Ra’iisul wasaaraha Xukuumadda Federaalka Soomaaliya iyo Wafdi uu hoggaaminayo ayaa goordhow gaaray Magaalada Kismaayo ee Xarunta KMG ee Dowlad Goboleedka Jubbaland.

Wafdiga Mudane Xasan Cali Khayre waxaa garoonka Kismaayo si-weyn ugu soo dhaweeyay Madaxda Dowlad Goboleed Jubbalnd iyo dadweyne kala duwan oo ka yimid xaafadaha magaalo xeebeedka Kismaayo.

Qaar kamid bulshada magaalada oo ka hadlay socdaalka Ra’iisul Wasaaraha ayaa sheegay in ay aad ugu faraxsanyihiin in uu soo booqdo Ra’iisul wasaaraha qaranku, iyaga oo sheegay in socdaalku muujinayo sida dawladda federaalka iyo dawlad gobaleedyada xubnaha ka ah ay uga go’antahay ilaalinta midnimada iyo wadajirka umadda Soomaaliyeed.

Ra’iisul Wasaare Khayre ayaa la filayaa in uu la kulamo la qaato madaxwaynaha Jubaland, mudane Axmed Maxamed Islaam iyo qeybaha kala duwan ee bulshada ku dhaqan magaalada Kismaayo.

Hadaba halkan Hoose ka daawo soo dhaweynta Ra’iisul wasaaraha Soomaaliya.

wasiirka  maaliyada soomaaliya ayaa dhagax dhigay xaruumo loo adeegsanyo Aaladaha bixiinta canshuuraha dalka waxay qayb ka yihiin horumarinta adeegyada canshuuraha.

Mudane Cabdiraxmaan Ducaale Beyle ayaa ugu horeyn dhagax dhigay dhismaha xarunta  ciidanka ilaalada  canshuuraha kuwasoo loo yaqaan turubataariyada iyadoo saldhig u noqon doonta hannaanka hagaajinta qaadista canshuurah.

“ Waan ku faraxsanahay in aan dhagax dhignay xaruntii canshuur ilaalinta  ama turabataariyo ciidanka ee canshuurta qaada,ayaa gundhiga u ah uruurinta  canshuuraha iyadoo la raacayo sharciga dalka u dhigan,” ayuu yiri Wasiirka Wasaaradda Maaliyadda XFS.

Taliyaha Hogaanka Canshuuraha Ciidanka Booliiska Soomaaliyeed Janaraal Cabdulaahi xasan Bariise oo uga Mahad celiyay dadaaalka Wasaaradda Maaliyadda dhismaha xaruntan ayaa ka hadlay muhiimadeeda.

Wasiir MAaliyadda ayaa sidookale kale dhagax dhigay dhismaha  machadka dhaqaalaha dalka iyo 5 xarumood kale oo loogu talagalay canshuuraha waxaana uu tilmaamay dhismaha shirkadaha maxaliga ay u tartameen kuna guuleysteen shirkadaha ka shaqeyanaya oo la filayo inay dhismaha dhameystiraan bisha  Luulyo ee sanadkaan.

“ Waa sharaf iyo karaamo, waana meeshan dhexe ilaalinta canshuuraha,waa halka ciidanka ilaalada canshuuraha, sidan marar badanba idin kugu sheegay wuxuu si toos ah ula shaqeeyaa Wasaaradda Maaliyadda,dakhliga uruurintiisa iyo xafidida goobtii la geeyo,ciidankii u tababarnaa oo aqoonta u lahaa waaye,” ayuu yiri Generaal Bariise.

Wasiirka Maaliyadda ayaa sheegay in ay sidoo kale dhagax dhigeen ilaa shan xarumood oo loogu talgalay in canshuuraha, dhanka kalan waxa qayb ka ahaa xarumaha maanta ladhagax dhigay  machadka dhaqaalaha dalka,waxaana uu tilmaamay in ay dhismaha shirkadaha maxaliga ku tartameen kuna guuleysteen shirkadaha ka shaqeyanaya ayaa lafilaya in ay soo dhammeystiraan bisha Luuliya ee sanadkaan.

Dhismaha xarumahani oo loogu talagalay canshuur qaadista ayaa ku soo beegmaya xili Soomaaliya ay sameynayso kobac dhaqaale oo xooggan daqliga dowladda soo gala oo ay masuul ka tahay wasaaradda Maaliayadana uu kordhay sanadkii  tagay 31%.

Xildhibaan Maxamed Sheekh Cusmaan Jawaari  ayaa ka tacsiyeey  geeridii Alle ha u naxariistee Marxuum Cabdiraxmaan Xoosh Jibriil oo ahaa wasiirkii Dastuurka Soomaaliya oo dhawaan  ku geeriyooday Cisbitaal ku yaala Dalka isu taga imaaraadka Carabta, iyadoo  aas qaran loogu sameeyay Magaaladda Muqdisho.

“Innaa lillaah wa innaa illeyhi raajicuun, marxuumka rabi naxariistiisa haka waraabiyo,kitaabkiisa gacanta midig Allaha haka siiyo ehelkii iyo qaraabadii iyo sidoo kale guud ahaan umadda Soomaaliyeed oo uu ka geeriyoodayna samir iyo iimaan Allaha haka wada siiyo, anagana gadaashiisa Illaahey nama fidneeyo” Ayuu yiri Maxamed Sheekh Cusmaan Jawaari.

Xildhibaan Maxamed Sheekh Cusmaan Jawaari Guddoomiyihii hore ee Baarlamaanka Soomaaliiya ayaa sheegay in Allaha ha u naxriistee Wasiir Xoosh Jibriil uu kaalin wanaagsan kasoo qaatay Dowladnimada Soomaaliya, islamarkaana dowr muuqda ku lahaa sidii Soomaaliya ay u yeelan laheyn dastuur ay leeyihiin dadka Soomaaliyeed.

“Allaha u naxriistee marxuumka waxa uu ahaa muwaadin ay quluubtiisa ku weyn tahay  in dalkeenna uu horumar gaaro, islamarkaana aan gaarno horumar dowladnimo,isagoo inta uusan geeriyoon ka shaqeynayay howlaha dib u eegista iyo dhammeystirka Dastuurka KMG ah ee dalka” ayuu hadalkiisa kusii daray Xildhibaan Maxamed Sheekh Cusmaan Jawaari.

Allaha ha u naxriistee Wasiirkii Dastuurka Soomaaliya Marxuum Cabdiraxmaan Xoosh Jibriil oo dhawaan Magaaladda Dubai ee Dalka Imaaraadka Carabta ku geeriyooday, waxaa  Aas qaran loogu sameeyay Magaaladda Muqdisho maalinti shalay ee indhaftay waxa uu ka tirsanaa Baarlamaankii 9-aad ee Soomaaliya,isagoo Sidoo kale xilal kala duwan kasoo qabtay.