Marwada Koowaad ee Dalka oo ka qeyb gashay xuska Maalinta Haweenka Adduunka (SAWIRRO).

Date:

Marwada Koowaad ee dalka Saynab Cabdi Macalin oo ka qeyb galeysay munaasabadda Maalinta Haweenka Adduunka ayaa ugu baaqday haweenka Soomaaliyeed in ay sii laba labaan dadaalka ay ugu jiraan nabadeynta iyo xasilinta dalka.

Marwo Saynab ayaa tilmaamatey halgankii dheeraa ee haweenka Soomaaliyeed ay ku bixiyeen xoriyadda, dowladnimada iyo nabadeynta, iyadoona muujisay muhiimadda ay leedahay kor u qaadista nolasha haweenka Soomaaliyeed taas oo asaas u ah horumar muuqda oo ay ku tallaabsadaan dhammaan shacabka.

Marwo Saynab waxa ay  ugu baaqday ganacsatada Soomaaliyeed gaar ahaan Bangiyada, in ay haweenka dalka ku maalgeliyaan ganacsiga yar yar oo faaiido u leh qoysaska danyrta ah.

Marwada koowaad ee dalka ayaa ku adkeysay  haweenka iyo guud ahaan bulshada in si wada jir ah looga shaqeeyo sidii kor loogu qaadi lahaa daryeelka caafimaad ee hooyada iyo dhallaanka.

“Waxaan idin ka codsanayaa in aad garab igu siisaan sidii ay mira dhal u noqon lahayd dadaalka ku aaddan sidii aan daryeel caafimaad iyo mid waxbarasho ugu fidin lahayn hooyooyinka iyo dhallaanka Soomaaliyeed.”

Sidoo kale, Marwo Saynab waxa ay xaqiijisay in dadaallada ku qotoma waxbarashada, caafimaadka hooyada iyo dhallaanka ay mudnaan gaar ah siineyso, iyadoona ku garab istaageysa markasta hay’adaha dowliga iyo kuwa caalamiga ah.

Munaasabaddan lagu maamusayo Maalinta Haweenka Adduunka ayaa waxaa ka soo qeyb galay Guddoomiyaha Gobolka Benaadir, Xubno ka mid ah Golaha Xukuumadda, Xildhibaanno ka tirsan Baarlamaanka Federaalka Soomaaliya, Taliyaha Ciidanka Booliska iyo Guddoonka Ururka Haweenka Qaranka.

 

Share post:

Ugu Akhris badan

Kuwo kale
Kuwo kale

Wasiirka Caafimaadka XFS oo kulan la qaatay Agaasimaha Guud ee AFRICA CDC

Wasiirka Caafimaadka iyo Daryeelka Bulshada ee Xukuumadda Federaalka Soomaaliya,...

Wasiirka Warfaafinta XFS oo ka qeyb-galay kulanka Wasiirrada Warfaafinta Carabta ee Kuwait

Wasiirka Warfaafinta, Dhaqanka iyo Dalxiiska ee Jamhuuriyadda Federaalka Soomaaliya...

Wasiirka Caafimaadka XFS oo ka qeyb-galay Madasha Wasiirrada Caafimaadka Afrika 

Wasiirka Caafimaadka iyo Daryeelka Bulshada Xukuumadda Federaalka Soomaaliya, Dr....

Guddoomiyaha SoDMA oo ka qeyb-galay Shirka Carabta ee yareynta Khataraha Musiibooyinka

Guddoomiyaha Hay’adda Maareynta Musiibooyinka (SoDMA) Mudane Maxamuud Macallin Cabdulle,...