Search
Subscribe
Home Blog Page 1310

Madaxweyne Farmaajo oo hambalyo u diray shaqallaha dowlada iyo kuwa gaarka ah Mallinta shaqallaha Aduunka

SNTV
-
0
Madaxweyne Farmaajo oo hambalyo u diray shaqallaha dowlada iyo kuwa gaarka ah Mallinta shaqallaha Aduunka

Madaxweynaha Jamhuuriyadda Federaalka Soomaaliya Mudane Maxamed Cabdullaahi Farmaajo ayaa hambalyo iyo bogaadin ku aaddan maalinta shaqaalaha adduunta u diray dhammaan Shaqaalaha Soomaaliyeed meel kasta oo ay joogaan.

“Waxaan hambalyo halkan uga dirayaa dhammaan shaqaalaha adduunka, gaar ahaan xoogsatada Soomaaliyeed munaasabadda maalinta shaqaalaha adduunka ee 1da May awgeed. Waxaan ku bogaadinayaa dhabar adayga iyo kartida aad muujiseen, idinka oo waliba ku shaqeynaya xaalado adag.”

Madaxweynaha ayaa sheegay in Dowladda Federaalka Soomaaliya ay ku dadaaleyso horumarinta xuquuqda shaqaalaha Soomaaliyeed, isaga oo caddeeyay in Xukuumadda Federaalka ay haatan gacanta ku hayso shuruuc muhiim u ah dhawrista iyo daryeelka xuquuqda shaqaalaha Soomaaliyeed.

Madaxweyne Farmaajo ayaa adkeeyay ahmiyadda ay shaqaalaha Soomaaliyeed u leeyihiin kobcinta dhaqaalaha, sugidda amniga iyo ka qeyb qaadashada dadaallada loogu jiro dowlad dhisidda Soomaaliya, waxa uuna qiray in shaqaalaha Soomaaliyeed oo u badan dhallinyaro ay mudanyihiin ammaan maadaama ay lafdhabar u yihiin horumarka dalka.

Madaxweynaha ayaa faray shirkadaha gaarka loo leeyahay in ay xil iska saaraan daryeelka iyo bad-qabka shaqaalahooda si loo hubiyo in aan la duudsiin xuquuqahooda aasaasiga ah.

“Waxaa kale oo muhiim ah in shaqaalaha Soomaaliyeed ay sameystaan iskaashatooyin iyo ururro u taagan difaaca xuquuqda shaqaalaha si looga hortago xadgudub kasta oo kasoo wajihi kara hay’adaha iyo shirkadaha ay ka hawl galaan”

Wasiirka Maaliyada oo hambalyo u diray shaqalaha dowlada

SNTV
-
0
Wasiirka Maaliyada oo hambalyo u diray shaqalaha dowlada

Wasiirka Maaliyadda Xukuumadda Federaalka Soomaaliya Dr:C/raxmaan Ducaale Beyle ayaa Hambalyo u diray Shaqaalaha Soomaaliyeed maadaama ay Maanta ku began tahay 1da May Maalinta Shaqaalaha aduunka.

“Waxaan u hambalyeeynayaa Shaqaalaha Soomaaliyeed oo Har iyo Habeen u dhabar adeega shaqada Qaranka”ayuu yiri Beyle

Wasiirka ayaa guul ku tilmaamay in Xukuumadda ay ku guuleysatay bixinta Mushaaraadka Shaqaalaha Dowlada, taasoo sababtay in hormar badan uu dalka ku talaabsado.

“Waxaa sharaf ii ah aniga iyo Xukumaddaan aan Wasiirka Maaliyadda ka ahay in aan ku guuleysanay bixinta mushaaraadkii Shaqaalaha Dowladda, Shaqaaluhu waa laf dhabarta Dowladda, horumar walba oo aan gaarno iyaga ayaa hormuud u ah”.

Dr: C/raxmaan Ducaale Beyle ayaa Shaqaalaha Dowlada waxay gudoonsiiyeen Shahaado sharaf 30/1/2018 kii, iyagoo ugu gartay inay ku sharfaan Hormarada dhinaca dhaqaalaha oo Wasaaradda Maaliyadda ay sameysay tan iyo markii uu xafiiska la wareegay.

Dabbaaldegga Xuska Munaasabadda shaqaalaha dunida  1da may ee sanadkaan 2018 ee dalkeenna Soomaaliya waxay ku soo beegantay xilli Xukuumadda Federaalka Soomaaliya ay waddo Barnaamij ballaaran oo lagu xaqiijinayo Tirada dhabta ah ee Shaqaalaha rayidka ah iyo tayadooda.

Ra’iisul Wasaaraha Soomaaliya Mudane Xasan Cali Khayre ayaa yiri “ In la helo tirakoobka saxda ah ee shaqaalaha dowladda waxay inoo suurta galinaysaa xaqiijinta tirada iyo tayada shaqaale aan haysanno inta ay la egtahay,iyo in aan Shaqaalaha rayidka ah ee dowladda aan u diyaarinno sidii ay ula falgali lahaayeen shaqaalaha aduunyadda  si aan u noqonno dawladd ka dhabaysay isla xisaabtanka”.

Ra’iisul wasaaraha Xukuumadda oo garoonka ku soo dhaweyay ciyaartooyda 17 jirada ee dalka soo gaaray

SNTV
-
0
Ra’iisul wasaaraha Xukuumadda oo garoonka ku soo dhaweyay ciyaartooyda 17 jirada ee dalka soo gaaray

Ra’iisul wasaaraha Xukuumadda Soomaaliya Mudane Xasan Cali Kheyre ayaa Garoonka Diyaaradaha ee Aadan Cadde kusoo dhaweeyay Ciyaartoyda 17-jirada Dalkeena Soomaaliya oo Guul Taariikhi ah kasoo hoyay Tartankii Cecafa ee lagu qabtay Dalka Burundi.

Mudane Xasan Cali Kheyre oo ay wehliyaan Wasiiro, Xildhibaano iyo Masuuliyiin kale ayaa si wanaagsan usoo dhaweeyay Da’yarta Qaranka Soomaaliya, iyadoo Ra’iisul wasaare Kheyre uu ugu hambalyeeyay Ciyaartoydeena guusha ay soo gaareen.

Tartanka Cecafa waxaa ka qeyb galay Siddeed wadan oo kala ah Burundi, Uganda, Kenya, Tanzania, Zanzibar, Ethiopia, Sudan iyo Soomaaliya, waxaana koobka ku guuleystay Dalka Tanzania oo Xulka Qarankeena Ciyaartii Finalka kaga adkaaday 2-0 inkastoo bandhiga iyo awooda ciyaarta ay gacanta ku hayeen Da’yarta dalkeena, waxaana Soomaaliya ay sidaas ku gashay Kaalinta Labaad.

Wargelinta: Tartan cilmiyeedka Ramadaan ee Warbaahinta Qaranka

SNTV
-
0
Wargelinta: Tartan cilmiyeedka Ramadaan ee Warbaahinta Qaranka

Warbaahinta Qaranka Soomaaliyeed waxay ku Wargalinaysaa Maamulada Degmooyinka Gobalka Banaadir iyo Dowlad Gobaleedyada ka dhisan Dalka in Radio Muqdisho iyo SNTV ay sanadkii 8-aad si wadajir ah u qaban doonaan Tartan Cilmeeydka Bisha Barakeysan ee Ramadaan oo hadda foodda nagu soo heyso.

Hadaba Guddigu Wuxuu Ogeysiinayaa Dhammaan Degmooyinka daneynaya ka qeybgalka tartanka in ay Araajida Codsiyadooda Ka Qeybgalka Tartan Cilmiyeedka ay Keensadaan Xarunta Wasaaradda Warfaafinta Dhaqanka Iyo Dalxiiska.

Shuruudaha Ka Qeygalka Tartanka.

  • Tartanka Waxaa Ka Qeybgalaya 17-ka Degmo Ee Gobalka Banaadir iyo Caasimadaha Magaallo Madaxyada Goballada Soomaaliya.
  • In tartameyaasha Dagmada ay Warqad Ogolaansho ka wataan Maamulka Dagmada ama Dowlad Gobaleedka ay matalayaan.
  • In Tartamiyaashu ay Codsigoodu ku Caddeeyaan Saddax Qof oo La heli karo muddada tartanku Socdo si loogala Xaajoodo wixii quseeya ee ku saabsan Anshaxa iyo habsami u Socodka Tartanka.
  • Waqtiga Qabashada Codsiyada Ka Qeybgalka Tartanka Waxa ay ku Egtahay 12 May 2018 .

Hadaba Wixii Faah faahin Intaas Dheer Kala Soo Xiriir Talefoonada Nabaradoodu Kala Yihiin:-

0615118508 oo laga helo Maxmed Kaafi Sheekh Abuukar ama 0615337780 Cabaas Maxamed Faarah           Ama  Email-ka  sntvramadaan2018@gmail.com

Ciyaartooyda 17-jirada Qaranka Soomaaliya oo maantay soo gaaray muqdisho.

SNTV
-
0
Ciyaartooyda 17-jirada Qaranka Soomaaliya oo maantay soo gaaray muqdisho.

Muqdisho (SNTV) Ra’iisul wasaaraha Xukuumadda Soomaaliya Mudane Xasan Cali Kheyre ayaa Garoonka Diyaaradaha ee Aadan Cadde kusoo dhaweeyay Ciyaartoyda 17-jirada Dalkeena Soomaaliya oo Guul Taariikhi ah kasoo hoyay Tartankii Cecafa ee lagu qabtay Dalka Burundi.

Mudane Xasan Cali Kheyre oo ay wehliyaan Wasiiro, Xildhibaano iyo Masuuliyiin kale ayaa si wanaagsan usoo dhaweeyay Da’yarta Qaranka Soomaaliya, iyadoo Ra’iisul wasaare Kheyre uu ugu hambalyeeyay Ciyaartoydeena guusha ay soo gaareen.

Tartanka Cecafa waxaa ka qeyb galay Siddeed wadan oo kala ah Burundi, Uganda, Kenya, Tanzania, Zanzibar, Ethiopia, Sudan iyo Soomaaliya, waxaana koobka ku guuleystay Dalka Tanzania oo Xulka Qarankeena Ciyaartii Finalka kaga adkaaday 2-0 inkastoo bandhiga iyo awooda ciyaarta ay gacanta ku hayeen Da’yarta dalkeena, waxaana Soomaaliya ay sidaas ku gashay Kaalinta Labaad.

Keating oo hambalyo u diray guddoomiye Maxamed Mursal.

SNTV
-
0
Keating oo hambalyo u diray guddoomiye Maxamed Mursal.

Muqdisho(SNTV) -War saxaafadeed ka soo baxay xafiiska danjiraah QM u qaabilsan Soomaaliya Micheal Keating ayaa loogu halbalyeeyey guddoomiyaha cusub ee Golaha Shacabka Mudane Maxamed Mursal Sheekh C/raxmaan oo shalay ay doorteen xildhibaanada Golaha Shacabka.

Ergayga QM Keating ayaa wuxuu amaan iyo bogaadin u soo jeediyay mudanayaasha Golaha Shacabka sida hanaanka wanaagsan leh oo ay u doorteen guddoomiyaha cusub,isagoo u rajeeyey in uu ku guuleysto howshiisa.

Warka qoraalka ah ayaa sidoo kale waxaa loogu mahadceliyaay Mudane Maxamed Sheekh Cusmaan Jawaari guddoomiyihii hore ee Golaha Shacabka,wuxuuna xusay in mudadii uu hoggaaminayay baarlamaanadii 9-aad iyo kan tobnaad uu qabtay howlo aad u muhimsan,iyo dowrkii uu qaatay.

Mudane Maxamed Mursal Sheekh C/raxmaan ayaa loo doortay guddoomiyaha Golaha Shacabka maalintii shalay,isagoo ka guleystay ilaa 10 musharax kale oo xilkaasi u taagnayd.

R/wasaare ku xigeenka dalka oo Xildhibaanada ku Bogaadiyay hanaanka ay u doorteen Guddoomiyaha cusub.

SNTV
-
0
R/wasaare ku xigeenka dalka oo Xildhibaanada ku Bogaadiyay hanaanka ay u doorteen Guddoomiyaha cusub.

Muqdisho (SNTV) Ra’iisalwasaare ku xigeenka xukuumadda Federaalka ah ee Soomaaliya Md Mahdi Mohamed Gulleid (Khadar) ayaa hambalyo udiray Guddoomiyaha cusub ee Golaha shacabka.

Ku xigeenka Ra’iisalwasaaruhu waxaa uu mudanayaasha baarlamaanka ku boogaadiyay hanaanka dimuqraadiga ah ee ku doorteen Guddoomiyaha cusub.

Qoraal kooban uu ku baahiyay boggiisa twitterka ayaa udhignaa sidan.

“Waxaan hambalyo u dirayaa Guddoomiyaha cusub ee Barlamaanka Md Mohamed Mursal. Waxaan u rajaynayaa in ilaahay xilka u fududeeyo, waxaan kale oo Golaha shacabka ku boogaadinayaa hanaanka Dimuqraadiyadu bud-dhiga utahay ah ee ay ku doorteen guddoomiyaha cusub”.

 

Madaxweynaha Jamuuriyada oo hambalyo u diray gudoomiyaha cusub ee Barlamaanka

SNTV
-
0
Madaxweynaha Jamuuriyada oo hambalyo u diray gudoomiyaha cusub ee Barlamaanka

Madaxweynaha Jamhuuriyadda Federaalka Soomaaliya Mudane Maxamed Cabdullaahi Farmaajo ayaa hambalyo u diray Guddoomiyaha la doortay ee Golaha Shacabka Mudane Maxamed Mursal Sheekh C/raxmaan.

Madaxweynaha ayaa ku ammaanay Guddoonkii KMG ahaa ee Golaha Shacabka, Guddigii Doorashada iyo Xildhibaannada Baarlamaanka sida ay u guteen waajibkooda dastuuriga ah, waxa uuna Madaxweynuhu tilmaamay in dhacdadani ay calaamad u tahay dimuqraadiyadda xoogeysaneysa ee ka jirta dalka.

“Hamabalyo ayaan leeyahay Guddoomiyaha cusub ee maanta la doortay, sidoo kale waxaan u hambalyeynaa Xildhibaannada Baarlamaanka Federaalka sharafta leh, iyo Shacabka Soomaaliyeed. Guddoomiyaha la doortay waxaan Alle uga rajeyn in uu u fududeeyo shaqada culus ee loo igmaday” ayuu yiri Madaxweyne Farmaajo.

Madaxweynaha ayaa sidoo kale bogaadiyey musharixiinta kale ee u tartamay xilka Guddoomiyaha, waxa uuna sheegay in sida ay u tartameen ay muujineyso in dalkeennu la jaan-qaaday hannaanka hufan ee ku saleysan dimuqraadiyadda, iyo hufnaanta, taas oo dalka horumar gaarsiineysa.

Gudoomiyaha Cusub ee Golaha Shacabka oo balan qaaday in uu wax ka qaban doono arimaha horyaallo

SNTV
-
0
Gudoomiyaha Cusub ee Golaha Shacabka oo balan qaaday in uu wax ka qaban doono arimaha horyaallo

Guddoomiyaha cusub ee Golaha Shacabka Baarlamaanka Soomaaliya Maxamed Mursal Sheekh Cabdi raxmaan oo khudbad kooban jeediyay ka dib markii uu xilkan ku guuleystay ayaa u mahad celiyay guud ahaan Xildhibaanada Golaha Shacabka intii Codkooda siisay iyo kuwa aan siin, isagoo balanqaaday inuu fulin doono Barnaamij siyaasadeedkiisa ka koobnaa 10-qodob.

“Waxaan u mahad celinayaa Xildhibaanada Golaha Shacabka inta codkooda i siisay iyo inta aan isiin waxaan sidoo kale u mahad celinayaa intii u tartameysay xilkan, Maalintii khamiista ee taariikhda ay ku beegneyd 26/04/2017 waxaan hortiina ka aqriyay Barnaamij Siyaasadeedkeyga oo ka koobnaa 10-qodob waxaan idin xasuusinayaa inaan fulin doono Barnaaamij siyaasadeedkeyga iyo wixii kale ee Baarlamaanka u baahdo”.ayuu yiri Mudane Maxamed Mursal

Guddoomiyaha cusub ayaa sidoo kale balanqaaday inuu la tashiyo la sameyn doono Xildhibaanada Golaha Shacabka isla markaana uu dhageysan doono aragtidooda si Golaha Shacabka uu wax badan u qabto.

“Aniga waxaan mar kasta diyaar u ahay inaan dhageysto soona dhaweeyo aragtidiina, waxaan hortiina ka balan qaadayaa inaan Shacabka Soomaaliyeed ugu adeego si danta dalka iyo dadka ay ku jirto”.

Xildhibaan Ibraahim Isaaq Yarow oo wareega sedexaad kula tartamay Mudane Maxamed Mursal ayaa u hambalyeeyay Guddoomiyaha cusub, isagoo balanqaaday inuu si wanaagsan ula shaqeyn doono.

Qalab internetka Onlinka oo loga qeyb galidoono shirar caalami ah ayaa laga hirgaliyay xafiisyada dowlada

SNTV
-
0
Qalab internetka Onlinka oo loga qeyb galidoono shirar caalami ah ayaa laga hirgaliyay xafiisyada dowlada

Wasaarada Boostada Isgaarsiinta Soomaaliya ayaa xarunta  aqalka sare ee Baarlamaanka soomaaliya ka hergalisay mashuuruuca taakuleynta Isgaarsiinta oo onleyn looga qeyb gali karo shirarka ka dhacaya dibada kaas oo uu xariga ka jaray Guddoomiyaha Aqalka sare Cabdi Xaashi Cabdullaahi.

Mashruucan oo ay maalgalintiisa laheed wasaarada Boostada iyo Isgaarsiinta kala kaashatay bankiga aduunka ayaa ah mid muhiimadiiso tahay in nidaam isgaarsiineed uu yeesho dalka waxaana arinta kaga warmay warbahinta qaranka Cabdi Salaam Shariif Xuseen mareeyaha mashruuca taakuleynta Isgaarsiinta ect oo sharxaad dheer ka bixiyay muhiimada ay u leedahay isgaarsiintaan laamaha dowlada.

Wasiirka Boostada iyo isgaarista xukuumada soomaliya Eng Cabdi Canshuur Xasan oo ka hadlay kulanka qalabka lagu soo bandhigayay ayaa sheegay in qalabkani aay geeyen  qayb ka mid ah xafiisyada dowlada si loo helo isgaarsiin dhamestiran.

Guddoomiyaha Aqalka sare Cabdi Xaashi Cabdulaahi ayaa wasaarada Boostada iyo isgaarsiinta xukuumada soomaliya kaga mahadcilayay shaqada adag ay dalka u hayaan,  sido kale waxa uu sheegay in qalabkaan isgaarsiineed u yahay hormaar soo garay dalka iyo xafiisyada dowlada.

Ilaa 37 xafiis ayeey sheegtay wasaarada boostada iyo isgaarsiinta soomaliya in qalabkani ku rakibeen sidoo kale ay gaarsiindoonaan maamul Goboleedyada dalka.

1...1,3091,3101,311...1,710Page 1,310 of 1,710

© 2023 Telefishinka Qaranka Soomaaliyeed