Labo wiil oo Soomali walaalo ah oo lagu toogtay K/Afrika iyo banan baxyo socda

Date:

K/Afrika(SONNA) Soomaalida kunool Wadanka Koonfur Afrika ayaa ka walaacsan dhibaatooyinka sii kordhayo ee lagula kacayo dadka Ajaanibta ah ee dalkaasi kunool oo Soomaalida ay kujirto.

Tacdiyada loo geysto dadkaasi waxaa kamid ah dilal qorsheysan,weeraro lagu qaado deegaanadooda iyo boobka loo geysnayo hantidooda,taasi oo sii kordhisay in dadkaasi ayla noolaadaan walwal joogta ah oo aan isbedel lahayn.

Falkii ugu dambeeyey ayaa lagu dilay labo wiil oo Soomaali ah,kuwaasi oo lagu kala magacaabo Cumar Salaad Xaashi iyo walaalkiis ka yar Liibaan Salaad Xaashi,kuwaasi oo lagu toogtay dukaan ay ku lahaayeen magaalada Johannesburg  ee dalka Koonfur Afrika sida ay sheegeen eheladooda.

Waxaa Burcad hubeysan ay Khamiistii ku dileen wiilashaasi magaalada Johannesburg ee dalka Koonfur Afrika,kuwaasi oo dilkooda loo adeegsaday baaskood,taasi oo keentay in Cumar Xaasi uu isla goobtaasi ku dhintay,halka Liibaan Xaashi uu dhaawac soo gaarey uu u dhintay.

Waxaa jira bannaan baxyo ballaaran oo ay Jaaliyadda Soomaliyeed ka dhigeen dhismaha xarunta Baarlamaanka Dalkaasi,iyagoo dalbanaya in sharciga iyo cadaaladda la horkeeno dembiilayaasha geysanayaa dilalka qorsheysan

Share post:

Ugu Akhris badan

Kuwo kale
Kuwo kale

Guddoonka Baarlamaanka oo sheegay in kalfadhiga 7-aad furmi doono 20-ka bishan

Guddoonka labada Aqal ee Baarlamaanka Jamhuuriyadda Federaalka Soomaaliya ayaa...

Taliyaha Ciidanka Booliiska oo kulan la qaatay Madaxa EUCAP ee Soomaaliya

Taliyaha Ciidanka Booliiska Soomaaliyeed Sarreeye Guuto Asad Cismaan Cabdullaahi...

Muqdisho oo laga furay aqoon is waydaarsi ku saabsan horumarinta adeegyada Dowladda

Wasiiru Dowlaha Xafiiska Ra’iisul Wasaaraha XFS, Mudane Xirsi Gaani...

Ceeldheer ciidanka xoogga oo weli ururinaya maydadka khawaarijtii lagu laayey dagaalkii shalay

Ceeldheer Ciidamada Xoogga Dalka ayaa daafaha magaalada Ceeldheer ee...