Wasiirka Wasaaradda Warfaafinta Dhaqanka iyo Dalxiiska XFS oo khadka fogaan aragga kagala qeyb galay Jaaliyadda Soomaliyeed ee Gobolka Minnesota munaasabad looga soo hor jeedo damaca Itoobiya ee Biyaha Soomaaliya ku qabtay Minnesota.

Shacabka Soomaaliyeed ee ku kala nool dalalka qurbaha ayaa maalmahan ba waday daddaal xoog leh oo uga soo horjeedaan damaca gurracan ee Itoobiya ku raadinayso Biyaha Soomaaliya.

U doodayaasha xuquuqda iyo khubarada sharciga ayaa soo dhaweeyay go’aanka maxkamadda caalamiga ah ee caddaaladda ee ku amraya Israa’iil inay qaadaan “dhammaan tallaabooyinka ku jira awooddeeda” si looga hortago falalka u dhiganta xasuuqa ka dhanka ah Falastiiniyiinta ee Marinka Gaza.

Iyadoo ay ka gaabisay inay si cad u dalbato xabbad-joojin, maxkamadda sare ee Qaramada Midoobay ayaa Jimcihii qiratay inay jirto khatar macquul ah oo xasuuq ah oo ka dhici karta dhulka la duqeeyay ee Falastiiniyiinta, waxaanay diiday inay meesha ka saarto dacwadda ay Koonfur Afrika keentay.

Go’aanka ICJ ee Hague wuxuu sidoo kale kiciyay baaqyo cusboonaysiin ah oo lagu joojinayo wareejinta hubka dawladda Israa’iil, taas oo u doodayaasha ay sheegeen in ay ka dhigan tahay mid adag oo jabinaysa sharciga caalamiga ah.

Waxaa kaloo  jira shixnado hub ah oo ka yimid Maraykanka, oo ah taageeraha ugu horreeya ee Israel.”Maraykanku ma awoodo mana aha inuu sii wado hubka uu u wareejinayo Israel ”

Guddoomiyaha Gobolka Banaadir ahna Duqa Magaalada Muqdisho Mudane Yuusuf Xuseen Jimcaale (Madaale) oo safar shaqo ku jooga dalka Ciraaq ayaa kulan kula qaatay Magaalada Bagdaad Kusimaha Danjiraha ahna La-taliyaha Kowaad ee Safaarada Soomaaliya dalka Ciraaq Mudane Cabdifataax Sheekh Axmed Cabdi.

Kulanka oo ahaa mid soo dhaweyn iyo kala xog-qaadasho ayaa waxa uu Guddoomiye Madaale kaga mahadceliyay Danjire Cabdifataax howsha adag oo uu Qaranka u haayo, waxa uuna kula dar-daarmay xoojinta isku xirka labada Dowladood ee Soomaaliya iyo Ciraaq oo ay ka dhaxeyso Taariikh fog oo soo jireen ah.

Safiirka Jamhuuriyadda Federaalka ee dalka Shiinaha Mudane Cawaale Cali Kullane, ayaa ka qeyb galay munaasabadda xuska dhaqanka iyo diblumaasiyadda oo lagu qabtey madxafka qadiimiga ah ee Shiinaha ee magaalada Beijing.

Munaasabaddan oo ay soo qaban-qaabiyeen machadka Shiinaha iyo Afrika ayaa ahayd mid lagu muujinayay xoojinta xiriirka iyo isfahamka ka dhexeeya Shiinaha iyo Soomaaliya.  Amb. Kullane ayaa matxafka si diiran loogu soo dhaweeyay gaar ahaan Dhismaha Zhizhong  oo ah xarunta aqoonta taariikhiga ah iyo isdhaafsiga dhaqanka.

Sidoo kale, ujeedkan munaasabaddan loo soo agaasimay ayaa ahayd sidii loo xoojin lahaa xiriirka dhaqanka ee ka dhexeeya Shiinaha iyo Soomaaliya. Danjire Kullane ayaa intii uu booqashada ku guda jiray halkaasi ka jeediyay khudbad uu ku muujinayo xiriirka taariikhiga ah ee ka dhaxeeya Shiinaha iyo Afrika. Waxa uu ku nuux-nuux saday muhiimadda ay leedahay in la fahmo asalka ilbaxnimooyinka.

Danjiraha ayaa ku baaqay in la iska kaashado horumarinta iyo wada-shaqeynta ummadaha dunida ku nool. Munaasabadda ayaa waxaa goob joog ka ahaa warbaahinta Shiinaha iyo Afrika, iyadoo lagu soo bandhigay ahmiyadda xiriirka Shiinaha iyo Afrika.

Guddoomiyaha Gobolka Banaadir ahna Duqa Magaalada Muqdisho Mudane Yuusuf Xuseen Jimcaale (Madaale) ayaa ka qaybgalay shirka Magaalooyinka iyo Caasimadaha Carabta oo ka dhacay Magaalada Bagdaad ee dalka Ciraaq.

Shirkan ayaa lagu soo bandhigay waxqabadkii uu gaaray ururka Magaalooyinka Carabta sanadkii la soo dhaafay, Qorshayaasha loo baahanyahay si horumar ballaaran loo gaarsiiyo Caasimaddaha Carabta iyo sidii loo ansixin lahaa ajendayaasha shirka soo socda, oo ay dhamaan isku raaceen madaxda shirka ka qeybgaleysa.

Gaba-gabadii Shirka Duqa Maagalada Bagdaad ee Caasimadda dalka Ciraaq Mudane Camaar Muuse Kaadim ayaa Hadiyad qaali ah guddoonsiiyay Guddoomiyaha Gobolka Banaadir ahna Duqa Magaalada Muqdsho Mudane Yuusuf Xuseen Jimcaale (Madaale).

R/Wasaare Ku-Xigeenka Dalka Ethiopia Demeke Mekonnen oo sidoo kale ahaa Wasiirkii Arrimaha Dibedda ee dalkaasi ayaa lagu waramay in uu iska casilay xilalkii uu ka hayey dalkaasi.

Lama shaacin sababaha uu isku casiley masuulkaasi oo jagooyinkaasi soo haayey tan iyo bishii November 2020ka.

Demeke Mekonnen waxaa uu ka soo jeedaa qowmiyadda Amxaarada oo haatan dagaal culus oo hubeysan kula jirta Dowladda Ethiopia ee Ra’iisul Wasaare Abiy Ahmed.

Dalka Ethiopia waxaa ka taagan dagaalo sokeeye oo qowmiyado ku saleysan, kuwaas oo khatar ku ah amniga dalkaasi iyo kan gobolka intaba.

Ugu yaraan 183 qof ayaa lagu dilay 377 kalena waa la dhaawacay 24 saac ee lasoo dhaafey, sida ay sheegtay wasaaradda caafimaadka ee Gaza.

Xeryaha qaxootiga iyo xarumaha guud ee Khan Younis ayaa si hagar la’aan ah loogu bartilmaameedsaday madaafiicda Israa’iil iyadoo ay rasaas ku ridayeen dad Falastiiniyiin ah oo ka baxayay Isbitaalka al-Amal.

Maxkamadda Caalamiga ah ee Caddaaladda (ICJ) ayaa go’aan ka gaari doonta codsiga Koonfur Afrika ee “tallaabooyin ku-meel-gaar ah” oo ka dhan ah Israel  kuna saabsan xasuuqda lagu eedeeyay  ee Gaza,

Maxkamadda sare ee Qaramada Midoobay ayaa ku amri karta Israa’iil inay joojiso duullaanka ka dhanka ah dhulka Falastiin.

Xaflad si heer sare ah loo soo agaasimay, isla markaana lagu maamuusayay Maalinta Caalamiga ah ee Fudooyinka ayaa lagu qabtay Dekadda weyn ee Magaalada Muqdisho.

Munaasabadaas waxaa ka qeyb galay dhammaan masuuliyiinta sare ee Wasaaradda Maaliyadda, qeybaha kala duwan ee Maamulayaasha Fudooyinka, Ganacsato iyo Saraakiisha Hoggaanka ilaalada cashuuraha.

Wasiirka Wasaaradda Maaliyadda XFS Mudane 𝐁𝐢𝐢𝐱𝐢 𝐈𝐦𝐚𝐚𝐧 𝐂𝐢𝐠𝐞 oo hadal kooban ka jeediyay Munaasabadda ayaa u mahadceliyay dhammaan Madaxda iyo Shaqaalaha Fudooyinka ,isagoo sheegay in uu qirsan yahay in shaqaalaha ay qabteen howl muhiim u ah dib-u-habeynta iyo kobcinta dakhliga.

wasiirka ayaa sidoo kale sheegay in la casriyeeyay hannaanka dekhli uruurinta, waxa uuna intaa ku daray in la sii horumarin doono qaabka shaqo ee Kastamyada Dowladda.

Ciidamada Xoogga dalka  Soomaaliyeed ee ku sugan Magaalada Beledweyne ee Gobalka Hiiraan ayaa toogtay mid kamid ah Argagixisada naf la caariga ah oo doonayay in uu dhibaato u geesto bulshada Beledweyne.

Howlgalkaan oo ka dhacay xaafadda Buundo-weyn ayaa waxaa fuliyay Askar ka tirsan guutada 5aad qeybta 27-aad oo ku howlgalay xogta Bulshada Xaafadda Buundo-weyne.

Meydka dhagarqabaha oo kamid ahaa xubnaha u xuubsiibtay dhibaateynta Bulshada ayaa ku baxay gacanta Ciidamada geesiyaasha ah, waxuuna watay hub kala duwan sida Bam-gacmeed iyo Bastoolad.

Taliyaha guutada 5aad Qeybta 27-aad korneel Maxamuud Xasan Ibraahim Baakaay ayaa ku bogaadiyay howsha Qaran ee CXD ka qabteen Argagaxisada, waxuuna carabka ku dhuftay in ay dhammaatay waqtiga dadka bulshada indhaha u ah inta la dilo la oran jiray wuu baxsaday iyo lama yaqaan.

Bulshada Gobalka Hiiraan ayuu ugu baaqay inay la shaqeeyaan Ciidamada amaanka si loogu guuleysto amniga Gobalka iyo Magaalada Beledweyne intaba.