeed lagu laayay.

Muqdisho(SONNA) Madaxweynaha dalka Masar Cabdul-Fattah Al-Sisi ayaa carabka ku adkeeyay Arbacadii shalay inuu wadankiisa si adag u garab taagan yahay midnimada iyo madax banaanida Soomaaliya.

Warka ka soo baxay Al-Sisi ayaa yimid ka dib qad taleefanka uu kula hadlay dhigiisa Soomaaliya Mudane Maxamed C/laahi Farmaajo,sida ay qortay Wakaalada wararka Masar ee loo soo gaabiyo MENA.

Intii lagu guda jiray wadahadalka telefoonka, labada hoggaamiye ayaa ka wada hadlay qaabkii loo xoojin lahaa xiriirka wadajirka ah iyadoo kor loo qaadayo iskaashiga labada dhinac ee la dagaalanka argagixisada iyo xagjirnimada.

Waxay sidoo kale,isla soo hadal qaadeen madaxweynaha Soomaaliya Maxamed C/laahi Farmaajo iyo madaxweynaha Masar Cabdul-Fattah Al-Sisi horumaradii ugu danbeeyay ee Soomaaliya iyo dadaalka xukuumadda ay ku soo celisay amniga iyo xasiloonida si loo fuliyo rabitaanka shacabka Soomaaliyeed loona gaaro horumar.

Dhinaciisa,madaxweyne Farmaajo ayaa ku amaanay Masar doorka taageerida wadankiisa ay ka siiso xasiloonida iyo adkeynta nabad galyada.

Dowladaha Masar iyo Soomaaliya ayaa waxaa ka dhaxeeya xiriir soo jireen ah,kaasoo ku qotoma Arimo badan oo ku saabsan iskaashi dhanka amniga,waxbarashada,ganacsiga iyo dhaqanka.

Madaxweyna Myanmar Aung San Suu Kyi ayaa gaartay gobolka Rakhine halkaasi oo lagu dhibaateynayo Muslimiinta Rohingya.

Waa Markii ugu horeysay oo madaxweynaha Myanmar Aung San Suu Kyi ay ka degto gobolka Rakhine tan iyo markii rabshadaha lagu dhibaateynayo Muslimiinta Rohingya ay ka bilowdeen dalkaasi.

Saraakiisha dawladdu waxay sheegeen in ay booqanayso magaalada caasimadda u ah gobolkaas ee Sittwe iyo magaalooyin kale, inta ay ku guda jirto safarkeeda halka maalin ah ee aan horay loo sii shaacinin.

Dad lagu qiyaasay 600,000 oo reer Rohingya ah ayaa tan iyo bishii Auugust u qaxay Bangladesh.

Beesha caalamka ayaa dhaleeceyn u jeedisay Haweeneyda hogaamiyaha ka ah Myanmar Aung San Suu Kyi,waxaana lagu eedeynayaa iney dhegaha ka fureysatay isir sifeynta lagu hayo Muslimiinta Rohingya.

Daganaansho la’aanta gobolka Rakhine waxaa kiciyay weeraro dhisamasho sababay oo lagu qaaday saldhigyada booliiska, kuwaas oo lagu eedeeyay malayshiyo cusub oo magaceeda loo soo gaabiyo Arsa.

Afhayeen u hadlay Dowladda oo lagu magacaabo Zaw Htay ayaa AFP u sheegay in Ms. Suu Kyi was ay hadda ku sugan tahay Sittwe sidoo kalena ay tageyso Maungdaw and Buthiduang.

Ms. Aung San Suu Kyi ayaa la rajeynayaa inuu socdaalkeeda wax badan ka bedelo xaalada Gobolka Rohingya iyo gumaadka lagu hayo dadka Muslimiinta ee Gobolkaasi degan.

Saddex Qof ayaa la dilay ka dib toogasho ka dhacday dukaanka Walmart  ee magaalada Thornton ee dalka Mareynkanka, sida uu sheegay Booliska.

Kooxo hubeysan ayaa habeenkii arbacada ahayd rasaas ku furay gudaha Dukaan ku yaalo magaalada Thornton ee Gobolka Colorado,taasoo sababtay geerida labo ruux halka haweeney kale dhaawac uu soo gaaray markii danbe Cisbitaalka ugu geeriyootay,sida ay sheegeen Waaxda Booliska magaalada Thornton.

Booliska ayaa sheegay in dhacdadaan tuhmanayaal loo qabtay kuwaasoo hadda su’aalo la weydiinayo,mana jirto cid ilaa iyo hadda loo xiray arintaan,sida Booliska ay sheegeen.

Saacad ka dib markii feejignaan sare lagu jiray ayay Booliska waxay sheegeen in qatarka kooxaha hubeysan lagu idleeyay gudaha Dukaanka.

“Markii rasaasta ay bilaabatay durba waxaa bilowday cabsi iyo kala carar macaamiiska ku dhacay” ayuu yiri mid ka mid dadkii dukaameysanayay.

Dhacdooyinka ceynkani oo kale ayaa ku cusbeyn dhegaha Shacabka Mareynkanka,waxaana dhacdadii ugu danbeysay ay ka dhacday magaalada New York oo lagu dilay seddeed qof halka 11-kalena la dhaawacay ka dib markii baabuur uu jiidhsiiyey baabuur uu waday.

Madaxweynaha dalka Masar Cabdul-Fattah Al-Sisi ayaa sheegay Arbacadii shalay in wadankiisa uu si adag u garab taagan yahay midnimada iyo madax bannaanida Soomaaliya.

Warka ka soo baxay Al-Sisi ayaa yimid kaddib markii qad taleefanka uu kula hadlay dhiggiisa Soomaaliya Mudane Maxamed C/laahi “Farmaajo”, sida ay qortay Wakaalada wararka Masar ee loo soo gaabiyo MENA.

Intii lagu guda jiray wadahadalka telefoonka, labada hoggaamiye ayaa ka wada hadlay qaabkii loo xoojin lahaa xiriirka wadajirka ah iyadoo kor loo qaadayo iskaashiga labada dhinac ee la dagaallanka argagixisada iyo xagjirnimada.

Waxay sidoo kale, isla soo hadal qaadeen madaxweynaha Soomaaliya Maxamed C/laahi “Farmaajo” iyo madaxweynaha Masar Cabdul-Fattah Al-Sisi horumarradii ugu dambeeyay ee Soomaaliya iyo dadaalka xukuumadda ay ku soo celisay amniga iyo xasiloonida si loo fuliyo rabitaanka shacabka Soomaaliyeed loona gaaro horumar.

Dhinaciisa, madaxweyne Farmaajo ayaa ku amaanay Masar doorka taageerida wadankiisa ay ka siiso xasiloonida iyo adkeynta nabad galyada.

Dowladaha Masar iyo Soomaaliya ayaa waxaa ka dhaxeeya xiriir soo jireen ah, oo ku qotoma Arrimo badan oo ku saabsan iskaashi dhanka amniga,waxbarashada, ganacsiga iyo dhaqanka.

Kulan looga hadlayay sidii loo dabooli lahaa bahiyaha kala duwan ee ka jira maamulka Hir-shabeele’ayaa lugu qabtay magaalada Jowhar.

Waxaana soo qaban qaabiyay kulankaasi wasaaradda Qorsheynta dowlad gobaleedka Hir-shabeele, iyadoo’ay goob joog ka,ahaayeen mas’uuliyiin ka tirsan wasaaradda Qorsheeynta Qaranka,ee D.F.S.  hay’ado ka tirsan U. N. maamulka Hir-shabeele, gobalka shabeeleha dhexe, kan degmada Jowhar qaybaha kala duwan ee bulshada Hir-shabeele,ee mgaalada Jowhar

Kulanka waxaa ka hadlay gudoomiyaha gobolka Sh/Dhexe Axmed Meyre Makaraan ayaa u mahadceliyay hay’adihii ka soo qaybgalay kulanka.

Waxaa, isna halkaasi ka hadlay sii hayaha xilka wasaaradda Qorsheeynta Hirshabeele, Maxamed Cabdi C/laahi  wuxuuna fahfaahiyay muhiimadda kulanka u leeyahay maamulka Hirshabeelle.

Waa kulankii, ugu horeeyay oo ay soo qabanqaabisay wasaaradda Qorsheeynta Hir-shabeele, ee looga hadlo sidii loo dabooli lahaa, bahiyaha ka jira Hir-shabeele

Donald Trump,madaxweynaha Maraykanka, ayaa ku amray laamaha amniga Mareynkanka gaar ahaan kuwa xuduudaha iney si adag u baaraan dadka ajaanibka,waxaana amarka Trump uu ka danbeeyay weerarkii Manhattan ee sideedda qof lagu dilay kuwo kalena lagu dhaawcay.

Boolisku waxay sheegeen in nin ka soo haajiray dalka Uzbekistan oo magaciisa la yidhaa, Sayfullah Saipoy, uu dilay sideed qof 11 kalena dhaawacay ka dib markii baabuur uu jiidhsiiyey baabuur uu waday.

Booliska Uzbekistan ayaa isaguna u ballan qaaday Maraykanka inuu ka caawin doono baadhitaanka lagu hayo shilkaa dhacay, waxaana sidaa lagu sheegay warbixin lagu daabacay bogga internet-ka ay ku leedahay wasaaradda arimaha dibadda Maraykanku.

Madaxweyne Trump wuxu yidhi “waa la adkaynayaa ilaalada xuduudaha suurto galna noqon mayso in loo ogolaado xubnaha ururka la baxay Dawladda Islaamka in ay Maraykanka soo galaan markii lagu jabiyey Bariga Dhexe.”

Madaxweynuhu waxa uu sidoo kale ku eedeeyey xisbiga Dimuqraadiga ah in uu ka hor yimid isbedelka uu isagu damacsanaa. Waxa kale oo uu sheegay in uu isagu doonayey in talaabo adag oo degdega laga qaado ninkaas waxaanu ku tilmaamay habka garsoorka Maraykanka inuu yahay wax lagu qoslo.

Arbacadii shalay madaxweynaha dalka Mareynkanka Donald Trump ayaa ugu baaqay Congreska dalka Mareynkanka iney dib u eegis ku sameeyaan bixinta Viisaha dalka ku gal ah si loo xakameeyo falal danbiyeedyada dilalka ugu horeeya ee ka dhaca dalka Mareynkanka.

Ciidamo aad u fara badan oo Boolis ah ayaa lagu kordhiyay goobta uu ka dhacay shika lagu dilay sideeda qof 11 kalena dhaawacay ka dib markii baabuur uu jiidhsiiyey baabuur uu waday.

Kooxaha Xuquuqul insaanka u dooda ayaa dhaleeceeyay talaabooyinka qaar ee Trump uu kaga fal celiyo dhibaatooyinka kadhaca dalka Mareynkanka oo ka baxsan bini-aadanimada.