Search
Subscribe
Home Blog Page 1128

Howlgallo ka dhan ah Maleeshiyada Al-shabaab oo ka socda Jubbaland

SNTV
-
0
Howlgallo ka dhan ah Maleeshiyada Al-shabaab oo ka socda Jubbaland

Kismaayo(SNTV)- Iyadoo ay sii kordhayaan dhibaatooyinka ay Maleeshiyaad Shabaab ku hayaan dadka shacabka ah ayaa waxaa soconaya qorshayaal ku aadan sidii dadkaasi looga dulqaadi lahaa dhibaatooyinkaasi,kuwaasi oo ah howlgallo lagu sifeynayo Alshabaab oo ay wadaan ciidamada Xoogga Dalka iyo kuwa Jubbaland.

Goobaha bartilmaameedka ah ee ugu horeeya ayaa ah deegaanada dhaca dhinaca Waqooyi ee magaalada Kismaayo,sida uu sheegay Taliyaha Ciidamada Daraawiishta ee Dowlada Goboleedka Jubbaland Xasan Maxamed Aadan,wuxuuna intaasi ku daray in dhawaan la qaadayo howlgal safballaaran ah oo ka dhan ah argagixisada Alshabaab.

Shacabka kunool deeganada dhanka Waqooyi ee magaalada Kismaayo ee xarunta Gobolka Jubbada Hoose ayaa cabasho ka muujiyay dhibaatooyin ay kala kulmaan maleeshiyadaasi Alshabaab,kuwaasi oo handadaad ku haya rayidka.

Ciidamada Xoogga Dalka Soomaaliya oo kaa shanaya Saaxiibada Caalamka ayaa howgallo kawada Koonfurta iyo Bartaha Dalka ,iyadoo Howlagalkaasi lagu dilay Horjoogayaal iyo Maleeshiyaad ka tirsan Kooxda Arxan-laawayaasha Jid iyo Jiha Diidka ee Alshabaab.

Ra’iisal wasaare Kheyre oo booqday dadka ay saameynta ku yeesheen Roobabkii ka da’ay

SNTV
-
0
Ra’iisal wasaare Kheyre oo booqday dadka ay saameynta ku yeesheen Roobabkii ka da’ay

Ra’iisal wasaaraha Soomaaliya Mudane Xasan Cali Kheyre ayaa xalay booqasho ugu tagay dadkii ku guryo beelay Roobabkii ka da’ay Muqdisho,kuwaasi oo Maamul Gobolka Banaadir uu dejiyay goobo KMG ah si uu idhihiisa ugu arko xaaladda dadka barakacay iyo gurmadka uu maamul Gobolka wado.

Wasiirka Amniga Xukuumadda Soomaaliya Maxamed Abuukar Isloow,Guddoomiyaha Gobolka Banaadir C/raxmaan Cumar Cusmaan (Injineer Yariisow) iyo Taliyeyaasha Ciidamada ayaa ka qeyb qaadanayay gurmadka dadka lagu keenay goobaha uu ugu talagalay Maamul Gobolka Banaadir in si KMG ah u degaan.

Ra’iisal wasaaraha Soomaaliya Mudane Xasan Cali Kheyre ayaa uga mahad celiyay dhammaan dadka ka qeyb galay gurmadka lagu badbaadinayay dadkaasi saameynta ay ku yeesheen roobabkii da’ay,wuxuuna Ra’iisal wasaaraha mid mid uga xog wareystay dadka soo barakacay xaaladda ay hadda ay ku sugan yihiin,isagoona amray in si deg deg ah wax loogu qabto hooy rasmi ahna la dejin doono.

Dadkan guryahooda ay ka soo barakaciyeen roobabka ayaa waxay isugu jiraan dad da’ah,Haween iyo carruur,kuwaasi oo u nugul dhaxanta iyo dhibicda roobka.

Dhanka kale,Ra’iisal wasaaraha Soomaaliya Mudane Xasan Cali Kheyre ayaa kormeeray waddooyinka halbowlaha u ah isku socodka dadka iyo gaadiidka ay biyaha roobka fariisteen,halkaasi oo ay ka socdaan howlo biyaha looga saarayo oo ay wadaan maamulka Gobolka Banaadir.

Ugu danbeyntii,Mudane Xasan Cali Kheyre,Ra’iisal wasaaraha Soomaaliya ayaa ugu baaqay Shacabka Soomaaliyeed iney ka qeyb qaataan gurmadka lagu badbaadinayo Shacabka Soomaaliyeed oo caasimadda iyo qaar ka mid Gobollada dalka ku kala nool,kuwaasi oo ay saameyn ku yeesheen roobabka iyo fatahaadaha dalka ka jira.

Maamulka Gobolka Banaadir oo ku howlan nadiifinta waddooyinka

SNTV
-
0
Maamulka Gobolka Banaadir oo ku howlan nadiifinta waddooyinka

Magaalada Muqdisho ayaa laba iyo tobankii Saacadood ee la soo dhaafay waxaa ka Socday roobab lixaad leh oo geystay dhimasho dhaawac iyo khasaare hantiyeed saacadihii la soo dhaafay, ayadoo taasi ay sii dheertahay wadooyinka qaarkood oo ay biyo fariisteen.

Maamulka Gobolka Banaadir oo had iyo jeer ka warqaba baahida bulshada Gobalka Banaadir ayaa u istaagay in uu wax ka qabto arrintaasi.

Booyado waa weyn oo loogu tala galay in ay qaadan biyaha fariistay wadooyinka qaar ayaa lagu  arkayay qaar ka mid ah wadooyinka Magalada Muqdisho ayadoo ay ku guuleysteen Maamulka Gobalka Banaadir in ay nadiifiyaan wadooyinka qaar oo hada ku soo laabtay sidii caadiga ahayd.

Agaasimaha Howlaha Guud ee Maamulka Gobalka Banaadir Cabdi Fitaax Cumar Xalane oo ku sugnaa goobaha biyaha ay fariisteen ayaa bogaadiyay Shaqada Maamulka Gobolka Banaadir uu u haayo Umada Soomaaliyeed ayadoo Wadoyinka qaarkood ay noqdeen kuwa aanan la mari Karin isku socodka bulshada Saameyn weyn ku yeeshay,

“Galabta markii meelaha qaar aan ka bilownay shaqada waxay ahayd meelo aanan la mari Karin balse haatan wadooyin badan oo uu xiray roobkii ka socday Magalada Muqdisho Waxaan ku guuleysanay in aan Furno Wadooyinkaasi” ayuu yiri Cabdi Fitaax Cumar Xalane Agaasimaha Howlaha Guud ee Maamulka G/Banaadir oo dhowaan Guddoomiyaha Gobolka Banaadir ahna Duqa Muqdisho Eng,Cabdiraxmaan Cumar Cismaan Yariisow uu u magacaabay xilkaasi.

Xalay marka  Sacadu ay aheyd labadii habeennimo oo daqiiqado dhiman ayaa agasimaha iyo Xubno kale oo ka socda Maamulka Gobalka Banaadir waxaa ay ku sugnaayeen goobaha ay  ka socdeen howlaha nadiifinta wadooyinka biyaha ay fariisteen.

Maamulka maaliyadeed ee wasaaradda howlaha guud oo lagu wareejiyay wasaaradda maaliyadda

SNTV
-
0
Maamulka maaliyadeed ee wasaaradda howlaha guud oo lagu wareejiyay wasaaradda maaliyadda

La wareegitaanka maamulka maaliyadeed ee wasaaradda howlaha guud oo lagu wareejiyay wasaaradda maaliyadda ayaa ka dambeysay markii ay kulan wadatashi ah yeesheen mas’uuliyiinta labad Wasaaradood.

Kusimaha Wasiirka Maaliyadda ahna Wasiiru Dowlaha Mudane Maxamuud Xayir Ibraahim, Wasiir ku xigeenka Maaliyadda Mudane Cabdullahi Sheekh Cali (Prof Qaloocoow) ayaa kulan la qaatay masuuliyiinta Wasaaradda Howlaha guud iyo Dib udhiska Xukuumadda Soomaaliya iyadoona ka wada hadalay la wareegista Wasaaradda Maaliyadda ay la soo wareegtay maamulka Dakhliga ay soo uruuso Wasaaradda Howlaha Guud,tasoo si toos ah ugu dhici doonta Bangiga dhexe ee Dowladda.

Wasaaradda Maaliyadda Xukuumadda Soomaaliya ayaa maamuleysa dhamaan Hey’adaha Dowladda ee Dakhliga sida gaar ka ah u soo xareeya.

Arrinkaan waxa uu daba socda Go’aankii ka soo baxay Shirkii ay wada qaateen R/wasaaraha Soomaaliya Mudane Xassan Cali Kheyre iyo Wasaaradaha iyo Hey’adaha Dowladda ee Dakhliga uruuriya, go’aankaasoo ahaa in dhamaan wixii Dakhli ah ay maamusho wasaaradda Maaliyadda.

Shibis oo dhib la’aan isku diyaarineyso wareegga labaad ee tartan aqooneedka bisha Ramadan

SNTV
-
0
Shibis oo dhib la’aan isku diyaarineyso wareegga labaad ee tartan aqooneedka bisha Ramadan

Muqdisho (SNTV)-Waxaa caawa u ballansanaa tartan aqooneedka bisha barakeysan ee Ramadan Beledweyn & Shibis oo ka kala tirsan goballada Hiiraan iyo Benaadir.

Nasiib xumo  degmada Beledweyn ayaa xilli dambe waxa ay soo jeediyaan cudr daar ah in aysan ka qeyb geli karin tartanka loo ballansanaa  caawa duruufo  jiro awgood, hasa ahaate guddiga tartanka oo hore u dejiyay shuruudo  iyo hab-raacyo loogu tala galay tartanka ayaa sheegay in ay jebiyeen Beledweyn mid kamid ah xeerarka tartanka taasi oo ugu dambeyn guddiga go’aan ku gaareen in dhibcahaas lagu wareejiyo Shibis, sidaasna ay ku hartay degmada Beledweyn ee gobalka Hiiraan.

Sida uu u bilowday tartanka ayaa waxa ay u tahay caawa warbaahinta qaranka  habeenkii ugu horreeyay uu baaqdo, waxaana sidoo kale Shibis ay u noqotay fursad ay kaga baaqsadeen is jii-jiidka cilmiga ah ee garwadeenka ka tahay warbaahinta  qaranka isla markaana uu taaba gelinayo maamulka gobalka Benaadir.

Habeen dambe Boondheere iyo Warta-nabadda ayaa ku ballansan fagaaraha tartan aqooneedka bisha Ramadan.

Beesha caalamka iyo guddiga gurmadka fatahaadyada oo Muqdisho ku wada hadlay

SNTV
-
0
Beesha caalamka iyo guddiga gurmadka fatahaadyada oo Muqdisho ku wada hadlay

Muqdisho, May 20, 2018––Ra’iisul Wasaare Ku-xigeenka xukuumadda Federaalka Soomaaliya, Mudane Mahdi Maxamed Guuleed (Khadar), ayaa maanta shir-gudoomiyay kulan ay Muqdisho ku yeesheen Guddiga Qaran ee Gurmadka Fatahaadaha iyo Beesha caalamka kaas oo looga hadlay sidii loo dar-dar gelin lahaa howlaha gurmadka ee lagu badbaadinayo dadka ay saameeyeen fatahaaduhu.

Kulanka waxaa goob joog ka ahaa wasiirka arimaha gudaha oo xubin ka ah guddiga qaran ee gurmadka fatahaadaha, xubna ka socda Qaramada midoobay, safiirka Ingiriiska ee Soomaaliya, isku dubba Ridaha gargaarka Soomaaliya, ururada Caalamiga ah ee aan dowliga aheyn iyo masuuliyiin ka socota maamul Gobaleedyada.

“Saaka waxaa noo qabsoomay shir heer sare ah oo ay isugu yimaadeen Guddiga Qaran ee Gurmadka Fatahaadaha, bulshada rayidka ah iyo Beesha caalamka. Waxaa looga hadlay sidii loo sii wadi halaa howlaha ay guddigu hayaan. Guul ayuu kusoo dhamaaday”, ayuu yiri Ra’iisul wasaare kuxigeenku.

Shirka oo lagu soo bandhigay dhibaatooyinka ay fatahaaduhu geesteen iyo deegaannada ugu daran ee ay waxyeeleeyeen ayaa intii uu socday waxaa leesta gartay in ay muhiim tahay in la sameeyo qorsha looga hor tegayo soo noqnoqshada dhibaatooyinka nuucaan oo kale ah

Maamulka gobalka iyo hey’adaha amniga oo la wadaagay shacabka khasaarihii ka dhashay roobabkii da’ay.

SNTV
-
0
Maamulka gobalka iyo hey’adaha amniga oo la wadaagay shacabka khasaarihii ka dhashay roobabkii da’ay.

Muqdisho, 20 Maajo 2018 – Duqa Muqdisho Ahna Guddoomiyaha Gobolka Banaadir Mudane Cabdiraxmaan Cumar Cusmaan (Eng. Yarisow) ayaa ka warbixiey xaaladda saameynta roobabkii xalay ilaa iyo maanta ka da’ayey caasimadda Muqdisho.

Guddoomiye Yarisow ayaa sheegay in 6 qof ay ku geeriyoodeen isla markaasna 301 guri ay biyo galeen halka qaar kalana ay dumeen.

Duqa Muqdisho oo warsaxaafadeed ku qabtay xafiiskiisa ayaa yiri “Roobabkii ka da’ayey caasimadda tan iyo xalay oo ahaa nimco rabbaani ah ayaa saameyn ku yeeshay naf iyo maalba. Maamulka Gobolka Banaadir ayaa tan iyo xalay waday gurmad oo dadkii saameynta ku yeelatay la geeyey goobo isla markaasna loo diyaariyey raashin iyo hooy.”

Eng. Yarisow ayaa sheegay inuu warbixin xaalada ka siiyey Madaxweynaha JFS Mudane Maxamed Cabdullahi Maxamed, Ra’iisul Wasaaraha Mudane Xasan Cali Khayre, Wasiirka Amniga iyo Taliyeyaasha ciidanka Qaranka. Ka dibna Madaxda Qaranka ay fareen in gurmadka la labolaabo, iyadoo ciidamada loo diyaariyey inay kaalin ka qaataan gurmadka.

Guddoomiye Yarisow ayaa sheegay in Maamulka G/Banaadir ay wadaan gurmad joogta ah sida biyaha oo laga dhuuqayo goobaha ay fariisteen, dadka loo diyaariyey hooy iyo raashin iyo in dhowaan la guda gali doono nadaafada caasimada si laamiyada burburay loo dayactiro.

Ugu danbeyntii Guddoomiye Yarisow ayaa shacabka ugu mahadceliyey doorkooda ku aadan gurmadka kana codsaday in dadka tabaaleysan loo gurmado

Safaaradda Soomaaliya ee Koonfur Afrika oo deeq gaarsiisay dad danyar ah oo ku nool dalkaasi

SNTV
-
0
Safaaradda Soomaaliya ee Koonfur Afrika oo deeq gaarsiisay dad danyar ah oo ku nool dalkaasi

Johannesburg(SNTV);– Deeqdaan raashinka ah ee la siinayay dadka danyarta ah oo isugu jiray Soomaali iyo ajaanib  kale oo muslimiin ah ayaa waxaa bixineysay safaarada Soomaaliya ay ku leedahay dalka Koonfur Africa waxaana loogu talagalay inay u kaashadaan afurka iyo suxuurta inta lagu guda jiro Bisha Barakeysan ee Ramadaan.

Barnaamijkaan lagu caawinayo dadka danyarta ah ee bixineyso Safaarada Soomaaliya ay ku leedahay dalka Koonfur Afrika,ayaa waxaa goob joog ka ahaa Safiirka Soomaaliya u fadhiya dalka Koonfur Africa Danjire Jamaal Maxamed Barrow iyo Madaxa Amuuraha diinta iyo awqaafta Sheikh Shariif Xamsa, waxaana deeqdaan ka faa’iideystay ku dhawaad shan boqol oo ruux oo ka mid ah dadka danyarta ah ee ku nool magaalada Johannesburg iyo Nawaaxigeeda.

Madaxa Majmaca Culimada Soomaaliyeed ee Dalkaan Koonfur Africa Sheikh Cabdi Xakiim Ismaaciil ayaa safaarada kaga mahad celiyay gargaarkaan lagu caawinayo dadka danyarta ah ee u baahan caawinaada gaarka ah.

Sheikh Shariif Xamsa oo ah madaxa Amuuraha diinta iyo awqaafta ee Safaarada Soomaaliya ku leedahay Dalkaan Koonfur Afrika ayaa ugu baaqay bulshada Soomaaliyeed in ay is caawiyaan maadaama lagu jiro bil barakeysan.

Safiirka Dowlada Soomaaliya u fadhiya dalkaan Koonfur Afrika danjire Jamaal Maxamed Barrow ayaa sheegay in inta lagu guda jiro bisha Barakeysan ee Ramadaan.

Muran badeedka Soomaaliya & Kenya oo wili ku jiro gacanta maxkamadda caalamiga ah ee Hegue

SNTV
-
0
Muran badeedka Soomaaliya & Kenya oo wili ku jiro gacanta maxkamadda caalamiga ah ee Hegue

Muqdisho-(SNTV)-Wasiirka arrimaha dibedda Soomaaliya  Axmed Ciise Cawad ayaa sheegay inuusan jirin wada xaajood ay Kenya kala yeelatay Dowladda Soomaaliya dacwadda Badda ee horay loo geeyey Maxkamadda caalamigaah ee Hegue.

Amb; Cawad ayaa xaqiijiyey inaanu jirin wax wada hadal rasmi ah oo Kenya iyo Soomaaliya ay ka yeesheen in waddo aan Maxkamadda Hegue ahayn lagu xalliyo khilaafka Soohdinta Badda ee Labada Dal ka dhexeeya.

“Kiiska dacwadda Badda ee inaga dhexeeya Kenya, waxa uu inoo joogaa
maxkamadda caalamiga ah ee Hegue, waxaan idiin xaqiijinayaa inaanu
jirin wax intaas ka baddalan oo Kenya na dhex maray, ingoo ixtiraamayna darisnimada naga dhaxaysa” ayuu yiri Mudane Cawad.

Hadalka wasiirka arrimaha dibedda Soomaaliya ayaa jawaab u ah wasiirka arrimaha dibadda Kenya Monica Juma, oo todobaadkan sheegtay inay jiraan wadahal ay madaxda Soomaaliya kala yeesheen arrimaha muranka Badda.

Ciidanka xoogga Dalka oo degaanno badan ka saaray Argagixisada Al-Shabaab

SNTV
-
0
Ciidanka xoogga Dalka oo degaanno badan ka saaray Argagixisada Al-Shabaab

Muqdosho-(SNTV)-Taliyaha Guutada 52–aad ee Ciidanka xoogga Dalka Soomaaliyeed, Janaraal. Axmed Maxamed Maxamuud (Tareedisho) ayaa sheegay inay dileen Malleeshiyaad badan oo ka tirsanaa nabad diidka Al-Shabaab.

Jeneraal;Tareedisho oo u warramayay warbaahinta Qaranka Soomaaliyeed ayaa sidoo kale Sheegey inay howl-aggaladii ugu dambeeyay ee ay ka fuliyeen Gobolka Hiiraan ay ku dileen 168 xubnood oo ka tirsanaa Malleeshiyaadka argagixisada ee Al-Shabab degaanno badanna ay ka saareen.

Weerarrada lagu baacsanayo Al-qaaciddada oo socda tan iyo Bishii Maarso ee Sanadkan oo ahaa kuwo qorshaysan ayaa waxaa lagaga fara maroojiyay Argagixisada degaanno badan oo ay ka mid yihiin, Mubaax, Ceel Cali Axmed, Yasooman iyo Tuulooyin kale.

Waxaa sidoo kale halkaasi lagu gaarsiiyay nabad diidka Al-Shabaab qasaara xooggan, iyadoo dhammaan goobihii laga saaray laga furtay Hub iyo Gaadiid dagaal, iyadoo ay Ciidamada xoogguna ku raad joogaan firxadkooda.

Jeneraal; Tareedisho ayaa sheegay inay Ciidamadu haatan niyad fiican u hayaan dagaalka ay kula jiraan kooxda Al-Shabaab maaddaama ay taakulayn buuxda ka haystaan Dowladda dhexe iyo Shacabka ku dhaqan degaannada ay imminka ku dhuumaalaystaan, Geed kasta iyo goob walba oo ay tagaanna ay uga daba tagi doonaan kana saari doonaan.

1...1,1271,1281,129...1,546Page 1,128 of 1,546

© 2023 Telefishinka Qaranka Soomaaliyeed