Gudoomiyaha Maxkamada sare ee dalka iyo Taliyaha Ciidanka Asluubta oo dhagax dhigay Xabsi cusub

Date:

Muqdisho(SNTV);– Guddoomiyaha Maxkamadda sare ee dalka Baashi Yuusuf Axmed iyo Taliyaha Ciidanka Asluubta Soomaaliyeed Sareeye Guud Bashiir Maxamed Jaamac “Keynaan”  ayaa waxay maanta dhagax dhigeen Xabsi cusub oo lagu soo kordhiyay Xabsiga dhexe ee Xamar si loogu kala yareeyo culeyska Maxaabiista.

Guddoomiyaha Maxkamadda sare ee dalka iyo Taliyaha Ciidanka Asluubta oo u wehliyo Taliyaha Ciidanka Booliiska Soomaaliyeed ayaa kormeer ku sameeyay qeybaha kala duwan ee Xabsiga dhexe ee Xamar gaar ahaan Warshadaha soo saaraya qalab xafiisyeedka iyo kuwa guryaha,waxaana xilligaasi ka howlgalayay Maxaabiista ku jirta Xabsiga dhexe.

Taliyaha Ciidanka Asluubta Soomaaliyeed Sareeye Guud Bashiir Maxamed Jaamac “Keynaan” oo warbaahinta la hadlay ayaa sheegay in marka hore ay ku faraxsan yihiin in Guddoomiyaha Maxkamada sare ee dalka Baashi Yuusuf Axmed iyo Taliyaha Ciidanka Booliiska Soomaaliyeed Sareeye Gaas Bashiir Cabdi Maxamed “ Ameeriko ku soo booqdaan Xabsiga dhexe ee Xamar,wuxuna carabka ku dhuftay in Guddoomiyuhu dhagax dhigayo Xabsi cusub oo ku soo biiri doono Xabsiyada dalka,kaasi oo culeyska Maxaabiista ka yareyn doona Xabsiga dhexe ee Xamar.

Wuxuu sheegay Bashiir Maxamed Jaamac in arrintaan ay sahleyso in Maxaabiista Xabsiga dhexe ay ka baxaan ciriirigii ay ku jireenn horayna baahidooda wax badan looga qabtay.

Guddoomiyaha Maxkamada sare ee dalka Baashe Yuusuf Axmed oo ka hadlay dhagax dhiga Xabsiga cusub ayaa sheegay in ujeedada ugu weyn ee laga leeyahay Xabsiga cusub ay tahay inuu Culeyska ka fududeeyo Xabsiga dhexe ee Xamar.

“ Ujeedada ugu weyn ee Xabsigan laga leeyahay waxaa weeye in culeyska uu ka fududeeyo Xabsiga dhexe ee Xamar in dadka Xabsiga ku jira ay helaan qolal baaxad leh oo nadaafadiisana wanaagsan tahay iyo meelo ay wax ku bartaan,” ayuu yiri Guddoomiyaha Maxkamada sare ee dalka Baashe Yuusuf Axmed.

Ugu danbeyntii,Guddoomiyaha Maxkamada sare Baashi Yuusuf Axmed ayaa bogaadiyay kuna tilmaamay iney tahay wax lagu farxo in boqolkiiba lixdan dadka waxa dhisaya ay yihiin Ciidanka Asluubta Soomaaliyeed,keliyana la siiyay qalabkii Xabsiga lagu dhisayay.

Share post:

Ugu Akhris badan

Kuwo kale
Kuwo kale

Dowladaha Soomaaliya iyo Indonesia oo kala saxiixday heshiis visa-la’aan

Wasiirka Arrimaha Dibadda iyo Iskaashiga Caalamiga ee Soomaaliya, Mudane...

Guddoomiyaha Baarlamaanka JFS oo Xuddur ka daah-furay ololaha diiwaangelinta dadweynaha  

Guddiga Madaxa-Bannaan ee Doorashooyinka Qaranka iyo Soohdimaha ayaa magaalada...

Golaha Wasiirrada oo ansixiyey Xeer-Nidaamiyaha dhijitaalka nidaamka maareynta maaliyadda

Golaha Wasiirrada Xukuumadda Jamhuuriyadda Federaalka Soomaaliya, ayaa ku bogaadiyey...

Shirweynaha dhismaha SSC-Khaatumo iyo ansixinta dastuurka Waqooyi Bari Soomaaliya oo soo gabagaboobay

Waxaa si rasmi ah loo soo gabagabeeyay Shirweynihii dhameystirka...