Search
Subscribe
Home Blog Page 1351

Raa’iisul wasaare ku xigeenka Dalka oo soo dhaweeyey maxaabiistii Liibiya laga soo celiyey

SNTV
-
0
Raa’iisul wasaare ku xigeenka Dalka oo soo dhaweeyey maxaabiistii Liibiya laga soo celiyey

Muwadiniintan maanta soo gaaray Magaalada Muqdisho ayaa tiro ahaan gaarayey ilaa iyo 11-qof , waxaana dadkaan kamid ah caruur iyo haween ay wajiyadooda ka muuqdeen duruuftii adkeyd oo ay kula soo kulmeen dalka Liibiya.

Ra’iisul Wasaare ku xigeenka Dalka Mudane Mahdi Maxamed Guuleed, Wasiiro katirsan xukuumadda Soomaaliya iyo xildhibaano matalayey labada gole ee Baarlamaanka Soomaaliya iyo sidoo kale masuuliyiin kale oo katirsan dowladda Soomaaliya ayaa soo dhaweeyey muwaadiniintaan maanta dib uga soo laabtay dalka Liibiya oo muddo ay ku heystay dhibaatooyin xoogan.

Mudane Mahdi Maxamed Guuleed Ra’iisul Wasaare ku xigeenka Dalka ayaa sheegay in tani tusaale u tahay sida ay Dowladda uu hoggaaminayo Madaxweynaha Jamhuuriyadda Federaalka Soomaaliya Maxamed C/llaahi Farmaajo uga go’an tahay samata-bixinta iyo ilaalinta shacabka Soomaaliyeed.

Maryan Yasiin  oo ah Ergayga gaarka ah ee Xukuumadda Soomaaliya u qaabilsan xuquuqda tahriibayaasha ayaa sheegtay in muwadiniinta maanta lagu soo celiyey dalka ay qabaan dhib badan oo ay u geesteen kooxaha arxanka daran ee Magafayaasha loo yaqaan.

Dowladda federaalka ah ee Soomaaliya ayaa dadaal xoogan ku bixisay sidii dalka dib loogu soo celin lahaa dhalinyarada Soomaaliyeed ee ku dhibanaa dalka Liibiya, iyadoo natiijada dadaalkaasi uu keenay in maanta qaarkood dalka dib loogu soo celiyo.

Dowlada Qadar oo Gawaari ku wareejisey Dowllada Soomaaliya

SNTV
-
0
Dowlada Qadar oo Gawaari ku wareejisey Dowllada Soomaaliya

Gaadiidkani nuuciisu yahay Landcroser oo 30 xabo ah ayaa dowladda Soomaaliya waxay ka guddoontay Dowladda Qadar,kuwaasi oo loogu talagaly Ciidamada Booliska Soomaaliyeed kadib munaasabad kooban oo ka dhacday gudaha degkedda ee Muqdisho.

Waxaa dowladda Soomaaliya u guddoomay Wasiirka Amniga oo uu ka guddoomay Danjiarah Dowladda Qadar ee Soomaaliya Eng. Xasan Bin Xamza,iyadoo uu goob joog ka ahaa Wasiir ku xigeenka Dekedaha iyo Gaadiidka Badda iyo mas’uuliyiin kale.

Mudane Maxamed Abuukar Islow Ducaale Wasiirka Amniga Xukuumadda Soomaaliya ayaa dowladda Qadar uga mahadceliyay dowrka ay ku leedahay Taageerida dowladda Soomaaliya iyo Shacabkeeda.

“Waxaa mahad iska leh Alle Subxaanahu watacaalaa,intaasi kadib waxaan rabaa in hortiina aan uga mahadceliyo Dowladda Qadar,safar aan dhawaan ku tagay Dalkaasi Qadar waxaan la kulmay Ra’iisul wasaaraha Dalka Qadar ahna Wasiirka Arrimaha gudaha Sheekh  Cabdalla Bin C/naasir, wuxuu balanqadaay in uu taageero Dowladda Soomaaliya,taageeradaasi ayaa bilaabatay waxaana maanta aan ka guddoonay 30 baabuur nuuca Landcroser ah, kuwaasi oo loogu talaglay Ciidanka Booliska”.Ayuu yiri Wasiir Islow.

Dowladda Qadar ayaa kamid ah dowladaha taageera Soomaaliya,sida fulinta mashaariic horumarineed iyo kuwo gar gaarka bani’aadanimada la xiriira.

Ciidanka Asluubta Soomaliyeed oo Soo bandhigey dhoola tus ay ku soo dhaweynayaan sanad guurada aas-aska ciidanka Asluubta

SNTV
-
0
Ciidanka Asluubta Soomaliyeed oo Soo bandhigey dhoola tus ay ku soo dhaweynayaan sanad guurada aas-aska ciidanka Asluubta

Ciidamada Asluubta Soomaaliyeed ayaa ku jira diyaar garoowgii ugu dambeyay ay ugu dabaaldagayaan munaasabada Aasaska ciidanka asluubta oo ku beegan 22 fabraayo.

ciidmada ayaa wax ay soo bandhigeen  cududooda malatari waxaana ka soo qeebgalay Wasiirka Cadaalada Soomaaliya Xasan Xuseen Xaaaji  iyo taliyaha Ciidanka Asluubta soomaaliyeed S/Gaas Xuseen Xasan Cismaan.

Wasiirka Cadaalada iyo taliyaha ciidanka asluubta  ayaa waxaay salaan sharaf ay ka qateen cutubyo ka tirsan ciidamada asluubta soomaliyeed.

Taliyaha Ciidanka Asluubta soomaaliyeed S/Gaas Xuseen Xasan Cismaan ayaa boogadaiyay Ciidamda isagoo sheegay in maalinta Qamiista oo ay ku beegantahay 22 fabraayo ay dhicidoonto munaasabada Aaska Ciidanka Asluubta 48 sano guuradii ka soo wareegtey markii la aas-aasay Ciidanka Asluubta.

Wasiirka Cadaalada Soomaaliya Xasan Xuseen Xaaaji ayaa sheegay in talabo wanagsan ay tahey in ciidamada Asluubta u diyaar garoowaan Munaasabadooda isagoo sheegay ciidanku ay waxyaabaha ay soo bandhigeen ay hor mar u tahey ciidanka asluubta

Muwadiniinta Soomaaliyeed ee ku dhibanaa Dalka Liibiya oo Maanta lagu wado in dib logu soo celiyo Magaalada Muqdisho

SNTV
-
0
Muwadiniinta Soomaaliyeed ee ku dhibanaa Dalka Liibiya oo Maanta lagu wado in dib logu soo celiyo Magaalada Muqdisho

Qaar kamid ah Tahriibayaashii Soomaaliyeed ee ku dhibanaa gudaha Wadanka Liibiya ayaa la filayaa in Maanta laga soo dajiyo Garoonka diyaaradaha ee Aadan Abdulle.

Muwadiniintan la filayo in ay maanta Soo gaaraan Magaalada Muqdisho ayaa tiro ahaan lagu sheegay inkabadan 10-qof ayaa iskood u doortay in ay dalkood dib ugu soo noqdaan.

Maryan Yasiin  oo ah ergayga gaarka ah ee Xukuumadda Soomaaliya u qaabbilsan xuquuqda tahriibayaasha ayaa sheegtay in muwadiniinta maanta lagu soo celinaayo dalka ay qabaan dhib badan iyo dhawacyo ay u geesteen kooxaha arxanka daran ee Magafayaasha loo yaqaan ayna u baahan yihiin in cafimaadkooda lala Tacaalo.

Wasiirka Arrimaha Dibadda oo la kulmay Jaaliyadda Soomaaliyeed ee Ohio

SNTV
-
0
Wasiirka Arrimaha Dibadda oo la kulmay Jaaliyadda Soomaaliyeed ee Ohio

Munaasabadda casha sharafta ah waxaa soo abaabulay urur siyaasi ah oo ka dhisan Gobolka Ohio laguna magacaabo ( New American Political Action Committee )  waxaana xafladda ka soo qeybgalay qeybaha kala duwan ee Jaaliyadda Soomaaliyeed ee Columbus.

Dadka ka hadlay xafladan cashada ah waxa ay intooda badan u hambalyaynayeen Wasiirka oo ay in badan soo wada shaqeeyeen mudadii uu ahaa Safiirka u fadhiyay dowladda Soomaaliya magalada Washington DC, iyaga oo ku tilmaamay in Wasiirku uu yahay shaqsi waxbadan ka qaban kara arrimaha dibada iyo iskaashiga caalamiga.

Wasiir Cawad ayaa dadka Soomaaliyeed ee Mareykanka dagan ka codsaday in la dhiso guri ay yeelato safaaradda Soomaaliya ay ku leedahay dalka Mareykanka iyo in arintaas la iska xil saaro, waxa uu xusay in mudadii uu safiirka ahaa uu ka gaabsaday in uu soo bandhigo fikirka dhismaha safaaradda isaga oo xusay in dadku u arki karaan in macne kale laga wato ama dano gaar ah laga leeyahay, balse waxa uu xusay in iminka uusan safiir ahayn balse uu ogyahay baahida jirta.

Qurba joogta Mareykanka ayuu ku dhiiragaliyay in ay dalkii dib ugu laabtaan isla markaana Indhahooda ku soo arkaan waxa ka jira, waxa uu Wasiirku sheegay in Soomaaliya is badashay isla markaana ay ku taagantahay wadadii Horumarka iyo is badalka.

“Waa muhiim in aad waqtigiina qaar siisaan dalka oo aad maskax maal iyo aqoon ku celisaan xitaa hadii intaas aadan awoodin adigu tag oo fasaxaaga ku soo qaado waxaan hubaa in aad la soo laaban doonto wax ka duwan waxa aad aaminsantahay hadeer” ayuu yiri Wasiirka oo dhiiragalinayay qurbaoogta.

Waxaa la weydiiyay su’aalo aad ubadan oo meelo kala duwan taabanayay waxana ugu danbayn Wasiirku u balan qaaday in uu samayn doono qorshe isku xiri doona qurba joogta iyo Wasaaradda arrimaha dibadda si loo helo iskaashi wax badali kara.

Waxaa la gudoonsiiyay Wasiirka shahaado sharaf oo ka socday dhowr xaafiis oo ka mid ah xaafiisyada dowladda gobolkan Ohio.

Dhanka kale Wasiirka ayaa booqday xarunta codbixinta ee xaafada Soomaalidu ugu badantahay isaga oo la kulmay howl wadeenada xarunta iyo shaqaaleheda isla markana waxaa lagu soo wareejiyay qeybaha xarunta, iyada oo loo sharaxay hanaanka codbixinta casriga iyo sida ay uga shaqeyso halkan.

Wasiirka ayaa ujeedka booqashada xaruntan ku sheegay in ay qiimayn ku samaynayaan hananka doorashooyinka caalamigaa ee wadamo badan oo caalamka ku yaal si dowladda Soomaaliya ay u diyaariso waqtiga dhow doorasho madax banaan oo Qof iyo Cod ah.

Wasiir Cawad ayaa maalmihii u danbeeyay ku sugnaa Mareykanka isaga oo kulamo la soo qaatay Soomaalida Virginia, Minnesota, Ohio iyo kuwo kale.

Akhriso: Magaca rasmiga ah ee horjooge sare oo isku dhiibay Ciidamada Dowladda Ee Gedo.

SNTV
-
0
Akhriso: Magaca rasmiga ah ee horjooge sare oo isku dhiibay Ciidamada Dowladda Ee Gedo.

Wararka ka imaanaya Gobolka Gedo ayaa sheegaya in horjooge ka tirsanaa maleeshiyada Al-shabaab uu isku soo dhiibay ciidamada Dowladda Soomaaliya oo ku sugan degmada Baardheere ee gobolkaasi.

Horjoogahaasi oo is soo dhiibay oo magaciisa lagu sheegay Cabdi Nuur Macalin Xasan ayaa watay qori AK47 ah iyoo 4 baaskoolad oo uu kala soo goostay maleeshiyada Alshabaab,sida uu Wakaaladda SONNA u sheegay Isxaaq Xuseen Mursal oo kamid ah saraakiisha Dowladda ee Gobolka Gedo.

Waxaa ninkan oo is soo dhiibay haatan uu gacanta ugu jiraa ciidamada Dowladda Soomaaliya ee Gedo ku sugan,iyadoo tani ay qeyb ka tahay firxadka iyo qulqulka maleeshiyada iyo horjoogayaasha Shabaab oo si xowli ah isku soo dhiibaya Dowladda Soomaaliya.

Sababaha ugu badan ayaa ah khilaaf ka dhextaagan Al-shabaab dhexdooda,taasi oo horseeday in xitaa horjoogihii ugu sareeyey Alshabaab uu ka soo goosto islamarkaana uu ku dhuumaalaysanayo Gobolka Gedo.

Dhawaan ayay ahayd markii maleeshiyaada ka tirsanaa Alshabaab ay isku soo dhiibeen ciidmaad Dowladda Soomaaliya oo ku sugan degmada Baladxaawo ee Gobolka Gedo.

Dowladda Soomaaliya oo soo deynaysa 20 Carruur ah oo ka mid ahayd Tahriibayaasha ku xanniban Liibiya

SNTV
-
0
Dowladda Soomaaliya oo soo deynaysa 20 Carruur ah oo ka mid ahayd Tahriibayaasha ku xanniban Liibiya

Ugu yaraan Labaatan Carruur ah oo ka mid ah Dadka ku jira xeryaha qaxootiga Dalka Liibiya kana soo badbaaday Gacanta tahriibiyeyaasha ayaa lagu wadaa in dhawaan lagu soo celiyo Dalkooda Hooyo ee Soomaaliya.

Maryam Yaasiin Xaaji Yuusuf oo ah Ergayga gaarka ah ee xukuumadda Soomaaliya u qaabbilsan xuquuqda tahriibayaasha oo ka mid ah wafdi ay dowladda federaalka u dirtay halkaasi oo safar ku tagay Liibiya iyo Tuniisiya ayaa sheegtay inuu haatan socdo dedaal ku aaddan sidii ay Dhallinyaradaasi dib ugu soo celin lahaayeen Dalkooda.

Maryan oo u warrantay laanta Afka Soomaaliga ee VOA-da ayaa sheegtay inay jiraan carruur badan oo la kulmay dhibaatooyin kala duwan, kuwaasoo qaar ka mid ah ay haatan ku guuleysteen inay soo celiyaan dhawaan, halka inta hadhayna ay waqtiyada xiga soo deyn doonaan.

Ergeyga ayaa intaa raacisay in Tahriibayaasha Soomaaliyeed ee ku sugan Liibiya ay halkaasi ku haysataan tacaddiyo ba’an oo xagga nolosha iyo xorriyaddaba ah.

Maryan ayaa walaac xooggan ka muujisay dhibaatooyinka ba’an ee ay kooxaha magafayaashu u geystaan Dadka Tahriibaya , kuwaasoo intooda badan ku sugan meelo ayan Dowladda Liibiya gacanta ku hayn ama goobo qarsoodi ah iskana qariya laamaha ammaanka.

Carruurta haatan lagu wado in lagu soo celiyo Dalka Soomaaliya iyo qaar ka mid ah Tahriibayaasha ayaa u sheegay wafdigan dowladda federaalka ka socda iyo saraakiisha hay’adda IOM in laga qaato lacago ka badan inta ay sheegtaan magafayaashu, balse aysan ciqaabta iyo haysashaduba lahayn waqti xaddidan.

Dadka Soomaaliyeed ee Tahriibta ku tegey Dalka Liibiya ayay ku qiyaastay Kumanaan Qof oo u badan Dhallin yaro, kuwaasoo loo geysto Jirdil Kufsi iyo ciqaabo kulul oo qaarkood ay u dhintaan.

Dowladda Federaalka Soomaaliya ayaa muddadii Sanadka ahayd ee ay jirtay ku dedaashay inay xabsiyada iyo goobaha kale ee lagu haystoba ay kasoo sii deyso Maxaabiis badan oo u xirnaa siyaabo kala duwan.

Madaxweyne ku xigeenka Hirshabelle iyo wafdi ka socday Wasaaradda Gaadiidka XfS oo ka wada hadlay dib u dhiska garoomada.

SNTV
-
0
Madaxweyne ku xigeenka Hirshabelle iyo wafdi ka socday Wasaaradda Gaadiidka XfS oo ka wada hadlay dib u dhiska garoomada.

Madaxweyne kuxigeenka Dowlada Goboleedka Hirshabeele iyo mas’uuliyiin kale ayaa magaalada Jowhar kula kulmay wafdi ka socday Wasaaradda Gaadidka iyo duulista Hawadad Xukuumadda Soomaaliya oo shalay halkaasi Gaaray.

Madaxda hirshabeele iyo wafdigan oo uu hoggaaminayay Maareeyaha  Guud ee Wasaaradda Gaadiidka Cirka iyo dhulka Soomaaliya Yuusuf Cabdi Cabdulle (Yuusuf Jaalle) ayaa ka wada hadlay arrimo ay kamid yihiin sidii maamulka Hirshabeele looga gacan siin lahaa mashaariic horumarineed sida dib u dhiska garoomada Diyaaradda.

Cabdullaahi Maxamed Rooble Wasiirka Gaadiidka Cirka iyo Dhulka Maamulka Hir-Shabeelle ayaa sheegay in ay joogaan meel bilaaw ah oo u baahan in wax loo qabto.

“Hadad waxaan joogaan meel bilow ah,maamulada kale marka loo fiiriyo marka waxaan rajaynaynaa in aad gaari doono horumar,wafdigiina waxaan idinkaga baahanahay sidii aad gacan nooga siin lahaydeen howlaha lagu horumarinayo Hirshabeele”. Ayuu yiri Wasiirka Gaadiidka Hirshabeele.

Wasiir Cabdullaahi Maxamed Rooble ayaa intaasi ku daray in ay rajo wanaagsan ka qabaan in ay gaaraan dhawaan horumaro lamid ah kuwa kajira deegaanada kale oo maamul goboleedyada Dalka,wuxuuna soo hadal qaaday sida laga ma maarmaanka ay u tahay dib u dhiska garoomada Diyaaradaha Hirshabeele.

SNTV oo xarun ku yeelatay Columbus Ohio ee dalka Maraykanka.

SNTV
-
0
SNTV oo xarun ku yeelatay Columbus Ohio ee dalka Maraykanka.

Wasiirka arrimaha dibedda iyo Iskaashiga caalamiga Soomaaliya Axmed Ciise Cawed , oo howlo shaqo u jooga Dalka Maraykanka ayaa booqasho ku tagay xarunta cusub ee uu Taleefishinka Qaranka Soomaaliyeed ka furtay Magaalada Columbus Gobolka Ohio ee dalka Maraykanka.

Wasiirka ayaa ugu horreyn kulan la qaatay shaqaalaha xarunta Taleefishinka Qaranka ee Columbus, wuxuuna bogaadiyay shaqada ay halkaasi ka wadaan iyo dhabar adayga ay muujiyeen muddadii dheerayd ee ay howshani ku guda jireen iyo dedaallada dheeriga ah ee ay muujiyeen.

Mudane; Cawed oo noqonaya Wasiirkii ugu horreeyay ee ka hadla TV-ga Qaranka ee Columbus ayaa sheegay inay sharaf weyn u tahay inuu la kulmo furitaanka xaruntan cusub, wuxuuna ku cel celiyay inay ammaan iyo xusuusba mudan yihiin shaqsiyaadkii sida mutadawacnimada ah isugu howlay hirgelinta mashruucan.

Qaar ka mid ah jaaliyadda Soomaaliyeed ee ku nool gobolka Ohio ee Dalka Maraykanka ayaa iyana si weyn usoo dhoweeyay furitaanka xarunta cusub ee TV-ga Qaranka Soomaaliyeed, waxanay si gaar ah ugu mahad celiyeen dhallinyaradii dedaalka dheer ku bixisay hirgelinta xaruntan.

TV-ga qaranka Soomaaliyeed ee Gobolka Ohio ayaa xarun la’aan iyo duruufo adag kusoo shaqaynayay muddo Toddoba sana ah, balse waa markii ugu horreeysay ee uu halkaasi ku yeesho xarun ballaaran oo daboosha baahiyaha warbaahinta qaranka Soomaaliyeed ee Gobolkaasi oo dhan.

Wasaaradda Caafimaadka XFS oo gaadiidka gargaarka deg dega ah ku wareejisay qaar kamid ah Isbitaalada Muqdisho

SNTV
-
0
Wasaaradda Caafimaadka XFS oo gaadiidka gargaarka deg dega ah ku wareejisay qaar kamid ah Isbitaalada Muqdisho

Goobta lagu wareejinayay gaadiidkaan waxaa ku sugnaa Wasiiradda Caafimaadka iyo qorsheynta Xukuumadda Federaalka Soomaaliya iyo Danjireyaasha wadamada Turkiga iyo Qadar, iyaddoo sidoo kale mas’uuliyiinta ay dhagax dhigeen Masjid laga dhisayo gudaha Isbitalka Turkida ee Yarmeli.

Gaadiidka oo gaaraya ilaa 3 baabuurta gargaarka deg dega ah ee Ambulance, ayaa loogu talagalay qaar kamid ah xarumaha  bixiya adeegyada caafimaad sida hay’adda Amiin Ambulance iyo Isbitalka Turkiga ee Yerdmili, sida uu faah faahinayo Nuur Xaji Cali oo ku hadlayay magaca hay’adda Qadar Charity.

Wasiirka caafimaadka Xukuumadda Federaalka Soomaaliya Marwo Fowsiyo Abiikar Nuur oo gaadiidkasi guddoonsiisyay hay’addihii loogu talagalay ayaa uga mahadcelisay Hay’adda  Qadar Charity isgarabtaageeda shacabka Soomaaliyeed.

1...1,3501,3511,352...1,712Page 1,351 of 1,712

© 2023 Telefishinka Qaranka Soomaaliyeed