Search
Subscribe
Home Blog Page 1306

Munaasabad lagu Walaalaynayay Ciidamada Soomaaliyeed oo ka dhacday Muqdisho

SNTV
-
0
Munaasabad lagu Walaalaynayay Ciidamada Soomaaliyeed oo ka dhacday Muqdisho

Muqdisho-(SNTV)-Munaasabadan  lagu dhiirri gelinayay shaqada ay Qaranka u hayaan  Sadaxda Ciidan ee Militeriga  Asluubta iyo Booliska ayaa lagu qabtay xaruunta Gaadiidka Ciidanka  Booliska Ee Magaalada Muqdisho.

Waxaana ka qeyab  galay ku simaha Ra,iisul Wasaaraha ahna Ra,iisul wasaare ku xigeenka Dalka  gudoomiyaha Gobolka banaadir  Ahna Duqa muqdisho  Mudane  Cabdiraxmaan Cumar Cisamaan  {Injeneer yariisoow}  taliyayaasha Ciidamada Asluubta Militeriga iyo Booliska,  Wasiiro dhildhibaannada  Aqalka Sare iyo Golaha Shacabka  Sarakiisha  Ciidamada qalabka sida qeybahooda kala duwan iyo martisharaf.

Waxaana halkaasi Heeso guubaabo ah ka qaaday Hoballada matala Ciidamada Dalka, iyagoo soo bandhigay Suugaan muujineysa sida ay uga go,aan tahay difaaca Dalka iyo ka xoreenta  maleyshaadka Al-shabab.

Taliyaha  guud ee Ciidanka Asluubta soomaaliyeed S/guud Bashiir Maxamed jaamac oo ku hadlayay Afka taliyaasha Ciidamada Qalabka sida ayaa sheegay in munaasabaddani  lagu dhiirri gelinayo Dhallinyarada cusub ee ku soo biiray Ciidamada qalabka sida, kuwaas oo diyaar u ah inay Dalkooda Hooyo ka sifeeyaan kooxaha nabad diidka ah.

ku simaha Ra,iisul Wasaaraha Ahna Ra,iisul wasaare ku xigeenka Dalka, Mahdi Maxamed Guuleed {Qadar]  ayaa xusay  in Ciidamada qalabka sida ay yihiin kuwa ayaga dartood lagu gaarayo hannanka Dawladnimada Soomaaliya loona bahanyahay in lagu baraarujiyo sidii ay uga hortagi lahaayeen cadawga banneystay daadinta dhiigga Shacabka  Soomaaliyeed .

Hannanka Walaalaynta Ciidamada qalabka sida ee Soomaaliya ayaa ka mid ah nidaamyada dardar gelinta xasilinta Dalka si ee ay hormuudka ka tahay Dowladda Federaalka,si ay umadda  Soomaaliyeed  u helaan amni iyo nabad waarta.

 

Faah faahin ka soo baxaysa weerar ka dhacay Gobolka Waqooyi Bari ee Kenya

SNTV
-
0
Faah faahin ka soo baxaysa weerar ka dhacay Gobolka Waqooyi Bari ee Kenya

Kenya(SNTV) Weerarkan ayaa dad xog-ogaal ah oo deegaanka ah ay sheegeen inuu ka dhacay deegaanka lagu magacaabo Shimbir Faatumo oo ku taalla Koonfurta Mnadera ee Gobolka Waqooyi Bari ee Dalka Kenya,kaasi oo dad rayid ah uu qasaar eka soo gaaray.

Ugu yaraan 2 qof oo rayid ah ayaa ku geeriyootay halka 3 kalena ay ku dhaawacmeen sida ay xaqiijiyeen mas’uuliyiinta maamulka Gobolka Waqooyi Bari ee Kenya.

Sida uu qorey Wargeyka lagu magacaabo The Daily Nation ee ka soo baxa wadanka Kenya oo soo xiganaya Madaxa Ammaanka ee Gobolkaasi ninka lagu magacaabo Kutswa Ololka ayaa wuxuu qorey wargeysku in la rumeysan yahay in weerarkaasi ay geysteen maleeshiyaad xiriir la leh koxda Alshabaab,wuxuna intaasi ku daray in aan weli sirasmi ah u cadayn qasaaraha  rasmiga ah ee halkaasi k adhashey.

Wararka ayaa sheegay in cutubyo ka tirsan ciidamada ammaanka dalkaasi Kenya ayaa wadaan howlgalo lagu baadi goobayo ragii weerarkaasi ka dambeeyey.

Laamaha ammaanka Dalka Kenya ayaa ku jira heegan ballaaran,tan iyo markii maleeshiyaadka argagaixisada ah ee Alshabaab ay kordhiyeen weerarada ay k ageysanayaan gudaha dalkaasi Kenya,waxaana dhowr jeer oo horey ay weeraro k ageysteen qeybo kamid ah Gobolka Waqooyi Bari ee Kenya,sida Gaarisa iyo Mandheere,iyadoo inta badan laga hortagay dhagaraha ay u soo maleegaan shacabka.

Wasiirada Khayraadka Biyaha ee Jaamacadda Carabta oo shir ugu soo geba geboobey Kuwait

SNTV
-
0
Wasiirada Khayraadka Biyaha ee Jaamacadda Carabta oo shir ugu soo geba geboobey Kuwait

Kuwait(SNTV) Shir weynaha 3aad ee Arrimaha Biyaha Carbeed ee heer Wasiir ah ayaa lagu soo gabagabeeyay Dalka Kuwait,iyadoo go’aanada soo baxay ay yihiin kuwo waxtar u leh Jamhuuriyadda Federaalka Soomaaliya,waxaana ka qeybgalay wafdi ka socday dowladda Soomaaliya.

Wasiiradda Biyaha Carbeed ayaa isku afgartay in Dowladaha Carbeed iska kaashadan Horumarinta Kheyraadka Biyaha iyo habsami u maamulka ilaha Biyaha wadamadaasi.

Wasiiradu waxa ay isla gorfeeyen in Dowlaha Carbeed ee dhaqaalohoodu hooseeyo laga saacido mashaariicda horumarinta biyaha iyadoo Hay’adda Carbeed ee Horumarinta Biyaha laga codsaday in ay daraasad ku sameyso baahida dalalka u baahan in laga gacan siiyo Horumarinta Biyaha.

Kusimaha Wasiirka Tamarta iyo Khayraadka Biyaha Xukuumadda Soomaaliya ahna Wasiir Ku Xigeenka Mudane Cusmaan Libaax Ibraahim  oo qudbad qaayo leh ka jeediyay shirweynaha ayaa ka warbixiyay xaaladda Biyaha Dalka iyo dhinacyada u baahan in Soomaaliya laga gacan siiyo,taas oo si weyn loogu dhag raariciyay.

kulamadii gaar gaarka  ahaa ee Wafdiga Soomaaliya ay la yeeshen wafuuda kala duwan ee Shirka ka soo qeybgashay ayaa dhammaan ku soo dhammaaday is afgarad iyo ballan qaadyo la xiriira mashaariic lagu horumarinayo Kheyraadka Biyaha in laga hirgeliyo Soomaaliya.

Ra’iisul wasaaraha Dawladda Jabuuti oo Xafiiskiisa ku qaabilay Madaxdii ka socotay Taliska Ciidanka Booliska Soomaaliyeed

SNTV
-
0
Ra’iisul wasaaraha Dawladda Jabuuti oo Xafiiskiisa ku qaabilay Madaxdii ka socotay Taliska Ciidanka Booliska Soomaaliyeed
Jabuuti (SONNA), Ra’iisul wasaaraha Jamhuuriyadda Jabuuti Mudane C/qaadir Kaamil Maxamed, ayaa maanta kulan soo dhoweyn ah u sameeyey Wafigii ka socday Taliska Ciidanka Booliska Soomaaliyeed ee uu hoggaaminayey Taliyaha hoggaanka baarista dambiyada ee C.I.D S/guuto Saciid Axmed Kediye, waxaana uu ka xog wareystay Xaaladda Soomaaliya.
 
R/wasaare Kaamil, ayaa sheegay in Soomaaliya maanta ay joogto marxalad aad u wanaagsan, isaggoo xusay in ay socdaan horumaro kala duwan oo dhinacyo badan leh.
 
Sidoo kale Ra’iisul wasaaraha Jamhuuriyadda Jabuuti Mudane C/qaadir Kaamil Maxamed, ayaa kulankaasi ku Casuumay Saraakiil ka tirsan Ciidanka Dawladda Talyaaniga, kuwaasi oo dalka Jabuuti tababar ku siiya Saraakiil ka tirsan Ciidanka Booliska Soomaaliyeed, waxaana uu uga mahad celiyey sida hagar la’aaneed ee mar walbo ay u garab taagan yihiin Soomaaliya, isaggoo siiyey Bilado abaal marin ah oo lagu dhiiri gelin ah.

Ra’iisul Wasaare Kheyre iyo dhigiisa dalka Belgium oo ku kulmay Brussels

SNTV
-
0
Ra’iisul Wasaare Kheyre iyo dhigiisa dalka Belgium oo ku kulmay Brussels

Brussels, May, 03, 2018—- Ra’iisul Wasaaraha Xukuumadda Federaalka Soomaaliya, Mudane Xasan Cali Khayre, oo maalmahaan safar shaqo ku joogay magaalada Brussels ee dalka Belgium, ayaa kulan muhiim ah la qaatay dhigiisa dalkaasi, Charles Michel.

Xasan Cali Khayre iyo iyo a’iisul Wasaaraha Belgium, Charles Michel oo kulan gaar ah yeeshay ayaa ka hadlay arima muhiim u ah labada dowladood oo ay kamid tahay xoojinta xariirka soo jireenka ah ee ka dhexeeya Muqdisho iyo Brussels.

“Waxa aan la kulmay Ra’iisul wasaaraha dalka Belgium, Charles Michel. Waxa aan ka wada hadalnay arima badan oo khuseeya labada dowladood oo ay kamid tahay xariirka soo jireenka iyo sida loo xoojin lahaa”, ayuu yiri Ra’iisul wasaare Kheyre.

Kulanka Ra’iisul wasaare Kheyre uu la qaatay Charles Michel ayaa waxa uu qeyb ka ahaa kulamo uu Brussels kula yeeshay masuulyiin ka tirsan midawga Yurub, kadib markii uu soo idlaaday kulankii looga hadlayay amaanka iyo hanaanka horumarka Soomaaliya ee lagu qabtay magaalada Brussels.

Guddiga Kheyraadka Biyaha ee Aqalka sare oo maanta qabtay kullan dhageysi dadweyne ee sharciga Keyraadka biyaha Qaranka

SNTV
-
0
Guddiga Kheyraadka Biyaha ee Aqalka sare oo maanta qabtay kullan dhageysi dadweyne ee sharciga Keyraadka biyaha Qaranka

Muqdisho(SNTV):- Guddiga Kheyraadka Biyaha Qaranka,Kaabayaasha dhaqaalaha iyo Gaadiidka Golaha Aqalka sare ee Baarlamaanka Soomaaliya ayaa maanta qabtay Kullan qorshihiisu ahaa dhageysiga Dadweynaha ee Hindise sharciyeedka Kheyraadka Biyaha Qaranka.

Kullanka ayaa waxaa ka soo qeyb galay Bulshada qeybaheeda kala duwan,sida Ururada Bulshada rayidka,Qubarada Biyaha iyo deegaanka,qaar ka mid ah Macalimiinta Jaamacadaha ku yaalo magaalada Muqdisho,Wakiilo ka socday shirkadahha Biyaha siiya Shacabka Gobolka Banaadir,Wakiilo ka socday Hay’adaha Biyaha Kheyriga ah ka shaqeeya,Xubno isugu jiray Xildhibaano iyo Wasiiro  ka kala socday Maamul Gobolleedyada dalka xubanaha ka ah Dowladda Federaalka,Qareeno sharci iyo dadweyne kale.kuwaasi oo aragtidooda ka dhiibtay sharciga la doonayo in loo sameeyo Kheyraadka Biyaha oo horay labo marxaladood u soo maray Xukuumadda iyo Golaha shacabka hadana uu horyaalo Golaha Aqalka sare.

Guddoomiyaha Guddiga Keyraadka Biyaha,kaabayaasha,dhaqaalaha iyo Gaadiidka ee Golaha Aqalka sare Semator Ilyees Cali Xassan oo ay dhinac fadhiyeen ku-xigeenkiisa iyo Guddoomiyaha Guddiga Difaaca iyo Amniga Golaha Aqalka sare ayaa sheegay in ujeedka loogu yeeray dadweynaha ay tahay in la dhageysto aragtidooda ku aadan sharciga Biyaha iyo haddii ay jiraan feker ay ku biirinayaan si loo soo saaro nidaam hagaya Kheyraadka Biyaha oo loo dhan yahay,wuxuuna dadweynaha kala duwan ee kullanka yimid uga mahad celiyay sida ay ugu heelan yihiin sameynta sharciga Kheyraadka Biyaha dalka.

Qaar ka mid ah Xubnaha Wasiirada iyo Xildhibaanada ee ka socday Maamulada shanta ah ee dalka ka jira ayaa soo dhoweeyay kullanka dhageysiga dadweynaha,waxayna sheegeen in sharciga Biyaha uu aas-aas u yahay nidaam Bulshada Biyaha si isku mid ah uga faa’ideysan karaan,iygaoona dhanka kale tilmaamay in muhiim ay tahay in wadatashi arrintaan lagala sameeyo Bulshada Soomaaliyeed,maadama ay yihiin dadka sida tooska ah u saameyneyso.

Guddoomiyaha Ururada Bulshada rayidka ee SOSCENSA,Diini Maxamed Diini oo kullanka dhageysiga dadweynaha ka hadlay ayaa sheegay iney muhiim tahay in la badiyo kullamada wadatashi ceynkan oo kale ee aragtidooda looga dhageysanayo Bulshada qeybaheeda kala duwan ee ku saabsan sharciga Kheyraadka Biyaha,isagoona Guddiga Kheyraadka Biyaha ee Aqalka sare ku ammaanay howsha adag ee Bulshada u hayaan.

Ugu danbeyntii,Dadweynihii ka soo qeyb galay Kullanka dhageysiga Hindise sharciyeedka Kheyraadka Biyaha iyo Guddiga Keyraadka Biyaha,kaabayaasha dhaqaalaha iyo Gaadiidka ee Golaha Aqalka sare ayaa isku raacay in si wadajir looga shaqeeyo hirgelinta sharciga Keyraadka Biyaha Qaranka,kaasi oo lagu dabaqayo nidaamka Federaalka ah ee dalka uu qaatay.

Golaha Aqalka sare ayaa hadda waxaa horyaalo dhowr sharci oo uu ka mid yahay sharciga Kheyraadka Biyaha Qaranka,kaasi oo hadda laga tala gelinayo Bulshada qeybaheeda kala duwan ee ku nool shanta Maamul Gobolleed iyo Gobolka Banaadir si loo helo aragti mideysan oo lagu dabaqo sharciga ka dibna marka la isku raaco uu Golaha uu ansixiyo madaxweynaha Jamhuuriyadda Federaalka Soomaaliya loo gudbiyo si uu u saxiixo faafinta rasmiga ahna lagu soo saaro si loo dhaqan geliyo.

Wasiir C/raxmaan Iidaan”Xorriyadda hadalka qiyaastii waddamada gobolka in badan oo ka mid ah baan uga horreynaa”

SNTV
-
0
Wasiir C/raxmaan Iidaan”Xorriyadda hadalka qiyaastii waddamada gobolka in badan oo ka mid ah baan uga horreynaa”

Muqdisho(SNTV):–3-da May, waa maalinta Xoriyadda Saxaafadda ee Dunida oo dhan, Sanadkan waxaa cinwaanku yahay Hubinta Awoodda Maamulada, Warbaahinta, Cadaaladda iyo Sharciga, Dabaaldegyada sanadkan 2018.

Siiyaha Wasiirka Warfaafinta ahna Kuxigeenka Wasiirka Warfaafinta, kusimaha Agaasimaha guud ahna Agaasimaha Maamulka & Maaliyadda Wasaaradda Warfaafinta  iyo masuuliyiin kale ayaa maanta ka qaybgalay  Munaasabo kala duwan oo lagu qabtay magaalada Muqdisho, iyagoo hambalyo u diray dhamaan suxufiyiinta.

“Maanta meesha aan ka joogno Xorriyadda hadalka qiyaastii waddamada gobolka in badan oo ka mid ah baan uga horreynaa, taas oo ku timid dhabar adeeggii ay u soo galeen Suxufiyiinta Soomaaliyeed oo dil, dhaawac iyo dhibaatooyin kaleba kala soo kulmay hasa ahaatee mirihii  maanta la joogo”. ayuu yiri sii hayaha Wasiirka Warfaafinta.

Mudane Cabdirixmaan Iidaan Yoonis ayaa sheegay  in Wasaaraddu ay si hagar la’aan ah uga shaqeyn doonto xaqiijinta xoriyadda iyo badbaadada saxaafadda, sidoo kale Wasiirka ayaa waxa uu sheegay in Wasaaradda ay ku mashquulsan tahay sidii xiriirkooda loo adkeyn lahaa Warbaahinta, wuxuuna tilmaamay in ay rajeynayaan in dhawaan ay Baarlamaanka ansixiyaan xeerka Saxaafadda.

“Wasaaradda waxa ay ku howlan tahay isku xirka Warbaahinta Soomaaliyeed, innaga oo shirar ku kala qabanay qeybo badan oo dalka ka mid ah, taasi oo wadada u xaareysa fursad siinta xoriiyadda hadalka si akhlaaq ay ku jirto, waxaan markale ku amaanayaa warbaahinta dadaalka wanaagsan ee ay hayaan,” Ayuu yiri Wasiir C/raxmaan Iidaan.

Dhamaan madaxdii kale iyo masuuliyiintii hadashay ayaa hoosta ka xariiqay sida ay lagama maarmaan u tahay in suxufiyiinta Soomaaliyeed ay helaan dhowritaan (Protection) iyo in ay dhamaanta la xisaabtan la’aanta kuwa tacadiyada u geysta bahda warbaahinta Soomaaliyeed.

Guddoomiye Yarisow oo Daah Furay Barnaanijka Dhismaha Goleyaasha deegaanka ee degmooyinka Caasimadda

SNTV
-
0
Guddoomiye Yarisow oo Daah Furay Barnaanijka Dhismaha Goleyaasha deegaanka ee degmooyinka Caasimadda

Muqdisho, 03 Maajo, 2018–Guddoomiyaha Gobolka Benaadir ahna duqa Muqdisho Mudane Cabdiraxmaan Cumar Cusmaan (Eng. Yarisow) oo maanta daah furay Barnaanijka Dhismaha Goleyaasha deegaanka ee degmooyinka Gobolka Benaadir, ayaa sheegay ujeedka ugu weyn ee arrintan laga leeyahay in ay tahay shacabka talada in dib loogu celiyo.

Barnaamijkan ayaa waxaa dhinac socda qorshaha Isku xirka Maamulada Degmooyinka, Hey’adaha Amniga iyo Garsoorka dalka, arrimaha lagu falan qeeyey kulanka ayaa waxaa ka mid ahaa dowrarka iyo kaalinta Maamullada degmooyinka, hey’adaha amaanka iyo garsoorka Degmooyinka Gobolka Banaadir, Hoggaaminta suuban, Xalinta Khilaafaadka, sareynta sharciga iyo Dawladda wanaagga.

Gudoomiyaha ayaa tilmaamay muhiimada ay u leedahay bulshada iyo Dawladnimada Soomaaliya in la hello maamul hoos laga soo dhisey, si bulshadu ay iyagu go’aan uga gaarto cidda matalaysa.

“Si magaalada Muqdisho looga hirgeliyo dimuqoraadiyad hana-qaada looguna diyaar garoobo doorashooyinka 2020 dalka oo dhan ka dhici doona muwaadinkuna u helo fursad ah inuu wax doorto lana doorto, waxaan bilownay geeddigan oo leh habraac dhameystiran oo ku jirto wada shaqeynta hay’adaha amniga iyo Garsoorka dalka”.Ayuu yiri Eng. Yarisow.

Duqa Caasimadda ayaa tilmaamay dhowrkii bilood ee la soo dhaafay shacabka ku nool Caasimadda in loo dhaweeyey maamulka, isla markaana arrintaas ay ka dhalatay kalsooni iyo wadashaqeyn buuxda. Waxuna xusay sida ay lagama maarmaan u tahay in shacabku ay yeeshaan talada lagu hagayo deegaankooda.

Madaxweynaha Jamhuuriyadda oo kulan maamuus ah u sameeyey Xulka Qaranka ee da’doodu ka yar tahay 17-ka sano

SNTV
-
0
Madaxweynaha Jamhuuriyadda oo kulan maamuus ah u sameeyey Xulka Qaranka ee da’doodu ka yar tahay 17-ka sano

Muqdisho (SNTV), 3 March 2018: Madaxweynaha Jamhuuriyadda Federaalka Soomaaliya Mudane Maxamed Cabdullaahi Farmaajo ayaa maanta kulan dhiirrigelin, qado sharaf iyo bogaadin ah oo ku saabsan guushii Qaranka ee koobkii Bariga iyo Bartamaha Qaraadda Afrika (CECAFA) waxa uu la qaatay Guddiga Ciyaaraha Qaranka, Macalimiinta, Tababarayaasha iyo Ciyaaryahannada Qaranka Soomaaliyeed ee da’doodu ka yartahay 17 sano.
Madaxweynaha ayaa ku bogaadiyey xulka da’yarta Soomaaliyeed ee heer Qaran, daadaalka ay muujiyeen iyo sida ay caalamka ugu soo bandhigeen in dhallinyarada Soomaaliyeed ay kaalin muuqata ku lahaan karaan saaxada tartannada heer qaaradeed.

“Annaga waxa ay noo xisaabsan tahay in aad guuleysateen, sababtoo ah waxaad ka soo guuleysateen intaas oo dal, idinkoo dalkiinnu uu soo kabanayo ayaad ka badiseen dowlado badan oo aan bur bur ku dhicin, dowladahaas oo sannadadii aan bur burka ku jirnay iyagu soo dhismayey.” Ayuu yiri Madaxweyne Farmaajo.

Sidoo kale, Madaxweynaha ayaa ku dhiirri geliyey Maamulka iyo shaqaalha Wasaaradda Cayaaraha, dhallinyarada iyo Xiriirka Kubadda Cagta Soomaaliyeed dadaalka ay ku bixiyeen da’yarta heer Qaran iyo guud ahaan cayaaraha dalka.

Xulka Da’yarta Qaranka ee U-17ka ayaa isu diyaarinaya ka qeyb galka Koobka Qaaradda Afrika ee 17-jirrada oo saddex bilood kaddib fumi doona.

 

Ra’iisul wasaare Kheyre oo kulamo gooni gooni ah la yeeshay qaar kamid ah guddiyada Midawga Yurub

SNTV
-
0
Ra’iisul wasaare Kheyre oo kulamo gooni gooni ah la yeeshay qaar kamid ah guddiyada Midawga Yurub

Brussels, May, 03, 2018—- Ra’iisul Wasaaraha Xukuumadda Federaalka Soomaaliya, Mudane Xasan Cali Khayre, iyo wafdi uu hogaaminayo oo ku sugan magaalada Brussels ee dalka Belgium, ayaa waxa ay kulamo kala duwan la yeesheen guddiyada Midawga Yurub u qaabishan Badaha, kaluumeysiga iyo gargaarka.

Kulanka hore oo looga wada hadlay sidii looga faa’iideysan lahaa khayraadka Soomaaliya, ayuu Ra’iisul wasaare Khayre la yeeshay guddiga midawga Yurub ee arimaha badaha iyo Kaluumeysiga.

kulanka oo ay goob joog ka ahaayeen masuuliyiin ka socota maamul gobaleedyada xubnaha ka ah dowladda Federaalka Soomaaliya, ayaa Raiisul wasaare Kheyre waxa uu kusoo ban-dhigay qorshayaal ku saabsan sidii midawga Yurub uga taageeri lahaa Soomaaliya ka faa’iideysiga khayraadka iyo kalluunka.

intii uu socday kulanka, waxaa lagu lafa guray hanaanka ugu haboon ee si wadajir looga faa’iideyn karo shacabka Soomaaliyeed kalluunka iyo khayraadka badaha dalka.

Guddoomiyaha Guddida arimaha badadaha iyo kalluumaysiga Midowga Yurub, Karmenu Vella, ayaa soo dhaweeyey dadaallada xukuumadda ee ku aaddan in loo midoobo hanaanka Soomaaliya ay khayraadkeeda ula soo bixi lahayd ugana faa’iideysan lahayd si dalku u gaaro isku filanaansho dhaqaale.

Kulan kale ayuu Ra’iisul wasaare Kheyre la yeeshay Gudoomiyaha guddiga gargaarka iyo kahor tagga musiibooyinka, Christos Stylianides, waxa ayna ka wada hadleen arimaha gargaagka gaar ahaan qaabka loo caawin karo kumanaanka kun ee daadadku barakiciyeen. Christos Stylianides ayaa ballan qaaday in midawga Yurub uu sii wadi doono taageerada Soomaaliya.

Brussels, May, 03, 2018—- Ra’iisul Wasaaraha Xukuumadda Federaalka Soomaaliya, Mudane Xasan Cali Khayre, iyo wafdi uu hogaaminayo oo ku sugan magaalada Brussels ee dalka Belgium, ayaa waxa ay kulamo kala duwan la yeesheen guddiyada Midawga Yurub u qaabishan Badaha, kaluumeysiga iyo gargaarka.

Kulanka hore oo looga wada hadlay sidii looga faa’iideysan lahaa khayraadka Soomaaliya, ayuu Ra’iisul wasaare Khayre la yeeshay guddiga midawga Yurub ee arimaha badaha iyo Kaluumeysiga.

kulanka oo ay goob joog ka ahaayeen masuuliyiin ka socota maamul gobaleedyada xubnaha ka ah dowladda Federaalka Soomaaliya, ayaa Raiisul wasaare Kheyre waxa uu kusoo ban-dhigay qorshayaal ku saabsan sidii midawga Yurub uga taageeri lahaa Soomaaliya ka faa’iideysiga khayraadka iyo kalluunka.

intii uu socday kulanka, waxaa lagu lafa guray hanaanka ugu haboon ee si wadajir looga faa’iideyn karo shacabka Soomaaliyeed kalluunka iyo khayraadka badaha dalka.

Guddoomiyaha Guddida arimaha badadaha iyo kalluumaysiga Midowga Yurub, Karmenu Vella, ayaa soo dhaweeyey dadaallada xukuumadda ee ku aaddan in loo midoobo hanaanka Soomaaliya ay khayraadkeeda ula soo bixi lahayd ugana faa’iideysan lahayd si dalku u gaaro isku filanaansho dhaqaale.

Kulan kale ayuu Ra’iisul wasaare Kheyre la yeeshay Gudoomiyaha guddiga gargaarka iyo kahor tagga musiibooyinka, Christos Stylianides, waxa ayna ka wada hadleen arimaha gargaagka gaar ahaan qaabka loo caawin karo kumanaanka kun ee daadadku barakiciyeen. Christos Stylianides ayaa ballan qaaday in midawga Yurub uu sii wadi doono taageerada Soomaaliya.

1...1,3051,3061,307...1,710Page 1,306 of 1,710

© 2023 Telefishinka Qaranka Soomaaliyeed