Search
Subscribe
Home Blog Page 1325

shirkadaha duulimaadyada oo soo dhaweyay qorshaha ay wasarada duulista kula soo wareegtay arimaha xujeyda

SNTV
-
0
shirkadaha duulimaadyada oo soo dhaweyay qorshaha ay wasarada duulista kula soo wareegtay arimaha xujeyda

Mas’uuliyiinta shirkadaha ka shaqeeya duulimaadyada ayaa soo dhaweeyay qorshaha ay wasaaradda Awqaafta iyo arrimaha Diinta ee X. F. Soomaaliya kula soo wareegtay maamulka arrimaha xujeeyda iyo Cumrada, kaddib kulan ay maanta ku yeesheen magaalada Muqdisho oo loga hadlayay arimaha xujeyda.

Xildhibaan C/raxmaan Xaaji Ibbi oo ka hadlay kulanka ay soo qabanqaabiyeen mas’uuliyiinta shirkadaha diyaaradaha ayaa ku ammaanay madaxda dowladda Federaalka Soomaaliya dadaalka ay ku bixiyeen dib ula soo wareegidda maamulka arrimaha Xajeyda mudo 27-sano kaddib, waxa uuna ku bogaadiyay shirkadaha ka shaqeeyo arimaha xajka in dowlada ay la shaqeeyaan.

Sidoo kale Xildhibaan C/casiis “Dhegaqool’ oo isna ka kadlay kulankaasi ayaa sheegay in shirkadaha diyaaradaha ay ayideen qorshaha wasaaradda ay ku maamuleyso arrimaha Xujeyda, isagoo xusay in wadashaqeynta wasaaradda iyo shirkadaha diyaaradaha ay xujeyda u fududeyndoonto gudashada waajibaadka Xajka ee sanadkan.

Waa sanadkii koobaad ee 27 sano kaddib ay dowladda Federaalka Soomaaliya dib ula soo wareegto maareynta arrimaha Xajeyda, taasina waxey ku timid dadaal dheeraad ah oo taabbagelinta arrintaasi ku bixiyeen madaxda dowladda jamuuriyada Soomaaliya.

war murtiyeed laga soo saaray shirka hormarinta ganacsiga deegaanada Galmudug

SNTV
-
0
war murtiyeed laga soo saaray shirka hormarinta ganacsiga deegaanada Galmudug

Shir looga hadlayay horumarinta Ganacsiga deegaannada Galmudug oo muddooyinkii dambe ka socday Magaalada Dhuusamareeb ayaa lagu soo gabagabeeyay Magaaladaasi, kaasi oo ka qeybgaleen ganacstada Gobolka Madax ka tirsan Maamulka Galmudug.

Tababar ku saabsan sare u qaadidda tayada howlaha maamulka oo u furmay qaar kamid ah shaqaalaha Wasaaradda Arrimaha Dastuurka

SNTV
-
0
Tababar ku saabsan sare u qaadidda tayada howlaha maamulka oo u furmay qaar kamid ah shaqaalaha Wasaaradda Arrimaha Dastuurka

Tababarkan ayaa ka kooban qaybo kala duwan oo ay kamid yihiin hawlaha maamulka, qorsheeynta, isticmaalka Tiknoloojiyadda iyo qoraalka warbixinada oo intaba muhiim u ah Geedi-socodka dib-u-eegista Dastuurka oo ay Wasaaradda hogaamineyso.

Wasiir Ku-Xigeenka Wasaaradda Mudane Dr. Xuseen Cabdi Cilmi oo tababarka furay ayaa shaqaalaha ku dhiirageliyay in ay ka faa’ideystaan fursadda ay heleen.

“Waxaan idinku dhiiragelinayaa inaad si wanaagsan ugu faa’ideysataan tababarkan muhiimka u ah hawlaha ay Wasaaradda u hayso dalka. Wasaaradda marwalba waxaa ka go’an in waajibaadka saran ay sida ugu wanaagsan u gudato tallaabadan ayaana u ah cadeeyn maadaama marka aad tababarka dhameysataan ay horseedi doonto ka guul gaarista hawsha ballaaran ee naga horeysa” ayuu yiri Mudane Xuseen Cabdi Cilmi.

Ugu dambayn, tababarkan ayaa ah mid lagu tayeeynayo islamarkaana kor loogu qaadayo Kheyraadka Aadamiga ah ee ay Wasaaraddu heysato si guul looga gaaro arrimaha dib-u-eegista Dastuurka.

Shirka wadatashiga wasaarada warfaafinta iyo warbaahinta madax banaan oo ka furmay garoowe

SNTV
-
0
Shirka wadatashiga wasaarada warfaafinta iyo warbaahinta madax banaan oo ka furmay garoowe

Wajiga labaad Shirka Wadatashiga Wasaaradaha Warfaafinta ee Dowladda Fedaraalka Soomaaliya iyo dowladaha xubnaha ka ah maamulka Gobalka Banaadir iyo warbaahinta Madaxabanaan ayaa maanta ka furmay magaalada Garowe ee caasimadda Puntland.

Madaxweyne ku xigeenka Dowlad Gobaleedlka Soomaaliyeed ee Puntland Mudane C/xakiin Xaaji Camay ayaa si rasmi ah u furay shirkaan oo socon doona mudo Afar maalin ah.

Madaxweyne ku xigeenka ayaa madaxda ka socota wasaaradaha Warfaafin dowladda Federaalka iyo Dowlad Gobaleedyada kula dardaarmay isku duubni iyo in la sameeyo wacyigalin iyo tababar joogta ah oo ay helaan dhallinyarada Suxufiyiinta.

Shirkaan ayaa mudada uu socdo waxaa looga hadli doonaa iskaashiga iyo horumarinta warbaahinta dalka, sida uu sheegay sii haayaha xilka wasiirka wasaaradda warfaafinta Soomaaliya Mudane C/rixmaan Iidaan Yoonis.

Wasiirka Gaashaandhiga xukumada soomaaliya oo shaaciyay ciidamada Imaaraadka tabaray in dowlada la wareegtay

SNTV
-
0
Wasiirka Gaashaandhiga xukumada soomaaliya oo shaaciyay ciidamada Imaaraadka tabaray in dowlada la wareegtay

Wasiirka Gaashaandhiga Xukuumadda Soomaaliya Mudane Maxamed Mursal Sheekh C/raxmaan ayaa sheegay in Ciidamada ay tababarka siisayaan Dowlada Imaaraadka si buuxda ula wareegi doonto Dowlada Soomaaliya, waxaana uu sheegay in qorshahooda la diyaariyay isla markaana lagu kala dari doono Guutooyinka Ciidanka Xoogga dalka uu leeyahay.

“Dowlada Soomaaliya guud ahaan ciidamada oo dhan xil ayaa ka saaran Ciidamada Imaaraadka tababaray qorshahooda waa la diyaariyay, Numberadooda waa la diyaariyay haduu alle yiraahdo Guutooyinka ayaa lagu kala dari doonaa, dowlada Soomaaliya ayaana la waraageysa, waxaana lagu aadin doonaa Munaasabada dabaal daga 12April”. Ayuu yiri Wasiirka.

Mudane Maxamed Mursal Sheikh C/raxmaan ayaa tilmaamay in Dowlada Soomaaliya ay masuuliyad ka saaran tahay Xaquuqda dhamaan Ciidanka, ayna waajib ku tahay inay bixiso Mushaaraadkooda, isagoo u mahad celiyay Dowlada Imaaraadka.

“Anaga ka dowlad ahaan waajibkeena waxa waaye inaan kaafaalad qaadno inaan ciidankeena mushaar siino masuuuliyadeena maaha inaan dad kale ku dhibno, waan kaga mahad celineynaa dowlada Imaaraadka Tababarka ay siiso ciidamadeena iyo garab istaaga hagar la’aanta ah”

Wasiirka Gaashaandhiga Xukuumadda Soomaaliya  ayaa sheegay in Ciidanka Xoogga dalka ay diyaar garow ugu jiraan u dabaal daga sanad guudara 58-aad ee aas aaska Ciidanka Xoogga dalka oo ku began Maalinta beri ah oo Taariikhda ay tahay 12-April, waxaana uu sheegay in ciidanka ay sameyn doonaan Dhoola tus iyo Tababar.

 

Gudoomiyaha Gobalka Banaadir oo kulan la qaatay duqa magaallada Ankara

SNTV
-
0
Gudoomiyaha Gobalka Banaadir oo kulan la qaatay duqa magaallada Ankara

Guddoomiyaha oo dalka Turkiga kulamo kula qaadanaya qaar ka mid ah Maamullada Degmooyinka iyo Gobollada dalkaas ayaa sheegay in qorshuhu uu yahay sidii Degmooyinka Gobolka Benaadir ay uga faaiideysan lahaayeen khibradaha shaqo ee dhiggooda dalka Turkiga iyo sidii loo soo gaarsiin lahaa aaladaha casriga ah ee ay adeegsadaan Dawladaha Hoose ee dalkan.

“Duqa magaalada Ankara, waxaan u bandhignay qorsheyaasha aan doonayno in ay si dhow noogala shaqeeyaan oo ay ka mid tahay casriyeynta shaqada iyo adeegyada Dawladaha Hoose, annaggoo xoogga saareyna hannaanka baahinta adeegyada asaasiga ah iyo qorshayaasha la xiriira faya dhowrka.”

Sidoo kale, Guddoomiyaha Gobolku ayaa uga warbixiyey dhiggiisa magaalada Istanbuul oo ay wehlinayaan qaar ka mid ah ganacsatada dalkaas, fursadaha maal gashi ee ka jira Gobolka Benaadir iyo sida shacabka Soomaaliyeed ay ugu kalsoonyihiin hannaanka maal gashi ee shirkadaha iyo ganacsatada dalka Turkiga.

Kulankan waxaa ku weheliyey Guddoomiye Yarisow, Safiirka Soomaaliya u fadhiya dalka Turkiga Mudane Jaamac Cabdullaahi Caydiid Guddoomiye Kuxigeenka Arrimaha Bulshada Gobolka Benaadir Marwo Basmo Caamir Axmed Qaar ka mid ah ganacsatada Soomaaliyeed iyo xubno ka tirsan Maamulka Gobolka Benaadir.

sii hayaha wasiirka warfaafinta xukumada soomaliya oo garoowe shir warbaahinta madaxa banaan ka qeyb galaayo

SNTV
-
0
sii hayaha wasiirka warfaafinta xukumada soomaliya oo garoowe shir warbaahinta madaxa banaan ka qeyb galaayo

Wafdigaan, ayaa  waxaa qeyb ka ahaa Xildhibaano ,Bahda warfaafinta Soomaaliyeed sida wasaaradaha warfaafinta Maamul Gobaleedyada dalka ,Madaxda warbaahinta dowlada iyo ururada saxaafadda ee Madaxa Banaan, uuna Horkacayay siihayaha wasiirka warfaafinta  Dhaqanka iyo Dalxiiska Dowladda Federaalka ah ee Soomaaliya Mudane C/raxmaan Iidaan Yoonis, waxaana ku soo Dhoweeyayay Garoonka diyaaradaha ee Kanoco Madaxda wasaaradda warfaafinta Puntland ,wasiiro iyo xunba Kala duwan,  waxayna Garoowe kaga qayb gali Doona shirkii labaad ee bahda warfaafinat Soomaaliyeed oo Garoowe ka furmi Doona .

Mudane C/Xirsi Cali Qarjab wasiirka warfaafinta is gaarsiinta Hidaha iyo dhaqanka  Dowlad goboleedka Puntland, ayaa ku soo dhoweeyay Madaxdaani kala duwan Puntland, xusayna in uu Garoowe ka furmi doono shir u Muhiim ah bahda warfaafinta iyo Bulshada Soomaaliyeed.

Sii hayaha wasiirka warfaafinta Dhaqanka iyo Dalxiiska Dowlada Federalka ah ee Soomaaliya ahna wasiir ku xigeenka wasaraadaasi Mudane C/rixmmaan Iidaan Yoonis, ayaa ka Mahad celiyay Soo dhowaynta Garoowe loogu sameeyey,  siina raaciyay in uu Garoowe ka furmi Doono shirkii Labaad ee ay yeelan Doonaan Bahda Warfaafinta Soomaaliyeed, kaasi oo daba socda shir sanad ka hor la qabtay.

Shirkaan ayaa lagu wadaa in uu socdo Muddo afar barri ah, kaasi oo ay yeelan doonaan Madaxda ka qayb galaysa shirkaani Doodo ,wada tashiyo iyo kulama gaar gaar ah oo loogaga arinsanayo Horumarinta iyo iskaashiga wasaarada warfaafinta Dowlada Federalka ah ee Soomaaliya iyo wasaaradaha warfaafinta ee Maamul gobaleedyada dalka iyo horumarinta warbaahinta dalka.

Madaxweynaha Soomaliya oo mudane jawaari ugu mahadceliyay go’aanka geesinimada ah ee uu qaatay

SNTV
-
0
Madaxweynaha Soomaliya oo mudane jawaari ugu mahadceliyay go’aanka geesinimada ah ee uu qaatay

Madaxweynaha Jamhuuriyadda Federaalka Soomaaliya Mudane Maxamed C/llaahi Farmaajo iyo Guddoomiyaha Golaha Shacabka Baarlamaanka ee xilka ka siidagaya Maxamed Sheekh Cusmaan Jawaari ayaa  shir jaraa’id ku qabtay goor dhow madaxtooyada Soomaaliya.

Maxamed Sheekh Cismaan Jawaari ayaa sheegay inuu xilka ka degi doono maalinta berri, si uu amaanada dib ugu celiyo xubnaha Golaha Shacabka ee horay u soo doortay, isagoo si rasmi ah u cadeeyay inuu iscasilay.

“waxaan rabaa hor iyo horaan inaan mahad gaara u jeediyo Shacabka Soomaaliyeed, kana raali galiyo maalmahaan murugtii iyo walwal maalmahaan nasoo maray oo adkeysiga ay u yeesheen waxaana ku wargalinayaa inay arintaasi dhamaatay, waxaan aad u tixgaliyay talooyinkii badnaa ee iga soo gaarayay sidaas ayaana go’aan ugu gaaray in aan xil heyntii golaha shacabka Berito oo Arbaco ah inaan xilkaasi iyo amaanadaasi aan ku celiyo golaha shacabka oo ii dhiibtay”.

Madaxweynaha JF Soomaaliya Mudane Maxamed C/llaahi Farmaajo ayaa uga mahad celiyay go’aanka uu qaatay Mudane Maxamed Sheekh Cismaan Jawaari, isagoo sheegay inuu dalka wax badan u soo qabtay muddo 50-sano ah uu usoo dadaalayay.

“waxaan rabaa inaan u mahad celiyo Mudane Maxamed Sheekh Cismaan Jawaari oo dalkaan wax badan usoo qabtay mudo 50-sano uu shaqeynayay, Mudane waa oday Soomaaliyeed waa khabiir dhanka Sharciga ah, go’aanka uu qaatay waa mid sharci wax shuruud ah oo ku xiran ma jiraan, waxaan ku dhiiri galinayaa inuu halkaasi kasii wado dadaalada uu ku bixiyay Dowladnimada Soomaaliyeed”.

Madaxweyne Farmaajo ayaa Xukuumadda Soomaaaliya iyo Baarlamaanka usoo jeediyay inay laba jibaaraan dadaalka ay wadaan maadaama ay horyaalaan howlo culus.

“Xukuumadda waxaan farayaa inay dadaalka laba jibaarto maadaama ay horyaalaan howlo culus oo ay ka mid yihiin sugida amniga iyo horumarinta dhaqaalaha dalka, Baarlamaanka waxaan usoo jeedinayaa inay dardargaliyaan Hindise sharciyeedyada oo xukuumada ay usoo gudbisay oo ahmiyad weyn u leh dalka, waxaan kaloo aan ugu baaqayaa Baarlamaanka inay kor joogto ku sameeyaan Xukuumadda iyo laamaha amaanka, waxaan shacabka Soomaaliyeed ugu baaqayaa inay la shaqeeyaan hay’addaha amaanka’’ayuu yiri Madaxweyne Farmaajo.

Cutubyo ka tirsan Ciidanka xoogga dalka oo tababar logu soo xiray Magaallada Muqdisho

SNTV
-
0
Cutubyo ka tirsan Ciidanka xoogga dalka oo tababar logu soo xiray Magaallada Muqdisho

Cutubyo ka tirsan ciidanka xoogga dalka oo Muddo Seddex Bilood ah Tababar Ciidan ku qaatay Dugsiga Tababarka ee Turki Som ayaa maanta waxaa Tababarka usoo xeray Taliyaha Ciidanka Xoogga Dalka S/gaas C/wali xuseen Jaamac (Gorod)

Munaasabad Ballaaran oo ciidamadaan tababarka loogu soo xerayay ayaa waxaa ka qeyb galay Taliyaha ciidanka xoogga dalka, Safiirka Dowlada Turkiga u jooga Soomaaliya, wakiilka qaramada Midoobay ee Soomaaliya, Saraakiil ka Tirsan ciidanka Xoogga Dalka iyo Tababarayaal Turki ah.

Taliyaha ciidanka xoogga dalka Soomaaliya S/gaas C/Wali Jaamac Xuseen Gorod, ayaa Baaq u diray Dowladaha taageera Soomaaliya, isaggoona ugu baaqay in ay ka qeyb qaataan dhismaha Ciidamada xoogga dalka.

General C/weli Jaamac Xuseen(Gorod), ayaa waxa uu sidoo kale sheegay in ciidamadaan maanta uu u dhammaaday tababarka ay u tababaran yihiin dhanka dhulka, isla markaasine ay dowladda Turkiga u dhameestirtay qalabka ay ku howlgali lahayeen.

Muddo seddex bilood ah ayay ciidamadaani tababar ku qaateen Xarunta Dugsiga Tababarka Turki Som, waana Dufcadii labaad ee ka qalin jabisa Xarunta Dugsiga Turki Som.

Ciidanka Xoogga Dalka oo howlgal ballaaran ka bilaabay G/Shabeelada Dhexe

SNTV
-
0
Ciidanka Xoogga Dalka oo howlgal ballaaran ka bilaabay G/Shabeelada Dhexe

Howlgal ballaaran oo ka dhan ah Maleeshiyada Alshabaab ayaa ka bilwoday deegaanno ka tirsan Gobolka Shabeelada Dhexe,iyadoo waqtiyadii ugu dambeeyey Ciidamo ka tirsan Xooga Dalka iyo kuwa AMISOM ay fariisimo military ka sameystay deegaanno dhowr ah oo u dhaxeeya magaalooyinka Balcad iyo Jowhar ee Gobolkaasi.

Goobaha ay ciidamadaasi saldhigyada ka sameysteen waxaa kamid ah deegaanada Gololey iyo Haanshiikh oo kamid ah goobaha ay ku dhuumaalaysanayeen Maleeshiyada Alshabaab,Sida uu soo sheegayo wariyaha warbaahinta Qaranka ee Jowhar Abuukar Maxamed Bacaadle oo la xiriiray qar kamid ah saraakiisha Xooga Dalka oo howlgalkaasi hogaaminaysa.

Saraakiisha ayaa ujeedka ay ciidamadaasi fariisinka uga sameysteen halkaasi ku sheegay in ay tahay ka hortaga dhibaatooyinka Alshabaab ay ka geystaan waddooyinka inta lagu guda jiro safarka,kuwaasi oo shacabka ku dhibaateeya qaraxyada dhulka lagu aaso iyo weeraro gaadmo ah.

Muddooyinkii ugu dambeeyey waxaa soconayay qorshayaal iyo dadaallo ku aadan sidii loo sifeyn lahaa waddooyinka ay ku sugan yihiin argagixisada Alshabaab.

Howlgaladani military ayaa waxbadan ku soo kordhin kara sidii looga hortagi laha qataraha Maleeshiyaadka Alshabaab ay u soo maleegaan dadka Shacabka ah,waxaana arintani ku timid kulamo wadatashiyo ah oo horey u dhexmaray maamulka Hirshabeele,saraakiisha Ciidanka Xoogga Dalka iyo kuwa AMISOM.

1...1,3241,3251,326...1,710Page 1,325 of 1,710

© 2023 Telefishinka Qaranka Soomaaliyeed