Search
Subscribe
Home Blog Page 1532

Guddiyada Joogtada ah ee Golaha Aqalka Sare oo maanta Muqdisho ku kulmay

SNTV
-
0

Kulankan ay yeesheen Gudiyada Joogtada ah ee Golaha Aqalka Sare ee Baarlamaanka Federaalka Soomaaliya ayaa Waxaa shir gudoominayay gudoomiya Golaha Aqalka Sare Baarlamaanka Federaalka Soomaaliya Mudane Cabdi Xaashi Cabdulaahi.

Dhowr Qodob oo muhiim ah ayaa kulanka looga hadlay, waxaana ka mid ahaa dhacdadii deegaanka Bariire ee gobolka Shabeelaha Hoose.

Kulanka oo dhowr saacadood qaatay ayaa markii uu soo idlaaday waxaa Saxaafadda la hadashay Habdhooraha Golaha Aqalka Sare ee Baarlamaanka Federaalka ah ee Soomaliya  Fartuun C/qaadir Faarax karaama.

Kulamada  Guddiyada Joogtada ah ee Golaha Aqalka Sare ee Baarlamaanka Federaalka Soomaaliya ay yeeshaan ayaa inta badan waxaa looga hadlay diyaarinta qorshaha shaqo ee Aqalka iyo dhacdooyinka dalka ka dhaca.

Xarunta Maamulka Internet-ka Hay’adda Dowladda oo la hirgeliyay

SNTV
-
0

Ra’iisul Wasaare ku-xigeenka Xukuumadda Soomaaliya Mudane Mahdi Maxamed Guuleed ayaa maanta xariga ka jaray xarunta Maamulka Internet-ka Haya’adaha Dwoladda oo ay hirgelisay Wasaaradda Boostada, Isgaarsiinta iyo Teknoloojida, iyadoo ay goobjoog ka ahaayeen Wasiirka Boostada oo ay wehlinayeen mas’uuliyiinta kale ee Wasaaradda iyo Wasiiro ay kamid yihiin Wasiirka waxbarashada, Hidaha iyo Tacliinta sare iyo Wasiir ku-xigeenka Dastuurka Soomaaliya.

Shaqaalaha ka howlagalaya xaruntan ayaa R/wasaare ku xigeenka warbixin kasiiyay sida ay u shaqeeyaan, waxayna sheegeen in internet-ka ay xarunta bixineyso  uu yahay internet xawaarahiisu dheereeya ee badda lasoo marsiiyo oo loo yaqaano Fiber Optic.

Eng Cabdi Canshuur Xasan Wasiirka Wasaaradda Boostada, Isgaarsiinta iyo Teknoloojiada ee Xukuumadda Soomaaliya ayaa xusay in hirgelinta xaruntan Internet-ka bxisa ay muhiim u tahay Hay’adaha dowladda, isla markaana ay ka faa’iideysan doonaan dhamaan hay’ada kala duwan ee dowladda.

“15 goobood ayaa waxaa la geeyay labo xarig oo isku dul wareegga leh, oo loogu talagalay in haddii uu mid go’o mid kale lagu fakado, 15-ka goobood waxaa degan hay’adaha dowladda, adeegyada ay Wasaaradda bixineyso uu yahay mid lacag la’aan ah” ayuu yiri Eng Cabdi Wasiirka Boostada.

R/wasaare ku xigeenka Xukuumadda Federaalka ah Mudane Mahdi Maxamed Guuleed ayaa bogaadiyay dadaallada ay wado Wasaaradda Boostada, Isgaarsiinta iyo Teknoloojiyada, wuxuuna ugu baaqay Wasaaradaha kale inay ku deysadaan si looga mira dhaliyo qorshaha isla xisaabtanka oo halbeeg u ah Xukuumadda Soomaaliya.

“Waan kuu hambalyaynayaa Wasiir, Xukuumadda Nabad iyo Nolol wax weyn ay ku faanto weeyaan oo horumar laga gaaray, Wasaaradaha kale inay kuu deydaan ayaan rajeynayaa, qiimeeyn iyo isla xisaabtan ayaa hal ku dhig u ah Xukuumadan” ayuu yiri Ra’iisul Wasaare ku-xigeenka dalka.

Furitaanka xarunta maamulka Internet-ka Hay’adaha Dowladda ee ay hirgalisay Wasaaradda Boostada, Isgaarsiinta iyo Teknoloojiyada ayaa qeyb ka ah dadaallada Wasaaraddu ugu jirto hirgelinta xarumaha muhiimka u ah dalka iyo dhameystirka shuruucda lagama maarmaanka ah, iyadoo dhawaan ay aheyd markii Wasaaradda ay ku guuleysatay in golaha Wasiirada iyo  Labada aqal ee Baarlamanka ay meel mariyeen sharciga Isgaarsiinta Qaranka oo hadda la filayo inuu saxixo Madaxweynaha Jamhuuriyadda.

Wasiir ku xigeenka Dhalinyarada iyo Ciyaaraha XFS oo London kula kulmay Jaaliyadda Soomaaliyeed

SNTV
-
0

Kulan casho sharaf ah oo lagu soo dhaweenayay Wasiir ku xigeenka Wasaaradda Dhalinyarada iyo Ciyaaraha Dowladda Federaalka Soomaaliya Mudane Axmed Cumar Islow oo baryahan ku sugnaa dalkan Ingiriiska ayaa xalay lagu qabtay magaalada London.

Waxaa ka soo qeygalay qaar kamid ah cayaaryahanadii hore ee Soomaaliya, waxaa kaloo marti sharafta ka mid ahaa guddoomiyaha xiriirka cayaaraha fudud Marwo Khadiijo Aadan Axmed oo dhawaan wafdi ay hogaaminaysay kaga qeybgaleen magaaladan London tartankii ciyaaraha fudud ee aduunka.

Mudane Axmed Cumar Islow Wasiir ku xigeenka Dhalinyarada iyo Ciyaaraha Dowladda Soomaaliya ayaa ka hadlay qorshaha Wasaaradda ee ku aadan sidii loo horumarin lahaa Ciyaaraha Soomaaliya, isagoo bogaadiyay hadaladii dhiira galinta ahaa ee qurbo joogtu ka muujiyeen sida ay ugu heelayihiin hormarinta Ciyaaraha guud ahaan, gaar ahaan bahda Ciyaaraha.

Qaar kamid ah dadkii goobta ka hadlay ayaa uga warbixiyay Wasiir ku xigeenka xaaladda dhallinyarada iyo ciyaaraha Qurba joogta ku sugan dalka Ingiriiska, iyagoo xusay in ay Dolwadda Soomaaliya ay dhiirogelin uga baahan yihiin.

Dowladda Soomaaliya oo Ka hadashay Dad shacab ah oo Shabeelaha Hoose lagu dilay.

SNTV
-
0

Dowladda Soomaaliya ayaa sheegtay in ay baaritaano qoto dheer ku sameyn doonto dad shacab ah oo la sheegay in lagu dilay Gobolka Shabeelaha Hoose.

Wasiirka Wasaaradda Warfaafinta Dowladda Soomaaliya Mudane Eng Cabdiraxmaan Yariisow ayaa sheegay in Dowladda Soomaaliya ay si dhab ah u baari doonto dhacdadii ka dhacday Gobolka Shabeellaha Hoose ee lagu dilay dad  Shacab ah.

Sidoo kale Taliyaha Ciidanka Xooga Dalka Soomaaliya Axmed Jimcaale Geedi oo la hadlay Warbaahinta Qaranka ayaa sheegay in ay aad uga xunyihiin sida ay wax u dhaceen waxaana uu sheegay in dhacdadaas ay ahayd iska hor imaad dhaxmaray dad shacab ah oo hubeysnaa iyo ciidamada Dowladda.

Taliyaha ayaa sheegay in ay dhacdada ahayd kala shaki waxaana uu cadeeyey dadka meeshaas ku geeriyooday in ay ahaayeen dad shacab ah oo aaney Shaqo kulahayn Kooxda Al-Shabaab , sidoo kale waxa uu xusay in ay dowladda Soomaaliya aad uga xuntahay isla markaasna ay u saartay Gudi Arintaasi u kuur galo.

Muwaadin Soomaaliyeed oo lagu dilay Cape Town

SNTV
-
0
Kooxo hubeysan ayaa magaalada Cape Town wax yar kahor waxaa ay ku dileen Allaha u naxariistee muwaadin Soomaaliyeed oo lagu magacaabi jiray Ismaaciil Cali Sakiin.
Alle ha u naxariistee Muwaadinkaan ayaa la sheegay in uu ka adeeganayay meel dukaan ah oo lagu gado alaabaha jumlada ah, taasi oo ku taala magaalada Cape Town ee dalka Koofur Afrika, sida uu soo sheegayo wariyaha Warbaahinta Qaranka ee dalka South Africa C/laahi Qorshe.
Waa Muwaadinkii Labaad oo South Africa gudaheeda lagu dilay 12-kii saac ee lasoo dhaafay.

Maamulka Gobolka Banaadir oo dib u sameynayo Sharciga Gadiidka Wadada

SNTV
-
0

Maamulka Gobolka Banaadir ayaa Sheegay in ay sameeyeen Sharciga Gadiidka Wadada kaas oo hagi doono Gadiidka wadadooyinka Gobolka Banaadir.

Gudoomiyaha Gobolka Banaadir Mudane Taabit ayaa sheegay in ay khubaro u xil saareen Sharcigii Gadiidka ee la sameeyey 1963 iyo kuwa la sameeyey Waqti ka danbeeyey  , Gudoomiyaha ayaa sheegay in Khubaradaasi ay ka koobnaayeen Qeyb ka Socotay Ciidamada Taraafikada iyo kuwa ka socday Dowladda Hoose ee Muqdisho.

Sidoo kale Gudoomiyaha Gobolka ayaa sheegay in qorsheynayaan in ay wadooyinka Magaalada Muqdisho ay u dhamees tiri doonaan adeegyada ka maqan ee looga baahanyahay Sida Samaafaraha iyo dhamaan Calaamadaha kale ee Wadooyinka.

Mudane Taabit Cabdi ayaa sidoo kale Shacabka Gobolka Banaadir u balanqaaday in canshuur walbo oo laga qaado ay ayaga dib ugu soo laaban doonto oo adeegyo muhiim u ah Shacabka Gobolka lagu qaban doono.

Golaha Wasiirada XFS oo ansixiyey Sharciga Istaatiistikada Dalka

SNTV
-
0

Golaha Wasiirada ee Xukuumada Federaalka Soomaaliya ayaa Khamiistii yeeshay kulankoodii caadiga ahaa oo uu shir-guddoominayay Ra’iisal Wasaaraha Xukuumada Mudane Xasan Cali Kheyre.

Arrimaha kulanka looga hadlay ayaa waxaa ka mid ahaa ansixinta Sharciga Istaatistikada, laguna qeybiyey shuruucda Dambiyada Jinsiga iyo kan Ururada Aan Dowliga Aheyn, isla markaasna looga hadlay arrimaha Amniga, Dastuurka, Maaliyada iyo waxqabadka dowladda iyo arrimo kale.

Warbixinta amniga ayaa lagu xusay in qorsheyaasha howlgalka ciidamada uu meel fiican marayo, isla markaasna la baacsanayo kooxaha argagaxisada ah oo dhowaan lagala wareegay deegaanka Bariirie oo 3 maleeshiyada Al-Shabaab lagu qabtay. Shacabka ayaa looga degay Xeebaha dalka xilliyada ay Baddu kacsantahay, tanoo dad badan naftooda ku waayey.

Sidoo kale doomanka waxaa la faray in shaqsi walba loo xiro Jaakada dabaasha, iyo in xilliyada Baddu kacsantahay aysan rakaab qaadin.

Wasaarada Maaliyada ayaa ka warbixisay xaalada Maamulka & Maareynta Maaliyada iyo qorshaha mideynta dakhliyada hay’adaha kala duwan oo dhammaan lagu ballamay in khasnada dowladda lagu soo shubo. Wasaarada ayaa wada qorshe lagu ururinayo canshuuraha si loo kordhiyo dakhliga dowladda si adeegyada bulshada loo fuliyo.

Wasiirka Arrimaha Dastuurka ayaa golaha siiyey warbixin kooban oo ka hadleysa horumarka wadatashiga hannaanka dib u eegista dastuurka oo dowlad goboleedyada la gaarsiiyey wadatashiga bulshada, isla markaasna maamulka gobolka iyo degmooyinka Benadir lala sameeyey wadatashiga Maqaamka Muqdisho.

Wasiirka ayaa sidoo kale la wadaagay golaha caqabadaha jira sida dhaqaalaha, amniga, iyo arrimo kale. Wasiirka ayaa sheegay in Shirweyne Wadatashi Qaran la qaban doono dhammaadka bisha September.

La Taliyaha Ra’iisul Wasaarahaa ayaa soo bandhigay waxqabadka Wasaaradaha uguna baaqay Wasiirada inay labo jibaaraan waxqabadkooda si shacabka loola wadaago oo isla xisaabtan dhab ah loo hirgeliyo.

Wasiirka Wasaarada Qorsheynta ayaa golaha u soo bandhigay Hindise Sharciyeedka Istaatiistikada oo dood dheer ka dib ay xubnaha golaha wasiirada si wadar-oggol ah ugu codeeyeen una ansixiyeen. Sharcigan ayaa waxaa ka abuurmaya Hay’ada Istaatiistikada Qaranka oo wax weyn ka qaban doonta arrimaha muhiimka u ah diyaarinta Qorsheyaasha horumarinta dalka, iyo arrimo fara badan.

Golaha ayaa maanta loo qeybiyey Hindise Sharciyeedka Dambiyada Jinisga oo ay soo gudbisay Wasiirka Haweenka & Xaquuqul Insaanka iyo Hindise Sharciyeedka Urarada Aan Dowliga aheyn (NGO) oo uu soo gudbiyey Wasiirka Qorsheynta. Labadaan sharci ayaa xubnahu ay soo akhrisan doonaan si looga doodo, loona ansixiyo shirarka danbe.

DHAMMAAD

Wasiirka Xanaanada Xoolaha dhirta iyo Daaqa XFS oo Sucuudiga kala hadlay Dhoofka xoolaha Soomaaliya.

SNTV
-
0
Waxaa magaalada Riyaad ee caasimadda wadanka Sacuudi Carabiya Ku kulmay Wasiirka deegaanka, Biyaha iyo Beeraha ee dalka Sucuudiga Eng. Abdirman Abdul Muxsin Alfadli iyo wefddi uu hogaaminayo Wasiirka Xanaanada Xoolaha dhirta  iyo Daaqa Dowladda Soomaaliya Mudane Sheekh Nuur Max’ed Xasan .

Mas’uuliyiinta Labada Wasaaradood waxay kawada hadleen sidii loo xoojin lahaa xiriirka labada Dowladood iyo sidii ay usii socon lahayd dhoofka Xoolaha Soomaaliya ee lageeyo Sucuudiga.

Kulanka kadib ayaa waxay mas’uuliyiintaasi isku afgarteen Labada in laxoojiyo xiriirka labada dal lana gaaro qaab ay kuwada shaqeeyaan labada wasaaradood laguna dhoofiyo Xoolaha Soomaaliya.

Mudane Sheekh Nuur Max’ed Xasan Wasiirka Xanaanada Xoolaha Dhirta iyo Daaqa ayaa sheegay in waxyaabihii ay ka wada hadleen labada Wasaaradood la hirgelindoono.

“Waxaan la kulmay Wasiirka Beeraha Biyaha iyo Bi’ada dalka Sacuudiga, waxaan ka wada hadalnay sidii ay u wada shaqeyn lahaayeen labada dowladooda gaar ahaan wasaaradahani,arrimaha dhoofinta Xoolaha Soomaaliya ee Sucuudiga loo iib geeyo,Sucuudiga waxaa uu sheegay in xoolaha Soomaaliya caafimaadkooda uu wanaagsan yahay, balse laga wada shaqeynayo nidaamkii dhoofinta”, Sidaasina waxaa warbaahinta Qaranka u sheegayMudane Sheekh Nuur Max’ed Xasan.

Wasaaradda Beeraha  Sucuudiga waxay cadeysay in xoolaha Soomaaliya caafimaadkooda uusan shaki ku jirin,balse labada Wasaaradood ay kashaqeeyaan hagaanjinta nidaamka  dhoofka xoolaha.

Wasiir Xoosh “Muddo yar gudaheed ayaan waxqabad ballaaran oo muuhiim ah ku qabannay”

SNTV
-
0

Wasiirka Wasaaradda Arrimaha Dastuurka ee Xukuumadda Federaalka Soomaaliya Mudane Cabdiraxmaan Xoosh Jibriil ayaa maanta Gudoonka labada Aqal ee Baarlamaanka ku wehliyay kulan ay la qaateen Ku-Xigeenka Xoghayaha Guud ee Qaramada Midoobay ee Arrimaha Siyaasadda Mr.Jeffry Feltman.

Kulanka ayaa intii uu socday looga hadlay arrrimo ku saabsanaa dib-u-eegista dastuurka iyo siyaasad loo dhanyahay.

Mudane Cabdi Xoosh ayaa ka warbixiyay waxyaabaha u qabsoomay Wasaaradda iyo hawlaha baaxadda leh ee u baahan in la wajaho.

“Muddo yar gudaheed ayaan waxqabad ballaaran oo muuhiim ah ku qabannay, waxa aan biloownay kullamo wadatashi ah oo aan gaarsiinay dawlad goboleedyada inaga oo dhageeysaneynay tallooyinka shacabka ee ku saabsan Qorshaha Guud ee dib-u-eegista dastuurka, sidoo kale waxa aan kulamo la yeelanay Guddiga Kor-Joogteeynta Dib-U-Eegista Dastuurka iyo Wasiirada Arrimaha Dastuurka ee dawlad goboleedyada si aan u bilaawno wadashaqayn, dhanka kale waxaa aan kulan afar maalin socday la yeelannay Ururada Bulshada Rayidka iyo Dawlad Goboleedyada oo lagu diyaarinayay Istiraatiijiyadda Waxbarashada Madaniga ee geedi-socodka sib-u-eegista dastuurka” ayuu yiri Wasiirka.

Dhankooda, Gudoonka labada Aqal ayaa aad u bogaadiyeen waxqabadka Wasaaradda ee muddo yar ku suurtagalay, wax ayna sheegeen in Baarlamaanka iyo Xukuumadda ay ka go’antahay sidii loo heli lahaa Dastuur dhamaystiran oo shacabka Soomaaliyeed u horseeda xasillooni, dawlad wanaag, iyo siyaasad loo dhanyahay.

Mudane Jeffry Feltman ayaa dhankiisa ku ammaanay Dawladda Federaalka gaar ahaan Wasaaradda iyo dhamaan hay’adaha ay shaqo wadaaga yihiin horumarka laga sameeyay Geedi-socodka dib-u-eegista Dastuurka, waxa uuna ballanqaaday in Qaramada Midoobay ay Soomaaliya ku garab istaagi doonto geedi-socodkan taariikhiga ah.

Gebagabadii, Wasiir Cabdi Xoosh ayaa ballanqaaday in Wasaaradda ay gudan doonto waajibaadka saaran ee ay shacbiga Soomaaliyeed iyo dhamaan saaxiibada Soomaaliya ay indhaha ku hayaan.

—–DHAMAAD—–

Guddiyada joogta oo dhaariyay Wasiirka cusub ee howlaha guud

SNTV
-
0

Kulanka tobanaad ee guddiga joogtada ah ee Golaha Shacabka ayaa ugu horeyn waxaa lagu dhaariyay Eng Sadiiq Cabdullaahi Cabdi oo bedelay AUN Wasiirkii howlaha guud iyo dib u dhiska ee Xukuumadda Federaalka Soomaaliya Marxuum Cabaas Cabdullaahi Cabdi Sheekh Siraaji oo dhawaan geeriyooday, waxaana kulanka shir guddoominaya Golaha shacabka Mudane Maxamed Sheekh Cusmaan ‘’Jawaari’’.

Kulanka oo uu ka qeyb galay guddoomiye ku-xigeenka koowaad ee golaha shacabka Mudane Cabdiweli Sheekh Ibraahim ‘’Muudey’’  ayaa waxa uu  ejendaha kulanka ahaa sii wadida kulankii sagaalaad ee 17-kii bishan Agoosto uu guddiga yeeshay sida uu Warbaahinta Qaranka u sheegay C/kariin Xaaji Cabdi Buux oo ah Xoghayaha Guud ee Golaha Shacabka.

“Waxaa dhacay shir looga hadlayay qorshe howleedka golaha, waxaana looga hadlay sidii loo dar dargelin lahaa howlaha ay guddiyada qabanayaan, afar guddi unbaa dhiman, inta kale waa la dhameeyay, waxaana la isla soo hadal qaaday waqtiga afarta guddi ay isu imaan lahaayeen” ayuu yiri Cabdixakiin Xaaji Buux.

1...1,5311,5321,533...1,657Page 1,532 of 1,657

© 2023 Telefishinka Qaranka Soomaaliyeed