Search
Subscribe
Home Blog Page 1231

Ra’iisul Wasaare Khayre Oo Ka Qayb Galay Xaflad Shahaadooyin Lagu Guddoonsiinayay Arday Ka Qalin-jebisay Jaamacadda PSU

SNTV
-
0
Ra’iisul Wasaare Khayre Oo Ka Qayb Galay Xaflad Shahaadooyin Lagu Guddoonsiinayay Arday Ka Qalin-jebisay Jaamacadda PSU

Garowe, August 1, 2018 – Ra’iisul Wasaaraha xukuummadda federaalka Soomaaliya mudane Xasan Cali Khayre oo magaalada Garowe uga qayb galay xaflad shahaadooyin lagu guddoonsiinayay arday ka qalin-jebisay kulyadaha kala duwan ee jaamacadda Puntland (PSU) ayaa ku dhiirri geliyay qalin-jebiyaasha in aqoontooda ay ugu adeegaan dalka iyo dadka Soomaaliyeed.

Ra’iisul Wasaare Xasan Cali Khayre ayaa hambalyeeyay qalin-jebiyaasha, waxa uuna u mahadceliyay waalidiinta ardayda, dawlad gobaleedka Puntland, maamulka iyo barayaasha jaamacadda isaga oo sheegay in maanta ay tahay maalin ku wayn qalin-jebiyaasha iyo ummadda Soomaaliyeed inteeda kale.

“Idinkana waan idiin hambalyeyneynaa, waalidiintii idinku soo dadaalayna waan u mahadcelinayaa. Maanta waxa ay idiin tahay maalin wayn, Soomaaliyana maalin weyn ayey u tahay”, ayuu yiri Ra’iisul Wasaare Xasan Cali Khayre.

Ra’iisul Wasaaraha xukuummadda federaalka Soomaaliya ayaa u sheegay qalin-jebiyaaha in Soomaaliya ay dhibaata badan soo martay hase yeeshee ay soo kabaneyso oo ay haysato dariiqa rasmiga ah ee horumarka una baahantahay aqoonyahanno habeen iyo maalin usoo jeeda horumarinta dalka si Soomaaliya ay ula tartanto aduunyada inteeda kale.

Aqoonyahannada maanta la gudoonsiiyay shahaadooyinka ayuu Ra’iisul Wasaaruhu xasuusiyay in ay u qalin-jebiyeen dal ay qabyaaladu ka xoog badantahay qarannimada, musuq-maasuquna uu nolasha caadiga ah kamid noqday, sidaa darteed laga sugayo in ay u fakaraan qaabka ay u fakaraan ummadaha tartanku kala dhexeeyo, una shaqeeyaan si aan caadi ahayn si loo hagaajinayo, loona jeexo dariiqa wanaagsn ee mustaqbalka ummadda iyo dawladnimada Soomaaliyeed.

Ra’iisul Wasaare Khayre ayaa u rejeeyay qalin-jebiyaasha in shahaadooyinka ay qaateen maanta ay noqdaan kuwii ay ku hagaajin lahaayeen dalka oo ay ku gaarsiin lahaayeen maqaamka ay mudantahay Soomaaliya in ay ka gaarto nolosha iyo ilbaxnimada dunida, waxa uuna kula dardaarmay in aqoontooda sii kordhiyaan maadaama ummaduhu ay u kala fursad wanaagsanyihiin sida ay u kala aqoon badanyihiin.

Ciidanka Xoogga Dalka oo howlgallo ku khaarijiyay maleeshiyaad iyo Horjoogeyaal katirsan Kooxda nabad diidka ee Al-Shabaab. “Sawirro”

SNTV
-
0
Ciidanka Xoogga Dalka oo howlgallo ku khaarijiyay maleeshiyaad iyo Horjoogeyaal katirsan Kooxda nabad diidka ee Al-Shabaab. “Sawirro”

01, Aug, 2018, Muqdisho (SNTV) Ciidamada  Xoogga Dalka iyo kuwa Daraawiishta ee Maamul gobolleedka Jubbalandd oo qaaday howlgallo kadhan ah Xarumaha iyo saldhigyada maleeshiyaadka daacadda u ah nabad diidka Al-shabaab ee gobolkaasi Jubada Hoose halkaasi oo ay Ciidamada Xoogga Dalka iyo Kuwa Daraawiishta Jubbaland ay ku guulleysteen in ay burburiyaan xarumihii ay ku dhuumaalaysanayeen Maleeshiyaadka Al-shabaaab.

Ciidamada Xoogga Dalka iyo Kuwa Draawiishta ayaa ka fulliyay deegaanka Buulo-Xaajo oo hoostaga magaalada Kismaayo ee xarunta maamul gobolleedka Jubaland halkaasi oo lagu soo waramayo in ay ku khaarijiyeen ugu yaraan 7-isagu jirta horjoogayaal iyo maleeshiyaad kuwaasi oo daacad u ah Kooxda Arxanka daran ee Nabad diidka AL-shabaab.

Korneel Cali Goosaar oo kamid ah saraakiisha  hogaaminaysay howl galkan ka dhacay deegaanka Buulo Xaaji ayaa ugu waramay Warbaahinta qaranka guulaha ay ka gaareen howlgalka ka dhanka ahaa Al-shabaab.

“Waxaa gutada 1-aad ee Darwiishta ay burburisay saldhig cadowga uu ku lahaa Buula Xaaji,meydadka ad arkaysaan waa taliyahooda saldhig iyo guddoomiyahoodii tuuladda, anaga wax khasaare ah nama soo gaarin al-xamdulilaah,dhimashadooda waa todobo, si nabad ah ayaa howshu ku fushay”. Ayuu yiri Col. Cali Goosaas.

Maleeshiyada Al-shabaab ayaa ah kuwa awooddii la wiiqay kadib markii ay ciidamada xoogga dalka Soomaaliyeed ay sii xoojiyeen beegsiga lagu hayo maleshiyada Alshabaab, gaar ahaan qeybo kamid ah gobolada Dalka.

Talyaaniga oo ballanqaaday inuu dhisayo xarunta Maxkamadda Sare ee dalka, Daawo “Sawirro”

SNTV
-
0
Talyaaniga oo ballanqaaday inuu dhisayo xarunta Maxkamadda Sare ee dalka, Daawo “Sawirro”

01, Aug, 2018 Muqdisho (SNTV) Kulan ay maanta yeesheen Guddoomiyaha Maxakamadda sare ee dalka iyo Danjiraha Talyaaniga u fadhiya magaalo Muqdisho ee Caasimadda Soomaaliya.

Kulanka dhexmaray Guddoomiyaha Maxkamadda Sare ee dalka Mudane Baashi Yuusuf Axmed iyo Danjire Mr Carlo Campanile ayaa looga hadlay sidii lagu xoojin lahaa dib u habeeynta dhinaca garsoorka dalka oo ay ugu horreyso dhismaha xarunta Maxkamadda sare ee dalka.

Dowladda Talyaaniga oo saaxibtinimo qoto dheer la leh dalkeena Soomaaliya ayaa ballanqaaday in sida ugu dhaqsiyaha badan ay ka caawin doonto dowladda Soomaaliya dhismaha xarunta Maxkamadda sare.

Mr. Carlo Campanile ayaa ballanqaaday in dowladdiisa Talyaaniga ay ka go’antahay in ay bixiso dhammaan dhaqaalaha ku baxaya dhismaha si ay u hesho xafiisyo badan oo ku habboon howl-maalmeedka ay kamid tahay shaqooyinka garsoorka ee Maxkamadda sare ee dalka.

Kulanka ay wada qaateen Guddoomiyaha maxkamadda Sare ee dalka iyo Safiirka Talyaaniga u fadhiya magaalada Muqdisho ee Caasimadda Soomaaliya ayaa sidoo kale lagu soo hadal qaaday dibu hagaajinta iyo horumarinta cilaaqaadka garsoorka ee ay wadaagaan labada dal ee Soomaaliya iyo Talyaaniga.

Shirka ayaa sidoo looga hadlay arrimo ay kamid yihiin tayeynta iyo horumarinta heerka aqooneed ee howl-wadeennada ka howlgala Maxkamadda sare ee dalka iyadoo baahi weyn loo qabo tababarada xagga aqoonta xirfadaha shaqo ee kala gedisan ee shaqaalaha ka howlgala xarunta Maxkamadda sare.

Safiirka Talyaaniga Mr. Carlo Campanile ayaa aqbalay dhammaan codsiyadii loo soo jeediyay mudadii uu socday kulanka oo sidoo kale looga hadlay kor uqaadista heerka aqoonta iyo xirfadaha kala gedisan ee howl-wadeenada maxkamadda sare taasi oo ay kamid tahay in la helo tababaro dheeraad ah si loo dar-dargeliyo howlaha adeegga garsoorka dalka.

 

 

 

 

Guddoomiyaha Maxkamadda racfaanka Gobolka banaadir oo kormeeray qaar ka mid ah Maxkamadaha Gobolka

SNTV
-
0
Guddoomiyaha Maxkamadda racfaanka Gobolka banaadir oo kormeeray qaar ka mid ah Maxkamadaha Gobolka

Guddoomiyaha Maxkamadda Rafcaanka Gobolka Banaadir Garyaqaan; Abshir Cumar Cabdullaahi ayaa booqday Maxkamadaha Degmooyinka Xamarwayne iyo Shangaani, isagoo u kuur galaya habsami u socodka howlaha Maxkamadaha Degmooyinka ay u hayaan Bulshada Soomaaliyeed ee u soo doonta howlo  garsoor.

Guddoomoyaha ayaa mid mid u booqday qolalka ay ku shaqeeyaan Maxkamadaha iyo agabka ay ku howl galaan , wuxuuna warbixinno ka dhagaystay  howl-wadeenada ka shaqeeya Maxkamadaha Degmooyinka Xamarwayne, Shangaani

Booqashada Guddoomiyaha Maxkamadda Rafcaanka Gobolka Banaadir  ayaa looga gol leeyahay sare u qaadidda shaqada iyo dib u habaynta Maxkamadaha Degmooyinka Gobolka Banaadir, ayadoo la fulinaayo qorshayaaashii uu ballan qaaday Gudoomiyaha Maxkamadda sare ee Dalka.

Ra’iisulwasaare Kheyre oo shirar la leh oday dhaqameedyada Qardho

SNTV
-
0
Ra’iisulwasaare Kheyre oo shirar la leh oday dhaqameedyada Qardho

Ra’iisul Wasaaraha xukuummadda federaalka Soomaaliya  mudane Xasan Cali Khayre iyo wafdi uu hogaaminayo oo gaaray magaalada Qardho ee maamulka Punitland, ayaa la kulmay boqor Burhaan boqor Muuse Iyo Beeldaaje Maxamed Beeldaaje Ismaaciil Beeldaaje Cabdullaahi oo ay ka wada hadleen arrimo ku saabsan horumarka bulshada, nabadeynta iyo taageerada dawladda Federaalka Soomaaliya.

Boqor Burhaan boqor Muuse Iyo Beeldaaje Maxamed Beeldaaje Ismaaciil Beeldaaje Cabdullaahi ayaa Ra’iisul Wasaare Xassan Cali Khayre ku dhiirri geliyay shaqada wanaagsan ee horumarinta rejada dawladnimada Soomaaliyeed, iyaga oo u ballan qaaday in dhaqanka Puntland ay sii wadi doonaan hawlaha lagu garab istaagayo horumarinta qaranimada iyo sharafka ummadda Soomaaliyeed.

“Boqor Burhaan Boqor Muuse Iyo Beeldaaje Maxamed Beeldaaje Ismaaciil Beeldaaje Cabdullaahi waan uga Mahad celinayaa Marti-soorka iyo Qaabilaadda hufan ee ay nagu qaabileen aniga Iyo Wafdiga ila socda”, ayuu yiri Ra’iisul Wasaare Khayre.

Ra’iisul Wasaaraha iyo wafdiga uu hogaaminayo ayaa aad loogu soo dhaweeyay Qardho iyada oo wadooyinka ay isugu soo baxeen bulshada ku nool magaalada iyo hareeraheeda oo ku dhawaaqayay hal-kudhigyo ay ku ammaanayaan hoggaanka dawladda federaalka ah iyo wax-qabadka ballaaran ee ay la timid Xukuumadda uu hogaamiyo Ra’iisul Wasaare Khayre.

Ra’iisul Wasaaraha xukuumada Federaalka ah ee Soomaaliya  mudane Xasan Cali Khayre oo safar dhulka ah kugaaray Qardho ayaa ku ammaanay bulshada ku nool magaalada Qardho iyo dhammaan Puntland soo dhawayta ay ka muuqato jacaylka horumarka iyo Dawladnimada.

Tirinta codadka doorashada dalka Zimbabwe oo socota

SNTV
-
0
Tirinta codadka doorashada dalka Zimbabwe oo socota

Harare (SNTV):-Sida uu qoray wargeyska The Guardian, waxaa billaabatay tirinta codadka doorashadii Madaxweynenimada shaley ka dhacday dalka Zimbabwe oo dad aad u badan ay isugu soo baxeen.

Labada dhinac ayaa mid kasta sheeganaya guul balse lama hayo natiijo sax ah.

Labada murashax ee hoggaaminaya doorashada dalka Zimbabwe ayaa Twitterka ku soo qoray sida ay kalsoonida ugu qabaan in ay jirto fursad ay xilka ku hanan karaan.

Madaxweyne Emmerson Mnangagwa oo xilka qabtay markii xilka laga tuuray Robert Mugabe sannadkii hore ayaa sheegay in uu “ku diirsanayo” xogta uu ka helayo doorashada.

Mr Mnangagwa oo Zanu-PF y ah iyo Mr Chamisa oo ah MDC Alliance,  ayaa labadaba waxa ay la tartamayeen 23 musharrax oo iyagana u tartamay xilka madaxtimada  president.

Waa doorashaddii ugu horreysay ee dalkan ka dhacdo tan iyo markii xilka uu is casilay Robert Mugabe, oo Zimbabawe xukumayey tan iyo markii ay xornimada ka qaateen waddanka Ingiriiska.

Malaayiin qof ayaa ka qeybgalay doorashadii Isniintii dhacday, waxaana la arkayey dad safaf dhaadheer ku jiray goobaha codadka markii doorashada ay billaabatay shaley 7-dii subaxnimo.

Goor horre, oo galabtii shaley ayaa la billaabay tirinta codadka caasimadda Harare halkaasoo ay iska diiwangaliyeen dad lagu qiyaasay tiradooda 75% illaa 85%.

Natiijada doorashada ayaa si rasmi ah loogu dhawaaqi doonaa dabayaaqada toddobaadkan, waxaana laga yaabaa in lagu dhawaaqo maalinta Jimcaha.

Qaar ka mid ah dadka Zimbabwe ayaa ka hadlay dareenka doorashadii shaley, Tinashe Musuwo, waa 20-jir waxa uu sheegay in uu ku faraxsan yahay in uu ka qeybgalo doorashadii ugu horreysay ee ka dhacda dalkiisa.

“Saaka dareenkeyga aad u wanaagsan yahay waxaa ka qeybgalayaa doorashadii ugu horreysay nolasheyda marka farxad ayey ii tahay”ayuu yiri Musuwo oo saxaafadda kula hadlay isku yaalla caasimadda Harare.

Labada musharrax ee doorashada ugu adag ay dhexmaraty ayaa kala ah madaxweyne Emmerson Mnangagwa oo 75 jir oo markale doonaya in uu xafiiska sii joogo. waxa uu loolan adag uu  kala kulmayaa Nelson Chamisa, oo ah 40 jir kaasoo hoggaaminaya xisbiga mucaaraadka ee (MDC).

Ninkan da’da yer waa qareen waana nin aad u garanaya dalkan wuxuu dhowr sanno ka hor ahaa xukuumadda isbahaysiga.

Mucaaradka ayaa isku dayaya in ay ku guuleystaan doorashadii shaley isla markaana soo gunaanadaan xukunka xibiga talada haya ee ZANU-PF oo dalkaas ka jiray ku dhawaad afartan sanno.

Chamisa ayaa sheegay in uu rajo fiican ka qabo doorashada in uu ku guuleysto.

 

 

 

 

 

 

 

Ra’iisul wasaare ku xigeenka oo kormeerey wasaaradda caafimaadka

SNTV
-
0
Ra’iisul wasaare ku xigeenka oo kormeerey wasaaradda caafimaadka

Muqdisho (SNTV):-Ra’iisul Wasaare Ku-xigeenka xukuummadda federaalka Soomaaliya (XFS) mudane Mahdi Maxamed Guuleed (Khadar) oo maanta kormeeray xarunta wasaaradda caafimaadka dalka, ayaa kulan xog-waraysi ah la qaatay wasiirka iyo wasiir ku-xigeenka Wasaaradda.

Wasiirka caafimaadka XFS Marwo Fowsiya Abiikar Nuur ayaa Ra’iisul Wasaare ku-xigeenka uga war-bixisay hannaanka ay u socdaan hawlaha wasaaraddu ay u hayso bulshada Soomaaliyeed, waxyaabaha u qabsoomay iyo qorshayaasha horumarinta caafimaadka ee wasaaradda.

Ra’iisul Wasaare ku-xigeenka ayaa ku amaannay wasiirka, wasiir ku-xigeenka, agaasimaha guud iyo dhammaan shaqaalaha wasaaaradda caafimaadka shaqada ay hayaan, waxa uuna ku dhiirri geliyay in ay sii laba jibbaaraan si loogu guulaysto tayaynta caafimaadka dalka loona wanaajiyo bed-qabka ummadda Soomaaliyeed.
“Kormeer shaqo ayaan maanta ku tegay wasaaradda caafimaadka, waxa aan la kulmay wasiirka iyo wasiir ku-xigeenka wasaaradda, waxa aan indhaheyga kusoo arkay hawsha wanaagsan ee ka socota”, ayuu yiri Ra’iisul Wasaare ku-xigeenka dalku.

“Kormeerkaan waxa uu qayb ka yahay dadaallada lagula soconayo gudashada xilka iyo waajibaadka saaran wasiirrada. Waxa aan u hambalyaynayaa wasiirrada sida wanaagsan ee ay u shaqeynayaan waxa aan leeyahay halkaas kasii wada kormeerraduna waa sii socon doonaan”, ayuu hadalkiisa raaciyay Ra’iisul Wasaare Ku-xigeenka xukuummadda federaalka Soomaaliya (XFS) mudane Mahdi Maxamed Guuleed (Khadar).

Kormeerka ayaa qayb ka ahaa howlaha kor-joogteynta lagula socdo shaqooyinka wasaaradaha xukuumadda iyo hey’adaha kale ee dawladda, qorshahaas oo ku salaysan isla xisaabtan, hufnaan iyo daah-furnaan, si mar walba loola socdo hadba horumarrada la gaaray iyo dar-dar gelinta howlaha hor-tebinta leh ee wasaaradaha iyo hay’adaha dawladda u yaalla.

Guddoomiyaha golaha shacabka oo la kulmay guddiga madaxa bannaan ee Xuduudaha

SNTV
-
0
Guddoomiyaha golaha shacabka oo la kulmay guddiga madaxa bannaan ee Xuduudaha

Muqdisho(SNTV):-Guddoomiyaha Golaha Shacabka Soomaaliya, mudane Maxamed Mursal Sheekh C/raxmaan ayaa maanta xafiiskiisa  kulan kula qaatay gudigga Madaxa Banaan ee Xuduudaha iyo federaalka ee Qaranka.

Gudoomiyaha Gudigga madaxa Banaan ee Xuduudaha iyo federaalka Mudane Khaliif Cabdikariin Mohamed ayaa waxaa uu guddoomiyaha Barlamaanka ugu warbixiyay howlaha U qabsoomay gudigga mudada ay jireen.

Sidoo kale, mudane Khaliif Cabfikariin Maxamed ayaa sharaxaad ka bixiyay howlaha ay rabaan in ay ka qabtaan arrimaha Xuduudaha iyo Federaalka maadaama ay hadda meel wanaagsan marayaan Shaqooyinkaasi.

Dhanka kale, gudoomiyaha Golaha Shacabka mudane Maxamed Mursal Sheekh C/raxmaan ayaa Gudiga u balan qaaday wada shaqeyn joogta ah in ay yeelan doonaan Xafiisyada Barlamaanka iyo Kan gudiga Xuduudaha .Waxaan uu Ku dhiira galiyay in ay dardar galiyaan howlaha dhameystirka ah uga Baahan gudigga Xuduudaha iyo Federaalka

Ugu dambeyn Guddoomiyaha Golaha Shacabka ayaa kula dardaarmay in ay Xoojiyaan Sidoo kalena ku dadaalaan gudiga waajibaadkoosa qaran ee loo igmaday isla markaana la soo wadaagaan warbixinadooda gudiyadda Joogtada ee Barlamaanka Soomaaliya.

 

Wasaaaradda Haweenka Soomaaliya oo Muqdisho ka furtay Shir looga hadlayo Sharciga Daryeelka Carruurta Afrika.

SNTV
-
0
Wasaaaradda Haweenka Soomaaliya oo Muqdisho ka furtay Shir looga hadlayo Sharciga Daryeelka Carruurta Afrika.

Muqdisho (SNTV):-Wasaaaradda Haweenka iyo Xuquuqul Insaanka Soomaaliya ayaa Magaalada Muqdisho ka furtay Shir looga hadlayo Sharciga Daryeelka Carruurta Africa.

Shirka waxaa kasoo qeyb galay Masuuliyiin ka socday Midowga Africa, Unicef UNCR iyo NGO-yo Gudaha iyo Dalka dibeddiisa ka shaqeeya, kuwaas oo ka shaqeeya arrimaha Carruurta , waxaana soo qaban qaabiyey Wasaaradda Haweenka iyo Xuquul Insaanka Soomaaliya.

Waxaa kasoo qeyb galayaasha ka doodayeen sida loo hagaajin karo Sharciga Xuquuq siinta Carruurta Africa kuwaas oo Soomaaliya kamid tahay.

Soomaaliya ayaa qeyb ka ah Waddamada Ansixiyey Sharcigan, waxaaase yimid dib u dhac kadib burburkii Dowladii Dhexe.

Wasiir ku xigeenka Wasaaradda Haweenka, Samra Ibraahim oo Shirkan furtay ayaa sheegtay in Sharciga Carruurta Soomaaliya faa’iido badan u leeyahay Dalka iyo Bulshada.

Faadumo Maxamed Cali, Agaasimaha Waaxda Carruurta iyo Daryeelka ee Wasaaradda Haweeenka ayaa dhankeeda sheegtay in Wasaaaradda Haweenka ka qeyb qaadaneyso sidii loo hagaajin lahaa Sharciga Carruurta Africa.

Muddada uu socdo Shirka ayaa looga hadli doonaa qaabka Dalalka Midowga Africa ay u sameysan karaan sharciga Daryeelka Carruurta Africa.

 

Golaha Ammaanka oo Mudadii u kordhiyey Amisom

SNTV
-
0
Golaha Ammaanka oo Mudadii u kordhiyey Amisom

Muqdisho (SNTV):- Golaha Ammaanka ee QM ayaa muddo kordhin u sameeyay howlgalka Midowga Afrika ee AMISOM ee Soomaaliya kaddib kulan ay ku yeesheen magaalada New York, waxaana ay gaarsiiyen illaa dhamaadka bisha May sanadka soo socda ee  2019.

Goluhu waxa uu sheegay in ay muhiim tahay howlaha nabad ilaalinta ee midowga afrika ee haatan ka hayaan Soomaaliya.

U qaabbilsanaha cunaqabataynta QM ee Soomaaliya iyo Eretria, Khayrat Cumaraof, ayaa kulanka kaga war-bixiyay socdaal uu dhawaan ku tegey Waddamo dhowra oo ku yaalla geeska Afrika.

Mr. khayrat Cumaraof ayaa Golaha ugu war bixiyay booqashadii ugu danbaysay ee uu ku tagay Dalalaka Jabuuti, Kenya iyo Soomaaliya, isagoo intaas ku daray inaysan u suura gelin inay tagaan Dalka Eritrea.

Mudane Cumarof ayaa aad u soo dhaweeyay dadaalada xoogga leh ee ay xukuumadda Soomaliya ugu jirto sugidda amniga iyo ka hagaajinta hay’adaha kala duwan ee Dowladda, isagoo ku baaqay inaan si buuxda cuna qabataynta Hubka looga qaadin Soomaaliya inta ay wax iska beddelayaan arrimaha siyaasadda iyo amniga.

Sarkaalkan ayaa soo dhaweeyay heshiiska nabadeed ee ay Dowladaha Itooboiya iyo Eritera ay ku gaaraeen Asmara 8-dii July ee Sanadkan, ayagoo soo gaba gabeeyay is fahan waagi ka dhexeeyay muddo 20 sano ah, soona celiyay xiriirka diblomaasiaydeed ee Labada Dal.

 

 

 

1...1,2301,2311,232...1,711Page 1,231 of 1,711

© 2023 Telefishinka Qaranka Soomaaliyeed