Ciidammada Difaaca  Soomaaliya iyo saaxiibbadooda ayaa duqeyn ku burburiyey Baabuur ay Al-shabaab ku soo diyaariyeen Qaraxyo ay la damacsanaayeen caasimadda.

Saraakiil ka tirsan hey’adaha amniga ayaa xaqiijiyey in duqeyntan ay dhacday habeennimadii Axadda, waxaana laga geystay xaafado ku yaalla degmooyinka Saakoow iyo Bu’aale oo ka tirsan gobolka Jubbada Dhexe.

Duqeynta ayaa sidoo kale lagu burburiyey laba xarumood mid qaraxyada lagu farsameynayey iyo xarun malleeshiyada Al-shabaab lagu tababari jiray.

Dad goob-joogayaal ah ayaa laga soo xigtay in ay maqleen dhawaaqa ilaa 7 Gantaal iyo rasaas, sidoo kalena degmada Bu’aalle laga arkayey holaca ay sideen Gantaallada oo bartilmaameed gaar ah lahaa.

Wararkii u dambeeyey ayaa sheegaya in Al-shabaab khasaaraha gaaray uu ballaaran yahay, ayna jirto dhimasho iyo dhaawac daran.

Guddiga gurmadka fatahaadaha ayaa baaq udiray bulshada Soomaaliyeed ee Ku dhaqan gobollada Galmudug,Puntland iyo Soomaaliland maadaama garoonkii Baladweyne aysan diyaaraduhu ka dagi karin in kaalintooda ay ka qaataan in dadka dhibaateysan la garsiyo  gargaarka looga samatabixiinayo dhibta ka dhaltay Fataahadda Wabiga.

Guddiga ayaa ka  dayriyay xaaladda magaalada Berdaale ee gobolka Baay maadaama aysan magaaladaasi lahayn garoon diyaaradeed ayna ka mid tahay goobaha culeyska badani uu ka jiro.

Guddoomiyaha guddiga Xamsa Saciid ayaa sheegay in hadda ay heleen hal diyaarad oo Hilicopter ah oo ay maanta tagi doonto Baladweyne laakiin aysan Ku filneyn inay daboosho baahida jirta.

Wasiirka waxbarashada hiddaha iyo tacliinta sare Cabdullaahi Goodax barre oo guddiga ka tirsan ayaa sheegay in guddigu go’aamiyay in maxkamad guurta la sameeyo taas lagu xakameyn doono cid kasta oo hunguriyeysa gargaarka dadka dhibaatadu soo gaartay.

“

Wararka laga helayo gobolka Hiiraan ayaa sheegaya in Doon ay sarnayeen Mas’uuliyiin ka tirsan gobolka iyo kuwa degmada ,dad shacab ah ay ku gadoontay  fatahaada biyaha Wabiga ka dhashay.

Dadka Doonta la socday ayaa ku dhawad garaya 30 ruux oo u badnaa mas’uuliyiin ka tirsan maamulka Hirshabeelle, Duqii degmada Beledweyne, guddoomiyihii hore ee gobolka Hiiraan Askar iyo dad shacab ah ayaa la sheegay in ay ku sii jeeda deegaanka Ceeljaalle oo ah halka ay u barakaceen dadkii ka hayaamay  Fatahaadda Wabiga Shabeelle.

dadka la soo badbaadiyay ay ka mid yihiin Duqa degmada Beledweyne Safiye Sheekh Xassan Cali Jimcaale iyo Guddoomiyihii hore ee gobolka Hiiraan Cabdifitaax Xassan Afrax.

Dhanka kale waxaa ilaa iyo hada biyahay lagu la’yahay dad ka badan 10 ruux oo ay ka mid tahay La taliyihii dhinaca Haweenka ee madaxweynaha dowlad gobolleedka HIrshabeelle

Fatahaaddauu sameeyay Wabiga Shabeelle ayaa saameyn xooggan ku  yeeshay xaafadaha magaalada Baladweyn, iyadoo ay jiran dad wali ku  go’doonsan biyaha dhaxdooda.

.

Shir wadajir ah oo ku saabsan dib-u-eegista Dastuurka ayaa uga furmay Wasaaradda Arrimaha Dastuurka ee Xukuumadda Federaalka Soomaaliya, Guddiga Lasocdka dib- u- eegista Dastuurka, Guddiga Madaxabannaan iyo Guddiyada Dastuurka Baarlamaanada dowlad goboleedyada ee u xilsaaran dib-u-eegista dastuurka ayaa maanta magaalada Istanbul uga furmay shir toban maalin socon doona laga bilaabo 27 Octoobar 2019 ilaa 5ta Nofeebar 2019, wuxuuna ku saabsan yahay dib-u-eegista 15ka Cutub Dastuurka ee la soo dhameeyay.

Ugu horayn, waxaa shirka ku soo dhaweeyay dhamaan ka qaybgalayaasha, islamarkaana sharaxay ujeedooyinka shirka gudoomiyaha Gudigga la-socodka ee Dib-u-eegista Dastuurka ee labada gole Mudane Cabdi Qaybdiid.

Wasiirka Arrimaha Dastuurka ee XFS Mudane Saalax Axmed Jaamac ayaa hogaaminaya wafdiga dowladda ee dib-u-eegista Dastuurka.gabagabadii shirkaan ayaa muhiimad ugu fadhiyo dib-u-eegista dastuurka gaar ahaan 15 ka cusub ee soo dhamaaday, taasoo la doonayo in mudadan tobanka cisho lagu turxaan bixiyo wixii sixitaan yar yar u baahan ee ku saabsan dhanka farsamada.

Wwasiirka gaashaandhiga iyo mas’uuliyiin ka tirsan Dowladda Soomaaliya ,ayaa maanta garoonka diyaaradaha ee magaalada Muqdisho ku soo dhoweeyay wafdi ay hoggaaminayso Wakiilka gaarka ah ee Xoghayaha guud ee Qaramada Midoobey u qaabilsan caruurta iyo isku dhacyada hubaysan Virginia Gamba.

Mudane Xasan Cali Maxamed (Amardambe) Wasiirka Gaashaandhigga Xukuumadda Federaalka Soomaaliya oo soo dhoweynta wafdigaasi ka dib la hadlay warbaahinta qaranka ayaa faah faahin ka bixyay ujeedka imaatinka wafdigan iyo waxyaabihii ay ka wada hadleen.

Inta uu joogo wafdigan waxaa ay kulamo kala duwan la qaadan doonaan mas’uuliyiinta dowladda Federaalka Soomaaliya oo ay kala hadli doonaan howlaha ay u yimaadeen Soomaaliya.