Xildhibaane Maxamed  Xuseen  Afaraale oo ka mid ah gudiga difaaca ee Golaha shacabka  gudoomiyaha maxkamada sare ee cidamada qalabka sida Generaal Liibaan Cali yerow  iyo sidoo kale gudoomiyaha darajada koowaad ee maxkamada Ciidamada qalabka sida iyo saraakiil uu ka mid yahay taliyaha qeybta 60-aad ee Ciidiamada Xoogga Dalka oo maalmahan ku sugnaa Gobolka Bakool ayaa kormeeray xarumaha Ciidamada Xoogga Dalka Soomaaliya ay ku leeyihiin Gobolka Bakool.

Sidoo kale ujeedka wafdiga ayaa waxa uu aha sidii maxkamada Ciidamada qalabka sida Xafiis ay leedahay looga hir gelin lahaa Gobolkaasi iyo siday Ciidamada Xoogga Dalka Soomaaliya ula dhaqmi lahaayeen hadii ay gacanta ku dhigaan Maleeshiyaadka al shabaab iyo dadka Xiriirka la leh intaba.

Gudoomiyaha darajada koowaad ee maxkamada Ciidamada qalabka sida G/Sare Xasan Cali Nuur Shuute  ayaa kula dardaarmay Ciidanka in marka ay gacanta ku dhigaan qof  ka tirsan maleeshiyadka nabad diika Al shabaab ay gudbiyaan hay’adaha kale ee ku shaqada leh si sharciga loo marsiiyo.

Qeybtii ugu horeysay ee qalabka loogu talagalay Maamulka Hawada Soomaaliya si gaar ahna u quseeya saadaasha hawada oo maanta la Rakibay ayaa waxaa  Xariga kajaray Wasiirka Gaadiidka iyo Duulsta Hawada Dowladda federaalka ah iyadoo ay goobjoog ka ahaayeen Xildhibanao katirsan Baaralamanka Soomaaliya Masuuliyiinta iyo shaqaalaha hay’adda duulista iyo saadaasha hawada, Agaaismaha guud ee wasaaradda gaadiidka iyo duulista hawada Xukumada Federaalka Soomaaliya Mudane Maxamed C/llaahi Salaad.

Axmed Xasan Macalin oo ah maareeye ku xigeenka Hay’adda duulista iyo saadaasha hawada ee Somaaliya ayaa sharaxaad ka bixiyay muhiimada qalabkan uu u leeyahay hagidda diyaaradaha.

Wasiirka Gaadiidka iyo Duulista hawada Dowladda federaalka ah Mudane Maxamed Cabdulaahi Salaad ayaa sheegay inay rajeynayaan in la dhameytiro qalabka Somaaliya ay ku maamuli  doonto Hawada.

Dowladda Soomaaliya ayaa rajeyneysa inay lasoo wareegto maamulka hawada dhamaadka Bisha October ee sanadkan iyadoo dhawaan wasiirka gaadiidka iyo Duulsta hawada uu dalka Canada ku saxiixay heshiiskii u dambeeyay ee Somaaliya ay kulasoo wareegeyso Maamulka hawadeeda.

Muqdish0(SONNA) Kulanka Daahfurka Mashruuca Biyo dhaaminta ah,  ayaa waxaa ka soo qeyb galey Wasiir ku xiggeenka Wasaaradda Tamarta iyo kheyraadka Biyaha Dowladda Federaalka ah ee Soomaaliya Cusmaan libaax Ibraahim, Guddoomiyaha Gobolka Bay,Duqa Degmada Baydhabo, iyo xubno ka socday Hay’adda UNICEF.

Cusmaan Libaax Ibraahim Wasiir ku xigeenka Wasaradda Tamarta iyo Khayraadka Biyaha Xukuumadda Soomaaliya oo u waramayaya Wakaaladda SONNA ayaa faah faahin ka bixiyay ujeedada mashruucaasi.

“Ujeedada mashruucan ayaa ah in biyo dhaamn loo sameeyo ilaa 48 kun qof oo u dhigma 800 oo qoys oo barakacyaal ah,kuwaasi oo Baydhabo kunool,muddo 2 bilood ah, qorshaha guud ayaa ah in 1 milyen oo qoys loo sameeyo biyo dhaamin,waxaana iska kaashanaya Wasaaradaha Tamarta iyo Khayraadka Biyaha Dowladda Soomaaliya iyo tan Koonfur Galbeed,waxaana taageeraya UNICEF maadaama barakacyaasha ugu badan ay ku noolyihiin halkani”, Ayuu yiri Mudane Cusmaan Libaax.

Guddoomiyaha Gobolka Bay Mudane Cali Wardheere C/raxmaan iyo Duqa Degmadda Baydhabo C/llaahi Cali Watiin, ayaa si wadajir ah u soo dhoweeyey masharuuca biyo dhaaminta ah, iyagoo sheegay in  muhiim uu u yahay bulshada ku nool deegaanada Koonfur Galbeed.

Muqdisho (SONNA)  Hay’adda Culimada Soomaaliyeed ayaa bayaan ka soo saartay arrinta ku aadan nin lagu magacaabo C/wali Cali Cilmi, kaasi oo  soo bandhigay sawirka Nin kale oo uu ku sheegay in uu yahay Nabigeena Maxamed NNKH.

Sheekh Bashiir Axmed Salaad Guddoomiyaha Hay’adda Culimada Soomaaliyeed ayaa akhriyey bayaanka Hay’adda ay soo saartay, isagoo sheegay in ninkaas uu ka baxay Diinta islaamka, waxaana uu xusay in meel uu kaga dhacay karaamadii Nabigeena CSW, shariciga in la horkeeno ayuuna Dowladda codsaday.

Halkaan hoose ka Dhageyso Bayaanka Hay’adda Culimada Soomaaliyeed ay soo saartay.

Muqdisho (SONNA) Ka mira dhalinta si loo dhameystiro Diyaarinta Xogta ku aadan Axdiga Heshiiska Caruurta oo ay Soomaaliya Saxiixday sanadkii 2015 ayaa Wasaradda Haweenka iyo Horumarinta Xuquuqda Aadanaha waxay Kulan Wadatashi ah la qaadatay Hay’addaha u adeega Bulshada rayidka si ay uga qeyb qaataan in si wadajir ah loo dardar galiyo dhameystirka Axdiga Heshiiska Xuquuqda Caruurta Soomaaliyeed.

Xubnaha ka socday Hay’addaha Bulshada Rayidka ee ka qeyb qalayay kulankan wadatashiga ah ayaa si wadajir ah ugu mideysan in muhiim ay tahay dhamestirka heshiiska caruurta si loo helo xaquuqda caruurta soomaaliyeed ay leeyihiin, Maadaama Axdiga Xuquuqda Caruurta ee Qaramadda midoobay u dhigaayo in aan lagu xadgudbin Caruurta, islamarkaane ay helaan Xuquuqda ay leeyihiin.

Ugu horeyn ayaa waxaa kulanka ka hadlay Agaasimaha Waaxda Horumarinta Qoyska iyo Xuquuqda Caruurta ee Wasaaradda Haweenka Xukuumadda Soomaaliya Faadumo Maxamed Cali iyadoo sheegtay in Bulshada Rayidka ah ay lafdhabar u yihiin hawlaha ay qabato Wasaaradda Haweenka.

Qaar ka mid ah Xubnaha ka socday Hay’addaha bulshada rayidka ayaa soo dhaweeyay kulankan wadatashiga, iyagoona sheegay inay qaadan doonaan Doorkooda ku aadan sidii loo dhameystiri lahaa Axdiga Heshiiska Xuquuqda Caruurta Soomaaliyeed.

Wasaaradda Haweenka iyo Horumarinta Xuquuqda Aadanaha Xukuumadda Soomaaliya ayaa muddooyinkan waday kulamo lagu arinsanaayo sidi loo dardar galin laha dhameystirka diyaarinta xogta heshiiska caruurta ee Qaramada Midoobay.

Ka mira dhalinta si loo dhameystiro Diyaarinta Xogta ku aadan Axdiga Heshiiska Caruurta oo ay Soomaaliya Saxiixday sanadkii 2015 ayaa Wasaradda Haweenka iyo Horumarinta Xuquuqda Aadanaha waxay Kulan Wadatashi ah la qaadatay Hay’addaha u adeega Bulshada rayidka si ay uga qeyb qaataan in si wadajir ah loo dardar galiyo dhameystirka Axdiga Heshiiska Xuquuqda Caruurta Soomaaliyeed.

Xubnaha ka socday Hay’addaha Bulshada Rayidka ee ka qeyb qalayay kulankan wadatashiga ah ayaa si wadajir ah ugu mideysan in muhiim ay tahay dhamestirka heshiiska caruurta si loo helo xaquuqda caruurta soomaaliyeed ay leeyihiin, Maadaama Axdiga Xuquuqda Caruurta ee Qaramadda midoobay u dhigaayo in aan lagu xadgudbin Caruurta, islamarkaane ay helaan Xuquuqda ay leeyihiin.

Ugu horeyn ayaa waxaa kulanka ka hadlay Agaasimaha Waaxda Horumarinta Qoyska iyo Xuquuqda Caruurta ee Wasaaradda Haweenka Xukuumadda Soomaaliya Faadumo Maxamed Cali iyadoo sheegtay in Bulshada Rayidka ah ay lafdhabar u yihiin hawlaha ay qabato Wasaaradda Haweenka.

Qaar ka mid ah Xubnaha ka socday Hay’addaha bulshada rayidka ayaa soo dhaweeyay kulankan wadatashiga, iyagoona sheegay inay qaadan doonaan Doorkooda ku aadan sidii loo dhameystiri lahaa Axdiga Heshiiska Xuquuqda Caruurta Soomaaliyeed.

Wasaaradda Haweenka iyo Horumarinta Xuquuqda Aadanaha Xukuumadda Soomaaliya ayaa muddooyinkan waday kulamo lagu arinsanaayo sidi loo dardar galin laha dhameystirka diyaarinta xogta heshiiska caruurta ee Qaramada Midoobay.

Muqdisho (SONNA) Wasiir ku xigeenka Wasaaradda Gaashaandhiga Xukuumadda Federaalka Soomaaliya Mudane C/llaahi Colaad Rooble oo socdaal shaqo ku maraya Gobolada Bay, Bokool iyo Gedo, ayaaa sheegaya in Ciidamada Xoogga Dalka ay a wood u leeyihiin hanatashada Amniga guud ee dalka,ayna kala wareegi karaan AMISOM.

Wasiir C/llaahi Colaad Rooble oo la hadlay Warbaahinta Qaranka isagoo ku sugan magaalada Baydhabo ayaa sheegay in ujeeda ugu weyn ee socdaalkooda ay aheyd in u kuurgalka xaaladda dhabta ah ee ciidamada Xoogga Dalka ee xarumaha ku kala leh Gobolada Bay, Bokool iyo Gedo, maadaama la doonayo in Ciidamada Soomaaliyeed ay kala wareegaan AMISOM guud ahaan amniga dalka.

Wasiirka ayaa sheegay in inta badan deegaanada Sedexdaasi gobol ay ku suganyihiin  Ciidamada Xoogga Dalka oo meelaha qaar aysan la joogin ciidamada AMISOM, iyagoona ku guuleystay sugida amniga iyo inay wada shaqeyn fiican la yeeshaan dadka shacabka ah.

Wasiirka ayaa sheegay in Wafdiga la socday ay ku jireen Saraakiil ka socda Hay’addaha dhaqaalaha ku taageera AMISOM, oo iyagana aad ula dhacay in meel kasta ay ku sugan yihiin ciidamada Xoogga Dalka oo si weyn u diyaarsan.

Hay’adda Culimada Soomaaliyeed ayaa bayaan ka soo saartay arrinta ku aadan nin lagu magacaabo C/wali Cali Cilmi, kaasi oo  soo bandhigay sawirka Nin kale oo uu ku sheegay in uu yahay Nabigeena Maxamed NNKH.

Sheekh Bashiir Axmed Salaad Guddoomiyaha Hay’adda Culimada Soomaaliyeed ayaa akhriyey bayaanka Hay’adda ay soo saartay, isagoo sheegay in ninkaas uu ka baxay Diinta islaamka, waxaana uu xusay in meel uu kaga dhacay karaamadii Nabigeena CSW, shariciga in la horkeeno ayuuna Dowladda codsaday.

Kulanka Dahfurka Mashruuca Biyo dhaaminta ah  ayaa waxaa ka soo qeyb galey Wasiir kuxigeenka Wasaaradda Tamarta iyo kheyraadka Biyaha Dawladda Soomaaliya Cusmaan libaax Ibraahim Iyo Midka Konnfur galbeed. Gudomiyaha G/baay. Duqa degmada baydhabo, iyo xubno ka socoday hay adauncef.

Mashruuca biyo dhaaminta ah ayaa waxaa iska kaashandoona Wasaaradaha tamarta iyo Kheyraadka biyaha Dawlada Fadaraalka iyo tan koonfur galbeed Soomaaliya waxaana taagyeeridoona Hay da UNICEF.

Gudoomiyaha G/Baay Mudane Cali Wardheere C/raxamaan iyo Duqa degmada baydhabo C/laahi Cali watiin ayaa si wadajir ah u soo dhaweeyey masharuuca biyo dhaaminta ah uu muhiim u yahay bulshada ku nool deegaanada koonfur galbeed Soomaaliya.

UNICEF  ayaa ka mid ah haayadaha inta badan taageera bulshada Soomaaliyeed gaarahaan dhinaca bini aadanimada kuwaa soo wax tar u leh bulshada.

Shirkani  oo socon doono muddo sedax maalmood ah ayaa waxaa magaalada Muqdisho ka furey Wasiirka Aminga Xukuumadda Federaalka Soomaaliya  iyo Taliyaha Ciidanka Booliska Soomaaliyeed,kaasi oo u dhexeeya saraakiisha Booliska Heer Federaal iyo Heer Dowlad goboleed.

Ujeedada shirkani wadatashiga aha ayaa la xiriirta qorshayaal ku aadan sidii loo dhisi lahaa ciidamo isku dhaf ah oo Boolis ah, kuwaasi oo isugu jira heer Federaal iyo Heer Dowlad Goboleed, si ay isaga kaashadaan sugidda Amaanka Dalka iyo in Amisom ay kaal wareegaan guud ahaan Ammaanka Dalka.

Wasiirka Amniga Xukuumadda Federaalka Soomaaliya Mudane Maxmed Abuukar Islow Ducaale ayaa Wakaaladda Wararka Qaranka Soomaaliyeed ee SONNA uga warramay u jeedka shirkaasi, isagoo sheegay in la dhisayo ciidamo booliska ah oo gaaraya 32 kun, kuwaasi oo Amisom ka la wareegidoona Amniga Dalk.

“Waxaa maanta halkani isugu yeernay saraakiisha booliska Heer Federaal iyo heer Dowlada Goboleed, waxaana looga hadlaya qorshaha lagu dhisayo ciidamo Qaran,kuwaasi oo Amisom kala wareegay Amniga Dalka marka ay baxaan 2021,sida ay ku heshiyeen Dowladda Dhexe iyo Dowlad Goboleedyada, sida aad ogtihiin shirkii London waxyaabohii ka soo baxay waxaa kamid ahaa in la dhiso 18 oo Ciidan Militari ah iyo 32 kun oo Boolis ah, kuwaasi oo ukala baxaya, Darwiish iyo ilaalada Xeebaha”, ayuu yiri Wasiirka Amniga.

Taliyaha Ciidanka Booliska Soomaaliyeed Janaraal C/xakiin Daahir Siciid Saacid ayaa ku booriayay saraakiisha ka qeyb qaadanaysa shirkani in ay la yimaadaan karti iyo aragti wanaagsan oo ay ugu adeegayaan bulshada Soomaaliyeed,wuxuuna balan qaaday in aragti midaysan ay ku lafagurayaan dooda shirka,si loo helo natiijo wanaagsan.

Waxaa shirkani goob joog ka ahaa saraakiil ka socotay Hay’adaha Qaramada Midoobey ee taageera Hay’adaha Dowladda iyo tababarayaal Boolis, kuwaasi oo qeyb ka qaadanaya tayaynta ciidamada.