Jaaliyadda Soomaaliyeed ee magaalada Columbus Ohio ayaa kulan soo dhaweyn ah u sameysay Safiirka Dowlada Soomaaliya u fadhiya  dalka Mareykanka Ali Sharif Ahmed iyo safiirka Dowladda Soomaaliya u fadhiya Qaramada Midoobay Abukar Osman.

Kulankaasi dhexmaray dhinacyadaasi ayaa ujeedkiisu ahaa sidii la isugu xiri lahaa Jaaliyadda Soomaaliyeed ee Mareykanka iyo Safaaradd Soomaalida ee Washington DC oo ahmiyad gaar ah u leh jaaliyaddaasi,waxaana Safiirka uu  kulamo gooni gooni ah la qaatay qeybaha bulshada ee ku dhaqan halkaasi.

Safiirku waxa uu ballan qaaday in safaaradu qaban doonto howlaha loo idmaday iyo in ay ka soo dhallaali doonto rajada Jaaliyadaha Maraykanku ka qabaan isbaddal lagu sameeyo maamulka ,gaar ahaan sidii safaaraddu irdaha ugu furi lahayd dadka Soomaaliyeed.

Safiir Ali Shariif Ahmed ayaa looga fadhiyaa mudada uu socdaalka ku marayo gobolada Mareykanka in uu wax ka qabto xalinta dhibaatooyinka gudaha Mareykanka ku qabsaday Jaaliyadda, sii deynta caruurta xabsiyadda ka buuxda, xal u helida dadka sharci la’aantu ah ee dowladda mareykanku musaafuriso, mushkiladda xawilaadaha ee Bangiyada iyo arimo kale oo aad u badan.

Xeer ilaaliyuhu waxa uu Dugsiga Hoose/Dhexe iyo Sare ku qaatay magaalada Burtinle ee Gobolka Nugaal, waxa uuna Dugsiga Sare ku dhameeyay isla Burtinle, 2003.

Heerka koowaad Jaamacadda waxa uu ku soo qaatay magaalada Islamabad ee dalka Baakistaan halkaasi oo ku dhameeyay heerka koowaad ee Jaamacadda Caalamiga ah ee Islaamka isagoo bartay Aqoonta Kulliyadda Shareecadda iyo Qanuunka sidoo kale waxa uu Shahaadada B.A ka qaatay isla Jaaamacaddaasi isagoo qaatay shahaadada 2-aad ee LLM gaar ahaan Xeerarka Ganacsiga (Commercial Law).

Xeer Ilaaliyuhu waxa uu ka soo shaqeeyey gudaha dalka iyo dibadiisa waxaana si kooban loo soo qaadan karaa:-

– Waxaa uu ka soo shaqeeyey dalka Bakistan isagoo noqday Garyaqaan Xeerarka Rayidka ah iyo Dembiyada.

– Xafiiska Hay’adda Qaxootiga Adduunka ee Islaamabaad-Bakistan 2013.

– Waxa uu ka soo shaqeeyay wasaaraddaha Dowlad Gobolleedka Puntland isagoo noqday La-taliye dhinaca Sharciga ah.

– Hormuudkii Kulliyadda Shareecada iyo Qaanuunka, ahna macalin ka kamid ah macalimiinta Jaamacadda Puntland ‘Puntland State University’ oo kutaala magaalada Garowe.

– Agaasimaha Xarunta Gargaarka Sharciga ah ee Jaamacadda PSU 2017

-Madaxa Waaxda Toosinta iyo Sharciyada ee hay’adda: AMAL EXPRESS iyo AMAL BANK. 2015-2016.

– Lataliye Sharci iyo Dastuur ee Guddiga Madaxa Bannaan ee Dib u eegista Dastuurka, 2018.

– Aas-aase, ahna Guddoomiye Ku xigeenkii Xarunta Gargaar ee ka shaqeysa Adeegyada dhanka sharciga iyo xuquuqda garsoor ee dadka danyarta ah.

– Garsoore Maxkamadda Sare ee Dalka 2018-2019.

Madaxweynaha JFS ayaa u magacaabay inuu Garsoore ka noqdo Maxkamadda Sare taariikhdu markii ay ahayd 2018.

Maanta ayaana ugu dambeyn loo magacaabay Xeer Ilaaliyaha Guud ee Qaranka.

Guddoomiyaha Deegaanka Af-barwaaqo ee Gobolka Mudug ayaa sheegay in ay shacabka ku dhaqan deegaanka Afbarwaaqo iyo Tuulooyin hoostago in ay khatar badan dareemayaan asagoo xusay in ay jirto Haan Sun ah oo Badda ka soo caarisay oo halis ugu jirto in ay furato.

Guddoomiyaha ayaa sidoo kale sheegay in deegaanka ay ka jiraan baahiyo badan oo dhanka arimaha bulshada ah, waxa uu xusay in uusan jirin booliis ka shaqeeyo deegaanka sidoo kale waxa uu xusay in deegaanka uu lahan isbitaal.

DHAGEYSO WAREYSIGA

Duqa Muqdisho Ahna Guddoomiyaha Gobolka Banaadir Mudane Cumar Maxamuud Maxamed (Filish) Oo kormeeray xaafadaha ay sameeyeen roobabkii ka da’ay Caasimadda ayaa faray laamaha Dowladda Hoose iyo waaxyaaha gurmadka degdegga ah in ay u istaagaan xal u helidda saameynta fatahaadaha ka dhashay roobabka ka da’ay Muqdisho oo sababay dhibaatooyin isagu jira burbur guryo iyo mid beni’aadannimo.

Guddoomiyaha iyo xubno kale oo la socday ayaa kormeeray degmooyinka Boondheere, Shangaani, Xamar-weyne, Wadajir, Xamar Jajab iyo is-goyska nambar afar, isagoo si gaar ah uga qeybgalay samata bixinta qoys uu gurigii ay kunoolaayeen uu roobka soo dumiyay.

Guddoomiye Cumar Filish oo dhageystay  xaaladda dhinaca nolosha ee bulshada ku dhaqan qaar kamid ah degmooyinka uu Guddoomiyuhu kormeeray ayaa sheegy sida ay uga go’an tahay Maamulka Gobolka Banaadir in ay ka shaqeeyaan yareynta xaaladda beni’aadannimo  ee soo food-saartay dadka danyarta ah oo u badan barakacayaasha.

Dhinaca kale, Guddoomiyaha ayaa amray in la dardar geliyo howlaha faya-dhowrka caasimadda, deg-degna ay howl-wadeennada Dowladda Hoose uga shaqeeyeen sidii loo furi lahaa marinnada halbowlaha u ah isu socodka bulshada.

Wafdi uu hogaaminayo Wasiirka Warfaafinta Xukuumadda Soomaaliya Mudane Maxamed Cabdi Xayir (Maareeye) ayaa gaaray magaalada Milaano ee dalka Talyaaniga halkaasi oo Wafdiga wasiirka uu horkacayo ay uga qeyb galayaan shir labo maalin socon doona oo diiradda lagu saarayo ganacsiga dalxiiska oo ay martigelisay dowladda Talyaaniga.

Wafdiga wasiirka ayaa la filayaa in ay shirar gooni gooni ah la yeeshaan madaxda ka qeyb galaysa shirka iyagoona halkaasi ku soo bandhigi doona fursadaha xagga ganacsiga dalxiiska ee  ka jira dalkeena Soomaaliya.

Wasaaradda Warfaafinta, Dhaqanka iyo Dalxiiska ee Xukuumadda Fedeaalka Soomaaliya ayaa waddo dadaalo lagu horumarinayo Ganacsiga Dalxiiska.

Wasiirka Warfaafinta, Dhaqanka iyo Dalxiiska Xukuumadda Soomaaliya Mudane Maxamed Cabdi Xayir Maareeye ayaa waxaa ku wehlinaya safarka xubno uu ka mid yahay agaasimaha waaxda dalxiiska ee Wasaaradda Warfaafinta, Dhaqanka iyo Dalxiiska Soomaaliya.

Shirkan ayaa ahmiyad gaar ah u leh Soomaaliya maadaama Wasaaradda Warfaafinta, Dhaqanka iyo Dalxiiska Soomaaliya ayaa ku howlan sidii horumar ballaaran looga sameeyn lahaa fursadaha dhanka ganacsiga dalxiiska ee dalkeena Soomaaliya.

Soomaaliya iyo Talyaaniga ayaa waxaa ka dhaxeeya xiriir soo jireen ah oo isagu jira dhaqan dhaqaale, saaxiibtinimo iyo mid diplomaasiyadeed oo qoto dheer.

Madaxweynaha Jamhuuriyadda Federaalka Soomaaliya Mudane Maxamed Cabdullaahi Farmaajo ayaa u magacaabay Mudane Suleymaan Maxamed Maxamuud xilka Xeer Ilaaliyaha Guud ee Qaranka JFS, waxa uuna xil ka qaadis ku sameeyay Xeer Ilaaliyihii Guud ee hore Mudane Axmed Cali Daahir.

Magacaabistan ayaa ku timid soojeedintii Guddoomiyaha Maxkamadda Sare ee JFS Garyaqaan Baashe Yuusuf Axmed, baahida loo qabo in la dardargeliyo hawlaha dib u habeynta garsoorka iyo xaqiijinta hannaan cadaaladeed oo hufan oo ka dhaqangala guud ahaan dalka.

Wasaaradda waxbarashada Hiddaha iyo tacliinta sare ee xukuumadda Federaalka Soomaaliya ayaa maanta  si rasmi ah ugu bilowday gobalka Banaadir Kormeer guud oo ku saabsan qiimeyn lagu sameynayo dhammaan dugsiyada ku yaala gobalka.

Wasiiru Dowlaha Wasaaradda Waxabarshada Hiddaha iyo tacliinta Sare  xukuumadda Federaalka Soomaaliya Cabdiraxmaan Maxamuud Cabdulle Jaabiri oo ay wehliyaan Agaasimaha Guud ee wasaaradda waxbarashada,iyo Guddoomiye ku-xigeynka dhanka arimaha bulshada maamulka gobalka Banaadir ayaa Kormeer ku tagay qeybo kamid ah dugsiyada gobalka Banaadir.

Wasiiru dowlaha wasaaradda waxbarashada ayaa maamulayaasha iyo macallimiinta su’aalo ka weydiiyay tayada waxbarashada ardayda iyo habka ay wax u barayaan.

Kormeerka ayaa lagu qiimeynay maamulayaasha,tababarka,macalimiinta  iyo agabka dugsiyada,tirade ardayda iyo tayada waxbarashada waxaana sameynayay kormeerka dad loo tababaray qiimeynta kormeerka islamarkaana qibrad uleh soo gudbinta xogta dugsiyada.

Guddoomiye ku-xigeenka dhanka arrimaha Bulshada maamulka gobalka Banaadir Basma Caamir ayaa sheegtay in wasaaradda waxbarashada iyo maamulka gobalka Banaadir ay si wada jir ah ugu shaqeynayaan Horumarinta waxbarashada ardayda Soomaaliyeed.

Agaasimaha Guud ee wasaaradda waxbarashada Hiddaha iyo Tacliinta Sare Axmed Yuusuf Xasan ayaa kormeerayaasha kula dar daarmay in waajibkooda ay ka soo baxaan.

Wasiiru Dowlaha wasaaradda waxbarashada Hiddaha iyo Tacliinta Sare ee xukuumadda Federaalka Soomaaliya ayaa sheegay in wasaaradda waxbarashada muhiimadda Koowaad ay siineyso islamarkaana qiimeeyn lagu sameynayo tababarka macalimiinta,agabka dugsiyada,tirade ardayda iyo tayada waxbarashada iyo manhajka ay diyaarisay wasaaradda waxbarashada.

SNTV:- Wafdi uu hoggaaminayo Wasiirka Wasaaradda Warfaafinta,Dhaqanka iyo Dalxiiska Xukuumadda Federaalka Soomaaliya Maxamed Cabdi Xayir “ Maareeye” ayaa maanta u ambabaxay dalka Talyaaniga.

Wasiirka iyo Wafdiga uu hoggaaminayo ayaa magaalada Milaano ee dalka Talyaaniga kaga qeyb galaya shir ku saabsan Ganacsiga Dalxiiska,kaasi oo mudo labo maalin ah socon doona.

Wasiirka Warfaafinta Xukuumadda Soomaaliya ayaa safarka uu ku aaday dalka Talyaaniga waxaa ku wehlinaya xubno uu ka mid yahay agaasimaha waaxda dalxiiska ee Wasaaradda Warfaafinta,Dhaqanka iyo Dalxiiska Soomaaliya.

Soomaaliya iyo Talyaaniga ayaa waxaa ka dhaxeeya xiriir soo jireen ah oo ku saleysan dhaqan dhaqaale iyo xiriir saaxiibtnimo oo qoto dheer.

Shirkan oo looga hadlayey horumarinta Maaliyadda Dalka ,isla markaana ay ka qeybgaleen Wasaaradda Maaliyadda Dowladda dhexe ee dalka  iyo  dowlad goboleedyada iyo maamulka gobalka banaadir ayaa lagu soo gabagabeeyay wadanka Uganda.

Wasiirka wasaarada Maaliyada dowlada gobaleedka Hirshabeelle Cabdishakuur Abuukar Xasan oo La Hadley Radio Muqdisho ayaa Sheegey in shirka looga Hadley Mudadii uu socdey sidii loo mideyn lahaa shuruucda lagu hagayo dhaqaalaha Dalka.

Wasiirka Maaliyada Hirshabeelle C/shakuur Abuukar Xasan ayaa sidoo kale waxa u sheegey in Shirkan hirshabeelle ahaaan u muhiimad gaar ah u lahaa ayna muhiim tahey in dhaqaalaha dalka mideyntiisa si mideysan looga wada qeyb qaato.

Wasiir Cabdishakuur Abuukar Xasan ayaa u mahadceliyey mas’uuliyiinta Shirka kasoo wada qeybgashey iyo  madaxda safaaradda magaalada Kampala.