Maxkamadda CQS oo darajadii ka xayuubisay Cabdi Naasir Xoosh sidoo kalane Xukun Dil ah ku riday (Sawirro).

0
3615

G/sare Cabdinaasir Xoosh Maxmammed oo ahaa Taliyihii Raxanta Doomaha Badda ayaa la isugu daray daraja ka xayuubin iyo dil toogasha ah, kadib dil uu horey ugu geystay Abaanduulihii Ciidamada Badda Soomaaliyeed 18-01-2018 gudaha Dekadda weyn ee Muqdisho.

10-02-2018 ayaa horey loo dhageystay eed ka dhan ah sarkaalkan  laga xayuubiyay darajada,  sidoo kale waxaa la soo bandhigay markaatiyaal iyo saraakiishii soo baaray kiiskan, iyadoo eey jirto in xafiiska xeer ilaalinta in uu weydiistay Maxkamadda in xukun dil ah lagu fuliyo eedeysanaha maanta la xukumay.

Qareenka u doodayey eedeysanaha ayaa isna dhankiisa muujiyay in eeysan diidaneen dilka uu sarkaalkan hore geystay balse uu Maxkamadda weydiistay in sarkaalka lagu xukumo in uu dhiibo  diyo.

“Sidaas darteed, Maxkamadda waxaa u caddaatay in  G/Sare X. C/naasir Xoosh Maxamed,  uu yahay  dembiile  galay dembiga lagu soo oogay maxkamaduna waxay ku riday xukunka ah :-

  • Waxay ka xayuubisay darajadii uu sitay oo ahayd G/SARE
  • Waxay maxkamadu ku xukuntay Dil  Toogasho ah, oo ah qisaasta Marxuum  Ex-S/Guuto Saciid Aadan Yuusuf(Saciid Mariino)

Ciddii aan ku qanacsanayn xukunka Maxkamadda waxaa u furan Racfaan” -Sida uu u sheegay Warbaahinta G/sare Xasan Cali Nuur Shuute gudoomiyaha Maxkamadda D, 1-aad ee Ciidamada Qalabka Sida.

Eedeysanaha ayaa heysto fursad kale oo uu ku dalban karo racfaan, hadii uusan ku qanacsaneen xukunka Maxkamadda D,1-aad ee Ciidamada Qalabka Sida.