Muqdisho(SONNA) Madaxweynaha dalka Masar Cabdul-Fattah Al-Sisi ayaa carabka ku adkeeyay Arbacadii shalay inuu wadankiisa si adag u garab taagan yahay midnimada iyo madax banaanida Soomaaliya.

Warka ka soo baxay Al-Sisi ayaa yimid ka dib qad taleefanka uu kula hadlay dhigiisa Soomaaliya Mudane Maxamed C/laahi Farmaajo,sida ay qortay Wakaalada wararka Masar ee loo soo gaabiyo MENA.

Intii lagu guda jiray wadahadalka telefoonka, labada hoggaamiye ayaa ka wada hadlay qaabkii loo xoojin lahaa xiriirka wadajirka ah iyadoo kor loo qaadayo iskaashiga labada dhinac ee la dagaalanka argagixisada iyo xagjirnimada.

Waxay sidoo kale,isla soo hadal qaadeen madaxweynaha Soomaaliya Maxamed C/laahi Farmaajo iyo madaxweynaha Masar Cabdul-Fattah Al-Sisi horumaradii ugu danbeeyay ee Soomaaliya iyo dadaalka xukuumadda ay ku soo celisay amniga iyo xasiloonida si loo fuliyo rabitaanka shacabka Soomaaliyeed loona gaaro horumar.

Dhinaciisa,madaxweyne Farmaajo ayaa ku amaanay Masar doorka taageerida wadankiisa ay ka siiso xasiloonida iyo adkeynta nabad galyada.

Dowladaha Masar iyo Soomaaliya ayaa waxaa ka dhaxeeya xiriir soo jireen ah,kaasoo ku qotoma Arimo badan oo ku saabsan iskaashi dhanka amniga,waxbarashada,ganacsiga iyo dhaqanka.

Madaxweyna Myanmar Aung San Suu Kyi ayaa gaartay gobolka Rakhine halkaasi oo lagu dhibaateynayo Muslimiinta Rohingya.

Waa Markii ugu horeysay oo madaxweynaha Myanmar Aung San Suu Kyi ay ka degto gobolka Rakhine tan iyo markii rabshadaha lagu dhibaateynayo Muslimiinta Rohingya ay ka bilowdeen dalkaasi.

Saraakiisha dawladdu waxay sheegeen in ay booqanayso magaalada caasimadda u ah gobolkaas ee Sittwe iyo magaalooyin kale, inta ay ku guda jirto safarkeeda halka maalin ah ee aan horay loo sii shaacinin.

Dad lagu qiyaasay 600,000 oo reer Rohingya ah ayaa tan iyo bishii Auugust u qaxay Bangladesh.

Beesha caalamka ayaa dhaleeceyn u jeedisay Haweeneyda hogaamiyaha ka ah Myanmar Aung San Suu Kyi,waxaana lagu eedeynayaa iney dhegaha ka fureysatay isir sifeynta lagu hayo Muslimiinta Rohingya.

Daganaansho la’aanta gobolka Rakhine waxaa kiciyay weeraro dhisamasho sababay oo lagu qaaday saldhigyada booliiska, kuwaas oo lagu eedeeyay malayshiyo cusub oo magaceeda loo soo gaabiyo Arsa.

Afhayeen u hadlay Dowladda oo lagu magacaabo Zaw Htay ayaa AFP u sheegay in Ms. Suu Kyi was ay hadda ku sugan tahay Sittwe sidoo kalena ay tageyso Maungdaw and Buthiduang.

Ms. Aung San Suu Kyi ayaa la rajeynayaa inuu socdaalkeeda wax badan ka bedelo xaalada Gobolka Rohingya iyo gumaadka lagu hayo dadka Muslimiinta ee Gobolkaasi degan.

Saddex Qof ayaa la dilay ka dib toogasho ka dhacday dukaanka Walmart  ee magaalada Thornton ee dalka Mareynkanka, sida uu sheegay Booliska.

Kooxo hubeysan ayaa habeenkii arbacada ahayd rasaas ku furay gudaha Dukaan ku yaalo magaalada Thornton ee Gobolka Colorado,taasoo sababtay geerida labo ruux halka haweeney kale dhaawac uu soo gaaray markii danbe Cisbitaalka ugu geeriyootay,sida ay sheegeen Waaxda Booliska magaalada Thornton.

Booliska ayaa sheegay in dhacdadaan tuhmanayaal loo qabtay kuwaasoo hadda su’aalo la weydiinayo,mana jirto cid ilaa iyo hadda loo xiray arintaan,sida Booliska ay sheegeen.

Saacad ka dib markii feejignaan sare lagu jiray ayay Booliska waxay sheegeen in qatarka kooxaha hubeysan lagu idleeyay gudaha Dukaanka.

“Markii rasaasta ay bilaabatay durba waxaa bilowday cabsi iyo kala carar macaamiiska ku dhacay” ayuu yiri mid ka mid dadkii dukaameysanayay.

Dhacdooyinka ceynkani oo kale ayaa ku cusbeyn dhegaha Shacabka Mareynkanka,waxaana dhacdadii ugu danbeysay ay ka dhacday magaalada New York oo lagu dilay seddeed qof halka 11-kalena la dhaawacay ka dib markii baabuur uu jiidhsiiyey baabuur uu waday.

Madaxweynaha dalka Masar Cabdul-Fattah Al-Sisi ayaa sheegay Arbacadii shalay in wadankiisa uu si adag u garab taagan yahay midnimada iyo madax bannaanida Soomaaliya.

Warka ka soo baxay Al-Sisi ayaa yimid kaddib markii qad taleefanka uu kula hadlay dhiggiisa Soomaaliya Mudane Maxamed C/laahi “Farmaajo”, sida ay qortay Wakaalada wararka Masar ee loo soo gaabiyo MENA.

Intii lagu guda jiray wadahadalka telefoonka, labada hoggaamiye ayaa ka wada hadlay qaabkii loo xoojin lahaa xiriirka wadajirka ah iyadoo kor loo qaadayo iskaashiga labada dhinac ee la dagaallanka argagixisada iyo xagjirnimada.

Waxay sidoo kale, isla soo hadal qaadeen madaxweynaha Soomaaliya Maxamed C/laahi “Farmaajo” iyo madaxweynaha Masar Cabdul-Fattah Al-Sisi horumarradii ugu dambeeyay ee Soomaaliya iyo dadaalka xukuumadda ay ku soo celisay amniga iyo xasiloonida si loo fuliyo rabitaanka shacabka Soomaaliyeed loona gaaro horumar.

Dhinaciisa, madaxweyne Farmaajo ayaa ku amaanay Masar doorka taageerida wadankiisa ay ka siiso xasiloonida iyo adkeynta nabad galyada.

Dowladaha Masar iyo Soomaaliya ayaa waxaa ka dhaxeeya xiriir soo jireen ah, oo ku qotoma Arrimo badan oo ku saabsan iskaashi dhanka amniga,waxbarashada, ganacsiga iyo dhaqanka.

Kulan looga hadlayay sidii loo dabooli lahaa bahiyaha kala duwan ee ka jira maamulka Hir-shabeele’ayaa lugu qabtay magaalada Jowhar.

Waxaana soo qaban qaabiyay kulankaasi wasaaradda Qorsheynta dowlad gobaleedka Hir-shabeele, iyadoo’ay goob joog ka,ahaayeen mas’uuliyiin ka tirsan wasaaradda Qorsheeynta Qaranka,ee D.F.S.  hay’ado ka tirsan U. N. maamulka Hir-shabeele, gobalka shabeeleha dhexe, kan degmada Jowhar qaybaha kala duwan ee bulshada Hir-shabeele,ee mgaalada Jowhar

Kulanka waxaa ka hadlay gudoomiyaha gobolka Sh/Dhexe Axmed Meyre Makaraan ayaa u mahadceliyay hay’adihii ka soo qaybgalay kulanka.

Waxaa, isna halkaasi ka hadlay sii hayaha xilka wasaaradda Qorsheeynta Hirshabeele, Maxamed Cabdi C/laahi  wuxuuna fahfaahiyay muhiimadda kulanka u leeyahay maamulka Hirshabeelle.

Waa kulankii, ugu horeeyay oo ay soo qabanqaabisay wasaaradda Qorsheeynta Hir-shabeele, ee looga hadlo sidii loo dabooli lahaa, bahiyaha ka jira Hir-shabeele

Donald Trump,madaxweynaha Maraykanka, ayaa ku amray laamaha amniga Mareynkanka gaar ahaan kuwa xuduudaha iney si adag u baaraan dadka ajaanibka,waxaana amarka Trump uu ka danbeeyay weerarkii Manhattan ee sideedda qof lagu dilay kuwo kalena lagu dhaawcay.

Boolisku waxay sheegeen in nin ka soo haajiray dalka Uzbekistan oo magaciisa la yidhaa, Sayfullah Saipoy, uu dilay sideed qof 11 kalena dhaawacay ka dib markii baabuur uu jiidhsiiyey baabuur uu waday.

Booliska Uzbekistan ayaa isaguna u ballan qaaday Maraykanka inuu ka caawin doono baadhitaanka lagu hayo shilkaa dhacay, waxaana sidaa lagu sheegay warbixin lagu daabacay bogga internet-ka ay ku leedahay wasaaradda arimaha dibadda Maraykanku.

Madaxweyne Trump wuxu yidhi “waa la adkaynayaa ilaalada xuduudaha suurto galna noqon mayso in loo ogolaado xubnaha ururka la baxay Dawladda Islaamka in ay Maraykanka soo galaan markii lagu jabiyey Bariga Dhexe.”

Madaxweynuhu waxa uu sidoo kale ku eedeeyey xisbiga Dimuqraadiga ah in uu ka hor yimid isbedelka uu isagu damacsanaa. Waxa kale oo uu sheegay in uu isagu doonayey in talaabo adag oo degdega laga qaado ninkaas waxaanu ku tilmaamay habka garsoorka Maraykanka inuu yahay wax lagu qoslo.

Arbacadii shalay madaxweynaha dalka Mareynkanka Donald Trump ayaa ugu baaqay Congreska dalka Mareynkanka iney dib u eegis ku sameeyaan bixinta Viisaha dalka ku gal ah si loo xakameeyo falal danbiyeedyada dilalka ugu horeeya ee ka dhaca dalka Mareynkanka.

Ciidamo aad u fara badan oo Boolis ah ayaa lagu kordhiyay goobta uu ka dhacay shika lagu dilay sideeda qof 11 kalena dhaawacay ka dib markii baabuur uu jiidhsiiyey baabuur uu waday.

Kooxaha Xuquuqul insaanka u dooda ayaa dhaleeceeyay talaabooyinka qaar ee Trump uu kaga fal celiyo dhibaatooyinka kadhaca dalka Mareynkanka oo ka baxsan bini-aadanimada.

Khartoum (SONNA) Guddoomiyaha Golaha Shacabka Jamhuuriyadda Federaalka Soomaaliya, Mudane Maxamed Sheekh Cusmaan “Jawaari” iyo Wafdigii uu hoggaaminayey ee safarka shaqo u joogay Suudaan , ayaa Magaaladda Khartuum ee Xarunta dalkaasi  kula kulmay Madaxweyne ku xiggeenka dalka Suudaan,  Xasabuu Maxamed C/raxmaan oo ay ka wada hadleen arrimo ay ka mid yihiin xiriirka labada wadan.

Guddoomiyaha Golaha Shacabka iyo Madaxweyne ku xiggeenka, ayaa inta kulankooda uu socday waxa ay iska soo hadal qaadeen dhowr qodob oo ay ka mid yihiin Iskaashiga dhinaca amniga ee labada wadan, dimoqraadiyeynta, horumarinta addeegyada Bulshada iyo siyaabaha tooska ah ee wax wada qabsiga labada Dal ee dhinaca dimoqraadiyeynta.

Mudane Maxamed Sheekh Cusmaan Jawaari oo kulanka ka dib la hadlay Warbaahinta qaranka ayaa sheegay in kulanka uu guul kusoo dhamaaday,  isagoo u mahad celiyay Shacabka iyo Dowlada Suudaan.

Waxaa kale uu Guddoomiyaha Golaha Shacabka Jamhuuriyadda Federaalka ah ee Soomaaliya, Mudane Maxamed Shiikh Cismaan Jawaari, Magaaladda Khartuum maanta kula kulmay Xeer ilaaliyaha guud ee Dalkaasi Mudane  Cumar Axmed Maxamed oo ay ka wada hadleen arimo ay ka mid yihiin Madax banaanida iyo qaab dhismeedka Garsoorka Soomaaliya.

Sidoo kale Guddoomiyaha Golaha Shacabka Soomaaliya, ayaa kulan la qaatay Mudane Ibraahim Maxamuud Xaamid oo ah Kaaliyaha Madaxweynaha Sudan ahna Xogahayah Guud Xisbiga talada haya  ee Dalkaasi oo ay ka wada hadleen iskaashiga labada Wadan iyo habka sameynta Axsaabta Siyaasadeed, maadaaama Soomaaliya uu hadda ay u  diyaar garoobeeyso Nidaamka Axsaabta Siyaasadeedka.

Guddoomiyaha Golaha Shacabka, ayaa waxa booqasho Sharafeed u tagay Xarunta Aqalka labaad ama Golaha Wakiilada  Dowlad goboleedyada ee Jamhuuriyadda dalkaasi suudaan, waxaana halkaasi uu kula kulmay Guddoomiyaha Aqalka labaad ee wakiilada Dowlad goboleedyada Jamhuuriyadda Suudaan oo ay ka wada hadleen arimo ay ka mid yihiin ,xiriirka ay la leeyihiin dowlad goboleedyada, Habraaca ay u ilaaliyaaan danaha walaayaadka iyo nidaamka xukunka iyo sidoo kale Awooddaha loo dhaadhiciyay  Bulsahada dowlad goboleedyada.

Ugu dambeyn Guddoomiyaha golaha Shacabka Soomaaliya iyo wafdigiisa, ayaa booqday Isbitaalka suudaan ee la geeyay qaar ka mid ah dadkii ay dhibaatada kasoo gaartay Musiibadii 14-October ka dhacay Isgooyska 14.ka October Ex zoobe ee Magaaladda Muqdisho, isagoo ALLE  uga baryay in caafimaad deg deg uu siiyo.

Muqdisho (SONNA) , 1 November 2017—-Ra’iisul Wasaaraha Xukuumadda Federaalka ah ee Soomaaliya Mudane Xasan Cali Khayre ayaa la dar-daarmay ciidamo ka tirsan Xoogga dalka oo ay tababareen isla markaana qalabeeyeen dawladda Imaaraadka Carabta, lagu wareejinayay taliska guud ee ciidanka xoogga dalka Soomaaliyeed.

Ra’iisul Wasaaraha oo khudbad ka jeediyay munaasabad ka dhacday dugsiga tababarka ee gacanta ay ku hayso dawladda Imaaraadku, ayaa ciidamada ugu hambalyeeyey sida wanaagsan ee ay ugu diyaar garoobeen xoreynta dalka. Waxuuna u sheegay in looga fadhiyo door lixaad leh iney ka qaataan ciribtirka kooxaha argagixisada ah ee Al-Shabaab.

“Ciidamadani waxay tusaale u yihiin sida ay nooga go’an tahay in aan dalka ka xoreyno kooxaha argagixisada ah, kalsooni buuxda ayaan ku qabnaa in aad noqon doontaan kuwo sharaftii iyo kala dambeyntii qaranka Soomaaliyeed soo celiya. Waxaa la idin kaga fadhiyaa inaad door lixaad leh ka qaadataan ciribtirka argagixisada Al Shabaab”ayuu yiri Ra’iisul Wasaare Khayre oo u mahadceliyey dawladda Imaaraadka ee gacanta ku haysay ciidamadani.

Mudane Xasan Cali Khayre ayaa xusay in dawladdu ay muhiimadda koowaad siineyso sidii ay xuquuq dhameystiran u heli lahaayeen ciidamadu, si ay u gutaan waajibaadka ka saaran difaaca dalkooda.

“Waxaa la idin saaray masuuliyad weyn oo ah difaaca dalkiina Hooyo iyo inaad argaixisada ka xoreysaan, anaguna waxaan ka shaqeyneynaa inaad heshaan waxa aad u baahan tihiin. Madaxda qaranka oo anigu ugu horeeyo waxay idin kugu imaan doonaa furimaha dagaalka, waana idin garab istaageynaa” ayuu yiri Ra’iisul Wasaare Khayre.

Munaasabadda ayaa waxaa sidoo kale ka qeyb galay Taliyaha Ciidanka Xoogga dalka Soomaaliyeed, Safiirka Imaaraadka Carabta u fadhiya Soomaaliya iyo saraakiil ka tirsan CIiidanka Xoogga dalka.

—DHAMMAAD—-