Ciidamada dalka Turkiga oo howlgal ka fuliyay Waqooyiga dalka Siiriya ayaa gacanta ku soo dhigey haweeney ay walaalo ahaayeen hogaamiyhii khilaafada Islaamka ee la diley Abu bakar Al Baqdadi oo la rumeysan yahay inay hayso sir badan.

Saraakiisha Turkiga waxay sheegeen in haweeneyda oo 65 sano jir ah laguna magacaabaa Rasmiya Awad, waxaana lagu qabtay holwgal ciidan oo isniintii laga fuliyay meel ku dhow magaalada Azaz, xarigeeduna uu fa’iido u noqon karo in la helo sirta qiimaha leh ee ururka IS.

Baqdaadi ayaa is qarxiyay xilli, bishii la soo dhaafay, ay ciidamada gaarka ah ee Mareykanka howlgal ku galeen guri uu degganaa oo ku yaalay Waqooyi-Galbeed ee Suuriya.

Geeridiisa waxaa guulweyn ku tilmaamay madaxweynaha Mareykanka Donald Trump, balse dadka hadalkiisa ka soo horjeeda waxay ku doodayaan in ururka IS uu weli yahay halis amni oo ka tagan Suuriya iyo daafaha caalamka.

Mid ka mid ah saraakiisha Turkiga wuxuu wakaaladda wararka ee Reuters u sheegay in xarigga Baqdaadi walaashii ka weyn uu “gacan ka geysan karo in la ogaado shaqada gudaha ee ururka la baxay Khilaafada Islaamka”.

Baqdaadi waxaa la dhalatay shan nin iyo dhowr gabdhood, mana cadda ay dhammaan ay weli nool yihiin, sida uu ku warramay wargeyska The New York Times.

Haweeneyda waxaa laga qabtay gobolka Xalab oo inta badan uu Turkiga maamulo, halkaas oo ay ku qabsadeen howlgal militari oo bishii la soo dhaafay ay sameeyeen ciidamada Turkiga.

Rasmiya Awad waxaa laga helay gaari wayn oo ay ku dhex noolayd. Waxaa la degganaa seygeeda, dumaashideed iyo shan carruur ah, sida saraakiisha Turkiga ay u sheegeen wakaaladda wararka ee AP.

Waxay tilmaameen in su’alo laga weydiiyay shakiga laga qabo iyada ee ah in ay koox xagjir ah ka mid tahay.

Madaxda Turkiga waxay sheegayaan in Rasmiya ay noqon karto “qof sir badan oo muhiim ah haysa”.

Madaxweynaha Mareykanka, Donald Trump ayaa 27-kii October ku dhawaaqay dhimashada hoggamiyihii ururka la baxay Khilaafada Islaamka.

AL Baqdaadi wuxuu qarxiyay jakad bam oo u xirnayd ka dib markii uu dhex galay kanaal oo uu kaga baxsanayay ciidamada Mareykanka oo weerar ku qaaday gurigiisii ku yaalay gobolka Idlib ee dalka Suuriya, sida uu sheegay Trump.

Diyaaraddii ugu horeysay oo siday Gargaar loogu talo galay dadkii ay Fatahaada sameeyeen ayaa Maanta gaartay Garoonka Diyaaradaha Magaalada Baardheere ee Gobolka Gado.

Diyaaradan ayaa siday gargaar ka kooban Daawooyin, Maro kaneecooyin, Teendhooyin, bustoyaal iyo agabyo kala duwan oo ay Dowladda Federaalka Soomaaliya ugu talo gashay gargaarka dadka ay fatahaadu Saameeysay.

Dowlada Federaalka Soomaaliya iyo Shacabka Soomaaliyeed ayaa isku xil-qaamay gurmadka dadka ay fatahaada saameeyeen gudaha gobolada dalka oo uu ugu horeeyo Gobolka Hiiraan oo magaalada Beledweyne halkaasoo ay ku barakaceen dad farabadan waxaana la gaarsiiyay gargaar kala duwan.

Agaasimaha Cusub ee Wakaaladda Wararka SONNA  Mudane Cali C/qaadir Cali ‘Meykal’ ayaa maanta xilka kala wareegay Agaasimii hore ee wakaaladda Mudane C/laahi Sheikh C/raxmaan Haybe.

Munaasabadda xil wareejinta oo si heer sare ah loo soo agaasimay ayaa lagu qabtay xarunta Wakaalada Warara SONNA ayaa waxaa ka qayb galay Agaasimaha Guud ee Wasaaradda Warfaafinta Mudane C/raxmaan Yuusuf Al-Cadaala, Agaasimaha cusub ee Telefishinka Qaranka ee SNTV, Mudane Faarax Salaad Dharaar, Agaasimaha Xiriirka Gobolladda Mudane C/laahi, Maareeyaha Golaha Murtida iyo Madadaalada Qaranka Mudane Maxamed Abuukar Axmed “Ma’da”,  madaxa wararka ee wakaaladda Cumar Faarax , iyo  madax qeybeedyada ee wakaaladda SONNA.

Agaasimaha Guud ee Wasaaradda Warfaafinta Mudane C/raxmaan Yuusuf Al-Cadaala oo hadal kooban ka jeediyay xilwareejinta ayaa ammaanay shaqadii uu soo hayay agaasimihii hore C/laahi Sh.C/raxmaan Haybe isagoo u rajeeyay kulana dardaarmay agaasimaha cusub Cali C/qaadir Cali ‘Meykal’ inuu u guto waajibaadkiisa shaqo hufnaan iyo howlkarnimo.

Agaasimaha cusub ee ee wakaaladda, Cali C/qaadir Cali oo munaasabadda ka hadlay ayaa Agaasimihii hore ku ammaanay howshii uu qabtay mudada uu hayay xilka, wuxuuna ballanqaaday in uu la imaan doono dardar cusub oo ku wajahan socodsiinta howlaha wakaaladda.

Wasiirka Wasaaradda Warfaafinta Dhaqanka & Dalxiiska Mudane Max’ed Xeyr Maareeye ayaa dhowaan magacaabay agaasimeyaal cusub tallaabadaasi oo si diiran ay u soo dhoweeyeen guud ahaan shaqaalaha Wasaaradda Warfaafinta Dhaqanka iyo Dalxiiska.

Dowladda Federaalka Soomaaliya ayaa xoojinaysa dadaalka ay ugu jirto sidii loogu gurman lahaa dadka Soomaaliyeed oo ay waxyeeladu ka soo gaartay fatahaadaha iyo roobabka, iyadoo lagu guuleystay in si dhaqsi leh dadkaasi daryeel loogu fidiyo.

Hoos ka akhriso howlaha gurdmadka oo ay hormuudka ka tahay DFS.

Saraakiisha Turkiga ayaa sheegay in la qabtay haweeney la dhalatay Hogaamiyihii hore ee Daacish Abuubakar Al-Baqdaadi, kadib howlgal laga fuliyay waqooyiga Suuriya.

Haweeneydan oo lagu magacaabo Rasmiya Awad ayaa da’deeda lagu sheegay 65 sano jir, waxaa Isniintii shalay lagu qabtay howlgal ciidan oo ka dhacay meel u dhow magaalada Azaz.

Saraakiisha Turkiga ayaa sheegay in qabashada haweeneydan uu faa’iido u noqon karo in la ogaado sirta gudaha ee Kooxda Daacish.

Abuubakar Al-Baqdaadi ayaa is qarxiyay bishii la soo dhaafay, kadib markii Ciidamada gaarka ee Mareykanka ay howlgal ku galeen guri uu degenaa oo ku yaalla waqooyiga Suuriya.

Wareyska Newyork Times ayaa ku warramay in Baqdaad ay la dhalatay 5 wiil iyo dhowr gabdhood, balse ma cada in ay dhammaan nool yihiin iyo in kale.

Dowladda Soomaaliya ayaa maanta lagu wadaa in diyaarado sida gargaar u dirto deegaannada ay saameeyeen fatahaadaha iyo roobabka ee Gobollada Hiiraan, Baay iyo Gobolka Gedo.

Sida wararku sheegayaan magaalooyinka gargaarka la gaarsiin doono ayaa waxaa ka mid ah magaalooyinka Beledweyne, Baardheere iyo Bardaale oo dhowaan roobab daadad watay uu saameeyay boqolaal qoysas ah.

Wabiyada Shabeelle iyo Jubba ayaa ku fatahay deegaano ka tirsan Gobolada Koofurta iyo Bartamaha Soomaaliya, waxaana fatahaadaas ay sababeen in kumanaan qoysas ka barakacaan guryahooda, kuwaasoo la soo deristay xaalado nololeed.

Wasiirka Warfaafinta Xukuumadda Soomaaliya Maxamed Cabdi Xayir Maareeye ayaa sheegay in dowladdu ay dhowr diyaaradood oo gargaar sida ay u diri doonto magaalooyinka ay xaaladaha bani’aadanimo ka jiraan.

Shacabka Soomaaliyeed ayaa dadaalo aan loo kala harin oo gurmad ah waxay ka wadaan gudaha dalka iyo dibaddiisa, si ay ugu gurmadaan dadka Soomaaliyeed ee ay saameeyeen fatahaadaha webiga, waxaana dhowaan magaalada Garowe ka baxay gawaari xamuul ah oo gargaar u sida dadka reer Beledweyne, waxaana shacabka Garowe ay sameeyeen gurmad ballaaran oo ay wax kasta oo ay heli karaan ugu gurmadeen walaalahooda reer Beledweyne.

Mas’uuliyiinta doorashada Algeria ayaa sheegay in doorashada madaxtinimada ee ka dhaceysa dalkaasi bisha soo socota ay ku tartami doonaan shan murashax oo inta badan ah madax horay xilal uga soo qabtay dowladdii hore.

Dadka tartamaya ayaa kala ah Ra’isulwasaarihi hore Abdelmadjid Tebboune , Ali Benflis, wasiirkii hore ee dhaqanka Azzedddine Mihoubi, wasiirkii hore ee Dalxiiska Abdelkader Bengrine iyo Abdelaziz Belaid, oo ah madaxa xisbiga ugu dhaqdhaqaaqa El Mostakbal.

Dadka reer Aljeeriya ayaa 12-ka bisha Disembar u dareerti doona goobaha codbixinta ee doorashada madaxtinimo ee dalka ,inkastoo ay jiraan mudaaharaadyo weli ka socda gudaha dalka Aljeria.

Musharixiinta tartamaya qeyb ahaan waa kuwii ay ka dhasheeb rabsadaa socda mudada dheer ee lagu diidan yahay in ay soo noqdaan xubnaha dowladdii hore ee dalka Aljeeriya.

Ilaa 23 musharax ayaa isdiiwaaangeliyay inkastoo la ogolaaday ama liiska ay ku soo baxeen shan kaliya sida laga soo xigtay madaxa gudigga doorashooyinka Mr Chorfi.