Search
Subscribe
Home Blog Page 840

Guddoomiyaha gobolka Banaadir oo guddi magacaabay .

Muse Abdullahi Cirro
-
0
Guddoomiyaha gobolka Banaadir oo guddi magacaabay .

Guddoomiyaha Gobolka Banaadir ahna Duqa Muqdisho Mudane Cumar Maxamuud Maxamed (Cumar Fillish) ayaa magacaabay Guddiga diyaarinta iyo ka soo tala bixinta qorshaha lagu furayo waddooyinka xiran ee magaalada Muqdisho.

Guddigan oo ka kooban 7 xubnood ayaa waxaa Guddoomiye looga dhigay Guddoomiye ku-xigeenka Amniga Gobolka Banaadir Maxamed Cabdullaahi Tuulax, waxaa xubin ka ah Taliyeyaasha Booliska iyo Nabadsugida Gobolka Banaadir afar xubnood oo kale.

Wareegtada ka soo baxday xafiiska Guddoomiyaha Gobolka ayaa lagu caddeeyay inuu la tashaday Hey’addaha amniga, isla markaana uu tixgeliyay baahida loo qabo isu socodka shacabka iyo Gaadiidka magaalada Muqdisho ayna lagama maarmaan tahay in la sameeyo qorshaha lagu furayo waddooyinka muhiimka ah ee xiran ee magaalada.

Horjooge ka tirsanaa Shabaab oo isi soo dhiibay

Muse Abdullahi Cirro
-
0
Horjooge ka tirsanaa Shabaab oo isi soo dhiibay

Hor-joogahan oo uu Magaciisa Af-garashadu ahaa Seyfu-Laah, ayaa sheegay in uu ka tanaasulay fikirkii gurracnaa ee Argagixisada, wuxuuna codsaday in la cafiyo, haatanna uu diyaar u yahay in uu la dagaallamo Al-Shabaab.

Yaroow Xasan Aaden, oo loogu yeeri jiray (Seyfu-Laah), ayaa sheegay in uu Al-Shabaab ugu soo baxay xasuuqa ay u geysanayaan Ummadda muslimiinta ah ee Soomaaliyeed, Dadkuna ay macna la’aan ku gowracayaan, isla maraakan uusan waxba ka qaban karin.

Seyfu-Laah, ayaa sheegay in uu kasoo dagaallamay Gobollo badan oo ka tirsan Soomaaliya,wuxuuna Kooxda Al-Shabaab u qaabbilsanaa isku xirka Ciidanka iyo hor-joogayaasha.

Sargaal u hadlay ciidanka xoooga dalka ayaa sheegay in horjoogahan uu xiriir la soo sameeyay ciidanka, sidaasna ay ugu suurta gashay inay uu isu soo dhiibo, kaddib markii uu qirtay dhibaatada ay argagixisada ku hayaan shacabka Soomaaliyeed.

Ciidanka xoogga dalka ee ka howlgalla deegaannada Koonfur Galbeed ayaa wado howlgallo ka dhan ah maleeshiyada Al-Shabaab, taasi oo keentay in horjoogayaal iyo maleeshiyaad badan ay ka soo goostaan kooxda Al-Shabaab.

Maxkamadda ciidanka oo maanta xukuno riday. {VEDIO}

Muse Abdullahi Cirro
-
0
Maxkamadda ciidanka oo maanta xukuno riday. {VEDIO}

Maxkamadda darajada koowaad ee ciidanka qalabka sida ayaa saaka xukun dil toogasho ah ku riday Xasan Cali Barre, halka xabsi daa’in ay ku riday Sayid Cali Aadan Nuur oo lagu helay inay ka dambeeyeen Qaraxii ka dhacay xaafada Kaawo Godey ee Degmada  Wadajir 26-kii  November sanadkii hore.

Maxkamada ayaa sii daysay Muxudiin Maxamed Axmed oo lagu waayay dambigii lagu soo oogay

Guddoomiyaha Maxkamadda Darajada koowaad G/sare Xasan Cali Nuur Shuute ayaa ka warbixiyay go’aanka maxkamada.

#Shuute

Maxkamadda darajada koowaad ee Ciidanka qalabka sida oo saaka xukuno riday. Guudddoomiyaha Maxkamadda G/sare Xasan Cali Nuur {Shuute} ayaa ku dhawaaqay.

Δημοσιεύτηκε από Telefishinka Qaranka Soomaaliyeed στις Πέμπτη, 12 Σεπτεμβρίου 2019

Dowladda Soomaaliya “ciddii fulisa amarrada shabaab tallaab ayaan ka qaadeynaa.

Muse Abdullahi Cirro
-
0
Dowladda Soomaaliya “ciddii fulisa amarrada shabaab tallaab ayaan ka qaadeynaa.

Dowladda Federaalka Soomaaliya ayaa uga digtay shakhsiyaadka fuliya amarrada ay bixiyaan malleeshiyada Al shabaab, kadib markii malleeshiyaadkaasi ay shaaciyeen odayaal dhaqameedyo aan kuwa saxda ah aheyn oo ay sameeyeen.

War qoraal ah oo kasoo baxay Wasaaradda Warfaafinta dhaqanka iyo dalxiiska XFS ayaa cambaareeyay, falalka bahdilka iyo xadgudubka ah oo ay argagaxisadu ku hayaan shacabka soomaaliyeed ee ku nool tuulooyinka fog fog iyo goobaha fara ku tiriska ah oo ay dalka kaga sugan yihiin.

Dowladda Federaalka waxaa ay sheegtay in si xooggan loo wiiqay awoodda kooxda Al shabaab, isla markaana bilihii lasoo dhaafay horjoogayaal u adkeysan waayay iska caabinta xoogga dalka isisoo dhiibeen, halka kuwa kalana ay ciidamada amnigu soo qabteen.

Dowladdu waxaa ay sheegtay in ay tallaabo sharciga waafaqsan ka qaadi doonto cid walba oo xiriir wada shaqeyn ah la yeelata haraadiga kooxda Al shabaab.

Wasiirka cadaaladda XFS oo shir guddoomiyay kulan bahda cadaaladdu maanta yeesheen.

Muse Abdullahi Cirro
-
0
Wasiirka cadaaladda XFS oo shir guddoomiyay kulan bahda cadaaladdu maanta yeesheen.

Shir ay soo qaban-qaabisay wasaaradda cadaaladda XFS oo ay ka qayb galeen bahda cadaaladda dowladda dhexe iyo dowlad-goboleedyada ayaa maanta waxaa lagu qabtay magaalada Muqdisho waxaana shir guddoomiyay Wasiirka cadaaladda XFS abuukaate Xasan Xuseen Xaaji iyadoo kulankaas warbixino looga dhageystay bahda cadaaladda ee shirka ka qayb galay.

Warbixinada laga dhageystay bahda garsoorka dalka ee maanta shirka loo qabtay ayaa ku saabsanaa waxyaabihii ka qabsoomay mashaariic hormarineed oo loogu talo galay in lagu hormariyo hay’adaha garsoorka iyo qaabkii loo maareeyay sida uu sharaxayo wasiirka cadaaladda XFS Abuukaate Xasan Xuseen Xaaji.

Sidoo kale wasiirka cadaaladda dalku waxaa uu shir guddoomiyay shir ay isugu yimaadeen bahda cadaaladda dalka iyo deeq bixiyaasha caalamku kaas oo diirada lagu saaray dhaqan galinta barnaamijyada  hormarineed  sida dhismaha iyo tayeynta xabsiyada wadanka iyo hirgalinta barnaamijyo horay looga heshiisyay sida marka kale uu sharaxayo Abuukaate Xasan Xuseen Xaaji.

“Waxaan sidoo kale kulan la qaadanay deeqbixiyaasha caalamka waxaan ka doodnay hirgalinta barnaamijyada hormarineed sida dhismaha xabsiyada iyo tayeyntooda in la hirgaliyo barnaamijyadii horay loo wada gaaray waxaana la isku afgartay in hadda laga wada shaqeeyo dhaqangalinta barnaamijyadaas oo dhan”ayuu yiri Wasiirka cadaaladda.

 

 

Wasiirka amniga XFS oo ka hadlay amniga Galmudug.

Muse Abdullahi Cirro
-
0
Wasiirka amniga XFS oo ka hadlay amniga Galmudug.

Wasiirka amniga XFS mudane Maxamed Abuukar Islaw oo maanta hadal ka jeediyay shirka dib -u-heshiisiinta Galmudug ee Dhuusamareeb ka socda ayaa ka hadlay arrimo dhowr ah oo ay ugu horeyso amniga iyo is dhex galka ciidankii la isku dhafay ee ka howlgalay Dhuusamareeb iyo magaalooyin kale.

Wasiir Islow aya sheegay in madaxda dowladda dhexe ay dadaal xoogan ku bixinayaan sidii loo xoojin lahaa amniga Galmudug iyo isku dhafka ciidanka isla markaa waxaa uu xusay in guul weyn laga gaaray isku dhafkii ciidanka amniga sidoo kale tababar loo qabtay ciidankii Ahlu sunna kuwaas oo tababar ku qaadanaya Muqdisho iyo Jabuuti.

“Ciidamada dareeskii ciidanka waa la siiyay mushaarkii bishii labaad waa la siiyay waxaan hadda ku howlanahay dib u xoreynta goobaha argagixisadu ka joogto goboladaan xerada Harqaboobe ee Guriceel ayay ciidan milatari ah ku qaadanayaan tababar iyagoo loo diyaarinayo xoreynta dhulkaas qorshuhuna wuxuu yahay in doorashada ka hor la xoreeyo dhulka cadawgu haysto.

“Sidaad la socotaan ciidamo ayaa lagu diyaariyay Hiiraan ciidamadaas waxaan rabnaa haduu ilaahay yiraahdo in la soo qaado Guriceel la keeno ciidanka tababar ay isla qaataan ka dibna Galmudug lagu xoreeyo sidoo kale Hirshabelle lagu xoreeyo iyo degaanada kale ee cadawga Khawaarijta ah ay haystaan” ayuu yiri wasiir Islow.

 

Soomaaliya oo ka qayb gashay wejiga afaraad ee shirka deyn cafinta.

SNTV
-
0
Soomaaliya oo ka qayb gashay wejiga afaraad ee shirka deyn cafinta.

Wasiirka Maaliya Xukuumadda Federaalka Soomaaliya Mudane C/raxmaan Ducaale Beyle iyo wafdi uu hoggaaminayo ayaa magaalada Adis-Ababa ee dalka Itoobiya kula kulmaya kooxda wadahadalka deyn cafinta u qaabilsan hey’adda Lacagta Aduunka (IMF) xilli uu socdo wadaxaajoodka Wejiga afaraad ee Barnaamijka deynta cafinta Soomaaliya ee loogu yeero (SMP4).

Waxaa si gaar looga hadlayaa kulanka wixii Wasaaradda Maaliyadda Soomaaliya ay ka qabatay sadexdii bil ee la soo dhaafay shuruudaha ku xeran wada hadalka deynta cafinta wajiga afaraad .

wadahadalka waxaa kale oo ka qeyb galaya wasiirka Qorsheynta iyo Guddoomiyaha Bangiga dhexe ee Soomaaliya.

Inta uu socdo shirka Wasiir Beyle iyo wafdigiisu waxa ay kulama gooni gooni ah la qaadan doonaan madaxda hey’adaha dhaqaalaha caalamka iyo qaar ka mid ah wadamada deymaha kuleh Soomaaliya waxaana kulamadaasi looga hadlayaa sidii Soomaaliya looga cafin lahaa deymaha lagu leeyahay…

Wasiirka Maaliyada Mudane Beyle ayaa raja wanaagsan ka muujiyay wada hadalka ay la galayaan IMF iyo guud ahaan in Soomaaliya laga cafiyo deymaha lagu leeyahay marka uu soo gabagaboobo Wajiga afaraad ee wada xaajoodka deyn cafinta.

Madaxweynaha Dowladda Falastiin oo Ku hanjabay inuu Ka bixi doona Heshiisyadii Ay Israa’iil la Galeen

SNTV
-
0
Madaxweynaha Dowladda Falastiin oo Ku hanjabay inuu Ka bixi doona Heshiisyadii Ay Israa’iil la Galeen

Madaxweynaha Falastiin Maxamuud Cabaas ayaa ku hanjabay inuu ka baxayo heshiisyadii ay la galeen Isra’iil, haddii uu Benyamiin Netanyahu uu oofiyo balanqaadkiisii ahaa inuu qabsanayo dooxada Jordan iyo Waqooyiga Badda loo yaqaano (Baxrul meyd).

War qoraal ah oo ay baahisay  Wakaaladda wararka ee Falastiin, ayaa lagu yiri: Cabaas wuxuu sheegay in heshiisyadii lala galay Israa’iil ay dhici doonaan haddii ay Isra’iil ku soo xad gudubto qeyba horleh oo dhulka Falastiin ka mid ah.

Maxamuud Cabaas ayaa sidokale sheegay in go’aamada Netanyahu ay ka hor imaanayaan go’aamadii lawada galay iyo sharciyada caalamka.

Netanyahu “ma doonayo xalkasta oo nabadda lagu xoojinayo mana aqoonsano in go’aamada Dowladda Falastiin ay wax tar yahiin, wuxuna diidayaa heshiiskii hore ee la wada galay ” ayuu yiri Maxamuud Cabaas.

Xoghayaha Guud ee Guddiga fulinta Ururka Xoreynta Falastiin Saa’ib Curey qaad , ayaa sheegay in aan loo dulqaadan Karin hanjabaada Yahuuda ee ku aadan qabsashada dooxada Jordan iyo waqooyiga Baxrul meyd, talaabadana ay tahay dambi dagaal iyo meelka dhac loo geysatay karaamada Dadka reer Falastiin.

Mas’uul kale tirsan Ururka Xoreynta Falastiin ee PLO  oo lagu magacaabo Xanaan Ashraawi ayaa ku tilmaamay hadalka Netanyahu inuu yahay xadgudub dhuleed iyo  mid qowmiyadeed oo meesha ka saraya fursadaha nabadda ee horay loo galay.

Ugu danbeeyntii Ururka Xamaas ayaa si wada jir ah uga soo horjeestay hadalka hanjabaada ah eek a soo yeeray Benyamiin Netanyahu ee ku aadan inuu qabsashada dooxada Jordan iyo waqooyiga Baxrul meyd

Soomaaliya oo Wareejisay Hoggaanka Shirka Golaha W/A/Dibedda Jaamacadda Carabta

SNTV
-
0
Soomaaliya oo Wareejisay Hoggaanka Shirka Golaha W/A/Dibedda Jaamacadda Carabta

Qaahira:-Wasiirka arrimaha Dibedda Soomaaliya, Axmed Ciise Cawad, ayaa Shalay wareejiyey hoggaanka shirka golaha Wasiirrada arrimaha dibedda ee Jaamacadda Carabta.

Wasiir cawad, oo Guddoominayay shirka Wasiirrada Jaamacadda Carabta oo lagu qabtay Magaalada Qaahira ee Caasimadda Dalka Masar, ayaa geba-gebadii kulanka xilka hoggaanka ku wareejiyay dhiggiisa Dalka Ciraaq, Maxamed Cali Xakiim.

Ambassador  Cawad, ayaa sheegay in Lixdii Bil lood ee ay xilka haysay Soomaaliya ay u qabsoomeen waxyaabo badan, kana shaqeeyeen isu soo dhoweynta siyaasadda Waddamada ku bahoobay Ururka Jaamacadda Carabta iyo iskaashigooda.

Shirka Wasiirrada arrimaha dibedda ee Jaamacadda carabta ayaa looga hadlay dhibaatada haysata Shacabka reer Falastiin iyo colaadaha ka aloosan Waddamada Libya, Yemen iyo Suuriya.

R/Wasaare Kheyre oo Xudur kula kulmay Madaxda Degmooyinka Bakool & Odayaasha Dhaqanka

SNTV
-
0
R/Wasaare Kheyre oo Xudur kula kulmay Madaxda Degmooyinka Bakool & Odayaasha Dhaqanka

R/Wasaaraha Xukuumadda Federaalka Soomaaliya Mudane Xasan Cali Kheyre oo ku sugan Magaalada Xudur ee xarunta gobolka Bakool ayaa magaaladaas waxaa uu kullan kula qaatay Dhamaan Masuuliyiinta degmooyinka Gobolka Bakool iyo Odayaasha Dhaqanka.

Ra’iisul Wasaaraha ayaa kala hadlay Gudoomiyaaha Degmooyinka sida wanaagsan oo ay kaga qaybteen dagaalka Maleeshiyaadka Al Shabaab.

Dhanka kale, Mudane Xasan Cali Kheyre ayaa ugu baaqay Hey’adaha dhanka gargaarka inay tagaan magaalooyinka kala duwan ee Gobolka Bakool halkaas oo meelaha qaar ka jiraan xaaladu Bani’aadanimo aad u daran.

Dadka shacabka ee Gobolka Bakool ayuu uga mahadceliyay sida geesinimada leh oo ay ula dagaalameen islamarkaana isaga xoreeyeen maleeshiyaadka Al Shabaab waxaana uu sheegay R/Wasaaraha in degmada Xudur uusan u tagin in maamulka iyo Shacabkaas uu wax u sheego balse in wax laga faa’iideysto ay tahay iga.

R/Wasaaraha Xukuumadda ayaa inta uu halkaas joogo waxaa uu booqan doonaa xeryaha ciidanka qalabka sidda ee kuyaala halkaasi iyo meelo kale oo muhiim ah.

1...839840841...1,567Page 840 of 1,567

© 2023 Telefishinka Qaranka Soomaaliyeed