Search
Subscribe
Home Blog Page 1153

Taliyaha Ciidanka Xoogga oo ka qeyb galay Shir weyne u dhaxeeyey Talisyada Ciidanka Africa iyo Mareykanka.

SNTV
-
0
Taliyaha Ciidanka Xoogga oo ka qeyb galay Shir weyne u dhaxeeyey Talisyada Ciidanka Africa iyo Mareykanka.

Magaaladda Abuja ee dalka Nigeria, ayaa waxaa lagu soo gabo gabeeyey shir weyne socday muddo seddex maalin ah, kaasi oo u dhaxeeyey Talisyadda Ciidanka difaaca Qaaradda Africa iyo Dawladda Mareykanka, waxaana Soomaaliya shirkaasi uga qeyb galay Taliyaha Ciidanka Xoogga dalka, Sarreeye gaas C/wali Jaamac Gorod.

Shirka, ayaa intii uu socday waxaa looga hadlay Xoojinta wada shaqeynta ka dhaxeysa Talisyadaasi, siddii ay isku dhaafsan lahaayeen qibradaha, tababarada dhanka ciidanka  iyo arrimo kale.

Taliyaha Ciidanka Xoogga dalka, Sarreeye gaas C/wali Jaamac Gorod, ayaa intii uu ku sugnaa Magaaladda Abuja ee dalka Nigeria, ayaa  kulmo gooni gooni ah waxa uu la yeeshay Madax ay ka mid yihiin Kaaliye ku xigeenka Xoghayaha Arrimaha Dibadda Mareykanka ee u qaabilsan Africa Ambassador Stephanie S. Sullivan iyo taliye ku xiggeenka Taliska Mareykanka ee Africom.

Madaxda labada dhinac, ayaa  kawada hadlay arrimo ay ka mid ahaayeen Taageeridda Ciidamada Xoogga Dalka,  kordhinta Dagaalka ka dhanka ah Argagixisada Alshabaab, siddii looga Caawin lahaa dawladda Soomaaliya Dib u dhiska Ciidanka Xoogga Dalka iyo Wanaajinta Xiriirka Milatary ee ka dhaxeeya Soomaaliya iyo Mareykanka.

Shir lagu diyaarinayo Istiraatiijiyadda Waxbarashada Madaniga oo muqdsisho lagu soo gabagabeeyay

SNTV
-
0
Shir lagu diyaarinayo Istiraatiijiyadda Waxbarashada Madaniga oo muqdsisho lagu soo gabagabeeyay

Wasiir ku xigeenka Wasaaradda Arrimaha Dastuurka ee Xukuumadda Federaalka Soomaaliya AVV Xuseen Cabdi Cilmi ayaa maanta Muqdisho ku soo xiray shir afar maalin socoday oo lagu diyaarinayay Istiraatiijiyadda Waxbarashada Madaniga, Wacyigelinta Dadweynaha, iyo Latashiyada Dadweynaha ee dib-u-eegista Dastuurka.

Shirkaan ayaa waxa ay ku barteen marti sharaftii ka soo qeyb gashay sida ay ugu shaqeysan karaan tiknoolajiyada hormarsan.

gabagabadii ayaa wasiir ku xigeenka wasaaradda dastuurka soo xiray shirkii muda afarta malmood socda, waxa uuna u mahadceliyay martida sharafta ka soo qeyb gashay ugu danbeeyna wuxuu ugula dardaarmay in shacabka ay aqristaan dastuurka dalka.

wasaaradda dastuurka dalka ayaa ku howlan sidii loo hormarin lahaay dastuurka dalka.

Gudiyada Dastuurka dalka oo warmurtiyeed soo saaray

SNTV
-
0
Gudiyada Dastuurka dalka oo warmurtiyeed soo saaray

Madasha gudiyada dastuurka ee baarlamaanada  heer federaal iyo heer dowlad goboleed ayaa waxaa laga soo saaray war murtiyeed waxaana ka soo qayb galay siihayaha gudoomiyaha golaha shacabka baarlamaanka federaalka soomaaliya ahna ku xigeenka kowaad ee barlamaanka abdiwali sheekh ibraahim.

Maxamuud Maxamed Ibraahin Goodir oo ah xubin ka tirsan gudiga la socodka dastuurka ayaa madasha ka aqriyay war murtiyeedka kulankii labada maalmood u socday gudiyada.

Cabdi Xasan Cawaale qaybdiid oo ah mudane ka tirsan Aqalka sare ahna gudoomiyaha gudiga la socodka dib u eegista iyo hirgalinta dastuurka Barlamaanka Federalka Soomaliya, gudoonada labada aqal baarlamaanka fedraalka soomaaliya, dowlad goboleedyada, ganacsatada ayaa shacabka ka codsaday in ay garab ku siiyaan dib u eegista dastuurka

siihayaha gudoomiyaha golaha shacabka baarlamaanka federaalka soomaaliya ahna gudoomiye ku xigeenka kowaad ee barlamaanka soomaliya  Cabdiwali ibraahim sheeq muudey ayaa ka mahadceliyay howsha la qabtay isagoo dhinaca kalena kula dar daarmay inay u dhabar adeegaan dhamaystirka dastuurka

Toddobo xubnood oo ka kala socda gudiyada dastuurka dowlad goboleedyada,gudiga madaxa banaan ee hirgalinta dastuurka, gudiga la socodka dib u eegista iyo hirgalinta dastuurka BFS iyo gudoomiyayaasha baarlamaanada dowlad goboleedka ayaa  Madasha ku kala saxiixday  sidii ay uga wada shaqayn lahaayeen dib u eegista dastuurka oo u baahan dhameystir in lagu sameeyo.

 

Golaha Wasiirada XFS oo ansixiyay qodobo muhiim ah

SNTV
-
0
Golaha Wasiirada XFS oo ansixiyay qodobo muhiim ah

Shirkii Caadiga ahaa ee Gollaha Wasiiradda oo uu shir-guddoominayay Ra’iisul Wasaaraha Xukuumadda Federaalka Soomaaliya Mudane Xasan Cali Khayre, ayaa maanta looga hadlay Hubinta Tirakoobka Shaqaalaha Rayidka ah ee Dawladda, Xaaladda kala guur ee ciidamada AMISOM. Sidoo kalena waxaa lagu ansixiyay Tubta Arrimaha Bulashada iyo xeer Mamnuucya jarista dhirta iyo dhoofinta Dhuxusha, iyada oo warbxino kala duwan laga dhagaystay qaar ka mid ah Wasiiradda.

Ugu horayn madaxda Wasaaradda Amniga Gudaha ayaa gollaha ku soo bandhigay warbixin ku saabsan xaaladda amni ee dalka gaar ahaan caasimadda Muqdisho, waxayna sheegayn in ammaanku uu meel fiican marayo ciidamaduna ay ku howlan yihiin sidii loo sii xoojin lahaa dar-dargalinta nabadda.

Wasiirka Shaqada iyo Shaqaalaha Soomaaliya Mudane Saalax Axmed Jaamac, ayaa ka warbxiyay barnaamij lagu tiro koobaya shaqaalaha Rayidka ah ee dawladda, kaas oo fududayn doona la socodka iyo horumarinta xirfadeed ee shaqaalaha. Waxuuna Wasiirku tilmaamay in tirokoobka laga bilaabayo xafiiska Ra’iisul Wasaaraha ka dibna loo gudbayo dhammaan Wasaaraddaha iyo hay’addaha kale ee dawladda.

Wasiir Saalax ayaa cadeeyay in shaqaalaha loo qaybin doono labo hab oo kala ah shaqaalaha ka diiwaan gashay Gudigga shaqadda iyo shaqaalaha ee dawladda iyo shaqaalaha ku meel gaarka ah ee aan u diiwaan gashanayn dawladda, si loo helo xog dhamaystiran oo ku saabsan shaqaalaha.

Ugu dambayntii Gollaha Wasiiradda ayaa ka dooday ansxinta Tubta siyaasadda ee Arrimaha Bulashada oo ay ku midaysan yihiin dhammaan hay’adaha dawladda iyo xeer mamnuucaya jarida dhirta iyo dhoofinta dhuxusha, dood iyo falanqayn dheer ka dib gollohu waxuu isla gartay in la ansixiyo labadan Hindise Sharci oo baahi badan uu dalku u qabo.

 

 

Kooxo hubeysan oo Ganacsato Soomaaliyeed ku dilay Koonfur Afrika.

SNTV
-
0
Kooxo hubeysan oo Ganacsato Soomaaliyeed ku dilay Koonfur Afrika.

Kooxo burcad ah oo aan heybtooda la garaneyn ayaa xalay weerar ku qaaday goob Ganacsi oo ay muwaadiniin Soomaaliyeed ku lahaayeen dalka Koonfur Africa,waxayna weerarkaasi ku dileen hal ruux halka saddex kale ay ku dhaawaceen.

Weeraradaan oo ahaaa kuwa siyaabo kala duwan ay u qaadeen kooxda burcadda ayaa waxaa ay ka kala dhaceen xaafadaha kala ah Oronjo Farm ee hoos timaada magaalada Johannesburg iyo magaalada Pretoria ee caasimadda dalka Koonfur Afrika.

Calas Axmed Xasan oo dhacdada koowaad gooob joog u ahaa ayaa Warbaahinta Qaranka u sheegay in kooxda soo weerartay ay ahaayeen ilaa afar ruux oo hubeysan kuwaasi oo marka ay goobta ganacsiga soo galeen xabado ku dhuftay marxuumka geeriyooday, kadibna ay dhaawac iyo jirdilo u geystay laba ruux oo kale ayaga oo markaasi ka dibna ka qaatay lacago iyo kaararka teleefanada lagu shubto.

Alle ha u naxariisteen Maxamed waxaa uu noqonayaa muwaadinkii labaad ee Soomaali ah oo lagu dilo goobtiisa Ganacsiga todobaadkaan gudihiisa,sida ay sheegeen dhalinyarada Ganacsiga ku heysata xaafada uu weerarka ka dhacay.

Arrintaan ayaa noqoneysa mid wallaac ku abuurta Ganacsatada Soomaaliyeed ee dalka Koonfur Africa gaar ahaan dhalinyarada ku ganacsatada Xaafadda Oronjo Farm ee hoos timaada magaalada Johannesburg.

Gudoomiyaha dhalinyarada Soomaalida e dalkaan Koonfur Afrika Maxamed Cumar talyaani ayaa sheegay in todoabaadkaan gudahiiisa dalka Koonfur Africa lagu dilay laba ruux oo Soomaali ah ayadoo tirada dhaawacana ay gaareyso ilaa iyo lix ruux oo Soomaali ah.

Ciidamada Police-ka ayaa tagay goobaha falalkaan ay ka dhaceen waxaana ay halkaasi ka sameeyeen baritaano la xariira sidii gacanta loogu soo dhigi lahaa kooxahii falalkaan ka dambeeyay.

By C/laahi Maxamuud Amiin.

C/laahi Qorshe

Johannesburg-South Africa.

AMISOM oo tababar ku saabsan arrimaha bini-adanimada ku qabatay magaalada Jowhar.

SNTV
-
0
AMISOM oo tababar ku saabsan arrimaha bini-adanimada ku qabatay magaalada Jowhar.

Howlgalka Midowga Afrika ee Soomaaliya (AMISOM) ayaa tababar hal maalin ah magaalada Jowhar xarunta maamulka Hirshabeelle ku qabatay,kaasi oo si aad ah diirada loogu saarayo qawaaniinta qaabilsan Arrimaha bini-adanimada iyo Milatariga,qeybna ka ah wada xaajood u dhaxeey AMISOM iyo Bulshada rayidka ah.

“Caqabadaha bini’aadanimo waxa ay ku baaqayaan in la kordhiyo isuduwidda iyo wada-xaajoodka u dhexeeya AMISOM iyo la-hawlgalayaasha ka shaqeeya aagagga dib gacanta loogu soo celiyay,” ayuu yiri Abdul Diabagate,oo ah Sarkaalka ugu sareeya howlaha bini-adanimada ee AMISOM.

Doodaha la isku dhaafsanayay tababarka ayaa u muuqday kuwo inta badan diirada saarayay baahida loo qabo in la kordhiyo dhaq dhaqaaqa iyo fududeynta arrimaha bini-adanimada iyo waliba in la kordhiyo isdhexgalka bulshada goobaha ay ka jiraan dhibaaooyinka ba’an iyo masiibooyinka dabiiciga ah.

Tababarka ayaa ujeedkiisu wuxuu yahay dhiira gelinta iskaashiga u dhaxeeya Saraakiisha Xiriirka rayidka ah AMISOM iyo la howl-galayaashooda,waxaana sidoo kale ka qeyb galayaasha la dareensiinayay  muhiimadda ay leedahay ilaalinta Sharciga Caalamiga ah ee Bani’aadamnimada, mabaadii’da bani’aadamnimada iyo Sharciga Qaxootiga Caalamiga ah.

AMISOM ayaa sheegtay in tababarka kan xiga uu ka dhici doono magaalada Baladweyne ee xarunta Gobolka Hiiraan.

Wabiga Jubba oo ku fatahay qeybo ka mid ah Gobolka Gedo.

SNTV
-
0
Wabiga Jubba oo ku fatahay qeybo ka mid ah Gobolka Gedo.

Wararka naga soo gaarayo Gobolka Gedo ayaa sheegaya in Fatahaad uu ka sameeyay Wabiga Jubba degmada Luuq ee Gobolkaasi saameyn ku yeeshay dadka beeraleyda ah ee ku dhaqan degmadaasi.

Biyaha Fatahaada ayaa waxay gabi ahaanba cagta mariyeen dalagyada ay beerteen dadka Beeraleyda ah ee ku dhaqan degmada Luuq.

Qaar ka mid ah dadka Beeraleyda ee dalagyadooda ku waayay Fatahaada uu sameeyay Wabiga Jubba ayaa sheegay iney khasaaro badan ka soo gaartay Fatahaada,islamarkaana ay baabi’iyeen waxyaabihii ay beerteen.

Waxayna intaasi ku dareen dadka beeraleyda ah iney ku shukrinayaan nimcada Alle,waxaa sanadihii ugu danbeeyay dalka saameyn ku yeeshay abaaro dad iyo duunyo badan galaaftay.

Fatahaada uu sameeyay Wabiga Jubba ayaa imaanaya, xilli roobab badan ay ka da’een Gobolka Gedo iyo guud ahaan dalka.

Dhanka kale,Wabiga Shabeelle ayaa ku fatahay xaafado ka tirsan magaalada Jowhar,waxaana socda dadaalo ay wadaan maamulka Hirshabeelle iyo Shacabka oo iskaashanaya si loo xiro buqatada uu ka baxsaday Wabiga.

 

Ku-simaha Duqa Muqdisho oo xarigga ka jaray xarunta cusub Degmada Heliwaa

SNTV
-
0
Ku-simaha Duqa Muqdisho oo xarigga ka jaray xarunta cusub Degmada Heliwaa

Ku simaha Guddoomiyaha Gobolka Banaadir ahna Gudoomiye ku xigeenka 1-aad ee Amniga iyo Siyaaadda Gobolka Mudane Maxamed Cadullaahi Maxamed ( Tuulah) ayaa xariga ka jaray Xarunta Degmadda Heliwaa oo dhawaan Dib u dayactir iyo qurxin lagu sameeyay.

Dib u dayactirka Xarunta Degmada Heliwaa oo ay si isku tashi ah u dhisteen Shacabka iyo Maamulka Degmadaasi ayaa waxaa ku simaha duqa Magaalada uu kula dardaarmay in bulshada ay ilaashadaan goobaha danta guud ee laguu shaqeeyo.

Mudane Tuulax ayaa u balan qaaday in Guddoomiyaha degmada Heliwaa lagu abaal marin doono waxqabadka uu la yimid, isagoo guddoomiyeyaasha kale ugu baaqay inay ku daysadaan Maamulka Degmada Heliwaa oo soo bandhigay isku tashi ay ku guuleysteen inay dib u habeyn ku sameeyaan xarunta degmada.

Dhinaca kale, Xarunta Degmadda Heliwaa ayaa lagu qabtay maanta Shirka isbuuclaha ah ee Guddoomiyeyaasha degmooyinka iyo Maamulka Sare ee Gobolka Banaadir, waxaana looga hadlay shirkaasi sida wax looga qaban karo dhibaatooyinka ay roobabka u geysteyn bulshasa Caasimadda.

Ku-simaha Gudoomiyaha Gobolka Banaadir Mudane Maxamed Tuulax, ayaa sheegay in shirka Degmooyinka maalinba degmo lagu qaban doono.

Xafiiska adeegyada heer degmo ee dowlada hoose oo laga hirgaliyay Deyniile iyo Dharkiinley

SNTV
-
0
Xafiiska adeegyada heer degmo ee dowlada hoose oo laga hirgaliyay Deyniile iyo Dharkiinley

Guddoomiye Ku Xigeenka Maamulka iyo Maaliyadda Gobolka Benaadir Mudane Xuseen Maxamed Nuur ayaa maanta xariga ka jaray xafiisyada Adeegga ee degmooyinka Deyniile iyo Dharkiinleey ee Gobolka Benaadir.

Xafiisyada Adeegga heer degmo ee la hir geliyey ayaa bixin doona adeegyada shatiyada, dhalashada iyo sugnaanta, kaarka aqoonsiga ee dawladda hoose, Nootaayooyinka iyo adeegyada kale ee aasaasiga ah, kuwaas oo markii hore shacabku ay u soo doonan jireen Xarunta Gobolka.

Guddoomiye Ku Xigeenka Maamulka iyo Maaliyadda ee Gobolka Banaadir ayaa sheegay in tallaabadan lagu hirgeliyey xarumahan ay qeyb muhiim ah ka tagay aragtida horumarineed ee Guddoonka Gobolka, isagoona xaqiijiyey in Maamulka Gobolku ay dhawaan ka hirgelin doonaan Xafiiska Adeegga Bulshada dhammaan 17ka Degmo ee Gobolka Benaadir.

“Mudaddi boqolka maalmood ahayd ee Guddoomiye Yarisow uu xilka hayey waxaa noo suurta gashay in aan ka furno todoba degmo oo ka mid ah degmooyinka Gobolka Benaadir xafiisyada adeegga bulshada, taas oo ka tarjumeysa sida ay nooga go’antahay in aan daadajinno adeegyada uu bixiyo Maamulka Gobolku, tani oo meesha ka saareysa culeyska iyo dhibaatada ay kala kulmi jireen shacabku helitaanka adeegyada asaasiga u ah.” Ayuu yiri Guddoomiye Ku Xigeenka Maamulka iyo Maaliyadda.

Munaasabadda furitaanka xarumahan waxaa goob joog ka ahaa Guddoomiyeyaasha Degmooyinka Dayniile, Dharkiinleey iyo Agaasimaha dakhliga Gobolka Benaadir.

Dadka ku nool degmooyinka Deyniile iyo Dharkiinleey ayaa soo dhaweeyey xafiisyadan looga hirgaliyey deegaannadooda iyagoona tilmaamay in ay ka fududeeynayso caqabadihii ay horey ugala kulmi jireen helitaanka adeegyada ay uga baahanyihiin Maamulka.

kulan wadatashi ah logana arinsanaayo hanaanka dhameystirka dastuurka jamuuriyada soomaaliya oo Muqdisho lagu qabtay

SNTV
-
0
kulan wadatashi ah logana arinsanaayo hanaanka dhameystirka dastuurka jamuuriyada soomaaliya oo Muqdisho lagu qabtay

Kulankan wadatashiga ee madasha dastuurka ee baarlamaanada heer federal iyo heer dowlad gobleed ayaa waxaa ku sugnaa gudoomiyaha golaha aqalka sare,gudoomiyayaasha barlamaanada dowlad goboleedyada, gudiyada dastuurka heer federal iyo dowlad goboleed,gudiga madaxa banaan ee dib u eegista iyo hirgalinta dastuurka ,

Madasha waxaa furay Gudoomiyaha golaha aqalka sare baarlamaanka fedraalka soomaaliya mudane cabdi xaashi cabdulaahi ayaa sheegay in arinta loo fadhiyo mudada labada maalmood ee dib u eegista dastuurka ay tahay arin muhiim ah ,,

Aad ayaan ugu faraxsanahay madasha dib u eegista dastuurka ee aad u fadhidaan waxaana haboon in la dhamaystiro dastuurka oo ilaa iyo dhowr iyo toban sano socday ,,

Senatar cabdi xasan cawaale qaybdiid gudoomiyaha gudiga dib u eegista iyo la socodka hirgalinta dastuurka ayaa faah faahin ka bixiyay heerarkii kala duwanaa ee dastuurka uu soo maray.

Maxamed daahir afrax gudoomiyaha gudiga madaxa banaan ee dastuurka ayaa sheegay in ay tahay markii ugu horaysay oo baarlamaanada heer federal iyo heer dowlad goboleed iyo gudoonadooda ay wax iska weydiiyaan arimaha dastuurka.

Gudoonada  baarlamaanada dowlad goboleedyada ayaa gudiyada datuurka iyo wasaarada dastuurka in ay dadajiyaan dastuurka ayna gacan ka siin doonaan sida waajibaadkooda ay u gudan lahaayeen.

Kulankan wadatashiga ee madasha dastuurka ee baarlamaanada heer federal iyo heer dowlad gobleed ayaa waxa uu soconayaa mudo laba maalmood ah.

1...1,1521,1531,154...1,544Page 1,153 of 1,544

© 2023 Telefishinka Qaranka Soomaaliyeed