Guddiga la socodka iyo dib u eegista dastuurka oo Muqdisho kula kulmay Ururada Bulshada Rayidka.

Date:

Kullan ka dhacay Xafiiska Guddiga la socodka iyo dib u eegista dastuurka ee Labada Aqal ee Baarlamaanka Federaalka Soomaaliya ayaa waxaa looga hadlay Arrimaha dastuurka.

Kullanka ayaa waxaa ka qeyb galay Guddoomiyeyaasha Dalladda Ururada Bulshada rayidka ee (SOCHENCA) Diini Axmed Diini iyo PUNSAA ee Puntland Feysal Axmed Warsame iyo Guddoomiyaha Guddiga la socodka iyo dib u eegista dastuurka Soomaaliya Senator Cabdi Xasan Cawaale Qeybdiid.

Ugu horeyn ayaa kullanka waxaa ka hadlay Guddoomiyaha Dallada Ururada Bulshada Rayidka ee Puntland ee PUNSAA Feysal Axmed Warsame,wuxuuna sheegay iney muhiim tahay in la tashi lala sameeyo Bulshada Soomaaliyeed.

Sidoo kale,Diini Maxamed Diini,Gudoomiyaha Dallada Ururada Bulshada rayidka (SOCHENCA) ayaa sheegay in Dowlada Soomaaliya looga baahan yahay in dhaqaalaha ku baxaya dastuurka ay bixiso .

Guddoomiyaha Guddiga la socodka iyo dib u eegista dastuurka ee labada Aqal Baarlamaanka Soomaaliya Senator Cabdi Xasan Cawaale Qeybdiid ayaa Ururada Bulshada rayidka uga warbixiyay halka ay marayaan howlaha dastuurka,isagoona sheegay iney rajo wanaagsan ka qabaan in howlaha dib u eegista dastuurka dhameystirmaan sanadka 2018-ka.

Guddiga la socodka iyo dib u eegista dastuurka iyo Guddiga madaxa banaan ee dastuurka ayaa mudooyinkii ugu danbeeyay waday la tashiyo ay la yeelanyeen qeybaha kala duwan ee Bulshada.

Share post:

Ugu Akhris badan

Kuwo kale
Kuwo kale

Soomaaliya oo si buuxda ula wareegtay maareynta ee Arrimaha Xuquuqul Insaanka kadib 32 Sano

Golaha Xuquuqul Insaanka ee Qaramada Midoobay ayaa meel mariyey...

DFS oo beenisay wararka ku saabsan heshiis qarsoodi ah oo ay la gashay Dowladda Sweden

Dowladda Federaalka Soomaaliya waxay si buuxda u beenineysaa warbixinnada...

Shirweynaha Urur-goboleedka Iskaashiga Dhaqaalaha Bariga Afrika oo galay maalintiisii labaad

Shirweynaha Urur-goboleedka Iskaashiga Dhaqaalaha Bariga Afrika (EAC) oo sanadkan...

Wasiiru-dowlaha Arrimaha Gudaha oo ka qeybgalay kalfadhiga 76-aad ee UNHCR

Wasiiru-dowlaha Wasaaradda Arrimaha Gudaha, Federaalka iyo Dib-u-heshiisiinta Xukuumadda Federaalka...