Mashruucaan maanta uu daah furay Sii hayaha wasiirka gargaarka ayaa ah mid lagu caawinaayo dadka soomaaliyeed ee ay saameeyeen Abaarahi isbiirsadey ee dalka ku dhuftay waxaana maal galintiisa iska kaashanaaya Bangiga hormarinta Africa.iyo IGAD ayado daahfurka mashruucani ay ka qeyb galayeen ku xigeenka u qeybsanaha qaramada midoobey ee soomaalia madax ka kala socotay hadaha deeq bixiyayaasha ururada bulshada Rayidka iyo wakiilo ka kala socday maamul goboleedyada.

Shirkani intii uu socday ayey Madaxda wasaraada Gargaarka hayadaha madaxda deeq bixiyayaasha iyo Nnenna Nwabufo ah ku xigeenka maamulaha guud ee  Bangiga hormarinta Africa oo dhaqaalaha mashruucan bixinaaya wakiilada maamul goboleedyada iyo ururada u dhaqdhaqaaqa bini’aadanimada ka dhageysteen baahiyaha gaarka ah ee xiligani ka jira gobollada soomaalia

Markii uu shirku soo idlaadey ayuu sii hayaha wasiirka gargaarka iyo maareynta musiibooyinka ahna wasiirku xigeenka wasaradaas waxa uu warbaahinta u faahfaahiyey mashruucani ahmiyada uu u xanbaarsanyahey dadka soomaaliyeed iyo xiliga sida rasmiga ah uu u bilaabanaayo.

17 April ayaa loo aqoonsaday in ay tahay maalinta dhir beerista Qaranka Soomliyeed, munaasbad lagu weyneynayo malintaan ayaana maanta wasaaradda Xananada Xoolaha dhirta iyo daaqa Xukuumadda Soomaaliya ku qabatay Muqdisho.

Agaasimaha guud ee wasaaradda beeraha iyo agaasimaha guud wasaarada Xanaanada xoolaha Xukuumadda Federaalka Soomaaliya oo ka hadlay Munaasabadaasi ayaa sheegay in ay dhiiri galinayaan islamarkaana ay xoogga saari doonaan beerista dhirta.

Xil C/fitaax Qaasim oo ka tirsan Golaha Shacabka Jamhuuriyadda Federaalka Soomaaliya ayaa dadka Soomaaliyeed ugu baaqay in ay ilaaliyaan dhirta, isaggoo xusay in  diinta Islaamka ay ka hadashay dhowrista dhirta.

ugu danbeytii dadkii ka soo qeyb galay munaasabadaasi ayaa si wadajir ah ugu baaqay bulshada soomaaliyeed in la ilaaliyo dhirta isla markaana aan lagu tagri falin dhirta.

Wasiirka oo ay soo dhaweeyeen Madaxda iyo Shaqaalaha oo uu ugu horeeeyo Danjire Jamal Barrow ayaa u kuurgalayay shaqooyinka ay Safaaradda u heyso Jaaliyadda Soomaaliyeed ee ku dhaqan dalkan,  isaggoo laba maalin booqday Xarunta Safaaradda, waxa uuna shirar guud iyo mid gooni gooni ah la yeeshay Diblomaasiyiinta iyo Shaqaalaha Safaaradda, isagoo kala sheekeysanayay shaqooyinka ay Safaaradda qabato.

Booqashiisa kadib ayuu Warbaahinta Qaranka u sheegay in uu aad ugu faraxsanahay inuu soo gaaro Safaaradda ay Dowladda Soomaaliya ku leeyahay Koonfur Afrika, isagoo intaasi raaciyay in ay shaqada Safaaraddu u qabanayso Jaaliyadda tahay mid loo baahnaa,waxa uu Howl wadeenada ku dhiiragaliyay inay sii laba laabaan howlaha shaqo ay u hayaan Jaaliyadda.

“ Safaaradda waxay wakiil ka tahay Dowladda Soomaaliya,waxaa la rabaa xiriirka labada Wadan inay isu soo dhaweyso,waxaa kaloo qabato xiriirka Jaaliyadda iyo Dowladda waxaan wakhti dheer la qaatay qeyb walba waxanna ka wadahadlnay waxyaabaha in loo qabto Jaaliyadda waanna xoojin doonaa insha Allah” ayuu yiri Mudane Kheyre.

Wasiiru Dowlaha Arimaha Dibadda Soomaaliya,Mudane Cabdul Qaadir Ahmed Kheyr ayaa ka mid ahaa madax ka socota dalal badan kuwaasoo ka qeybgalayay aaska xaaska Madaxweynihii hore ee Koonfur Afrika,Nelson Mandale oo dhawaan geeriyootay,waxa uu intuu uu joogay halkaan kulamo la qaatay qaar ka mid ah madaxdii kasoo qeybgashay aaskaasi iyo madaxda Koonfur Afrika,waxaana ka mid aha Wasiir ku xigeen Arimaha Dibadda ee Koonfur Afrika iyo Madaxweyne ku xigeenka Dalka Zambabwe.

Wasaaradda Arrimaha Dastuurka ee XFS ayaa maanta bilowday tababarka tababarayaasha Saraakiisha Sare ee Waxbarashada Madaniga iyo Wacyigelinta Dadweynaha ee Geedi-socodka Dib-u-eegista Dastuurka jamuriyada soomaliya.

Tababarkan oo ay ka soo qaybgaleen masuuliyiin ka tirsan Dawladda Federaalka, Dawlad Goboleedyada iyo Gobolka Banaadir ayaa waxa uu seddex maalin ka socon doonaa magaalada Muqdisho.

Agaasimaha Guud ee Wasaaradda Arrimha Dastuurka ee XFS Mudane Maxamed Abuukar Zubeyr ayaa ugu horeeyn ka hadlay ujeeddada tababarka.

“Qorshaha tababarkan horay ayuu u soo socday oo June, 2017 ayaa bilaawnay diyaarinta Istiraatiijiyadda Waxbarashada Madaniga, maanta waxa aan gudagaleynaa fulinta Istiraatiijiyadda waxaana ugu horeeya in dadkii dalka oo dhan ka fulin lahaa la tababaro” ayuu yiri Agaasimaha Guud.

Wasiir Ku-Xigeenka Wasaaradda Arrimaha Dastuurka ee XFS Dr Xuseen Cabdi Cilmi oo furay tababarka ayaa yiri “Kulankan tababarka ah waa mid muhiim u ah dhameeystirka Dastuurka maadaama dadkii Dastuurka bari lahaa shacabka ay halkan ku tababaranayaan; Wasaaradda waxaa ka go’an in Geedi-socodka Dib-u-eegista Dastuurka la gaarsiiyo illaa tuullooyinka, sidaa awgeed ayaan tababarkan iyo tababaro kale ugu qaban doonnaa gobolada dalka”.

Ugu dambayn, Wasiir Ku-Xigeenka ayaa kula dardaarmay ka qaybgalayaasha inay ka faa’ideystaan tababarka kana qaybqaataan gaarsiinta Waxbarashada Madaniga ee Dib-u-eegista Dastuurka gobolada ay ka yimaadeen.