Search
Subscribe
Home Blog Page 1135

Agaasimaha Hay’adda Socdaalka iyo Jinsiyadda JFS oo gaaray Dalka Norway

SNTV
-
0
Agaasimaha Hay’adda Socdaalka iyo Jinsiyadda JFS oo gaaray Dalka Norway

Norway (SNTV):–Agaasimaha guud ee Hay’adda Socdaalka iyo Jinsiyadda Soomaaliya G/sare Maxamed Aadam Koofi oo safar shaqo ku marayey qaar ka tirsan wadamada Yurub ayaa gaaray dalka Norway, wuxuuna kulamo kala duwan la qaatay laanta socdaalka, taliska booliiska, Xaruunta kaararka Aqoonsiga, wasaaradda Caddaaladda, iyo wasaaradda arrimaha dibadda ee dalka Norway, waxaana laga wada hadley iskaashi laga yeesho arimaha socdaalka iyo is-dhaafsiga khibradaha.

Agaasimaha guud iyo la-taliyihiisa Mahad Axmed Cabdi ayaa ka qeybgaley sidoo kale kulan lagu soo gabagabeynayey tababaro iyo shirar Norway uga socday saraakiil ka tirsan HSJ, kuwaas oo mudo asbuuc ah joogey magaalada Oslo ee dalka Norway.

Norway oo hormuud u ah wadamada Soomaaliya kala shaqeeya arrimaha socdaalka ayaa dhowaan ku dhawaaqi doonta dhameystirka ogolaanshiyaha dukuumentiyada safarka ee Soomaaliya, iyada oo hore Norway u ogolaatey baasaboorka dublamaasiga ah.

Dowladda Qadar oo cambaaraysay qaraxii ka dhacay Wanla-weyn

SNTV
-
0
Dowladda Qadar oo cambaaraysay qaraxii ka dhacay Wanla-weyn

Doxa-(SNTV)-Bayaan ka soo baxay wasaaradda arrimaha dibadda ee dalka Qadar ayaa si weyn loogu cambaareeyay qarax xooggan oo Shalay ka dhacay Suuq lagu iibiyo Khaadka oo ku yaalla Magaalada Wanla-weyn ee Gobolka Shabeellada hoose.

Qaraxan ayaa galaaftay nolosha dad ka badan 15 Qof oo shacab ah, iyadoo  tiro intaa ka badan ay ku dhaawacmeen, sida uu sheegay maamulka Degmada Wanla-weyn.

Warka kasoo baxay xukuumadda Doxa ayaa sidoo kale lagu dhaleeceeyay weerar lagu dilay Laba askari oo ka tirsanayd Boliiska dalka Afganistaan, kuwaasoo xilligaa ku sugnaa goob lagu baaro dadka iyo gaadiidka oo ku taalla Magaalada Kapul.

Dowladda Qadar ayaa sidoo kale tacsi tiiraanyo leh u dirtay Qoysaskii ay ka baxeen Dadkii ku dhintay weerarradii ay kooxaha argagixisadu ka geysteen Soomaaliya iyo Afgaanistaan, iyadoo caafimaad ded-deg ah u rajeysay Dadkii ku dhaawacmay weerarradaasi.

Isha/ Gulf Times

Taliye ku-xigeenka Booliska gaarka ah ee Galmudug oo gaarey magaalada Hobyo

SNTV
-
0
Taliye ku-xigeenka Booliska gaarka ah ee Galmudug oo gaarey magaalada Hobyo

Hobyo(SNTV):–kormeerkan oo ahaa mid loogu kuur galayay howlaha shaqo ee ciidanka Booliiska degmada Hobyo, islamarkaana la xariira dadaalada sugidda iyo adkaynta ammaanka ayaa waxaa Taliye ku xigeenka ciidanka Booliiska dowlad Gobaleedka Galmudug G/sare Cabdi Jaamac Cabdulle (Xabeeb) uu ku tagay saldhigga ciidanka Booliiska degmadaasi.

Taliye ku xigeenka oo isagu maalmahaan kormeero ku marayay
saldhigyada ciidamada Boliiska ee deegaanada gobalka Mudug qaarkood ayaa markii uu tagay saldhigga degmada Hobyo waxa uu warbixino ka dhageystay saraakiisha ciidamada Boliiska degmada,isagoona warbixinta kadib kula dar daarmay in ay sii laba laabaan dadaalkooda,kuna ammaanay howlaha shaqo ee ay xiligaan ka hayaan degmadaasi.

Dhinaca kalana degmada Hobyo ayaa waxaa ka muuqanaya horumaro ballaaran tan iyo wixii ka danbeeyay markii halkaasi uu gaaray madaxweynaha jamhuuriyadda Fedaraalka Soomaaliya,iyadoona horumarka iyo amniga degmada Hobyo uu sababay in maalinba maalinta ka dambeysa degmada Hobyo ay soo gaaraan ganacsato Soomaaliyeed,kuwaasi oo doonaya in ay maalgashiyo ka sameystaan halkaasi,iyagoo ka faa’ideysanaya horumarka iyo amniga ka jira degmada Hobyo ee Gobalka Mudug.

Magaalada Hobyo oo ah magaalo Xeebeed ayaa muhiim gaar ah u leh bulshada deegaanadasi, iyadoo dhawaana halkaasi laga hirgeliyay waddo muhiim u ah isku xirka magaalooyinka Gaalkacyo iyo Hobyo ee Gobolka Mudug.

Guddoomiye Maxamed Mursal oo maanta la caleema saarayo

SNTV
-
0
Guddoomiye Maxamed Mursal oo maanta la caleema saarayo

Muqdisho(SONNA) Munaasabadda caleema saarka gudoomiyaha Golaha Shacabka Maxamed Mursal Sheekh C/raxmaan ayaa maant ka dhaceeysa magaalada Muqdisho, iyadoo haatan ay socoto qaban qaabada ku aadan xafladdaasi.

Waxaa lafilayaa in ay ka qeybgalaan madaxda sare ee dowladda Soomaaliya, wafuud caalami ah iyo xubno ka tirsan Golayaasha kala duwan ee dowladda.

Gudoomiyaha cusub ee Golaha Shacabka ee Baarlamaanka Federaalka Soomaaliya Maxamed Mursal Sheekh Cabdiraxmaan ayaa waxaa la doortay 30-kii Bishii lasoo dhaafay ee Apriil,i yadoo ay horyaalaan howllo muhiim uh horumarinta hanaanka dowladnimo ee dalka.

Ra’iisal Wasaaraha XFS oo kormeeray xarunta dhexe ee maamulka hawada Soomaaliya

SNTV
-
0
Ra’iisal Wasaaraha XFS oo kormeeray xarunta dhexe ee maamulka hawada Soomaaliya

Muqdisho (SNTV)– Ra’iisal wasaaraha xukuumadda Federaalka Soomaaliya, Mudane Xassan Cali Kheyre, ayaa maanta kormeeray xarunta dhexe ee maamulka hawada Soomaaliya, si uu ugu kuur galo howlaha muhiimka ah ee xaruntaasi ay u heyso shacabka iyo dowladda Soomaaliya.

Wasaiirka wasaaradda gaadiidka iyo duulista hawada, Maxamed Cabdullaahi Salaad (Oomaar), ayaa Ra’iisul wasaaraha kusoo dhaweeyay xarunta dhexe ee maamulka hawada Soomaaliya oo ku taalla gudaha Garoonka diyaaradaha Aadan Cabdulle Cusman.

Wasiir Oomaar ayaa uga warbixiyay Ra’iisul wasaaraha sida howsha ay u wadaan howl-wadeennada iyo maamulka xarunta hawada Soomaaliya, kuwaas oo horumar badan sameeyay tan iyo markii maamulka hawada dalka loosoo wareejiyay Muqdisho.

Ra’iisul wasaare Kheyre ayaa shaqaalaha iyo maamulka kula dardaarmay in ay sii xoojiyaan howsha muhiimka ah ee ay u hayaan dawladda iyo shacabka Soomaaliyeed.

Wasiirka Batroolka oo kulan la qaatay Danjiraha Norway ee Soomaaliya

SNTV
-
0
Wasiirka Batroolka oo kulan la qaatay Danjiraha Norway ee Soomaaliya

Muqdisho (SNTV), Kulankaan oo looga hadlayey sida looga faa’iideysan karo  Kheyraadka, batroolka, tamarta iyo qaabka xirfada shaqaalaha wasaaradda sare loogu qaadi lahaa,  ayaa wasiirka wasaaraddaasi mudane C/rashiid Maxamed Axmed waxa uu la qaatay Danjiraha Dowladda Norwey ee u fadhiya soomaaliya.

Kulankaasi ayaa sidoo kale looga hadlayey xoojinta xiriirka ka dhaxeeya labada dal, waxaana sidoo kale  goob joog ka ahaa kulanka wasiir ku xiggeenka iyo Agaasimaha Guud ee wasaaradaasi.

Danjiraha dowladda Norwey u fadhiya  Soomaaliya  danjire vebjorn Heines, ayaa  waxaa uu sheegay in Wasaaradda ay ka saacid  doonaan tababarida shaqalaaha, ayna siinayaan taageera joogto ah.

Wasiirka Wasaaradda  Batroolka iyo Macdanta ee Dowladda Soomaaliya Mudane C/rashiid Maxamed Axmed,  ayaa uga mahad celiyey Danjire  vebjorn Heines sida ay wasaaradda uga caawinayaan sare u qaadida Xirfadda shaqaalaha.

 

Arday Soomaaliyeed oo deeq Waxbarasho ka helay Koofur Afrika ayaa gaaray Wadankaasi

SNTV
-
0
Arday Soomaaliyeed oo deeq Waxbarasho ka helay Koofur Afrika ayaa gaaray Wadankaasi

Muqdisho (SNTV), Wiilashaan oo naafo ka ah Aragga oo deeq waxbarasho ka helay mid ka mid ah iskuulada waxbarasho ee loogu talagalay dadka Aragga la’a ee ku yaala magaalada Durban ee dalka Koonfur Africa ayaa Xalay saqdii dhaxe waxaa ay soo gaareen magaalada Johannesburg.

Qaar ka mid ah dhalinyarada Soomaalida ee ku nool magaalada Johannesburg,madaxda Jaaliyada iyo waliba Masuuliyiin ka socday safaarada Soomaaliya ay ku leedahay dalka Koonfur Afrika ayaa garoonka diyaaradaha ee magaalada johannesburg kusoo dhaweeyay dhalinyaradaani.

Abiikar Xuseen Bashiir oo ka mid ah maamulka iskuulka dadka aragga la’a ee Al Basiir oo ku yaala magaalada Muqdisho ee caasimada dalka Soomaaliya oo warbaahinta qaranka kula hadlay  gudaha garoonka diyaarada ah ayaa sheegay in dhalinyaradaan ay fursado waxbarasho ay ka haleen dugsiga Al-Nuur ee ku yaala magaalada Durban, arrintaasna ay gacan ay ka siisay wasaarada waxbarashada Soomaaliya.

Maxamed Cabdulaahi Axmed, Maxamed Muktaar  iyo Cabaas Maxamed oo ah dhalinyarada fursadaan waxbarasho ka helay dalkaan Koonfur Afrika oo warbaahinta qaranka ay dareenkooda wax ka weydiisay ayaa sheegay in ay aad ugu faraxsan yihiin isla markaana ay rajeynayaan in heer ay ka gaaraan waxbarashada si bulshada la mid ah ay wax ugu qabtaan

Waa ardaydii ugu horeysay ee deeq waxbarasho ku yimaadda gudaha dalkaan Koonfur Afrika waxaana la filayaa in ay yimaadaan bilaha soo socda arday kale oo heer jamacadeed ah kuwaasi deeq waxbarasho ku helay sida uu warbaahinta qaranka u sheegay Cabdi Xalane Xirsi u qaabilsanaha safaarada dhanka waxbarashada.

Wasiiru Dowlaha Wasaaradda gaadiidka iyo Duulista hawada XFS oo shir uga qeyb galay Wadanka Morocco

SNTV
-
0
Wasiiru Dowlaha Wasaaradda gaadiidka iyo Duulista hawada XFS oo shir uga qeyb galay Wadanka Morocco

Muqdisho (SNTV), Wasiiru Dowlaha Wasaaradda Gaadiidka iyo Duulista Hawada Xukuumadda federaalka Soomaaliya Mudane C/raxmaan Kulmiye Xersi (C/raxmaan Dheere) iyo Mareeyaha Hay’ada Saadaasha iyo Duulista Hawada ee Dawlada Soomaaliya Mudane Yuusuf Cabdi C/lle (Jaalle), ayaa ka qeyb galay Shirka wasaaradaha gaadiidka iyo duulista Hawada ee dalalka carabta.

Shirkan oo ka dhacay Magaalo Madaxda dalka Morocco, ayaa waxaa ujeedkiisa uu ahaa Horumarinta iyo Xiriirka ka dhaxeeya Wasaaradahaasi qaabilsan arrimaha Duulista hawada.

Wasiiru Dowlaha Wasaaradda Gaadiidka iyo Duulista Hawada Xukuumadda federaalka Soomaaliya Mudane C/raxmaan Kulmiye Xersi, ayaa shirkaasi ka jeediyey Khudbad dheer oo uu kaga hadlayo arrimaha Soomaaliya, waxaana uu sheegay in horumar ballaaran dawladda ay ka sameysay dhanka duulista hawada, Socdaalka iyo gaadiidka.

Wasiir C/raxmaan, ayaa kulamo gaar gaar ah la qaatay qaar kamid ah Madaxdii kasoo qeyb gashay shirkaasi sida Sacuudiga Kuwait iyo Morocco, isaggoo kala hadlay arrimo ay ka mid ahaayeen Xoojinta Xiriirka kala dhaxeeya wadamadaasi, siddii ay Soomaaliya uga caawin lahaayeen horumarinta duulista hawada iyo qodobo kale.

 

Guddiga Qaran ee gurmadka fatahaadaha oo lacag kaalma ah ku wareejiyay maamulka Gedo

SNTV
-
0
Guddiga Qaran ee gurmadka fatahaadaha oo lacag kaalma ah ku wareejiyay maamulka Gedo

Muqdisho, May 09, 2018—- Ra’iisul wasaare kuxigeenka Xukuumadda Federaalka Soomaaliya, Mudane Mahdi Maxamuud Guuleed (Khadar) oo ah gudoomiyaha guddiga qaran ee gurmadka fatahaadaha ayaa waxa uu maanta lacag gargaar ah oo dhan $100,000 ku wareejiyay gudoomiyaha Gobalka Gedo, Maxamed Muxummed Maxamed, kadib kulan uu guddigu ku yeeshay Muqdisho.

“Waxa aan horay u ballan qaadnay in guddigu ugu deeqayo Gobalka Gedo lacag Boqol Kun oo doolar ah. Waxa aan hadda lacagtaas ku wareejinnay gudoomiyaha Gobalka Gedo oo aan ka dooneyno in uu si cadaalad ah u gaarsiiyo qoysasaka dhibaatadu kasoo gaartay fatahaadaha”, ayuu yiri Ra’iisul wasaare kuxigeenka Xukuumadda Federaalka Soomaaliya

Gudoomiyaha Gobalka Gedo, Maxamed Muxummed Maxamed, oo gudoomay lacagta gargaarka ah ee loogu tala galay dadka gobalkiisa ee daadadku dhibaateeyeen, ayaa waxa uu ka mahad celiyay gurmadka hor-dhaca ah, waxa uuna ballan qaaday in dadkii loogu tala galay ay gaarsiin doonaan.

Guddiga qaran ee Gurmadka fatahaadaha ayaa tan iyo markii la magacaabay waxa ay wadeen dadaallo loogu gurmanayo dadka iyo deegaannada ay ka jiraan xaaladaha bini’aadninimo ee ka dhashay daadaka, waxaana xubna kamid ah guddigu ay socdaallo ku mareen deegaanno ay daadad ku fataheen halkaas oo ay gaarsiiyeen qaar kamid ah dadkii ay daadadku saameeyeen gargaar isugu jira lacag, raashin, dawo, iyo agab kale oo Muhiim u ah nolosha Aadanaha.

Wafdi ka socda dawladda Sudan oo Muqdisho soo gaaray

Liibaan Lugcad
-
0
Wafdi ka socda dawladda Sudan oo Muqdisho soo gaaray

Dawladaha Soomaaliya iyo Sudan ayaa sare u qaadaya iskaashiga dhinaca waxbarashada ah ee ka dhexeeya, waxaana maanta Muqdisho soo gaaray wafdi ka socda wasaaradda waxbarashada Sudan.

Wafdiga ka socday wasaaradda waxbarshada iyo tacliinta sare ee dalka Sudan waxaa hogaaminayay agaasimaha guud ee wasaaradaas Dr Daariq Maxamed Nuur, waxaana garoonka diyaaradaha Muqdisho ku soo dhaweeyey mas’uuliyiinta wasaaradda waxbarashada Soomaaliya.

Ujeedada socdaalka wafdiga ayaa ah qiimaynta heshiisyada horumarinta waxbarashada ee Sudan iyo Soomaaliya ay hore u gaareen sida ay u dhaqan galeen iyo xoojinta calaaqaadka dhinaca waxbarashada ah eek a dhexeeya labada wadan, sida uu sheegay agaasimaha guud ee wasaaradda waxbarashada dawladda Soomaaliya Mudane Xasan Maxamed Cali

1...1,1341,1351,136...1,545Page 1,135 of 1,545

© 2023 Telefishinka Qaranka Soomaaliyeed