Search
Subscribe
Home Blog Page 969

Shirka Todobaadlaha ah ee Maamulka Gobolka Banaadir oo looga dooday Qorshaha 2019ka

SNTV
-
0
Shirka Todobaadlaha ah ee Maamulka Gobolka Banaadir oo looga dooday Qorshaha 2019ka

Muqdisho January 10 (SNTV);-Duqa Muqdisho ahna Guddoomiyaha Gobolka Banaadir Mudane Cabdiraxmaan Cumar Cusmaan (Eng. Yarisow) ayaa guddoomiyey shirka todobaadlaha ah ee Maamulka Gobolka Banaadir oo ku qabsoomay Degmada Yaaqshiid.

Guddoomiyaha ayaa ka warbixiyey qorshaha Maamulka Gobolka Banaadir ee ku aaddan daadejinta maamulka iyo xoojinta wada shaqeynta degmooyinka. Eng.Yarisow ayaa sheegay in Maamulka Gobolka Banaadir uu joogtayn doono ku qabsoomidda shirka todobaad laha ah degmooyinka Gobolka, si loo kormeero hannaankooda shaqo, loolana socdo tabashooyinka iyo baahiyaha ka jira.

Shirka Todobaadlaha ah ee Maamulka Gobolka Banaadir ayaa lagu ansixiyey miisaaniyadda sanadkan 2019ka, iyadoona dib loo eegay miisaaniyaddii sannadkii hore oo la xaqiijiyey in ay ka badnayd tii 2017ka.

Masuuliyiinta heer Gobol iyo heer Degmo ayaa isla qaatay muhiimadda ay leedahay in lagu jaan gooyo miisaaniyadda sanadkan 2019ka arrimaha bulshada iyo daadejinta adeegyada asaasiga ah, maadama ay xowli ku socoto dib u kabashada Caasimadda.

Sidoo kale, Guddoomiyeyaasha 17ka degmo ee Gobolka Banaadir ayaa soo bandhigay guulaha laga gaaray barnaamijyada darisaynta iyo Olalaha Isxilqaan ee dib loogu dhisayo xarumaha danta guud.

Wasiirka Amniga Xukuumada Federaalka Soomaalia oo Furay Shir looga hadlayo ka Hor-tagga Qaraxyada gacan ku sameyska ah

SNTV
-
0
Wasiirka Amniga Xukuumada Federaalka Soomaalia oo Furay Shir looga hadlayo ka Hor-tagga Qaraxyada gacan ku sameyska ah

Wasiirka Amniga Gudaha Xukuumadda Federaalka Soomaaliya Mudane Maxamed Abuukar Ducaalle ayaa maanta magaaladda Muqdisho ka furay Shir wada-tashi ah oo ku saabsan ka Hortagga Qaraxyada gacan ku sameyska ah.

Shirkan ayaa  ka qeyb galay Qaar kamid ah Saraakiisha Amniga, Masuuliyiin ka socday Wasaaradda Amniga gudaha XFS iyo marti sharaf kale.

Wasiirka Amniga Gudaha Xukuumadda Federaalka Soomaaliya Mudane Maxamed Abuukar Ducaalle oo kulankaasi ka hadlay ayaa sheegay in loo baahan yahay in la iska kaashado ka hortagga Qaraxyada Kooxda Alshabaab ay ku xasuuqaan dadka Shacabka ah, isaggoo isaggoo xusay in la dejin doono qorshe cad oo looga hortagayo Waxyaabaha Qarxa.

Sidoo kale Wasiirka Amniga Gudaha XFS ayaa Shacabka Soomaaliyeed ugu baaqay in Ciidamada ammaanka ay kala shaqeeyaan ka hortagga Waxyaabaha qarxa, islamarkaana looga baahan yahay in  ay ku war geliyaan Ciidanka haddii ay arkaan dad ku howlan falal amniga lid ku ah.

6 Alshabaab fighters killed in operation in Bay region

SNTV
-
0
6 Alshabaab fighters killed in operation in Bay region

On January 8, the Federal Government of Somalia worked with the United States to degrade Al-Shabaab through an airstrike that targeted al-Shabaab fighters near Yaaq Bariweyne, Bay Region, killing six Al Shabaab terrorists. The targeting of Al Shabaab fighters disrupts their efforts to extort and terrorize the local population. We continue to use all possible measures to protect local residents from terrorists. No civilians were killed or injured in the strike.

Saciid Cabdulaahi Dani oo loo Doortay Madaxweynaha cusub ee Puntland

Yoonis Duraan
-
0
Saciid Cabdulaahi Dani oo loo Doortay Madaxweynaha cusub ee Puntland

Doorashada xilka madaxweynaha Dowlada Goboleedka Puntland  oo ay ku tartamayeen 21 musharax ayaa wareega koobaad ee doorashada waxaa hogaaminaya Musharaxiinta kala ahaa Saciid Cabdulaahi Deni  oo helay 20-cod iyo  Jeneraal Asad Cismaan oo isna helay 17 cod , sidoo kale Faarax Cali Shire oo helay 9-cod.wareegi koobaad ee doorashadda madaxweynaha  maamulka Puntlanad waxanna wareega koobaad ku haray 18 musharax oo ka tirsana tartamayaasha .

Waxaa loo gudbay  wareega labaad ee doorashada waxaa hogaaminayay Jeneraal Asad Cismaan oo helay 30-cod, waxaana kusoo xigay Siciid Cabdullahi Deni oo helay 29-cod halka Musharaxa saddexaad ee Faarax Cali Shire ayaa ku haray wareega labaad ee doorashada .

Wareegi ugu danbeyay waxaa islaa soo garaya Jerenaal Asad Cismaan  iyo Siciid Cabdullaahi Deni tartan dheer ka  dib  ayaa xilidhibaanada Baarlamaanka  Maamulka Puntlanda ayaa si rasmiya waxay u doorteen Madaxweynaha shanta sanno ee soo socotaha hogaamin doonna Puntland waxaa loo doortay madaxweynaha cusub ee puntland Siciid Cabdullaahi Deni .

Waxaa uu  helay codad gaaraya ku dhawaad 35 cod,halka  masharaxa  Asad Cismaan  Cabdullaahi uu helay 31 cod codadkii laa tiriyay ee wareega sadexadd.

Guddoomiyaha Baarlamaanka  Puntland  Cabdi xakiin Maxameed Axmed Dhoobo ayaa ku dhawaaqay  Madaxweynaha  cusub ee  Maamulka Puntland oo loo doortay Siciid Cabdullaahi Deni.

Sidoo kale waxaa goordhow bilaaban doona Doorashada Madaxweyne Kuxigeenka Puntland oo ay ku tartamayaan 11-Musharax.

Wareega Seddexaad ee Doorashada Puntland oo bilaabatay

Yoonis Duraan
-
0
Wareega Seddexaad ee Doorashada Puntland oo bilaabatay

Waxaa soo dhamaatay tirinta codadka wareega 2-aad ee doorashada Madaxweynaha Puntland, waxaana wareega 3-aad iskugu soo haray  labada Musharax  ee ugu Codadka badan.

Wareega labaad ee doorashada waxaa hogaaminayay Jeneraal Asad Cismaan oo helay 30-cod, waxaana kusoo xigay Siciid Cabdullahi Deni oo helay 29-cod halka Musharaxa saddexaad ee Faarax Cali Shire uu helay 7-cod.

waxaana daqiiqadaha soo socda soo bixi doona Madaxweynaha cusub ee Dowlad Goboleedka Puntland waxanna lawada sugaya madaxweynaha badali doonna Cabdiwali Maxamed Cali Gaas.

 

Tirinta Codadka Wareega 1-aad ee doorashada puntland oo soo dhamaatay

Yoonis Duraan
-
0
Tirinta Codadka Wareega 1-aad ee doorashada puntland oo soo dhamaatay

Waxaa goordhaw soo dhamaatay tirinta codadka wareega koobaad ee doorashada Madaxweynaha Puntland, waxaana wareega 1-aad codadka ugu badan helay Musharax Siciid Cabdulaahi Deni oo helay 20 cod.

Wareega koobaad ee doorashada waxaa hogaaminaya Musharaxa Saciid Cabdulaahi Deni oo helay 20-cod, waxaana kusoo xiga Jeneraal Asad Cismaan oo helay 17 cod halka Musharaxa saddexaad ee codadka badan helay uu yahay Faarax Cali Shire oo helay 9-cod.

Madaxweynaha Waqtigiisu dhamaaday Cabdiweli Gaas ayaa ku haray wareega koobaad waxa uuna helay 8-cod kaliya, waxaana wareega 2-aad u gudbay sadexda musharax ee ugu codadka badan.

Madaxweyne Farmaajo oo ku Booriyay kooxaha Fanka inay ka qeyb qaataan Wacyigelinta Bulshada

Yoonis Duraan
-
0
Madaxweyne Farmaajo oo ku Booriyay kooxaha Fanka inay ka qeyb qaataan Wacyigelinta Bulshada

Madaxweynaha Jamhuuriyadda Federaalka Soomaaliya Maxamed Cabdulaahi Farmaajo ayaa kulan la qaatay qaar kamid ah kooxaha fanka isagoo ku baraarujiyay in ay kaalin firfircoon ka qaataan xoojinta wacyiga bulshada ee wadaniyadda iyo la dagaallanka afkaaraha qalloocan ee kooxaha argagixisada.

Abwaan Cabdi Dhuux Yuusuf oo qeyb ka ahaa kulankan ayaa Madaxweynaha Soomaaliya uga mahad celiyay sida uu ahmiyad gaara u siiyay Fanka, isagoo sheegay in Dowlada ay heysato Fan Xoog badan

“Madaxweyne Fanka wuu kuu baahan yahay, Madaxweyne Fanaaniinta Soomaaliyeed way kuu baahan tahay, Fanaaniinta waxaa deeqa karaamo iyo sharaf, waa dad wadaniyiin ah hadii Wadani Soomaali ku jiro waa fanaaniinta Soomaaliyeed, waxaan kaa codsanayaa inaad isku badnaataan adiga iyo Faniinta”.ayuu yiri Abwaan Cabdi Dhuux.

Madaxweynaha Jamhuuriyadda Federaalka Soomaaliya Maxamed Cabdulaahi Farmaajo ayaa ka hadlay baahida kooxaha fanka, isagoo sheegay in wax badan ay Dowlada ka qaban doonto, wuxuuna uga mahad celiyay sida ay markasta ugu adeegayaan Qaranka oo uu sheegay inay ahmiyad gaara ugu fadhiyaan, wuxuuna ku booriyay kooxaha Fanka in ay qeyb weyn ka qaataan sidii dalka looga saari lahaa kooxaha Xagjirka ah.

Madaxweyne Farmaajo ayaa kula dardaarmay Fanaaniinta inay badiyaan Heesaha ka tarjumaya Dal Jaceylka isagoo sheegay heesaha Shaqsiyaadka lagu amaano in aanay maanta qiimo badan ugu fadhin Dalka.

“Runtii shaqo fiican waad qabateen, waxaan jeclaan lahaa heesaha wadaniyada hala xoojiyo, heesaha shaqsiga lagu amaanayo iska dhaafa, shaqsiga wuxuu wax ku yahay Dalka, Dalka amaana, wadaniyada xoojiya, dowladnimada amaana, waxaa la rabaa in la amaano Qabka Soomaaliyeed iyo awooweyaasheen siday ahaan jireen”.ayuu yiri Madaxweynaha Soomaaliya.

Bishii October ee sanadkii tagay ayuu Madaxweyne Farmaajo dhagax dhigay dib u dhiska Tiyaatarka Qaranka oo aheyd Goobtii Kooxaha Fanka iyo Hidaha Dhaqanka ay Bulshada ugu gudbi jireen Dhambaalada ku aadan Wacyi galinta iyo Baraarujinta Bulshada.

 

   

Toos u daawo doorashada madaxweynaha maamulka Puntland

Yoonis Duraan
-
0
Toos u daawo doorashada madaxweynaha maamulka Puntland

Doorashada xilka madaxweynaha Dowlada Goboleedka Puntland  ayaa goor dhow ka bilaabatay magalaada Garoowe ee xarunta maamulkaasi,iyadoo ay ku tartamayaan 21 musharax oo u taagan qabashada xilka madaxweynaha,halka madaxweyne kuxigeenkuna ay u taagan yihiin ilaa 11 musharax.

Halkan hoose ka daawo doorashada Madaxweynaha Puntland.

DOORASHADA MADAXWEYNAHA DOWLAD GOBOLEEDKA PUNTLAND

DOORASHADA MADAXWEYNAHA DOWLAD GOBOLEEDKA PUNTLAND

Δημοσιεύτηκε από Telefishinka Qaranka Soomaaliyeed στις Δευτέρα, 7 Ιανουαρίου 2019

Madaxwaynihii Bankiga Adduunka oo si kadis ah isku casilay

Liibaan Lugcad
-
0
Madaxwaynihii Bankiga Adduunka oo si kadis ah isku casilay

Madaxwaynaha Bankiga Adduunka Jim Yong Kim ayaa si kadis ah isku casilay, waxaana xilkaasi uu hayey muddo lix sanadood ah.

Jim oo u dhashay Kuuriyada Koofureed ayay ahayd inuu xilka hayo ilaa 2022-ka. balse waxa uu cadeeyey inuu si rasmi ah isku casilay, taas oo dhaqan gali doonta dhammaadka bishan.

Bankiga aduunka oo xaruntiisu tahay magaalada Washintong ee dalka Maraykanka ayaa sheegay inuu sida ugu dhaqsiyaha badan uga shaqaynayo sidii loo badali lahaa Jim Yong Kim oo si lama filaan ah isku casilay, isagoon caddayn sababta.

Sanadkii 2012-kii ayaa madaxwaynihii hore ee Maraykanka Brack Obama u magacaabay Gudoomiyaha Bankiga adduunka, mar kale ayaana xilkaasi dib loogu soo celiyey 2017-dii
Kristalina Georgieva oo ka tirsan saraakiisha sare ee Bankiga adduunka ayaa sii wadi doona shaqada hoggaaminta bankiga, inta laga qabanqaabinayo dhismaha hogaan cusub.

Caadi ahaan Maraykanka ayaa magacaaba madaxwaynaha Bankiga adduunka, halka midawga Yurubna ay leeyihiin magacaabista hoggaanka hay’adda lacagta aduunka ee IMF, taas oo u muuqata inaan wadamada kale laga talo galin hab maamulka hay’adahan oo ah kuwa ugu waawayn xagga dhaqaalaha.

Doorashada madaxwaynaha Puntland oo goor dhaw bilaabanaysa

Liibaan Lugcad
-
0
Doorashada madaxwaynaha Puntland oo goor dhaw bilaabanaysa

Doorashada madaxwaynaha iyo ku xigeenka dawlad goboleedka Puntland ayaa saaka ka bilaabatay magaalada Garoowe ee xarunta maamulkaas, waxaana ku tartamaya ilaa 21-musharax oo xilka madaxwaynaha u taagan iyo 11-musharax oo ku xigeen doonaya.
Ammaanka magaalada Garoowe ayaa xalay aad loo adkeeyey, waxaana la mamnuucay gaadiidka dad waynaha inay maraan wadooyinka, dadka siyaasiyiinta ah, madaxda Puntland iyo hawl wadeenada doorashada ayaa loo ogolyahay dhaqdhaqaaq gaadiid inay sameeyaan.
66-Xildhibaan oo Baarlamaanka Puntland ka kooban yahay ayaa habka qarsoodiga ah ee Sanduuqa ugu codaynaya musharixiinta, si ay u doortaan hoggaanka cusub ee Puntland.

1...968969970...1,571Page 969 of 1,571

© 2023 Telefishinka Qaranka Soomaaliyeed