Guddoomiyaha Gobolka Shabellaha Hoose oo ay wehliyaan Guddoomiye ku xigeenka Maaliyadda Gobolka iyo mas’uuliyin kale ayaa kormeer ku sameeyay wadada xiriirisa Degmada Afgooye iyo Deegaanka Nambar 50 ee Gobolka Shabellaha Hoose.

Ujeedka kormeerka ayaa ahaa in mas’uuliyinta gobolka ay ugu kuurgalaan xaaladda amni ee waddada, iyadoo wadada xiriirisa nambar 50 iyo Degmada Afgooye ay muhiim u tahay isku socodka gaadiidka iyo dadweynaha,

Guddoomiyaha Gobolka Shabellaha Hoose ayaa kulan looga hadlayay xaaladda amni ee waddadas waxa uu la qaatay saraakiisha AMSIOM ee ku sugan  deegaanka Nambar 50 iyo maamulka deeganka

Guddoomiyaha Deegaanka Nambar 50 Cabullahi  Cali Axmed Waafow  ayaa  guddomiyaha Gobolka Shabellaha Hoose uga mahadceliyay booqasahda uu ku yimid deegaanka,  isago sheegay  in xaaladda amni ee waddada tahay mid la isku haleyn karo.

Guddoomiyaha  Gobolka Shaabellaha Hoose Mudane Ibraahinm Aadan Cali Najax ayaa bulshada ku dhaqan deegaanka Nambar 50 ugu baaqay in ay ka qeybqaatan dagaalka lagula jiro argagixisada, isagoo shegay in howlgalka lagu baacsanayo Al-Shabaab ee ku dhuumalesanayo qeybo ka mid ah Gobolka Shabellaha Hoose  uu sii socon doono.

Dhawaan ayay ahayd markii ciidanka Xoogga dalka iyo kuwa AMISOM oo is garabsanaya ay la waregen deeganka Bariire iyo Tulooyin hoos yimada, iyado maamulka Gobolka Shabellaha Hoose uu shegay in deganada lagala waregay Shabaab ay gaarsiin doonaan nidaamka dowliga ah.

Maxamed Cali Cumar Jubba

Waxaa saaka Aas loogu sameeyay Magaalada Jowhar Allaha u naxariistee Marxuum Aadan Macalin Cali oo ka mid ahaa Xildhibaanada Dowlad Goboleedka Hir-Shabeelle.

Marxuumka xalay fiidkii ayuu wadnaha istaagay waxaana ka qeybgalay Aaska Xildhibaanka Madaxweynaha KMG ahna Madaxweyne ku xigeenka Hir-Shabeelle Md Cali Xuseen Guudlaawe, Guddoomiye Ku-xigeenka 1aad ee Baarlamaanka Hirshabeelle, Wasiiro iyo Xildhibaanada Hirshabeelle.

Dhamaan dadkii goobta isugu yimid waxay Alle uga baryeen inuu naxariistiisa Janno Siiyo jannatul Fardowsana Ka waraabiyo. Aamiin Aamiin

Marxuumka ayaa la xanuunsanayaay naqas isbitaal Jowhar ayuu ku jiray in muddo ah markii dambe ayuu u dhintay.

Marxuum Aadan Macalin Cali  waxa uu jiraa da’da 55 sano jir, waxaana mar uu soo noqday Guddoomiye ku-xigeenkii 1aad ee Gobolka Hiiraan, isagoo Xildhibaanimada ka soo galay Gobolka Hiiraan.

INAA LILAAH WA INAA ILEYHI RAAJICUUN…..

Shirka sannadkaan oo maalintii Talaadada furmey waxaa diiradda lagu saarayay amniga Duulimaadka iyo garoomada iyo horumarinta Saadaasha hawada dalalka gobolka.

Mudane Maxamed Cabdullaahi Salaad (Oomaar) oo ka qeyb-galay furitaanka shirweynaha Wasiirrada Duulista ee waddamada Carabta iyo Africa oo ka dhacay sannadkaan dalka Masar, ayaa khubad uu ka jeediyey shirka ku sheegay in Soomaaliya ay ku tallaabsatay horumarro waa weyn oo ay qeyb ka yihiin arrimaha Duulista iyo maamullidda hawada dalkeeda

“Wasiirka Duulista Masar waxaan isla garannay inaan diyaarinno heshiisyo lagu fulinta doono dhinacyada ay Soomaaliya ka taageerayaan iyo wada shaqeynta duulimaadka diyaaradaha” tababaridda shaqaalaha garoomada iyo kor u qaadidda barnaamijka lagu maamuli doono Hawada Soomaaliya ayeey dowladda Maser gacan naga siin doontaa” ayuu yiri Wasiirka Duulista Soomaaliya.

Sidoo kale Wasiirka Gaadiidka iyo Duulista Hawada Soomaaliya, ayaa caasimadda Masar kulamo gaar-gaar ah kula qaatay Wasiirrada dhiggiisa ah oo uu ka mid yahay wasiirka Duulista Masar, waxa ay isku soo qaadeen sidii labada dal ay u abuuri lahaayeen jawi iskaashi dhanka Duulimaadyada ah iyo in diyaaradda dalka Maser ay Soomaaliya ka bilowdo Duulimaadyo Toos ah

Shirka waxa uu dhammaan doonaa khamiista waxaana  jiri doona kulammo kale oo u dhaxeeya wasiirrada dalalka ku jira ururka OCI iyo ICAO.

Ra’isulwasaaraha Xukuumadda Soomaaliya Mudane Xasan Cali Khayre ayaa magacaabay Wasiirka Wasaaradda Howlaha Guud iyo Dib u dhiska Dalka.

Mudane Xasan Cali Khayre ayaa u magacaabay xilkaan Mudane Eng. Saadiq C/laahi Cabdi maanta oo taariikhdu tahay 22-ka Bishaan Agoosto 2017-ka.

Xilkaan ayaa banaanaa in mudaa ka dib markii la dilay Wasiirkii Wasaaradda Howlaha Guud iyo Dibu dhiska Cabaas Sheekh Siraaji.

Mudane Eng. Saadiq C/laahi Cabdi Wasiirka Cusub ee Wasaaradda Howlaha Guud iyo Dibu dhiska ee Xukumadda Soomaaliya ka mid noqoya Wasiiradda Mudane Xasan Cali Khayre Waxaana horyaala Shaqooyin Muhiima oo qeyb ka ah horumarinta Dalka.

Shirka ayaa waxaa qaban qaabisay Wasaaradda Amniga Qaranka waxaana ka qayb galay xildhibaano ka tirsan Baarlamaanka, Taliyaasha Ciidanka Amaanka, hay.ada Socdaalka iyo jinsiyada,Wasaaradaha Amniga Dowlad Goboleedyada. Iyo diblu Maasiyiin ka socday Beesha Caalamka.

Waxaa shirka oo uu shir gudoominayay wasiirka amniga looga hadlay qorshaha amniga Somalia ilaa 2020 ka iyo wadooyinka loo marayo.

Xubnaha ka socday dowlad goboleedyada ayaa shirka ka soo jeediyay in ay muhiim tahay in ciidamo boolis ah laga hirgaliyo goblada oo dhan si amniga loo sii xoojiyo.

Safiirka Midowga Yurub ee Soomaaliya Veronique lorenzo ayaa muujisay sida Beesha Caalamka ay uga go.antahay in Dowladda Soomaliya Amniga gacan laga siiyo isla markaana laga shaqeyo in shir weyn oo la qaban doono bisha December la diyaariyo qodobadii lala tagi lahaa.

Wasiirka amniga dowladda federaalka Somalia Mudane Mohamed Abukar Islow ayaa Tv.ga Qaranka uga warbixiyay muhiimada shika uu maanta furay isagoo xusay in shirka xiga la qaban doono  23 bisha soo socota.

“Waxaan diyaarinay qorshaha siyaasada Amniga Qaranka waxaa wasaaradda ka go.an in Amniga la hormariyo waan uga mahad celinaynaa Beesha Caalamka sida ay nooga caawineyso dib u dhiska hay.adaha Amaanka Dalka.

Waa kulan qayb ka ah wada shaqeynta Dowladda federaalka Soomaaliya iyo dowlad goboleedyada iyadoo horay sidaan oo kale wasaaradaha qaar ay u qabteen shirar looga hadlayay u Adeegida bulshada Dowladda Soomaaliya iyadoo kaashaneysa saaxiibadeeda Caalamka ayay dhawaanahaanba waxaa ay waday dadaalo lagu Xoojinayo hay’adaha Amniga Dalka.

Dalka Norway ayaa waxaa lagu soo gebagebeeyey dacwad u dhexeysa Dowladda Norway iyo muwaadin Soomaaliyeed oo Dowladda dalkaasi ay ka qaadatay caruur uu dhalay, taasi oo socotay muddo maalmo ah.

Dhageysiga dacwada oo soo socotay muddo 3 maalmood ah, ayaa  la soo gebagebeeyay, waxaana muwaadinkan Soomaaliyeed uu muujinaya in natiijo wanaagsan ay ka soo baxdo dacwadda laxiriirta caruurtiisa iyo sharcigiisa.

Garase Abdullahi waa 50 sana jir, wuxuuna markii ay soo dhamatay Maxkamadan oo xukunkeedi la sugo doono muddo dhan  2 ilaa 4 todobaad uga uu muujinayaa dareen rajo xumbaarsan, isagoo uga mahadceliyay dadkii Soomaaliyeed ee caawiyay iyo Preben Klovfjell  o ah Qareenkii u doodayay halka ay soo gaarsiyeen dacwadiisa.