Search
Subscribe
Home Blog Page 1133

Kulan-howleed ku saabsan Hannaanka Maaliyadda ee Federaalka ee la waafajinayo Dastuurka oo la soo gabagabeeyay-Sawirro

SNTV
-
0
Kulan-howleed ku saabsan Hannaanka Maaliyadda ee Federaalka ee la waafajinayo Dastuurka oo la soo gabagabeeyay-Sawirro
Muqdisho-(SNTV)-Waxaa Nagaalada Muqdisho lagu soo gaba-gabeeyay kulan-howleed ku saabsanaa hannaanka Maaliyadda ee Federaalka oo la waafajinayo Dastuurka Dalka.Kulan howleedkan oo ku saabsanaa hannaanka Maaliyadda ee federaalka iyadoo loo eegayo dib-u-eegista Dastuurka oo muddo laba maalin ah ka socday magaalada muqdisho ayaa la soo gabagabeeyay, waxaana kulankan soo wada qabanqaabiyay Wasaaradda Arrimaha Dastuurka iyo Wasaaradda Maaliyadda XFS.

Ujeedada kulankan ayaa ahayd sidii loo heli lahaa hannaan maaliyadeed oo ku salaysan nidaamka federaalka si loogu qoro dastuurka ku meel gaarka ah ee ay dib u-Eegistu ku socoto, maadaama Hannaanka Maaliyadda ee feederaalka ku salaysan uu yahay mid ka mida waxyaabaha u baahan in wada xaajood siyaasadeed laga galo.

Kulanka oo ay ka soo qayb galeen Wasiirada Dastuurka, Arrimaha
Gudaha, Petroolka, Hantidhowraha Qaranka, Agaasimaha Guud ee Wasaaradda Maaliyadda, Wasaaradaha Maaliyadda Dowlad goboleedyada, Guddiga Farsamo ee wadaxaajoodka Arrimaha Federaalka, aqoonyahanno, Rugta ganacsiga iyo xeeldheerayaal arrimaha maaliyadda; waxaa intii uu socday lagu lafa guray arrimo ay kamid yihiin Wadaagga Dakhliga, Maamulka Miisaaniyadda, Hannaanka maaliyadeed ee federaalka ku haboon Soomaaliya, qoondaynta awoodaha heer federaaal iyo heer dowladgoboleed ee maamulka dakhliga iyo maaliyadda guud.

Aqoonyahhanadii ka qayb galay kulan howleedkan ayaa ka dooday arrimo badan waxayna soo bandhigeen nuucyo badan oo ah hannaanka maaliyadeed ee ay ku dhaqmaan dowladaha federaalka ka jira adduunka waxayna ku taliyeen in Soomaaliya ay yeelato Hannaan maaliyadeed oo Federaal ah ku haboon Soomaaliya.

Wasiirka Dastuurka Cabdiraxmaan Xoosh Jibriil oo kulanka Soo xiray ayaa Sheegay in heshiis syaasadeed laga gaari doono arrinta ku saabsan Hannaanka Maaliyadeed ee federaalka ku haboon Soomaaliya balse hadda ay sii diyaarinayaan talooyinkooda ku aadan arrintaas isla markaana la horgayn doono golaha amniga qaranka si ay heshiis siyaasadeed uga gaaraan.

“Waxaan isla falanqaynay sidii hannaan maaliyadeed Federal ah oo ku haboon Soomaaliya loo heli lahaa, waxaad soo bandhigteen howl fiican muddadii labada maalin ee aan halkaan joognay, wixii ka soo baxay kulankaanna waxaan ka diyaarin doonnaa warbixin islamarkaanna waxaan horgayn doonnaa Golaha Amniga Qaranka si Heshiis-Siyaasadeed looga gaaro islamarkaana loogu qoro Dastuurka” Ayuu yiri Wasiir Xoosh.

Wasaaradda Beeraha iyo waraabka XFS oo daahfurtay shir wdatashi ah oo ku saabsan hormarinta beeraleyda Soomaaliyed “Sawirro”

SNTV
-
0
Wasaaradda Beeraha iyo waraabka XFS oo daahfurtay shir wdatashi ah oo ku saabsan hormarinta beeraleyda Soomaaliyed “Sawirro”

Muqdisho (SNTV)- Wadatashiga iyo horumarinta siyaasadda guud ee iskaashatooyinka Beeraleyda Soomaaliyed ayuu ku saabsanaa shirkan oo ay soo qaban qaabisay Wasaarada Beeraha iyo Waraabka isla markaana ay ka qeyb galeyn Wasiir ku xigeenka, Agaasimaha guud ee Wasaarada , xubno ka socday iskaashatooyinka Beeraleyda Soomaaliyeed iyo qaar kamida ardayda wax ka barata kuliyadda Beeraha ee jaamacada Umadda Soomaaliyeed.

Shirka ayaa la isku weedaarsaday talooyin ku saabsan Horumarinta beeraha , kordhinta wax soo saarka iyo sidii loo laba jibaari lahaa wada shaqeynta u dhaxeysa iskaashatooyinka iyo Wasaarada Beeraha iyo Waraabka Soomaaliya .

Agaasimaha guud ee Wasaaradda Beeraha iyo waraabka XFS Mudane Maxamuud Maxamed Maxamuud ayaa sheegay sababta shirkan loo qabtay in ay tahay in la sameeyo nidaamkii lagu shaqeyn lahaa iyo sidii la isku weedaarsan lahaa talooyin ku saabsan horumarinta wax soo saarka dalka.

Wasiir ku xigeenka Wasaaradda Beeraha Xaamud XFS Mudane  Cali Xasan oo shirka daahfuray ayaa sheegay in ay wasaaradu ka go’antahay balaarinta Iskaashatooyinka beeraleyda Soomaaliyeed oo qiimo weyn dalka ugu fadhiya.

Qaar kamida iskaashatooyinka Beeraleyda Soomaaliyeed oo madasha ka hadlay ayaa soo dhaweeyay barnaamijkan oo ay ku tilmaameen inuu sal dhig u noqon doona horumarinta iyo wax soo saarka Beeraleyda soomaaliyeed.

 

Dawladaha Soomaaliya Iyo Qatar oo Kala Saxiixday Heshiisyo Muhiim Ah

SNTV
-
0
Dawladaha Soomaaliya Iyo Qatar oo Kala Saxiixday Heshiisyo Muhiim Ah

Dooxa (SNTV):-Dowladaha Soomaaliya iyo Qatar ayaa magaalada Dooxa ku kala saxiixday shan heshiis iyo Sedex is-afgarad oo khuseeya arrimha maalgashiga, ganacsiga iyo kobcinta dhaqaalaha.

Guddi farsamo oo ka socda Soomaaliya iyo Qatar ayaa lagu heshiiyay in ay ka shaqeeyaan dhamaystirka heshiisyada la kala saxiixday si fulintooda loo boobsiiyo, dadka Soomaaliyeedna dhawaan u helaan faa’iidooyinka kasoo baxa.

Wasiirka wasaaradda qorshaynta, maalgashiga, iyo horumarinta dhaqaalaha, Jamaal Maxamed Xasan, oo ka warbixiyay heshiisyada ayaa sheegay in dhammaan heshiisyada ay dawladda iyo dadka Soomaaliyeed ay dani ugu jirto.

Wasiirka arrimaha dibadda, wasiirka wasaaradda qorshaynta, maalgashiga, iyo horumarinta dhaqaalaha iyo wasiir ku-xigeenka maaliaydda oo qayb ka ah wafdi ballaaran oo uu hoggaaminayo ra’iisul wasaare Xasan Cali Khayre ayaa dhanka Soomaaliya heshiiska u saxiixay.

Heshiisyada waxaa sidoo kale kamid in diyaaradda Qatar airways ay billaawdo bartamaha sannadka 2019 duullimaado ay ku imaanayso magaalada Muqdisho.

Saraakiil ka tirsan CXDS oo kormeeray Kuliyadda Jaalle Siyaad oo dib u dayactir lagu sameynayo

SNTV
-
0
Saraakiil ka tirsan CXDS oo kormeeray Kuliyadda Jaalle Siyaad oo dib u dayactir lagu sameynayo

Muqdisho (SNTV)- Madaxa Hoggaanka howl-gelinta Taliska Ciidanka Xoogga dalka iyo Saraakiil uu hoggaaminayo ayaa maanta kormeer Indho-indheen ah ku tagay Kuliyadda Tababarka Ciidanka ee Jaalle Siyaad, Halkaasi oo Fariisin Ciidan u ah Ciidamada AMISOM.

Ciidanka AMISOM ayaa dhawaan ka bixi doona  Kuliyadda Jaalle Siyaad, waxaana Saraakiisha maanta kormeeray Xaruntaasi ay AMISOM kala hadleen siddii  loo dejin lahaa qorshaha Ciidanka Nabad Ilaalinta ah ay uga bixi lahaayeen Kuliyadda.

Saraakiisha ka socda Ciidanka Xoogga ee uu hoggaaminayey Madaxa Hogaanka Howlgalinta Ciidanka Xoogga Dalka ayaa gudaha Kuliyadda Jaalle Siyaad kulan kula qaatay Madaxa Wakiilka Midowga Afrika ee Soomaaliya iyo Saraakiil ka tirsan Taliska AMISOM.

Madaxa Hogaanka Howlgalinta Ciidanka Xoogga Dalka S/guuto Maxamed Sheikh Madoobe oo idaacadda Codka Ciidamada la hadlay ayaa sheegay in Wakiilka  Midowga Africa u qaabilsan Soomaaliya ay kala hadleen siddii Ciidamada AMISOM ay uga bixi lahaayeen Kuliyada Jaalle Siyaad ee Magaalada Muqdisho, si dib u dayactir loogu sameeyo.

Wakiilka Midowga Africa ee Soomaaliya , Danjire Francisco Madeira ayaa sheegay in Horraanta Sanadka soo socda ee 2019 ay ciidamada AMISOM ay ka bixi doonaan Kuliyadda Jaalle Siyaad ee Magaalada Muqdisho, islamarkaana Amniga Xaruntaasi ay ku wareejinayaan Ciidanka Xoogga dalka, si dib loogu soo celiyo howlahii muhiimka ahaa ee xaruntaasi ay qaban jirtay.

Dawladda Federaalka Soomaaliya ayaa qorsheeneysa in dib u dayactir lagu sameeyo Xarumaha danta guud ah ee ku burburay Colaadihii dalka ka dhacay.

Wasaaradda Amniga oo war ka soo saartay Xarigga Muqtaar Roobow

SNTV
-
0
Wasaaradda Amniga oo war ka soo saartay Xarigga Muqtaar Roobow

Muqdisho (SNTV) War qoraal ah oo ka soo baxay Wasaaradda Amniga ee xukuumadda Soomaaliya oo looga hadlay Xarigga Muqtaar Roobow oo soo gaaray Warbaahinta Qaranka ayaa u qornaa sida tan.

War-saxafadeedka oo noqol kamid ah soo gaaray SONNA ayaa sidan u qornaa

Wasaaradda Amniga Gudaha iyadoo tixraacaysa War-saxaafadeedyadii hore uga soo baxay bishii October 04,dii 2018ka iyo 12ka December 2018ka, ee ku salaysnaa in aan muwaadin Mukhtaar Roobow (Abu-Mansuur) buuxin shuruudihii ku xirnaa iyo heshiisyadii lala galay dowladda si looga qaado dhamaan cuna qabatayntii saarnayd. Shuruudahaas oo ay ka mid ahaayeen;

  • In Mukhtaar Roobow uu ka tanaasulo fikirki xagjirnimada, si cad oo aan qarsoodi lahayn u cambaareeyo fikirka xag-jirka ah, isla markaana taageero dowladda Federaalka Soomaliyeed.
  • In aanu ku talaabsan ficil wax u dhimaya nidaamka dowliga ah iyo minjo-xaabin ka dhan ah dowladda Federaalka Soomaliyeed iyo Dowlad Goboleedyadaba xubnaha ka ah.

Wasaaradda Amnigu iyadoo gudanaysa waajibaadeekda dastuuriga ah, waxay dadaal dheer u gashay sidii Roobow Loogu qancin lahaa in uu dib uga fiirsado talaabooyinka uu kaga hor imaanayo dhamaan shuruudihii lala galay ee ku salaysnaa xasiloonada, kala dambaynta iyo nidaamka dowladnimada.

Nasiib darro, wuxuu billaabay inuu soo geliyo hub iyo dagaalyahanno magaalada Baydhabo, wuxuuna abaabulayey ciidan uu ugu talo galay handadaad iyo khalkhalgelin ka dhan ah amniga guud ee dalka gaar ahaan magaalada baydhabo, taas oo muujinaysa in aanu Mukhtaar Rooboow marnaba ka tanaasulin fikirkiisii xag-jirnimada ahaa diyaarna u yayahay in uu mar kale dhibaateeyo shacabka Soomaliyeed.

Hadaba, iyadoo Wasaaradda Amnigu digniino hore uga soo saartay fal-dembiyeedyada Roobow faraha kula jiro, waxay maanta oo taariikhdu tahay 13 Decembar 2018ka soo xirtay muwaadin Mukhtaar Roobow.

Ku-simaha Ra’iisul Wasaaraha oo Kormeeray Garoonka Diyaarada Muqdisho

SNTV
-
0
Ku-simaha Ra’iisul Wasaaraha oo Kormeeray Garoonka Diyaarada Muqdisho

Muqdisho (SNTV):Ku-simaha Ra’iisul Wasaaraha, ahna ra’iisul wasaare ku-xigeenka dalka, mudane Mahadi Maxamed Guuleed (Khadar) ayaa maanta kormeeray shaqooyinka ka socda garoonka diyaaradaha Aadan Cabdulle Cusmaan ee magaalada Muqdisho.

Ku-simaha ra’iisul wasaaraha XFS oo ay wehliyaan wasiirka duulista hawada iyo guddoomiyaha gobalka Banaadir ayaa xog-waraystay howlwadeennada garoonka.

Mudane Mahadi Maxamed Guuleed (Khadar) ayaa ku ammaanay wasaaradda duulista hawada sida ay horumarinta ugu samaysay adeegyada bulshada safarka ah u fududeynaya socdaalkooda, waxa uuna kula dardaarmay in ay sii laba jibbaaraan.

Garoonka caalamiga ah ee Aadan Cabdulle Cusmaan oo shaqeeya habeen iyo maalin ayaa waxaa xilligaan ka muuqda horumar dhinac waliba ah, waxa uuna wasiir Oomaar ballan qaaday in ay joogtaynayaan horumarinta garoonka iyo guud ahaan arrimaha duulista guud ahaan dalka.

Madaxweyne Farmaajo oo Muqdisho ku soo dhaweeyey dhiggiisa dalka Ereteriya Mudane Isaias Afwerki

SNTV
-
0
Madaxweyne Farmaajo oo Muqdisho ku soo dhaweeyey dhiggiisa dalka Ereteriya Mudane Isaias Afwerki

Muqdisho(SNTV):-Madaxweynaha Jamhuuriyadda Federaalka Soomaaliya Mudane Maxamed Cabdullaahi Farmaajo ayaa ku soo dhaweeyey garoonka diyaaradaha Aadan Cadde ee magaalada Muqdisho, Madaxweynaha dalka Ereteriya Mudane Isaias Afwerki iyo wafdi uu hoggaaminayo oo maanta soo gaaray dalka.

Labada Madaxweyne ayaa salaan sharaf ka qaatay cutubyo ka tirsan Ciidanka Xoogga Dalka, iyadoo astaanta labada dal ay garaacayeen Ciidanka Baambayda Soomaaliyeed.

Sidoo kale, kumannaan shacab ah ayaa isugu soo baxay fagaarayaasha caasimadda si ay u soo dhaweeyaan Madaxweyne Isaias Afwerki iyo wafdigiisa, iyagoo ku dhawaaqayey hal-ku-dhigyo ay ku muujinayeen xiriirka ka dhaxeeya labada shacab.

Madaxweynaha dalka Ereteriya iyo wafdigiisa ayaa booqasho rasmi ah oo labo maalin ah ku joogi doona dalka, kaddib casuumaad rasmi ah oo uu u fidiyey Madaxweynaha Jamhuuriyadda Federaalka Soomaaliya.

Booqashadan ayaa salka ku haysa abuuridda hannaan iskaashi iyo mid diblumaasiyadeed oo ay yeeshaan Soomaaliya iyo Ereteriya, iyo dardargelinta qorsheyaasha wadajirka ah ee ku aaddan amniga, dhaqaalaha iyo maalgashiga.

Soodhaweynta Wafdiga Madaxweynaha dalka Ereteriya waxaa ka qeyb galay Raiisul Wasaare Kuxigeenka Xukuumadda Federaalka Soomaaliya Mudane Mahdi Maxamed Guuleed, Xubno ka tirsan Golaha Xukuumadda Federaalka Soomaaliya, Mudanayaal ka tirsan labada Aqal ee Baarlamaanka, Guddoomiyaha Gobolka Banaadir Mudane Cabdirixmaan Cumar Cusmaan (Eng.Yarisow) iyo Taliyeyaasha Ciidanka Xoogga Dalka.

Madaxweynaha JFS oo dhiggiisa Eretrea kusoo dhaweeyay Garoonka Diyaaradaha Muqdisho

SNTV
-
0
Madaxweynaha JFS oo dhiggiisa Eretrea kusoo dhaweeyay Garoonka Diyaaradaha Muqdisho

Muqdisho-(SNTV)- Madaxweynaha Dalka Eretrea, Issias Efowerki iyo wafdi uu hoggaaminayo ayaa goor dhow kasoo degay Garoonka Diyaaradaha ee Magaalada Muqdisho, isagoo halkaasi ay kusoo dhoweeyeen mas’uuliyiin ka tirsan Dowladda Federaalka Soomaaliya oo uu u horreeyo Madaxweynaha Jamhuuriyadda Soomaaliya mudane, Maxamed C/llaahi Farmaajo.

Madaxweyne, Efowerki, iyo wafdigiisa oo hadda salaam sharaf ka qaadanaya Cutubyo ka mid ah Ciidamada Booliska Soomaaliyeed qaybta Baambayda, ayaa lagu wadaa in loo soo gudbiyo Xarunta Madaxtooyada Qaranka, halkaas oo uu kulamo kula yeelan doono Madaxda ugu sarreysa Dalka.

Waa booqasho Taariikhi ah, taasoo ah middii ugu horreysay ee Madaxweyne ka socda Dalka Eretrea uu ku yimmaaddo Dalka Soomaaliya, waxanay tallaabbadani qayb ka tahay dedaallada is-dhex galka siyaasadeed iyo tan Bulsho ee waddamada Geeska Afrika.

Kusimaha R/wasaaraha ahna Ra’iisul wasaare ku xigeenka Dalka oo ka warbixiyay wax qabadka Xukuumadda

SNTV
-
0
Kusimaha R/wasaaraha ahna Ra’iisul wasaare ku xigeenka Dalka oo ka warbixiyay wax qabadka Xukuumadda

Muqdisho-(SNTV)-Ra’iisul wasaare ku xigeenka xukuumadda Federaalka Soomaaliya, ahna ku simaha Ra’iisul Wasaaraha Dalka, Mudane Mahdi Maxamed Guuleed (Khadar) ayaa ka hadlay wax qabadka xukuumadda intii Sanadahihii lasoo dhaafay.

Mudane, Khadar oo u warramayay Warbaahinta Qaranka ayaa sheegay inay howlaha xukuumaddu ay u qaybiyeen Afar waaxood oo waaweyn oo ah Tubaha ay ku shaqaynayaan Wasaaradaha .

Tubaha ay xukuumaddu jeexday ee ay Wasaaraduhu ku shaqaynayaan ayaa R/W ku xigeenku ka xusay, siyaasadda loo dhan yahayn, oo lagaga hadlaya dib u habaynta Dastuurka, nidaamka federaalka , in laga heshiiyo Kheyraadka, sida Kalluumeysiga iyo Batroolka, shuruucda xuquuqul Insaanka, doorashooyinka 2021-ka, diiwaan gelinta Jinsiyadda IWM.

Ra’iisul Wasaare ku xigeenka, ayaa ka hadlay heshiisyada laga gaaray Kheyraadka Dalka, wuxuuna sheegay in la daahfuray diiwaan gelinta Leysinka Tuunnaha, isagoo  tusaale usoo qaatay heshiiskii lala galay Shiinaha , wuxuuna xusay inay jiraan Waddamo kale oo danaynaya sida Talyaaniga,qaar ka mid ah Dalalka  reer Yurub iyo Waddamada kale ee Caalamka.

Mudane, Mahdi ,ayaa sheegay in horumar weyn laga gaaray dhinaca dhaqaalaha, isagoo ammaanay doorkii ay ka qaateen kobcinta dakhliga , Wasaaradaha Boostada iyo Is-gaarsiinta, Maaliyadda, Kalluumeysiga, Duulista Hawada, Dekedaha, Howlaha guud.

Ra’aysul Wasaare ku xigeenka, ayaa sheegay in arrimaha Bulshada laga gaaray horumar ballaaran, wuxuuna tusaale u soo qaatay mideynta Manaahijta ee wax-barashada Soomaaliya, dib u habaynta Caafimaadka, dib u diiwaan gelinta shaqaalaha Dowladda iyo adkaynta ammaanka Dalka.

Siyaasadda arrimaha dibedda ayuu sheegay in laga gaaray horumar wax ku ool ah, wuxuuna si gaar ah Farta ugu fiiqay R/wasaare ku xigeenku shirkii uu Madaxweynuhu kaga qayb galay Brussels iyo wada hadalladii is afgaradka ahaa ee uu lasoo galay Waddamada Geeska, si loo adkeeyo ammaanka Dalalka Gobolka, taas oo ay Soomaaliyana fursad ugu heleyso in ay dib usoo kabato.

Madaxweyne Farmaajo oo bogaadiyey Ansixinta Sharciga Dhismaha Hay’adda Dadka Naafada Ah.

SNTV
-
0

Muqdisho (SNTV)- Diseembar 12, 2018: Madaxweynaha Jamhuuriyadda Federaalka Soomaaliya Mudane Maxamed Cabdullaahi Farmaajo ayaa ku bogaadiyey xildhibaannada Golaha Aqalka Sare ansixinta Sharciga Dhismaha Hay’adda Dadka Naafada ah.

Madaxweyanaha ayaa tilmaamay in ansixinta sharcigan ay aasaas u tahay mideynta iyo dardargelinta dadaallada iyo qorsheyaasha lagu kaabayo nolasha dadkeenna naafada ah.

“Waxaan uga mahadcelinayaa xildhibaannadeenna sharafta leh ee Aqalka Sare ansixinta Hindise Sharciyeedka Dhismaha Hay’adda Dadka Naafada ah. Sharcigaan waxa uu saldhig u yahay xaqiijinta xuquuqda ay leeyihiin dadka naafada ah ee Soomaaliyeed”, ayuu yiri Madaxweyne Farmaajo.

Madaxweynaha ayaa faray Xukuumadda Federaalka Soomaaliya in ay kaalinteeda hoggaamineed ka qaadato hirgelinta Dhismaha Hay’adda Dadka Naafada ah iyo dardar gelinta qorsheyaasha ku qotoma xal u helista dhibaatooyinka ku xeeran nolasha dadka naafada ah.

Madaxweyne Maxamed Cabdullaahi Farmaajo ayaa todobaadkii hore ugu baaqay Golaha Aqalka Sare in ay dadejiyaan ansixinta Sharciga Dhismaha Hey’addan oo ay horey u soo gudbisay Xukuumaddu, ayna ansixiyeen Golaha Shacabka.

Madaxweyne Faraamjo ayaa tilmaamay in falalka arxan darrada ah ee argagixisada Alshabaab ay ku bartilmaamsadeen shacabka Soomaaliyeed ay kordhiyeen tirada dadka naafada ah, isagoona sheegay in shacabka iyo Dowladda Soomaaliyeed ay gacanna kula dagaalamayaan cadawgaas, gacanta kalena ay ku dhisayaan dalkooda.

1...1,1321,1331,134...1,718Page 1,133 of 1,718

© 2023 Telefishinka Qaranka Soomaaliyeed