Wafdi ka socda Qaramada Midoobay ayaa Maanta gaaray Magaalada Dhuusamareeb ee xarunta Maamulka Galmudug,waxayna halkaasi kula kulmeen Mas”uuliyinta Galmudug sida Wasiirka iyo Wasiir ku-xigeenka Amniga Galmudug.

Wafdiga ka socda Qaramada Midoobay iyo Mas’uuliyiinta Galmudug ayaa waxay kormeer ku tageen Xarumihii ay ka dagi lahaayeen Magaalada Dhuusamareeb.

Wasiir ku-xigeenka Wasaarada Amniga Galmudug Mahad Xassan Maxamed ayaa ka warbixiyey waxyaabihii ay ka wada hadleen Wafdiga ka socday Qaramada Midoobay,wuxuuna sheegay inay kala hadleen arimo ay ka mid yihiin Amniga iyo Siyaasada Galmudug.

Dhanka kale Wasiir Ku-xigeenka Wasaaradda Amniga Galmudug ayaa waxa uu sheegay in Maamulka Galmudug ay u qorsheysan tahay inay Al-Shabaab kala wareegaan Meelaha ay ka joogaan Galmudug.

Hay’adaha Qaramada Midoobay ayaa Bilihii la soo dhaafay waxa ay socdaalo is daba jog ah ku imaanayeen Magaalada Dhuusamareeb ee Caasimada Galmudug waxa ayna wadaan Qorshayaal lagu hor marinayo Deegaanada Galmudug.

Munaasabaddan oo aheyd mid ay xilka ku kala waregeyen Wasiirkii hore ee Wasaaradda Howlaha Guud iyo Guryeynta iyo Wasiirka cusub ee dhowaan loo magacabay wasaaradda Howlaha Guud  ayaa waxa goobjoog ka ahaa Ra’iisal wasaare ku- xigeenka dalka Wasiiru Dowlaha Xafiiska Ra’iisal wasaaraha mas’uuliyiinta Wasaradda iyo xildhaabano ka tirsan barlamaanka Soomaaliya.

Ugu horeyn, waxaa munaasabadda ka hadlay wasiirkii hore ee wasaaradda howlaha guud Eng, Saadiq Abdullahi Cabdi, isagoona sheegay  in xilka uu meerto yahay haddane loo baahan yahay in laga wada qeyb qaato dhismaha iyo horumarka dalka,wuxuuna u mahad celiyay  cid walba oo garab ka siisay ka shaqeynta howlaha guud ee dalka.

Wasiirka Wasaradda howlaha guud Xukumadda Federaalka Soomaaliya C/fitaax Maxamed Ibraahim ( Geesey ) ayaa ugu horeyn uga mahad celiyaay dowrkii  iyo shaqaddi wanaagsaneyd  uu qabtay Wasiir Saadiq islamrkaana sheegay in Wasaradda howlaha guud ay ahmiyad weyn uu leedahay dalka.

Ra’iisul waasare ku xigeenka dalka Mahdi  Maxamed Guuleed (Qadar ) oo gaba gabada munaasabadda ka hadlay ayaa isna ku aamanay dowrki iyo wada shaqeyntii wanaagsaneyd ee kala dhaxeyaay wasiir saadiq, wuxuuna  shegaay  in Wasaradda howlaha guud ay tahay lafdhabarta kabayaasha dhaqaalaha iyo harumraka dalka.

Wasiirka Arrimaha Gudaha iyo dib-uheshiisiinta Xukuumadda Federaalka Soomaaliya Mudane Cabdi Mohamed Sabriye ayaa shir guddoomiyey shir meeqaamkiisu sarreeyo oo looga hadlayay xasilinta dalka,kaasi oo maanta ka furmay magaalada Muqdisho.

Shirkan oo intiisa badan diiradda lagu saarayay xasilinta dalka ayaa waxaa ka soo qeyb galay Guddoomiyaha Gobolka Benaadir ahna duqa magaalada Muqdisho, mas”uuliyiin ka tirsan Dowladda Federaalka Soomaaliya madax ka socotay maamul goboleedyada dalka  iyo baasha caalamka,waxayna soo gudbiyeen qorshayaasha ay u diyaariyeen arrimaha amniga iyo horumarinta adeegyada aas aasiga ah.

Duqa magaalada Muqdisho mudane Eng; Yariisow oo shirka ka hadlay waxa uu sheegay in maamulka Gobolka Banaadir uu wado dadaalo lagu xasilinayo amniga caasimada oo hada meel wanaagsan maraya,iyadoo lagu guulestay fashilinta falal dhowr ah oo amniga lidi ku ah.

Wasiirka arrimaha gudaha iyo dib-uheshiisiinta ee Xukuumada Jamhuuriyada Federaalka Soomaaliya muadne Cabdi Mohamed Sabriye wuxuu shirka ka sheegay in dowladda Soomaaliya ay ka go’an tahay xasilinta dalka iyo bad baadinta shacabka,isagoona baaq nabadeed u diray Soomaaliland iyo Puntuland in ay joojiyaan colaada ka taagan deegaanka Tukaraq,

shirka ayaa marka uu soo idlaaday waxaa Warbaahinta qaranka la hadlay guddoomiyaha gobolka Benaadir ahna duqa magaalada Muqdisho mudane Cabdiraxmaan Cumar Cusmaan ( Eng: Yariisow),wuxuuna sheegay in la isku afgartay in laga shaqeeyo adkeynta amniga iyo horumarinta adeegyada Bulshada ay u baahan yihiin.

Golaha Shacabka Soomaaliyeed ayaa Maanta Kalfadhiga 3aad Kulankiisa 11aad waxay ku yeesheen xarunta Golaha Shacabka ee Baarlamanka Soomaaliya ee Muqdisho.

Kulanka Golaha Shacabka Soomaaliya oo uu shir Gudoominayay Af-hayeenka Golaha Shacabka ee Soomaaliyeed Maxamed mursal Sheekh Cabdiraxmaan ayaa Maanta waxaa uu ku Saabsanaa Ajenda la xiriira su’aalo weydiin loogu balansanaa Wasiirka Waxbarashadda iyo Tacliinta sare ee Xukuumadda Soomaaliya,

Waxaa kulankii Maanta lagu go’aamiyay in Maalmaha ka haray Bisha barakeysan ee Ramadaan ay hakad galayaan kulumada Barlamaanka Golaha Shacabka  Soomlaaiyeed sidoo kalena ay guddoonku soo sheegi doonaan xilliga ay si toos ah u furmayaan kulamada kadib Bisha Ramadaan.

Ajenda Maanta oo ahaa su’aalo weydiin loogu ballansanaa Wasiirka Waxbarashadda iyo Tacliinta sare ee Xukuumadda Soomaaliya ayaa baaqday ka dib markii uu codsi soo jeedin ka yimid Guddiga Arrimaha Bulshada Golaha Shacabka Soomaaliya oo dalbaday in dib loo dhigo su’aalo weydiinta sababo la xiriira dhameystirka macluumaadka Wasaaradda Waxbarashada oo ay guddigu codsadeen in ay keeni doonan kulamadda kale ee kan xiga.

Markii la soo gaba gabeeyay kulankii Maanta ayaa waxay Guddoomiye Mursal iyo ku xigeenkiisa Muudeey soo Indha indheeyeen dayac tirka iyo dib u habeynta lagu sameynayo dhismaha Aqalka Golaha Shacabka Soomaaliyeed oo howlo dib u hagaajin ah ay socdaan.

Dayactirka iyo dib u dhiska imminka ka socda xarunta Golaha Shacabka Soomaaliyeed ayaa haatan maraysa meel aad u wanaagsan, waxaana la filayaaa in dhawaan lasoo gabagabeeyo.