Muqdisho (SNTV):-Ra’isulwasaare Xasan Cali Khayre oo Warbaahinta Qaranka kala hadlay Shacabka Soomaaliyeed kadib markii uusoo kormeeray isbitaallada iyo goobtii argigixisadu soo weerartay ayaa u mahad celiyey Ciidammada Qalabka Sida ee Soomaaliyeed ee bad baadiyey dadkii argigixisadu guryagooda ku qabsatay.

Mudane Xasan Cali Khayre waxa uu sidoo kale u mahad celiyey dhaqaatiirta iyo kalkaaliyeyaasha badbaadiyey dhaawacyada, sidoo kalena waxa uu u mahad celiyey dadka Soomaaliyeed ee dhiiga ugu deeqay walaalahood dhibaatadu soo gaartay.

Dhinaca kale Ra’isul wasaaraha waxa uu ka hadlay dadaallada dowladda ee dib u habeyta, tayeynta iyo qalabeynta Ciidammada Qalabka Sida ee Soomaaliyeed oo meel wanaagsan maraya si la mid ah hormarrada ay dowladdu ka gaartay dhinaca dhaqaallaha iyana hormar looga sameeyey, dadkuna ay arki doonaan natiijadaas dhowaan.

Muqdisho-(SNTV)-Dhimasho Dad rayid ah, dhaawac iyo burbur hantiyeed ayaa ka dhashay qaraxyo ay argagixisadu la beegsadeen bartilmaameedyo Rayid oo ku yaalla wadda Maka Almukarrama iyo Jidka 21 Oktoobar ee Magaalada Muqdisho.

Kooxda Argagixisada ah ayaa waxay galeen dhisme ay Dad Rayid ah deggan yihiin, halkaas oo ay dhufeys ka dhigteen, waxanay Ciidamadu ku howlan yihiin sidii ay ugu sifeyn lahaayeen Malleeshiyada.

Ciidamada ammaanka ayaa dilay Saddex ka mid ahaa Kooxdii weerarka soo qaadday, waxanay Ciidamadu wadaan soo badbaadinta Dadka halkaasi ku jira, waloow intooda badan laga soo saaray dhismaha.

Dowladda Soomaaliya ayaa dhowaan Shacabka Soomaaliyeed la wadaagi doonto macluumaad dheeri ah oo ku saabsan xogta weerarka oo dhab ah iyo qasaarahii ka dhashay.

Muqdisho-(SNTV)-Wasiirka wasaaradda arrimaha gudaha Federaalka iyo Dib u heshiisiinta Soomaaliya, Cabdi Maxamed Sabriye, ayaa sheegay in dhismaha Golayaasha degaanka ee Degmooyinka Dalka ay muhiim u yihiin Dowladnimada ayna ka wada shaqeynayaan hey’adda ay quseyso.

Mudane; Sabriye, oo soo xirayay shir Saddexdii Cisho ee lasoo dhaafay ugu soconayay Magaaladan Muqdisho wasaaradaha arrimaha Gudaha iyo dib u heshisiinta Dowlad Goboleedyada, Gobolka Banaadir iyo daneeyayaasha dhismaha Golayaasha degaannka ayaa lagu Lafa guray sidii howlahaasi loo dar-dar gelin lahaa, iyadoo la marayo heerarkooda kala duwan.

Shirkan oo ah kii 12aad ee noociisa ah ee ay qabato madasha Wadajir, ayaa sidoo kale waxaa goob-joog ka ahaa xubno ka socay hey’adda Qaxootiga  iyo barakacayaasha heer Qaran iyo heer Dowlad Goboleed iyo hey’addaha Socdaalka iyo Jinsiyadda Caalamka ee IOM.

Wasiirka arrimaha Gudaha Galmudug, Maxamuud Maxamed Samatar (Durraan), Wasiirka dib u heshiisiinta Hirshabeele, Cabdikariim Cali  Nuur iyo Agaasimaha guud ee amniga iyo siyaasadda Gobolka Banaadir oo ku hadlay Afka ka qeyb galayaasha shirka ayaa tilmaamay inay dhaqan galinayaan qorshaha lagu dajiyay iyo qodobada la isku raacay ee war murtiyeedkii shirka.

Ugu dambeyn shirka ayaa laga soo saaray Toban qodob oo ay isku raaceen ka qeyb galayaasha, kuwaas oo nuxurkoodu ahaa dar-dar gelinta dhismaha Golayaasha degaanka, dhaqan gelinta hannaanka dhab u heshiisiinta Qaranka, sidii xal waara loogu heli lahaa dhibaatooyinka barakacayaasha iyo xasilinta Dalka.

Muqdisho (SNTV)-Banbax howleed ku saabsan Dib-u-Eeegista Dastuurka ayaa manta uga furmay Hay’adaha u xilsaaran Dib-ueegista Dastuurka – Wasaaradda Arrimaha Dastuurka, Guddiga Lasocdka Baarlamaanka iyo Guddiga madaxa bannaan ee dib-u-eegista iyo Hirgelinta Dastuurlka – magaalada Djibouti ee dalka Djibouti.

Banbax howleedka oo socon doona mudda 5 maalmood ah waxaa looga shaqayn doonaa sidii loo heli lahaa istiraatiijiyad midaysan oo ku saabsan wacyi galinta iyo latashiyada dadwaynaha oo ay isla meel dhigaan ha’adaha u xilsaaran dib-u- eegista dastuurka, sidoo kale waxaa inta uu socdo shirkan lagu diyaarin doonaa qorshaha midaysan ee wacyigalinta iyo latashiga dadwaynaha ee dib-u-eegista dastuurka.

Furitaanka kulanka waxaa kalmado kookooban ka jeediyay wasiirka Wasaaradda Dastuurka mudane C/raxmaan xoosh Jibriil, Gudoomiyaha Guddiga La socodka Baarlamaanka, Mudane Cabdi xasan Cawaale Qaybdiid iyo Gudoomiyaha Guddiga Madaxa bannaan ee Dib-u-Eegista iyo Hirgelinta Dastuurka, Mudane Maxamed Daahir Afrax, sidoo kale waxaa casharro ku saabsan samaynta istaraatiijiyadda ka soo jeediyay quburro ka socda hayadha maxa plan iyo UNDP.

Wasiirka Wasaaradda Arriimaha Dastuurka Abuukaate C/raxmaan Xoosh Jibriil oo Kulanka si rasmi ah u furay ayaa sheegay in ay muhiim tahay in si wadajir ah loo wajaho latashiyada iyo wacyigalinta dadwaynaha ee dib-u-reegista dastuurka.

“la tashiga dadwaynaha waa muhiimadda koowaad ee hay’adaha u xilsaran dib-u-eegista dastuurka si loo helo aragti midaysan oo ku aadan dib-u-eegista dastuurka, sidoo kale waxaa muhiim ah in guddiyada iyo wasaaradda ay ka shaqeeyaan sidii loo heli lahaa xasilooni siyaasadeed si loo dhamaystiro dastuurka” ayuu yiri wasiir Xoosh.

Gabagabadii Gudoomiyayaasha labada guddi ee kala ah Cabdi Xasan Cawaale Qaybdiid – Guddiga La Socodka iyo Prof. Mohamed Dahir Afrax – Guddiga Madaxa Bannaan ee Dastuurka ayaa labaduba soo dhoweeyay in si wada jir ah looga shaqeeyo diyaarinta istaraatiijiyadda midaysan ee Wacyigalinta iyo Latashiyada dadwaynaha ee dib-u-eegista dastuurka.

Muqdisho; Khamiis, Feberaayo 28, 2019 –Golaha wasiirrada xukuumadda federaalka Soomaaliya ayaa kulankoodii maanta ku ansixiyay siyaasadda diiwaan gelinta aqoonsiga dad-weynaha Soomaaliyeed oo ay diyaarisay wasaaradda arrimaha gudaha, federaalka iyo dib-u-heshiisiinta.

Kulanka oo uu guddoominayay Ra’iisul Wasaare Xasan Cali Khaye ayaa wasiirradu dood dheer kadib waxa ay ku meel mariyeen Siyaasadda diiwan gelinta aqoonsiga dad-weynaha oo hagaysa nakhshadaynta, sharciyaynta, hir-gelinta iyo maamulka diiwaan gelinta iyo aqoonsiga dadwaynaha iyada oo laga faa’iidaysanayo teknoolajiyadda casriga ah.

Ujeedada diiwaan gelinta aqooniga dad-weynaha ayaa ah in la sameeyo xog-dhigis aqoonsi heer qaran taas oo lagu kaydiyo xogta aasaasiga ah ee dad-weynaha si loo hayo dhammaan xogta mawaadiniinta Soomaaliyeed.

Shirka golaha wasiirrada ayaa sidoo kale lagu meel mariyay hindise sharciyeedka dawada iyo hay’adda nidaam u samaynta dawada, siyaasadda qaran ee kobcinta awoodaha dawladaha hoose, heshiiska wada-shaqaynta maaliyadeed ee Soomaaliya iyo Turkiga, Samaynta hay’adda maal-gelinta ganacsiga yaryar iyo kuwa dhexe, heshiiska hidda dhaqameedka aan muuqan iyo heshiiska ilaalinta hiddaha dhaqanka iyo midka dabiiciga ah.