Ujeedka socdaalka ayaa ahaa sidii loo xalin lahaa qilaaf soo dhax galay ciidanka Madiniga degmada qoryoley  iyo sidii ay  ciidamda madiniga iyo maamulka degmada loo dar dargelin lahaaa wada shaqeyn tooda.

Gudoomiyaha  gobolka  shabellaha hoose  ibraahim aadan cali najax ayaa sheegay in maamulka  gobolka iyo  masuuliyinta kale ay ku guulesteen  xalinta khilaaf soo kala dhex galay ciidanka Madinga degmada qoryooley .

Wasiirka wasarada arimaha gudaha dib uheshiisinta dowlada hoose ee KGS  maxamednuur madoowe nuunow ayaa tilmamay in ay muhiim tahay in laga wada shaqeyo nabada iyo dib u heshiisinta Maamulka Konfur Galbeed.

Xildhibaan xassan qoryooley iyo  senatar cabdikaafi  macalin xasan ayaa bulshada degmada qoryooley iyo deeganda hoos yimaada ugu baaqay in ay ilaashadaan nabada lana dagaalamaan Nabaadiidka al- shabaab.

Maamulka gobolka shabellaha  hoose ayaa horay ugu guulestay in uu xaliyo khilaafyo soo kala dhex galay maamulada degmooyinka iyo bulshada ku dhaqan gobolka shabelaha hoose iyadoo iminka degmooyinka  gobolka shabellaha hoose ay ka socdaan mashaaric  hormarineed oo ay is ka kaashadeyn maamulka iyo shacabka deeganadaasi.

 Madaxweynaha Jamhuuriyadda Federaalka Soomaaliya Mudane Maxamed Cabdullaahi Farmaajo oo wadatashiyo la leh madaxda iyo qeybaha bulshada ee Galmudug ayaa sheegay in Dowladda Federaalka ah ay go’antahay nabadeynta Gaalkacyo iyo guud ahaan Gobolka Mudug.

Madaxweynaha Dowlad Goboleedka Galmudug Mudane Axmed Ducaale Geelle Xaaf oo munaasabad soo dhaweyn ah u sameeyey Madaxweyne Farmaajo iyo wafdigiisa ayaa sheegay in ay ku faraxsanyihiin socdaalka dib u heshiisiinta ee uu ku marayo Madaxweyne Farmaajo Gobollada dalka.

“Madaxweynaha inta uu nala joogay waxaan uga warbixinnay xaaladda guud ee gobollada, annagoona u gudbinay baahiyaha jira. Runtii muhiimad weyn ayuu noo leeyahay socdaalkaaga Madaxweynaha.”

Madaxweyne Farmaajo ayaa uga mahadceliyey shacabka iyo Dowlad Goboleedka Galmudug soo dhaweynta qiimaha badan ee ay u sameeyeen isaga iyo wafdigiisa, waxa uuna sheegay in socdaalka uu ku marayo gobollada Galmudug uu yahay mid uu ku xoojinayo nabadda iyo is dhex-galka Bulshada.

“Maadama aan cidna kali noolaan Karin waa in dhammaanteen aan danta dalka u mideysannahay. Dowladda Federaalka ah waxay dadaal dheer gelisay xasillinta deegannada Galmudug iyo sidii aan u mideyn laheyn shacabka ku dhaqan.”

Madaxweynaha ayaa tilmaamay in heshiiska dhawaan lagu mideeyey dhinacyada Galmudug uu ka tarjumayo hiigsiga Dowladda Federaalka ah ee ku aaddan Galmudug oo xasilloon ka jirto, dadkeeduna nabad iyo horumar gaareen.

Munaasabadda soo dhaweynta ah waxaa ka soo qeyb galey Madaxweynaha Dowlad Goboleedka Galmudug Mudane Axmed Ducaale Geelle Xaaf, Guddoomiye Ku xigeenka koowaad ee Golaha Aqalka Sare Mudane Abshir Maxamed Axmed, Wasiirro, xildhibaanno heer Federaal iyo heer Dowlad Goboleed ah, qaar ka mid ah odayaasha dhaqanka iyo qeybaha kale ee bulshada.

Dhanka kale, Madaxweyne Farmaajo iyo wafdigiisa oo ay wehelinayaan Madaxweynayaasha Dowlad Goboleedyada Galmudug iyo Puntland ayaa waxaa marti qaad ugu sameeyey goob beer ah oo 45 Km ka jirta waqooyiga magaalada Gaalkacayo waxa ayna halkaasi kula kulmeen Islaan Bshiir Islaan Cabdulle Islaan Faarax oo ka mid ah duubabka dhaqanka Soomaaliyeed.

Sidoo kale, waxaa marti qaadkan mid lamid ah u sameeyey Madaxweynaha iyo wafdigiisa Ugaas Maxamuud Ugaas Cabdulqaadir.

Geeridii ku timid allaha u Naxriistee Marxuumad  Khadiijo Cabdulaahi Camey Daleys oo aheyd  Fanaanad Qaran kana mid ahey gabdhihii ugu horeeyey  ee lagu aasaasey  Hoboladda Qaranka Waaberi ayaa ku geeriyootey dalka canada.

wasiirka warfaafinta Xukumada federalka somaliya aya hadalkiisa ku bilaawey.

INNAA LI LAAHI WANA INAA ILEYHI RAAJICUUN>>>>Waxaan Tacsi u dirayaa dhamaan Ummdda Soomaaliyeed Meel kasta oo ay joogaan ,gaar ahaan waxan si gaar ah Tacsi Ugu dirayaa Bahda Fanka iyo Suugaanta  iyo Qoyskii iyo Eheladii ay ka Geeriyootey Allaha U naxariistee Marxuumad  KHadiijo Cabdullaahi Camey Daleys oo runtii  aheyd  fanaan weyn oo qaran qaali ku aheyd Ummadda Soomaaliyeed kuna  lahayd Sumcad, Karaamo iyo Sharaf.

geerida Waa xaq  Waxaan Eebbe ugu Baryayaa in uu Naxariistii Janno ka Waraabiyo Allaha Unaxariistee Marxuumad khadiijo Cabdulaahi Camey Daleys  waxay aheyd  Fanaanadii ugu Horeysay 1952  Raadiyo Muqdisho heeso  ka  qaada  iyadoo  Xilligaasi  aan  jirin Qalabka Duubista , Maalin walibane heesaheeda  si Toos u Qaadi jirtey, sidoo kale waxa ay aheyd  laf dhabarkii hoboladda Waaberi oo Fanka iyo Suugaanta Qeyb Weyn ka soo qaadatey Wacyi galinta iyo Hanuuninta Shacabka Soomaaliyeed.

Sammir iyo IImaan Saadiq allaha Ka siiyo Ummmada Soomaaliyeed Marxuumad Khadiijo Cabdulaahi Camey Daleys Waxaan Allah uga Baryeynaa Jannada Fardowsa in uu  Alle Ka Waraabiyo…

Aamiin…….Aamiin ……Aamiin….

INNaa   Lilaahi Wan Inaa Ileyhi Raajicuunn……….

Bandhiga habeenka dhaqanka oo ay qabato Jaamicadda Axfaad ee Dalka Suudaan  ayaa loogu magac daray habeenkii dhaqanka.

waxaana ka qeyb galay Dalal  badan oo Ardaydoodu ay Wax ka bartaan Jaamicadaasi,  Soomaaliya ayaa wax ay ka mid aheed dalalka ka qayb galey ardaydooda Bandhigaasi.

Axfaad oo ah Jaamacad ay dhigtaan Haweenka oo kaliya ayaa Sanadkii mar waxaa  lagu qabtaa bandhig dhaqameed ay dhaqamadooda ku soo bandhigaan dhamaan Dowladaha ay ardaydoodu dhigtaan Jaamacaddaasi.

Bandhiga ayaa ka dhacayay Xarunta Jaamacadda Axfaad  waxaa ka soo qeyb galay dad weyna aad u fara badan iyo qaar ka midah Ardayada Soomaaliyeed ee wax ka barata Dalka Suudaan iyo waliba madaxda Ururka Ardayda Soomaaliyeed.

Gabdhaha Soomaaliyeed ee dhigta jaamacadda Axfaad ayaa door la taaban karo ka ciyaaray mudadii uu socday bandhiga waxeyna goobta ku soo bandhigeen waxyaabaha hiddaha iyo dhaqanka u ah dadka Soomaaliyeed, taariikhda wadanka ,Cunooyanka u gaarka ah Soomaalida iyo waliba qaar ka mid ah Cayaaraha Hiddaha iyo Dhaqanka Soomaaliyeed.

Dhanka kale Xoghayaha guud ee midowga ardayda Soomaaliyeed  Dalka Suudaan Cabdiraxmaan Maxamed Saciid iyo Maxamed Cismaan Cali “Mucjiso” ayaa aad u bogaadiyay Gabdhaha Soomaaliyeed doorka fiican ee ka qaateen bandhiga.

Dowladaha ka qeyb galey bandhigan ayaa waxay ahaayeen kuwo aad u badnaa iyadoona Dhamaan dadkii ka soo qeyb galay munaasabada lagu soo bandhigayay Bandhig Dhaqameedka ayaa aad ugu helay Dhaqanka Soomaalida, iyagoo waxbadan ka bartay dhaqamada Soomaalida iyo waliba Taariikhada Dalka.

Madaxweyne Shariif Xasan ayaa guddoomiyaha Maxakamadda Sare u magacaabay Axmed Cali Muuse,kaasi oo bedelaya guddoomiyihii hore ee Maxakamadda Sare Sheekh Axmed C/laahi Xuseen Fanax  oo horey xilka qaadis loogu sameeyey.

Sidoo kale Degreetada xafiiska Madaxweyne Shariif Xasan ka soo baxday waxaa lagu magacaabay Xeer Ilaaliyaha guud ee maamulka Koonfur Galbeed, kaasi oo loo magacaabay Maxamed Macalin Cabdiyow.

Madaxweyne Shariif Xasan Sheekh Aadan  ayaa kula dardaarmay mas’uuliyiinta Xilalka loo magaacaabey  ay xilkooda u gutaan si hufan, islamarkaana si Caddaalad iyo Sinnaan Ku Jirto Ugu Adeegaan, Adeegyada ay uga baahanyihiin bulshada ku dhaqan deegaannada Koonfur Galbeed.

Shirkaani oo lagu daraasadeynayey abaarahii 2016-2017 oo lagu qabtey magaalada kismaayo ayaa waxaa ka qeyb galey masuuliyiin ka Socotay Wasaaradda Qorsheynta Xukumadda Federaalka Soomaaliya iyo Mamul Gobolled-yada dalka,  waxaa si wadajir ah la isugu raacay sidii looga hortagi lahaa  Raadadkii ay Reeben Abarahii Ku Dhuftey dalka, deegaannad ugu daran iyo in la helo macluumaadka xal u helidda iyo ka hortagga abaarta.

Wasaarada Qorsheynta Soomaaliya ayaa wadday muddooyinkii dambe uruurinta xogta la xiriirta saameynta abaarihii dalka ku dhuftay sannadkii dhammaadey iyo sannadkii ka sii horreeyey, si xal loogu helo sababaha ay abaarahaas u soo laa laabtaan, iyadoo lagu dabaqi doono sida looga hortagi karo abaarahaas.

Sidoo kale Daraasadka ayaa lagu qeexi doonaa Dhibaatatdii  ka dhalatey, waxaana wacyigelin loo sameyn doonaa dadkii ay saameynta xooggan ku reebtay abaarta.