Search
Subscribe
Home Blog Page 1080

Madaxweyne Farmaajo oo booqday Isbitaalka Madiina ee Magaalada Muqdisho

Yoonis Duraan
-
0
Madaxweyne Farmaajo oo booqday Isbitaalka Madiina ee Magaalada Muqdisho
SNTV:- Madaxweynaha Jamhuuriyadda Federaalka Soomaliya Mudane Maxamed Cabdullaahi Farmaajo ayaa saakay booqday Isbitaaladda ayaa yaalllan dadka qabah dhawawacayadda si uu ugu kuurgalo xaaladda caafimaad ee dadkii ay waxyeellada kasoo gartay  weerarradii waxashnimada ahaa ee ay argagaxisadu ka fulisay magaalada Muqdisho.
Madaxweyne Farmaajo ayaa markii uu gaaray Isbitaalka waxa uu warbixin faahfaahsan ka dhegaystay Agaasimaha Isbitaalka  Madiina oo u ku hormaray Dr. Maxamed Yuusuf  ayaa  uga warramay xaaladda caafimaad ee ay ku sugan yihiin dadkii qaraxa ku waxyeeloobay.
Madaxweynaha ayaa intii uu ku sugnaa Isbitaalka waxa uu mid mid u dul istaagay bukaannada iyo dhawaacayada lagu daawaynayo Isbitaalka Madiina, isaga oo arkay xaaladdooda caafimaad.
Madaxweyne Maxamed Cabdullaahi Farmaajo ayaa uga mahadceliyey dhakhaatiirtii uu kula kulmay Isbitaalka Madiina shaqada wanaagsan ee ay bulshada Soomaaliyeed u hayaan, isagoona kula dardaarmay in ay sii dardargeliyaan daryeelka caafimaad ee ay u fidiyaan bukaannada qaba dhaawacyada kala duwan.

Guddoomiyaha Golaha Shacabka oo Khudbad ka jeediyay shirka Midowga Baarlamaanada Carabta

Yoonis Duraan
-
0
Guddoomiyaha Golaha Shacabka oo Khudbad ka jeediyay shirka Midowga Baarlamaanada Carabta

Guddoomiyaha Golaha Shacabka ee JFS Mudane;  Maxamed Mursal Sh.C/raxmaan, ayaa qudbad ka jeediyay Shirka 29-aad ee Midowga Baarlamaanada Carabta oo Shalay ka furmay Magaaladda Cammaan ee Dalka Jordan.

Mudane; Mursal, ayaa ugu horeyn u mahad celiyay Boqorka iyo Shacabka Dalka Jordan oo shirka marti geliyay iyo sidoo kale Baarlamaanka Dalkaasi.

Guddoomiyaha ayaa u sheegay madaxda Baarlamaanada Carabta in Soomaaliya horumaro dhinacyo badan leh ay sameysay, inta dhimanna Shacabka iyo Dowladoodda oo iskaashanaaya,

Sidoo kale Wuxuu Dowladaha Carabta uga mahad celiyay dadaalka ay mar walba la garab taaganyihiin Shacabka Soomaaliyeed iyo Dowladdooda.

Guddoomiyaha Golaha Shacabka ee Baarlamaanka Soomaaliya, ayaa qudbaddiisa kusoo gaba gabeeyay dhibaatooyinka kooxaha Argagixisada ah, wuxuuna madaxda shirka ka qeyb galeysa uu la wadaagay hagar-daamooyinka ay kooxaha nabad diidka ku hayaan Shacabka Soomaaliyeed gaar ahaan qaraxyadii ugu dambeeyay ee ay ka geysteen Magaaladda Muqdisho.

Wuxuu sheegay in ay lagama maarmaan tahay in si wadajir ah loo wajaho ciribtirka Malleeshiyaadka Argagixisada,Maxamed Mursal Sheekh Cabdiraxmaan, Guddoomiyaha Golaha Shacabka Soomaaliya ayaa muddada uu joogo Magaaladda Cammaan ee Dalka Jordan waxa uu halkaasi kulamo kula qaadan doonnaa Madaxda Wadankaasi iyo qaar ka mid ah Waddamada Carabta.  

 

Ciidamada amniga oo gacanta ku dhigay ragga doonayay iney toogtaan Haweeney

Yoonis Duraan
-
0
Ciidamada amniga oo gacanta ku dhigay ragga doonayay iney toogtaan Haweeney

Kooxdan oo ka koobnaa saddex dhalinyaro ah ayaa xalay lagu soo bandhigay Saldhigga degmada Wadajir ee Gobolka Banaadir, waxaana la sheegay in kooxdan la soo qabtay, xilli ay doonayeen inay toogtaan Haweeney qaad iibineysay oo ka mid aheyd ergooyinkii soo doortay Xildhibaanada Hirshabeelle.

Saddexdan dhalinyaro ayaa qirtay inay ka tirsan yihiin Al-Shabaab, waxaana ay ku howl galayeen Mooto bajaaj, xilliga ay doonayeen inay dilaan haweeneyday ay u dhici weyday bastoolada

Raggan ayaa lagu kala magacaabaa Shuceyb C/llaahi Xaaji oo loo yaqaano Maxamed, waxaa uu sheegay inuu Al-Shabaab u qaabilsanaa degmada Wadajir, waxaana uu dalbaday in la cafiyo.

Ninka labaad ayaa lagu magacaabaa Ismaaciil Maxamed Aweys oo naaneystiisa loo yaqaano yaxye ayaa sheegay inuu Al-Shabaab u qaabilsanaa dilalka degmooyinka Dharkeenley iyo Wadajir.

Ninka saddexaad Maxamed Cusmaan Macalin oo loo yaqaano C/weli ayaa sheegay inuu Al-Shabaab u qaabilsanaa u kala gudbinta Hubka ayaa sheegay inuu hubka u geynayay dadkii fulin jiray dilalka, isagoo isticmaali jiray Mooto bajaaj.

Haweeneyda ka badbaaday falkan ayaa uga mahad celisay Ciidamada Booliska qaabkii ay raggan gacanta ugu soo dhigeen, isla markaana ay aheyd hooyo todobo carruur dhashay, waxaana seygeeda ahaa askari ka tirsan ciidanka Booliska.

Guddoomiye kuxigeenka Amniga Gobolka Banaadir Maxamed Tuulax ayaa sheegay in raggan ay muddo sanado ah dilalka ugu badan ka fuliyeen degmooyinka Wadajir iyo Dharkeenley.

Madaxweyne Farmaajo oo warqadaha aqoonsiga ka guddoomay Danjiraha cusub ee Ingiriiska

SNTV
-
0
Madaxweyne Farmaajo oo warqadaha aqoonsiga ka guddoomay Danjiraha cusub ee Ingiriiska

Muqdisho (SNTV):Madaxweynaha Jamhuuriyadda Federaalka Soomaaliya Mudane Maxamed Cabdullaahi Farmaajo ayaa warqadaha aqoonsiga ka guddoomay Danjiraha cusub ee Dowladda Ingiriisku u soo magcawday Soomaaliya Mudane Ben Fender.

Danjiraha cusub ayaa Madaxweynaha la wadaagay farriin iyo salaan uu uga siday Boqoradda dalka Ingiriiska, isaga oo Dowladda iyo Shacabka Soomaaliyeed uga tacsiyadeeyay weerarradii ay dhawaan argagaxisadu ku beegsatay shacabka Soomaaliyeed ee aan waxba galabsan.

Madaxweyne Farmaajo iyo Danjiraha dalka Ingiriiska ayaa ka wada hadlay xiriirka labada dal iyo sidii sare loogu qaadi lahaa wadashaqaynta iyo iskaashiga taariikhiga ah ee u dhexeeya labada dowladood.

Madaxweynaha iyo Danjire Ben Fender ayaa sidoo kale ka wada hadlay in Dowladda Ingiriisku ay xoojiso taageerada ay u fidiso Dowladda Soomaaliya ee dhanka tababarka Ciidamada Booliiska iyo dagaalka ka dhanka ah kooxaha nabad-diidka ah.

Madaxweyne Farmaajo ayaa Danjiraha cusub ee Ingiriiska u ballan-qaaday in dowladda iyo shacabka Soomaaliyeed ay si dhaw ula shaqayn doonaan, kuna garabsiin doonaan gudashada xilka loo igmaday.

Wasiirka Waxbarashada XFS oo madaxda Jaamacadaha Muqdisho kala hadlay tayeynta Waxbarashada

SNTV
-
0
Wasiirka Waxbarashada XFS oo madaxda Jaamacadaha Muqdisho kala hadlay tayeynta Waxbarashada

 Muqdisho (SNTV) Wasiirka Waxbarashadda Hiddaha iyo Tacliinta sare ee Xukuumadda Federaalka Soomaaliya Mudane Cabdullahi Goodax Barre ayaa maanta magaalada Muqdisho kulan kula qaatay madaxda jaamacadda ku yaalla gobolka Banaadir.

Kulanka ayaa looga hadlay sidii wada jir looga qeyb qaadan lahaa horumarinta waxbarashada dalka islamarkana loo abuuri laha wada shaqeyn dhab ah oo dhaxamrta bahda waxbarashada iyo wasaaradda.

Wasiiru dowlaha wasaaradda waxbarashada Cabdiraxmaan Maxamuud Cabdulle, wasiir kuxigenka wasaaradda waxbarashadda  Feysal Cumar Guuleed, iyo agaasimaha waaxda tacliinta sare Ismaaciil Yuusuf Cismaan, ayaa goob joog ka ahaa kulanka.

Mudane Cabdullahi Goodax Barre ayaa sidoo kale madaxda jaamacaddaha sidii la isaga ilaalin lahaa in shahaado la siiyo qof aan xaq u lahayn, lagana fogaado in muddo ka yar afar sano in shahaado lagu bixiyo ama qof aan dugsi sare ka soo bixin loo aqbalo in uu jaamacad galo.

“Maanta waxaan magaalada Muqdisho kulan kula qaatay madaxda jaamacaddaha ku yaalla gobolka Banaadir,kulankeenna waxaan diirada ku saarnay sidii wada jir looga qeyb qaadan lahaa horumarinta waxbarashada dalka islamarkana loo abuuri laha wada shaqeyn dhab ah oo dhaxamrta bahda waxbarashada iyo wasaaradda,”ayuu yiri wasiirka waxbarashada mudane Cabdullahi Goodax Barre

“Arrimaha kale ee aan ka wada hadalnay waxaa ka mid ah sidii la isaga ilaalin lahaa in shahaado la siiyo qof aan xaq u lahayn, lagana fogaado in muddo ka yar afar sano in shahaado lagu bixiyo ama qof aan dugsi sare ka soo bixin loo aqbalo in uu jaamacad galo”ayuu intaasi ku daray wasiir Goodax.

Wasaaradda waxbarashada hiddaha iyo tacliinta sare ee xukuumadda federaalka ee Soomaaliya iyadoo kaashaneysa bahda waxbarashada waxaa markasta ka go’an tayeynta waxbarashada iyo in xirfado loo abuuro dhalinyarada Soomaaliyeed ay looga baxo shaqa la’aanta.

Wasiirka Amniga Soomaaliya oo la kulmay Wasiirka Arrimaha Gudaha ee Masar

SNTV
-
0
Wasiirka Amniga Soomaaliya oo la kulmay Wasiirka Arrimaha Gudaha ee Masar

Qaahira (SNTV):-Wasiirka Amniga ee Xukuumadda Federaalka Soomaaliya Mudane Maxamed  Abuubakar Isloow ayaa la kulmay  Wasiirka Arrimaha Gudaha ee Jamhuuriyadda Masar, General Maxamuud Towfiiq.

Wasiirka Amniga Soomaaliya Mudane Maxamed Abuukar Isloow(Ducaale) ayaa bogaadiyay kaalinta hoggaamineed ee  Masar ay ku leedahay Qaaradda Afrika.

Mudane Maxamed Abuukar Isloow Ducaale ayaa intaas ku daray inay Soomaaliya doonayso  in ay ka faa’iideysto khibradda Masar ee ku aaddan dhanka ciidamada booliska.

Dhankiisa , Wasiirka Arrimaha Gudaha dalka Masar ayaa sheegay inay lagama maarmaan tahay in ay laba-laabaan dadaallada wadajirka ah iyo iskaashiga labada dal ee dhanka ammaanka iyo xasiloonida.

Wasiirka ayaa carrabka ku adkeeyay inay diyaar u yihiin inay Soomaaliya ka caawiyaan tababaridda Booliska, waxuuna tilmaamay in ay muhiim tahay wada shaqeynta iyo inay laamaha amniga wadaagaan warbixinnada, si loo yareeyo dambiyada iyo falalka argagixisada.

Labada wasiir ayaa kala saxiixday is-fahan la xiriira iskaashiga arrimaha amniga iyo is-dhaafsiga khibradaha, iyadoo ay goob joog ka haayeen Safiirka Soomaaliya u fadhiya dalka Masar Mudane Cabdiqani Maxamed Waceys iyo mas’uuliyiin kale.

Ra’iisul Wasaare Khayre Oo Safar Ugu Baxay Switzerland

SNTV
-
0
Ra’iisul Wasaare Khayre Oo Safar Ugu Baxay Switzerland

Muqdisho (SNTV)-Ra’iisul Wasaaraha xukuumadda federaalka Soomaaliya (XFS), mudane Xasan Cali Khaye, iyo wafdi uu hoggaaminayo ayaa maanta booqasho gaaban ugu baxay magaalada Geneva ee dalka Switzerland.

Ra’iisul Wasaare Xasan Cali Khayre ayaa Geneva uga qeyb gelaya kulamo looga hadlayo arrinmaha shaqo la’aanta dhallinyarada iyo haweenka.

Inta uu joogo Geneva, ayaa Ra’iisul Wasaaruhu waxa uu hadal ka jeedinayaa kulanka Golaha xuquuqul insaanka.

Guddomiye Mursal oo Jordan uga qeybgalay shir horu dhac ah oo guddoonada Baarlamanada Carabta dhexmaray

SNTV
-
0
Guddomiye Mursal oo Jordan uga qeybgalay shir horu dhac ah oo guddoonada Baarlamanada Carabta dhexmaray

Muqdisho (SNTV) Guddoomiyaha Golaha Shacabka ee JFS Mudane Maxamed Mursal Sheekh Cabdiraxmaan oo isaga iyo wafdi uu hogaaminayo ay ku suganyihiin Dalka Jordan ayaa xalay ka qeyb galay Kulan ay yeesheen Guddoomiyaasha Midowga baarlamaanada Carabta kaasoo hor u dhac u ah Shirka 29-aad ee midowga Baarlamaanada Carabta oo ka furmi Caasimada Cammaan oo ah Magaala madaxda Dalka Jordan.

Kulanka ayaa Madaxda Midowga Baarlamaanada Carabta waxa ay marka hore iska wareysteen xaaladaha Dalalka Guddoomiye walba uu matalo gaar ahaan howlaha baarlamaanada iyo qaabka ay u shaqeeyaan.

waxyaabaha Kulanka aad loogaga hadlay waxaa ka mid ah in la xoojiyo xiriirka iyo wada shaqeynta Baarlamaanada Carabta  iyo shacabka Dalalka Carabta,Sidoo kale waxyaabaha aadka diirada loo saaray si gaar ahna ay ka qeyb galayaasha Kulanka uga hadleen ayaa ahaa Arinta qadiyada Falastiin iyo sidoo kale Ajendayaasha shirka weyn ee Midowga Baarlamaanada Carabta ee IPU,waxaana Guddoomiyaha Golaha shacabka ee JFS uu  qudbad ka jeedin doonaa shirkaasi oo saacadaha soo socda ka furmi doona Magaaladda Cammaan ee Caasimada Dalka Jordan.

Wasiirka Arrimaha Dibadda XFS oo ugu baaqay Wadamada Islaamka inay taageeraan deyn cafinta Soomaaliya

SNTV
-
0
Wasiirka Arrimaha Dibadda XFS oo ugu baaqay Wadamada Islaamka inay taageeraan deyn cafinta Soomaaliya

Muqdisho (SNTV):– Wasiirka Arrimaha Dibadda iyo Iskaashiga Caalamiga, Mudane Danjire Axmed Ciise Cawad, ayaa ka jeediyay khudbad kulanka 46,aad ee Golaha Wasiirrada Wadamada xubnaha ka ah Ururka Islaamka oo shalay oo Jimce ahayd ka furmay Caasimadda Isutagga Imaaraatka Carabta ee Abu Dhabi.

Wasiirka ayaa carabka ku adkeeyay in Soomaaliya ay had iyo jeer abaal u heyso Ururka Iskaashiga Islaamka sababo ku aaddan taageerrada iyo isgarabtaagga uu muddo dheer u muujinayay, si gaar ahaaneed qarannimada Soomaaliya, madax banaanidiisa iyo bedqabka dhulkiisa.

Ururka Iskaashiga Islaamka ayaa markii ugu horreysay kulanka kooxda xiriirka Soomaaliya ku qabsaday Magaalada Muqdisho 27 Oktoobar, 2018. Ururka waxa kale oo wax ka bedel ku sameeyay xafiiskiisa bani’aadannimo ee Soomaaliya oo loo rogay mid diblomaasiyadeed oo dhammeystiran, iyadoo la tixgelinayo guusha ay gaartay Soomaaliya.

Soomaaliya waxa ay martigelin doontaa inta u dhexeysa 29-30 April ee sanadkan Shir maan-hadal ah oo la xiriira la dagaalanka argagaxisada oo ka dhici doona Muqdisho, oo qaban-qaabadeedu leeyahay Ururka Iskaashiga Islaamka.

Waxa uu ka codsaday wadamada xubnaha ka ah Ururka Iskaashiga Islaamka inay taageeraan deyn cafinta Soomaaliya si dhaqsiya loola falgalo sida ay wax u xaliyeen Ururrada Jaamacadda Carabta iyo Midowga Afrika, si degdeg loogu dhiso Soomaaliya, lana dhammeeyo jiritaanka argagaxisada iyo shaqa la’aanta dhalinyarada, waxa uu ugu baaqay in si deeqsinimo ah uga qeybqaataan Sanduuqa Horumarinta Soomaaliya ee Ururka Iskaashiga Islaamka.

Mas’uuliyiinta wasaaradda Gar-gaarka XFS oo isbitaalada ku booqday dhaawacyadii shalay

SNTV
-
0

Muqdisho (SNTV):- Ujeedka kormeerkan mas’uuliyiinta wasaaradda Gargaarka ayaa ahaa sidii ay u heli lahaayeen macluumaad ku saabsan dadkii ku dhaawacmay weerarkii shalay,si loo ogaado baahiyaha kala duwan oo ay qabaan, islamarkaanna ay dowladda Soomaaliya uga geysato kaalinteeda garab istaaga dadkaasi.

Ku-simaha Wasiirka ahna Wasiir ku-xigeenka wasaaradda Gar-gaarka iyo mas’uuliyiin uu horkacayay ayaa tagay Cisbitaalada Madiina, Ordugan iyo Shaafi,waxaana ay warbixino ka dhageysteen maamulada xarumahaasi Caafimaad, iyagoo weydiinayay xog ku saabsan sida ay kala yihiin xaaladda bukaanada.

Mukhtaar Sheekh Xuseen agaasimaha guud ee wasaaradda Gargaarka iyo maareynta iyo musiibooyinka Soomaaliya ayaa ugu horeyn faah faahiyay waxyaabihii ay la kulmeen,wuxuuna xusay in xogta marka ay soo dhammeystiraan ay u gudbin doonaan Hay’adaha dowladda ee u qaabilsan si loogu gar gaaro.

Ku-simaha Wasiirka Gar-gaarka ahna Wasiir ku-xigeenka gargaarka Xukuumadda Soomaaliya C/rashiid Maxamed Xasan ayaa ka dhawaajiyay in dowladda Soomaaliya ay gar gaar u fidinayso dadka xaaladooda ay culus tahay.

“Waxaan wadnay ilaa saaka shaqo taasi oo aan ugu gar gaareyna dadkii ku dhaawacmay qaraxii,anagoo ah wasaaradda Gargaarka mas’uuliyiinteeda iyo shaqaalaha,waxaan tagnay isbitaalada,Madiina,Digfeer,Shaafi iyo meelo kale,waxaa noloo sheegay in lala tacaalay bukaanada,wixii intaasi dheer oo wax loo qaban karina waxaa caafimaad dibadda ah u qaadaysa dowladda Soomaaliya,taasi oo uu horey u balanqaaday madaxweyne Farmaajo iyo sidoo kale ra”iiusl wasaare Khayre,”. Ayuu yiri wasiir ku-xigeenka gargaarka.

Mas’uuliyiinta iyo shaqaalaha wasaardda Gargaarka ayaa ka qeyb qaatay dhiig shubidda lagu caawinayay bukaanada,Dad badan oo shacab ah ayaa qasaare dhimasho iyo dhaawac uu ka soo gaaray weerarkii argagixisada Al-Shabaab ay ka geysteen goobo ganacsi shacab uu lahaa.

1...1,0791,0801,081...1,718Page 1,080 of 1,718

© 2023 Telefishinka Qaranka Soomaaliyeed